ရိုးတောင်ဖျားက မဟာနွယ် (သို့မဟုတ်) ကိုဝင်းကိုခိုင်နှင့် တွီ့ဆုံမီးမြန်းခန်း

(ရွှေစိုင်းဒြား) ရခိုင်တေးခြင်းစီးရီးတိအကြောင်းကို ပြောဖို့ဆိုကေ “လှိုင်းလုံးချေ”စီးရီးကို ချန်လှပ်ထားလို့ မရပါ။ ကိုသန်းမောင်၊ ကိုညီအေး၊ မလတ်နန့် အဖွဲ့သူအဖွဲ့သားများ သီဆိုထားရေ “လှိုင်းလုံးချေ” စီးရီးကစပြီးကေ ရခိုင်တေးခြင်းစီးရီးတိကို ရခိုင်လူငယ်ချေတိ နားထောင် အားပီးလာကတ်စွာ ဖြစ်ပါရေ။ ယင်းနောက်ပိုင်း မြတ်ခိုင်ကျော်၏ “သူ့အကြောင်း”စီးရီးမှာ ပရိသတ်အားပီးမှုပိုများလာပါရေ။ အဂုပိုင် ရခိုင်လူငယ်တိ ရခိုင်တေးခြင်းကို နားထောင်ခံစား လက်ခံလာစွာနန့်အမျှ ရခိုင်အဆိုတော်တိလည်း တစ်ယောက်ပြီးကေ တစ်ယောက်ပေါ်ထွန်း လာပါရေ။ ယင်းအထဲမှာ ဝင်းကိုခိုင်၊ ခိုင်ကျော်လင်း၊ သိန်းထိုက်ဇော်၊ ခိုင်မိုး၊ ခိုင်ဇော်၊ ခိုင်မြတ်မင်း၊ စံဖော်သိန်း၊ ဦးမောင်သိန်း၊ ယုယုလှိုင်၊ ညှာစိမ်းခိုင်ရို့ရေ လက်ဟိ ထင်ရှားနီရေ အဆိုတော်တိဖြစ်ပါရေ။ ကိုယ်ပိုင်ဟန်၊ ကိုယ်ပိုင်စတိုင်နန့်၊ သီဆိုရေ အဆိုသျှင်တိ ဟိရေပိုင် အချို့လည်း အောင်မြင်ပြီးသား အဆိုသျှင်တိပုံစံကို တုပြီးကေဆိုရေ အဆိုသျှင်တိလည်းဟိ ပါရေ။ ယင်းနီရာမှာ ဝင်းကိုခိုင်ကတော့ ကိုယ်ပိုင်ဟန်နန့် သီဆိုရပ်တည်လာရေ အဆိုသျှင် တယောက်ပါ။ “အမြင့်ကိုရောက်အောင်ပျံရေ ငှက်ပိုင်….. ကောင်းကင်ထဲမှာ တူတူပျံသန်းရေ. ရက္ခတိုင်းက အားကောင်းမောင်းသန်အဝေ….သူငယ်ချင်းရို့လေ” ဆိုရေ တေးခြင်းစာသားနန့် ရခိုင်လူငယ် ပရိသတ်ဘက်ကို မိတ်ဆက်ဝင်ရောက်လာစွာဖြစ်ပါရေ။ အဂုအချိန်မှာ ဝင်းကိုခိုင် ရေ ရခိုင်အဆိုသျှင်တိထဲမှာ ထိပ်ဆုံးအဆင့်ကို ရောက်နီရေလို့ဆိုကေ မှားဖို့မထင်ပါ။ ယေဂေလည်း ဒေအဆင့်ကို အလွယ်တကူရောက်ယှိလာစွာတော့ မဟုတ်ပါ။ သူ၏ မဆုတ်မနစ် ကြိုးစားအားထုတ်မှုကြောင့်ပင် ဖြစ်ပါရေ။

တေးရွီ၊ တေးဆို- ဝင်းကိုခိုင်နန့် မြောက်ဦးမဂ္ဂဇင်းအမှတ်(၃) စာမျက်နှာအတွက် သူ၏အနုပညာနန့် ပတ်သက်တေအမြင်တိနန့်၊ အောင်မြင်မှုတိအပေါ် သဘောထားကို တွိဆုံ မီးမြန်းခွင့်ရဟိခပါရေ။ အနုပညာသမားတစ်ယောက် ကြိုးစားပန်းစား တည်ဆောက်ထားရေ ဘဝပန်းချီကားတချပ်ကို စားခံးကြည့်ကတ်စီချင့်လို့ စာချစ်သူတိအတွက် ဖေါ်ပြပီးလိုက်ပါရေ။

မိန်း။ ကိုဝင်းကိုခိုင်အနီနန့် အကို့ Biography ကို ပြောပြပီးပါ။

- ကျွန်တော့်နာမည်အရင်းက “ဝင်းကို”၊ မိဖနှစ်ပါးအမည်က ဦးသန်းရွှေနန့် ဒေါ်သောင်းခင်၊ မွီးသက္ကရာဇ်က (၂၆-၈-၇၀)၊ မွီးဇာတိက တောင်ကုတ်မြို့နယ်၊ ခရိုင်ရွာ။

မိန်း။ ပညာအရည်အချင်းနန့် အလုပ်အကိုင်အကြောင်းကို သိချင်ပါရေ။

- B.A (Hons) မြန်မာစာအဓိကပါ။ M.A (Part ii) နန့် အဆုံးသတ်ခပါရေ။ ကျောင်းမပြီးခပါ….။ အဓိက ဝါသနာပါရာ ဂီတလုပ်ငန်းမှာပင် ကျင်လည်းပြီးကေ တေးရွီး၊ တေးဆို၊ ကဗျာစပ်တေ။ အခြားဝါသနာတိကို ပြောရဖုိ့ဆိုပါကေ ဘိလိယက်ထိုးစွာနန့် အားကစား လုပ်စွာတိကို စိတ်ဝင်စားပါရေ။

မိန်း။ ဝင်းကိုခိုင်နာမည်နန့် ဂီတလောကကို ဘဇောင်ပိုင် ရောက်ဟိလာပြီးကေ ရခိုင်တေးခြင်းတိ ဇာအချိန်က စပြီးကေ ဆိုဖြစ်စွာပါလေ..။

- ပြောရဖို့ဆိုကေ အရှည်ကြီးပါရာ… ။ တဆေ့ချေ ချုံ့ပြီးကေ ပြောပြပါမေ..။ ၁၉၉၄ခု၊ ရန်ကုန် တက္ကသိုလ် ရခိုင်ကျောင်းသာများ အာစရိယပူဇော်ပွဲမှာ ကိုယ်တိုင်းရွီးစပ်ထားရေ “လက်ဆောင်လှနန့် အိမ်ပြန်ကတ်မယ်” တေးခြင်းကို စပြီးကေ ဆိုဖြစ်ခပါရေ။ State ကျောင်းသားဘဝက State Show တိမှာ တေးခြင်းတိ ဆိုဖြစ်ခပါယင့်။ ပထမဆုံး စီးရီးအနေနန့် ကိုလှမြင့် (ရခိုင်သားကြီးစာပီ) ကထုတ်တေ “သင်းကွဲကြယ်” စီးရီးနန့် ဂီတလောကကို စတင်ခြီချခွင့်ရခပါရေ။

မိန်း။ လက်ဟိထုတ်ပြီးသား စီးရီးခွေ စုစုပေါင်းက…။

- Solo ခွေ ၅ခွေ၊ အတွဲခွေ ၈ခွေပါ။

မိန်း။ အောင်မြင်မှု အတိုင်းအတာတခုရလာရေ စီးရီးက ဇာစီးရီးပါလဲ……။

- တတိယမြောက်အခွေဖြစ်တေ မြတ်ခိုင်ကျော်၊ ကျွန်တော်၊ ခိုင်ကျော်လင်း၊ သိန်းထိုက်ဇော်ရို့ စုပေါင်းပါဝင်သီဆိုထားရေ “ကမ္ဗည်းထုဆစ်ခြင်း” ကစပြီးကေ ပရိသတ်တိ အားပီးလက်ခံ လာရေလို့ ထင်ပါရေ။ နောက် သိန်းထိုက်ဇော်နန့် တွဲဗျာယ် ဆိုထားရေ “ တော်ဝင်သဇင်” ယေပြီးကေ စုပေါင်းတွဲဆိုထားရေ “နွီမှာတမ်း”ဆိုရေ သင်္ကြန်ခွေမှာ ပရိသတ်အားပီးမှု အချိန်န်ပိုမြင့်တက်လာရေလို့ ပြောရပါဖို့။

မိန်း။ ဆိုထားရေ တေးခြင်းတိထဲက ဇာတေးခြင်းကို အားအရဆုံးထင်ပါလေ။ - အားရရေလို့ပြောနိုင်စွာက “မဟာနွယ်”၊ အကြိုက်ဆုံးတေးခြင်းတိက “ရီခန်းငါး၊ တော်ဝင်သဇင်၊ လွမ်းရကိုယ့်အိမ်” ရို့ဖြစ်ပါရေ။

မိန်း။ ဇာအဆိုတော်တိအတွက် တေးခြင်းတိ ရွီးပီးဖူးပါလေ။

- အများကြီးရွီးဖူးပါရေ။ မှတ်မိသလောက် ချပြရကေ ခိုင်ထူး၊ ထူးအိမ်သင်၊ သက်ဇော်၊ သီရိကိုကို၊ CMP က မီမီဝင်းဖေအတွက် တစ်ပုဒ်၊ သူငယ်တန်း(၁)၊ စုံထောက်ကြီး သျှားလော့ဟုမ်း၊ ဗိုလ်ကျော်၊ အောင်အောင်(ပြင်ဦးလွင်)၊ မြတ်ခိုင်ကျော်၊ သိန်းထိုက်ဇော်၊ မိုးမိုးရှိန် ရို့အတွက် ရွီးပီးဖူးပါရေ။

မိန်း။ “တစ်မြေထဲမှာ” စီးရီးခွေမှာ မဟာနွယ်တေးခြင်းကို ဆိုဖြစ်ခစွာက။

- ၂၀၀၂ခုနှစ်မှာ Iron Cross တီးဝိုင်းနန့် ခွေတစ်ခွေ လုပ်ဖို့အတွက် သိန်းထိုက်ဇော်နန့် တိုင်းပင်ထားရေ။ သူက ကျွန်တော်ရွီးထားရေ “ မဟာနွယ်” တေးခြင်းကို ဆိုချင်ရေဆိုလို့ သူ့ကို ဦးစားပီးလိုက်တေ။ ယေကေလည်း သူ့မှာ ယင်းတေးခြင်းကို မဆိုဖြစ်ပါ။ ယင်းတိတ်ခွေ စွာအတီးအားလုံးသွင်းပြီးပါဗျာယ်။ အဆိုထပ်ဖို့ရာလိုပါဗျာယ်။ အဂုထက်ထိ ခွေမထွက်ဖြစ်သိ။ ယင်းပိုင်နန့် ၂၀၀၅-ခုနှစ်မှာ မောင်မောင်ထွေးက I.C က ခင်မောင်သန်းနန့် ကြို့ကုန်းအိမ်မှာ တွိ့ပြီးကေ၊ တိုင်းရင်းသားပေါင်းစုံ ပါဝင်ရေ ခွေတစ်ခွေထုတ်ဖို့အတွက် ဆွေးနွေးခကတ်တေ။ သူ့ရို့စိတ်ကူးကို အကောင်အထည် ဖေါ်ဖို့အတွက် တိုင်းရင်းသား အဆိုသျှင်တိကို စဉ်းစား ကြည့်ကတ်တေခါ ရခိုင်အတွက် ခင်မောင်သန့်က ကျွန်တော့်မှာဟိနီရေ “မဟာနွယ်” တေးခြင်းကို သူတီးဖူးရေအကြောင်းကို မောင်မောင်ထွေးကို ပြောပြရေ။ ယေခါ သူရို့ နှစ်ယောက်စွာ ကျွန်တော့်ကို ပြိုပါအောင် လိုက်ရှာကတ်တေ။ ကျွန်တော်နန့်တွိရေခါ ရခိုင်ရိုးရာဟန်နန့် ရခိုင်အကတိပါရေ ပုံစံမျိုးနန့် တေးခြင်းတပုဒ် ထည့်ချင်ရေလို့ပြောရေ။ ယေခါ ကျွန်တော်က “မဟာနွယ်” တေးခြင်းနန့် ရခိုင်ရိုးရာ အကပုံစံစွာ အံဝင်ဂွင်ကျဖြစ်ဖို့လို့ ပြောရေခါ နှစ်ယောက်စလုံး သဘောကျလားခကတ်တေ။ “မဟာနွယ်”ကိုဆိုဖို့ အဆိုသျှင်ကို စဉ်းစားကတ်တေခါ မောင်မောင်ထွေးက “ ခင်ဗျား မဆိုနိုင်ဘူးလား” လို့မိန်းပါရေ။ ကျွန်တော်က “ ဆိုနိုင်တာပေါ့” လို့ပြောလိုက်တေ။ ယင်းအတွက်နန့် “မဟာနွယ်”ကို ဆိုဖြစ်လားခစွာပါ။

မိန်း။ Traditional ဂီတနန့် အနောက်တိုင်းဂီတ ပေါင်းစပ်ဖို့အတွက် Arrangement အသူလုပ်ပါလေ။

- ခင်မောင်သန့် အဓိကဖြစ်တေ။ သူနန့် ဇာပိုင် လုပ်ရဖို့ဆိုစွာက ညှိကတ်ရပါရေ။ ရိုးရာပုံစံကို အပီအပြင်ဖန်တီးနိုင်အောင် ရခိုင်စည်တော်သံနန့် Drum ကိုပေါင်းစပ်ဖို့ နီရာတိမှာ ခင်မောင်သန့်က ရခိုင်ရိုးရာပုံစံကို မသိရေအတွက် ကိုကျော်သိန်းက ပါဝင်ကူညီပီးပါရေ။ ဇာ Beat က စပီးကေ။ ရခိုင်စည်ဝင်ဖို့နန့် Drum သုံးပုံတပုံနန့် ချိတ်ဆက်ဖို့ ပြောပြရေ။ Solo အပိုင်းမှာ ပလွီဝင်လိုက်တေခါ တေးခြင်းစွာ ပိုပြီးကေ ခန့်ညားလားခရေ။

မိန်း။ “မဟာနွယ်” တေးခြင်းမှာ ရိုးရာအနီနန့် ဇာဂီတတူရိယာတိကို သုံးထားပါလေ…။

- ရခိုင်စည်တော်၊ ပလွီ၊ ခွက်ခွင်း၊ ရခိုင်လှပျိုဖြူတိ ဆီမီးခွက်အကတိနန့် Music မှာ အနှစ်ချုပ်က “ ပင့်ကူ တေးသွား” ဖြစ်တေ။

မိန်း။ ယင်းတိတ်ခွေ အောင်မြင်ရေခါ ဇာပိုင်ခံစားရလေ…။

- (ရယ်လျက်) ကောင်းကောင်းဝမ်းသာမိပါရေ။

မိန်း။ ရခိုင်တေးခြင်းကို ရွီးစပ်တေလူတိ။ ထုတ်ဝေလူတိနန့် ပါဝင်သီဆိုဂတ်တေ အဆိုသျှင်တိကို ဇာပိုင်မြင်မိပါလေ။

- ကိုယ့်လူမျိုးအတွက် အုတ်တချပ်၊ သဲတပွင့်၊ တာဝန်ထမ်းဆောင်နီဂတ်တေလို့ မြင်မိပါရေ။

မိန်း။ ဂီတအပိုင်းမှာ ဇာပုံစံကို အကြိုက်ဆုံးပါလဲ။

- အကြိုက်ဆုံးက Classical ပါ။ Pop နန့် Rock ရို့ကိုလည်း နှစ်သက်ပါရေ။

မိန်း။ အေနိန့် အနုပညာအပေါ်မှာ ဇာပိုင်သဘောထားယှိ ပါလေ။

- ဂီတပိုင်းဆိုင်ရာ တိုးတက်မှု၊ ဆုတ်ယုတ်မှုဆိုစွာ လူမျိုးတစ်မျိုး ဖွံ့ဖြိုးတိုးတက်မှုနန့် ဆိုင်ပါရေ။ အေမှာက နိုင်ငံခြားတိမှာပိုင် အဆိုသင်တန်းကျောင်းမဟိ။ ကြပ်မတ်ပီးဖို့ ဆရာမဟိ။ စမ်းတဝါးဝါးနန့် လှုပ်ယှားနီကတ်ရစွာ သိရေအတိုင်းပါဗျာယ်။

မိန်း။ မြန်မာပြည်က အကြိုက်ဆုံးတီးဝိုင်းနန့် အနှစ်သက်ဆုံးဆိုတော်က….။

- Iron Cross တီးဝိုင်း၊ တေးဆိုတိက မကြိုက်ပါလို့ ပြောရဖို့လူနည်းပါရေ။ ယင်းအထဲက “အငဲ”ကို အနှစ်သက်ဆုံးပါ။

မိန်း။ နိုင်ငံခြား အဆိုတော်ထဲမှာက….။

- Jimrev, သူသီဆိုထားရေ Blue X-mas နန့် Jingle Bell တေးခြင်းတိကို စွဲလန်းမိပါရေ။ နောက် အီတလီ Classical အဆိုတော် Bochilli ကို နှစ်သက်ပါရေ။

မိန်း။ ရခိုင်တေးခြင်းရွီးရေ လူတိနန့် အမြင်က..။

- သူ့စွာနန့်သူ ကောင်းကတ်ပါရေ။ ရွီးရေလူတိထဲမှာ “ကိုထွန်းအောင်သာ” ကို ပိုကြိုက်ပါရေ။

မိန်း။ ရခိုင်အဆိုတော်တိထဲမှာ ဇာသူကို အနှစ်သက်ဆုံးလဲ…။

- ကိုဦးမောင်သိန်းကို နှစ်သက်ပါရေ။

မိန်း။ VCD ခွေ ခိုးကူနီကတ်တေ လူတိကို ဇာပိုင်မြင်မိပါလေ…။

- ပါးစပ်မှာတင်လို့ ပြောဖို့တောင်မကောင်းပါ။ အသားထဲက လောက်ထွက်တေ လူတိလို့မြင်ပါရေ။

မိန်း။ ဆက်လို့ထုတ်ဖို့ စီစဉ်ထားရေခွေတိက….။

- ကိုလှမြင့်(ရခိုင်သားကြီးစာပီ) နန့် “လွမ်းရကိုယ့်အိမ်” လက်ရွီးစင် ပြန်ဆိုတေးခွေ၊ (သိန်းထိုက်ဇော်) နန့် “မဟာနွယ်” တစ်ခွေ၊ ရခိုင်ထွီးနန့် တွဲဆိုထားရေ “အချစ်ဆုံးသဇင်မြေ (မြီ)” တစ်ခွေ ဖြစ်ပါရေ။

မိန်း။ တေးရွီးကောင်း တစ်ယောက်ဖြစ်ဖို့လိုအပ်ချက်တိက…။

- အဓိက ပါရမီဓာတ်ခံ၊ ဂီတနန့်ဆိုင်ရေ ပတ်ဝန်းကျင်နန့် ယင်းပတ်ဝန်းကျင်က အားပီးမှု ရဖို့လိုပါရေ။ ပြီးကေ Language Literature အပြင် Music ကိုပါ ကျွမ်းကျင်ဖို့လိုပါရေ။

မိန်း။ အဆိုတော်ကောင်း တစ်ယောက်ဖြစ်ဖို့ လိုအပ်ချက်တိက….။

- အဆိုနန့်ပတ်သက်လို့ ဆရာကောင်းသမားကောင်းနန့် အဆိုပညာပိုင်းဆိုင်ရာ လေ့လာဖို့လို အပ်ပါရေ။ ပါရမီပါရုံချေ လောက်နန့်မရပါ။ စနစ်တကျလုပ်မှ အဆိုတော်ကောင်း တစ်ယောက် ဖြစ်ဖို့စွာပါရာ။ ယင်းအတွက်နန့် သမ္ဘာ၊ ပညာ၊ အတွိ့အကြုံ၊ လေ့ကျင့်မှုတိပြည့်ဝမှ အဆိုတော် ကောင်း တစ်ယောက်ဖြစ်ပါဖို့။

မိန်း။ တေးခြင်းတိကို ဇာပိုင်အချိန်မှာစီ ရွီးပါလေ…။

- အသက် ၂၀နန့် ၃၀ ကြားမှာ လူသံတိတ်တေ ညဥ့်ခါဘက် မှောင်မှစီ ရွီးစပ်ဖြစ်ခပါရေ။ ၃၀ ကျော်လားရေခါ အလင်းမှာ ရွီးပါရေ။ လူလေ့လင်းလာလို့ ထင်ပါရေ။ (ရယ်လျက်)

မိန်း။ အဆိုတော်လုပ်ဖို့ အစီအစဉ်ဟိခစွာက….။

- အချေကပင် အဆိုတော်လုပ်ဖို့ အစီအစဉ်မဟိခပါ။ ဂီတပိုင်းမှာ Lead သမားအဖြစ်နန့် ၁၉၈၉၊ ၉၀၊ ၉၁ ဝန်းကျင်မှာ သံတွဲမှာ တီးဖြစ်ခပါရေ။ ဂီတသမားကောင်း တစ်ယောက်ဖြစ်အောင် လုပ်ဖို့ စိတ်းကူးခပါရေ။ ယေကေလည်း နည်းပညာခေတ်ကို ရောက်လာလို့ Effect တိ သုံးပြီးကေ တီးခတ်ရစွာတိ တွိလာရေခါ ကိုယ့်မှာ ဝယ်ဖို့ ပစ္စည်းတိက လိုလာပါဗျာယ်။ ကိုယ့်ဘက်က ဝယ်ဖို့ကလည်း အင်အားအတောင့်လို့ လက်လျော့လိုက်ပြီးကေ တေးခြင်း ရွီးစွာ လိုင်းဖက်ကို ပြောင်းခရပါရေ။ တေးခြင်းရွီးယင်းနန့် အဆိုတော်ဖြစ်ချင်ရေ စိတ်က လွှမ်းမိုးလာ ပါရေ။ ယင်းအချိန်မှာ ကိုစောနုက ၁၉၉၂ ခုနှစ် အဆိုသင်တန်းစဖွင့်ရေ။ ကျွန်တော်က ၁၉၉၃ မှာ သင်တန်းကို စတက်ဖြစ်ပါရေ။ အဆိုနန့်ပတ်သက်လို့ အခြေခံကောင်းတိ ရခပါရေ။ ၂၀၀၅ ခုနှစ်မှာ ဂီတ Mate မှာတက်ဖြစ်တေ။ ဂီတ Mate မှာ အမေရိကန်ဆရာမ Kid Young က စန္ဒယား ကောင်းကောင်းကျွမ်းပါရေ။ ယေဂေလည်း အကြောင်းအမျိုးမျိုးကြောင့် သင်ခန်းစာ ကုန်အောင် မသင်လိုက်ရပါ။ ယင်းပိုင်ခါ အမေရိကန်သံရုံးက Rent ဆိုကေ ပြဇာတ် တစ်ပုဒ် အတွက် သရုပ်ဆောင်(၁၅)ယောက် လိုလို့ လျှောက်လွှာခေါ်ပါရေ။ ကျွန်တော်လည်း ဝင်လျှောက် လိုက်တေ။ အဓိက အဆိုနန့် ပတ်သက်လို့ လေ့လာခွင်ရဖို့အတွက် လျှောက်စွာပါ လျှောက်တေလူ(၁၀၀) လောက်ဟိပါရေ။ ယင်းအထဲမှာ ကျွန်တော်က အသက်အကြီးဆုံးထင် ပါရေ။ အရွီးခံရလို့ ဆရာမ Kid နန့် တွိပြီးကေ ဆရာမက အသံနီ အသံထားတိကို သင်ပီးပါရေ။ အထောက်အပံ့အများကြီးရပါရေ။ လမ်းသစ်တစ်ခု ထွင်ဖို့အတွက် အမြင်တိ ကြည်လင် လာပါရေ။ နောက်တစ်ခုပြောချင်စွာက အဆိုတော်တိမှာ ကျန်းမာရေး ကောင်းဖို့လိုပါရေ။ နိုင်ငံခြားမှာ Music နန့် ပတ်သက်တေ ကျောင်းတိမှာ အားကစားကိုပါ ပုံမှန် လေ့ကျင့်ကတ်ရပါရေ။

မိန်း။ မဟာနွယ် တေးခြင်းမှာပါရေ ရခိုင်ဆီမီးခွက်အကနန့် ဝတ်စားဆင်ယင်မှုတိကို ဇာသူက ဦးစီးလို့ ဆောင်ရွက်ပီးခပါလေ..။

- မြန်မာ့အသံ ရခိုင်အစီအစဉ် အခန်းမှာ တာဝန်ထမ်းဆောင်နီရေ ဒေါ်ဥမ္မာသန်းက စီစဉ်ပီးပါရေ။ ကျွန်တော် ဝတ်ဆင်ခရေ အဝတ်အစားမှာ ဝေသာလီခေတ် မင်းညီမင်းသား အဝတ်အစား ပုံစံဖြစ်ပါရေ။

မိန်း။ စင်တင်တေးဂီတ အနေနန့် ဇာမြို့တိမှာ ဆိုဖူးပါလေ..။

- ရန်ကုန်၊ စစ်တွေ၊ ကမ်းထောင့်ကြီး၊ မြောက်ဦးနန့် MCC ခန်းမမှာ ဆိုဖူးပါရေ။

မိန်း။ ဘာသာရေးနန့် ပတ်သက်လို့ ခံယူချက်တိက…။

- ဗုဒ္ဓဘာသာကို အလေးအနက် ထားမိပါရေ။ တစ်နိတစ်ရက်မှာ ဘာသာရေးနန့် ပတ်သက်လို့ ထွန်းပေါက်အောင် ကြိုးစားဖို့ မှန်းထားပါရေ။ တစ်နည်းအားဖြင့် ဂီတကို ကျေနပ်လောက်ဗျာယ်ဆိုကေ ဓမ္မကိုချဉ်းကပ်ဖို့။ တရားစခန်း ရိပ်သာတိကို အဂုထိတော့ မဝင်ဖြစ်သိပါ။ မိမိအိမ်မှာ အားရေအချိန်တိုင်း တရားအားထုတ်ဖြစ်ပါရေ။

မိန်း။ အနာဂတ်ဂီတ ရီစီးကြောင်း ရှင်သန်ဖို့အတွက်က…။

- မျိုးဆက်ဟောင်းတိက မျိုးဆက်သစ်ချေတိကို Welcome မဟိ၊ နွီးထွီးမှုဟိ၊ အေပိုင်မဟိလို့ ဂီတရီးစီးကြောင်း ခန်းခြောက်လာစွာ။ ကျွန်တော်က မျိုးဆက်သစ်ချေတိကို လက်တွဲခေါ်ယူဖို့ ဆုံးဖြတ်ထားရေ လူပါ။ ယေဂေလည်း ယုံကြည်စိတ်ချဖို့တော့လိုပါရေ။ အခြားလူတိကလည်း အနာဂတ်ဂီတရီစီးကြောင်း မခန်းခြောက်အောင် လက်တွဲပြီးကေ ခေါ်ဆောင်လားကတ်ရပါဖို့။

မိန်း။ နားထောင်အားပီးရေ ပရိသတ်တိကို ပြောချင်စွာ…။

- ပရိသတ်က အဓိကပါ။ ပရိသတ်မဟိကေ ရပ်တည်လို့ မရ။ တေးခြင်းကို ရရေပိုင်ရွီး။ ရရေပိုင် ဆိုကေ။ ပရိသတ်ကို ခြီနန့်ကျောက်စွာနန့်တူတူပါဗျာယ်။ တေးရွီးတေးဆို သမားတိ ကလည်း ပရိသတ်ကို အလေးအနက် တန်းဖိုးထားရပါဖို့။ ပရိသတ်တိဘက်ကလည်း ပိုလို့ အားပီးလာဖို့၊ ပိုလို့ နားထောင်လာဖို့၊ ရိုးရာဂီတကိုလည်း နားလည် အားပီးကတ်ဖို့ဆိုကေ ဂီတ အနုပညာစွာ အချိန်အဟုန် မြင့်တက်လာဖို့စွာပါရာ။

မိန်း။ အနာဂတ် ရည်မှန်းချက်တိက…။

- လောလောဆယ် စစ်တွေမှာ Gold Net Music Production ဆိုင်ဖွင့်ထားပါရေ။ နောက်လုပ်စရာတိက အများကြီးပါရာ။

မိန်း။ လက်ရှိ ဆက်သွယ်ဖို့လိပ်စာက…။

- ၁၇/၇၊ သုခမိန်လမ်း၊ စမ်းချောင်း၊ ရန်ကုန်။ ဖုံး- ၅၁၂၂၉၄

မှတ်ချက်။ ။ ( နိရဉ္စရာ စာဖတ် ပရိသတ်တိအတွက် အကျိုးရှိဖို့ ထင်လို့ ကိုဝင်းကိုခိုင် အင်တာဗျူးကို ၂၀၀၈-ခုနှစ် ဧပြီလမှာ ထုတ်ဝီခသော မြောက်ဦး မဂ္ဂဇင်း အမှတ်(၃) မှ ကူးယူဖေါ်ပြထားစွာ ဖြစ်ပါရေ။ အားလုံးကို ကျေးဇူးတင်ပါရေ၊)

http://www.narinjara.com/Interview_Win_Ko_Khaing.asp

(မှတ်ချက်။ ။ မူရင်းစာမူမှာ “ရှိ/ယှိ” လို့သုံးထားစေိာတိကို “ ဟိ“ လို့ပြောင်းထားလိုက်ပါသည်။)