ပထမဆုရ ရခိုင်အလှမယ် မဖြူချေနန့် ၃ မိနစ်တာ

2/16/2010

ဖေဖေါ်ဝါရီလ ၁၂ ရက်နိန့်က ဘင်္ဂလာဒေခ်ျ့ နိုင်ငံ ကော့ဘဇားမြို့ခေါ် ဖလောင်းချိတ်မြို့မှာ ကျင်းပပြုလုပ်ခရေ တိုင်းရင်းသား ပေါင်းစုံ အလှမယ် ပြိုင်ပွဲမှာ ဖလောင်းချိတ်မြို့ ကျောင်းနားရပ်သူ မဖြူမချေ (မလှသန်း)က ပထမဆု ရဟိခပါရေ။ မဖြူချေကို နိရဉ္စရာက တွိ့ဆုံမိန်းမြန်းခွင့် ရရှိခပါရေ။

မိန်း။ ။ အဂုပြိုင်ပွဲမှာ ပထဆုရရေ အတွက် စိတ်ထဲမှာ ဇာပိုင်ခံစားရပါလဲ။

ဖြေ။ ။ အဂုပိုင် ပထမဆုကို ရဟိခရေအတွက် အလွန်ပျော်ပါရေ။ တဖက်မှာလည်း ၀မ်းနည်းမိပါရ။ ဇာဖြစ်လို့လည်း ဆိုကေ အကျွန်၏ အောင်မြင်မှုတိကို အဘာနန့် အမင်ရို့ မြင်လားခွင့် မရလားရေ အတွက် ဖြစ်ပါရေ။ အမိနန့်အဖ ဟိခကေ ကောင်းကောင်းကတ်ဖို့ပါ။ ဆုရရေအတွက် ပျော်မိကေလေ့ တဖက်လည်း အဂုပိုင် အခြေအနီတိကြောင့် ၀မ်းနည်းမိရစွာပါ။

မိန်း။ ။ ပြိုင်ပွဲဝင်ရေ အမျိုးသမီးတိ ကောင်းကောင်းများလား။

ဖြေ။ ။ ဘင်္ဂလာဒေခ်ျ့မှာ မှီတင်းနီထိုင်ရေ လူမျိုး ၁၈ မျိုးထဲက အမျိုးသမီးငယ် ၁၈ ဦး ၀င်ရောက် ယှဉ်ပြိုင်ခကတ်ပါရေ။ ၀င်ပြိုင်ရေ အမျိုးသမီးတိလည်း လူတိုင်း လိုလို ချောကတ်ပါရေ။

မိန်း။ ။ ဒေပြိုင်ပွဲကို ပါဝင်ဆင်နွဲဖို့ ဇာပိုင် ပျင်ဆင်မှုတိ လုပ်ခပါရေလဲ။
ဖြေ။ ။ အကျွန်အနီနန့် ဒေအလှမယ် ပြိုင်ပွဲမှာ ပါဝင် ယှဉ်ပြိုင်ဖို့ တခုလည်းပျင်ဆင်မှု မဟိခပါ။ ပြီးကေ အကျွန်ရို့ လူမျိုးတိ အနီနန့် ဂုပိုင် ပွဲတိမှာ ယှဉ်ပြိုင်ရေ အစဉ်အလာလည်း မဟိပါ။ ယင်းကြောင့် ပထမတော့ခါ ရခိုင် အကအဖွဲ့မှာ ၀င်ကဖို့ လောက်ရာ အစီ အစဉ်ဟိခပါရေ။ ယကေလေ့ အပေါင်း အသင်းတိ မိသားစုတိက ၀င်ပြိုင်ဖို့ တိုက်တွန်းရေအတွက် ပြိုင်ဖို့နိန့်မှာပင် ဓါတ်ပုံရိုက်ပနာ  ပြိုင်ပွဲဝင်ဖို့ စာရင်းသွင်း လိုက်စွာပါ။

မိန်း။ ။အဂုပိုင် တိုင်းရင်းသား ပေါင်းစုံ ပြိုင်ပွဲမှာ ပထမဆုရဟိခရေအတွက်  ဘင်္ဂလာဒေ့ခ်ျ နိုင်ငံမှာ ပြုလုပ်နီရေ လှယဉ်ကျေးမယ်နန့် မော်ဒန်ပြိုင်ပွဲတိမှာ ပါဝင် ယှဉ်ပြိုင်ဖို့ ဆန္ဒဟိပါလား။

ဖြေ။ ။ ဟုတ်ပါရေ။ ပြိုင်ဖို့ဆန္ဒတောခါဟိပါရေ။ ယကေလေ့ ဇာပိုင် ဖြစ်လာဖို့လဲ ဆိုစွာကိုတော့ခါ တိတိကျကျ မပြောနိုင်သိမ့်ပါ။

မိန်း။ ။ ပြိုင်ပွဲမှာ ဇာပိုင် မိန်းခွန်းတိကို မိန်းပါလဲ။ ဇာမိန်းခွန်းက ဖြေဖို့ ခက်ခဲပါရေလဲ။

ဖြေ။ ။ အကျွန်အနီနန့် ယင်းလောက်ခက်ခဲစွာတော့ခါ မတွိ့ခရပါ။ သူရို့မိန်းစွာက အမည် ပညာအရည် အချင်း နောက်ပြီးကေ ဇာလုပ်ချင်လဲ။ တခြားလူတိကို ဇာပိုင်ကူညီချင်လဲ ဆိုစွာတိကို မိန်းပါရေ။ အကျွန်ကလည်း အလုပ်လုပ်ယင်းနန့် ဆင်းရဲသားတိကို ကူညီချင်ရေ။ အကျွန်ကိုယ်တိုင် ကလည်း ဆင်းဆင်းရဲရဲနန့် ပညာ သင်နီရစွာဖြစ်လို့ ဆင်းရဲရေ အချေတိကို ပညာသင်ဖို့ အကူအညီ ပီးချင်ရေ အကြောင်းတိကို ပြောပြခပါရေ။

မိန်း။ ။ ပြိုင်ပွဲမှာ ဇာပိုင် အနီအထား ပုံစံမျိုးတိ ပြိုင်ခရပါရေလဲ။

ဖြေ။ ။ အကျွန်ရို့ တယောက်ချင်းစီ လမ်းလျှောက် ရပါရေ။ နောက်ပြီးကေ ပရိသတ်ရှိမှာ ရပ်ဖို့ (၇) စက္ကန့်လောက် အချိန်ပီးပါရေ။ ယင်းအထဲက ပရိသတ်တိကို ဇာပိုင် ဆွဲဆောင်နိုင်ရေလဲ စစွာတိကို လုပ်ခိုင်းပါရေ။ လှည့်ရေအခါ ခြီအနီအထားတိကို ကြည့်ပါရေ။ ခန္ဓာကိုယ်၊ အရပ်အမောင်း၊ စကားပြောစွာက အစ အားလုံးကို အမှတ်ပီးပါရေ။

မိန်း။ ။ ပထမဆုအဖြစ် ဇာတိရခပါရေလဲ။

ဖြေ။ ။ တာကာငွေ ၂၅၀၀၀ ( မြန်မာကျပ်ငွေနန့် ဆိုကေ ၄ သိန်း) နန့် သရဖူ ဆုတခု၊ နောက်ြပီးကေ  လက်မှတ် တခုနန့် စလွယ်တခုလည်း ရပါရေ။

မိန်း။ ။ အခုလက်ဟိ အလုပ်ကိုင်ကို ပြောပြပီးပါ။

ဖြေ။ ။ အခုလက်ဟိ အလုပ်က ရခိုင် အမျိုးသား ဖွံ့ဖြိုးရေး အဆောက်အအုံ (RDF)က ဖွင့်လှစ် ထားရေ U KAW SAN LA BUDDSHBIBAR ကျောင်းမှာ ၃ နှစ်ကနီ ၆ နှစ် အထိ အချေတိကို ဘင်္ဂလီစာနန့် အင်္ဂလိပ်စာ သင်ပြ ပီးနိန်ပါရေ။

မိန်း။ ။ ပညာအရည်အချင်း သိပါရစီ။

ဖြေ။ ။ ဖလောင်းချိတ်ကောလိပ် BBS တတိယနှစ် ကျောင်းသူပါ။ အသက် ၂၄ နှစ်။

(ကိုမောင်အေးက မေးမြန်းသည်။) 


(နိရဉ္ဇရာ ကူးလို့ ရခိုင်ပိုင် တတ်နိုင်သမျှပြန်ထားပါသည်)