တရားခံဘယ်သူလဲ

ကာလကတ္တားမြို့ ပရက်ဆီဒင်စီ ထောင်ထဲတွင် ချုပ်နှောင်ခံထားရသူ မြန်မာသူပုန် ၃၄ ဦးမှာ ဥပဒေကြောင်းထက် နိုင်ငံရေးစေ့ဆော်မှုများကြောင့် ယခုလိုထိန်းသိမ်းခံရခြင်းဖြစ်ကြောင်း အိန္ဒိယ၏ ထိပ်တန်း လူ့အခွင့်အရေးရှေ့နေ မစ္စ နန်ဒီတာဟက်ဆာက ပြောသည်။
သူတို့သည် ယခုအခါ အိန္ဒိယအကျဉ်းထောင်ထဲတွင် ၁၁ နှစ်ကြာ နေခဲ့ရပြီးဖြစ်သည်။

"ဒီအမှုရဲ့ နိုင်ငံရေးအကြောင်းအချက်တွေကို ကျမ ရှာဖွေဖို့ ကြိုးစားခဲ့ပြီးပါပြီ။ သူတို့ကို ဥပဒေအကြောင်းအချက်တွေအရ ချုပ်နှောင်ထားတယ်လို့ ကျမ မထင်ဘူး။ နိုင်ငံရေးအကြောင်းကြောင့် ချုပ်နှောင်ထားတာသာ ဖြစ်ပါတယ်" ဟု မစ္စ နန်ဒီတာ Nandita Haksar က ပြောသည်။

မစ္စဟက်ဆာ၏ မှတ်ချက်သည် သူ၏ " သူလျိုငလိမ်" ဟူသော စာအုပ်တွင် ဖော်ပြပါရှိခြင်းဖြစ်သည်။

ဤစာအုပ်တွင် မြန်မာသူပုန် ၃၄ ဦး၏ အမှုကို အသေးစိတ် ဖော်ပြထားပြီး၊ သူတို့ကို ဖမ်းဆီးခြင်းနောက်ကွယ်မှ နိုင်ငံရေးအကြောင်းများနှင့် သူပုန်များအပေါ် အိန္ဒိယနိုင်ငံ၏ သစ္စာဖောက်မှုများကို စွပ်စွဲရေးသားထားသည်။

ပြည်ပရောက် မြန်မာလွှတ်တော်ကိုယ်စားလှယ်တဦးဖြစ်သူ ဒေါက်တာတင့်ဆွေက သူမ၏ စာအုပ်ကို စတင်ဖွင့်လှစ်ပေးအပြီးတွင် မစ္စဟက်ဆာက အိန္ဒိယစစ်ထောက်လှမ်းရေး အရာရှိတဦးသည် ဤသို့ မြန်မာသူပုန်များအား သစ္စာဖောက်မှုတွင် အရေးပါသောနေရာမှ ပါဝင်ခဲ့ကြောင်းနှင့် ယင်းတို့ကို အန်ဒမန်နှင့် နီကိုဘာကျွန်းစုများရှိ လန်ဖောကျွန်းတွင် ၁၉၉၈ ခုနှစ် ဖေဖော်ဝါရီလ ၁၁ ရက်နေ့က ဖမ်းဆီးခဲ့ကြောင်း ပြောသည်။

"မြန်မာ့လွတ်မြောက်ရေး တိုက်ပွဲဝင် စစ်သည်တွေကို သစ္စာဖောက်ခဲ့သူဟာ အိန္ဒိယစစ်ထောက်လှမ်းရေး အရာရှိတဦးပါ" ဟု မစ္စဟက်ဆာက ဆက်လက်ပြောဆိုသွားခဲ့ပြီး၊ ဤသူပုန်များသည် ယနေ့တွင် မှန်မှန်ကန်ကန် တရားစီရင်မှုမရှိဘဲ ချုပ်နှောင်ခံနေရသည်မှာ ၁၁ နှစ်တင်းတင်း ပြည့်ခဲ့ပြီဟုလည်း ဆိုလိုက်သည်။

အိန္ဒိယပါလီမန်အနီး နယူးဒေလီမြို့၏ ဂျန်တားမန်တားပန်းခြံအနီးတွင် မြန်မာ့ဒီမိုကရေစီရေး တိုက်ပွဲဝင်သူ အနည်းဆုံး ၁ဝဝ ခန့်သည် စုဝေးကြပြီး၊ မြန်မာသူပုန်များကို တရားမျှတစွာ စစ်ဆေးစီရင်ရန်နှင့် ချက်ချင်းလွှတ်ပေးရန် ယနေ့ တောင်းဆိုဆန္ဒပြသည်။

ပင်လယ်မျှော့စစ်ဆင်ရေး

သူတို့ကို အန်ဒမန်နှင့် နီကိုဘာကျွန်းစုရှိ လန်ဖောကျွန်းကိုပေးမည်ဟု အယုံသွင်းကာ အိန္ဒိယစစ်ထောက်လှမ်းရေးက သစ္စာဖောက်ခဲ့သည်ဟု ရခိုင်နှင့် ကရင်လူမျိုးများဖြစ်သော အဆိုပါသူပုန်များက ပြောသည်။

သူပုန်များ၏အပြောအရ၊ ကျွန်းပေါ်သို့ရောက်လျှင် အိန္ဒိယစစ်ထောက်လှမ်းရေးက သစ္စာဖောက်ပြီး သူတို့၏အ"ိက ခေါင်းဆောင် ၆ ဦးကို ရက်ရက်စက်စက် သတ်ပစ်လိုက်ကာ ကျန်သူများကို ဖမ်းဆီးခဲ့သည်ဟု ဆိုသည်။

နောက်ပိုင်းတွင် အိန္ဒိယ ကာကွယ်ရေးဝန်ကြီးဌာနက ဒပင်လယ်မျှော့စစ်ဆင်ရေးဒ ဟု အမည်ဝှက်ပေးထားသော စစ်ဆင်ရေးအတွင်း လက်နက်မှောင်ခိုလုပ်ငန်း လုပ်ကိုင်နေသည့် သူပုန်များကို လက်နက်ခဲယမ်း အများအပြားနှင့်အတူ ဖမ်းဆီးရမိခဲ့သည်ဟု ကြေညာခဲ့သည်။

ထို့နောက် ဤသူပုန်များကို ပို့ဘလဲတွင် တရားရုံးမတင်ဘဲ ၈ နှစ်ကြာ ချုပ်နှောင်ထားခဲ့သည်။ နောက်ပိုင်းတွင် သူပုန်များ၏ လျှောက်ထားချက်အရ အိန္ဒိယတရားရုံးချုပ်က သူတို့ကို ကာလကတ္တားရုံးသို့ ပြောင်းရွှေ့၍ နေ့စဉ် စစ်ဆေးရန် ၂ဝဝ၆ ခုနှစ် အောက်တိုဘာလတွင် အမိန့်ချမှတ်ခဲ့သည်။

ထောက်လှမ်းရေး ငလိမ်

သူပုန် ၃၄ ဦး၏ အမှုကို မမောမပန်း လိုက်ပါဆောင်ရွက်ပေးခဲ့သော မစ္စဟက်ဆာက သူ၏ စာအုပ် "သူလျို ငလိမ်" တွင် ဒုဗိုလ်မှူးကြီး ဗွီအက်စ်ဂရေးဝါးလ် (Lt. Col. V.S. Grewal) က ဤသို့ မြန်မာသူပုန်များအား သစ္စာဖောက်ခဲ့သည့် အစီအမံတခုလုံး၌ အဓိကနေရာမှ ပါဝင်ခဲ့သည်ဟု ဖော်ထုတ်ရေးသားတင်ပြထားသည်။

သူမ၏ အဆိုအရ ဂရေးဝါးလ်သည် ရခိုင်ခုခံရေးအဖွဲ့ဝင်များ အ"ိကပါဝင်သည့် တပ်ဖွဲ့ဝင်များအား အန်ဒမန်နှင့် နီကိုဗာကျွန်းစုရှိ လန်ဖောကျွန်းတွင် အခြေချစခန်းတခု ချထားခွင့်ပြုမည်၊ အပြန်အလှန်အားဖြင့် ကိုကိုးကျွန်းရှိ တရုတ်ရေတပ် အခြေစိုက်စခန်းများအား စောင့်ကြည့်လေ့လာပေးရမည်ဟု ဆွေးနွေးညှိနှိုင်းခဲ့သည်ဟု ဆိုသည်။

သို့သော် မြန်မာစစ်အစိုးရနှင့်လည်း ရင်းနှီးခင်မင်သည့် ဆက်ဆံရေးရှိသူ ဂရေးဝါးလ်သည် အဆိုပါသူပုန်များ လန်ဖောကျွန်းသို့ ရောက်ရှိလာသောအခါ ခေါင်းဆောင် ၆ ဦးကို သွေးအေးအေးဖြင့် သတ်ဖြတ်လိုက်ပြီး ကျန်သူများကို ဖမ်းဆီးခဲ့သည်။

စာအုပ်တွင် ရေးသားဖော်ပြထားချက်အရ ချန်ဒီဂပ် (Chandigarh) တွင် နေထိုင်သူ ဒုဗိုလ်မှူးကြီး ဂရေးဝါးလ်ကို ရန်ကုန်မြို့တွင် တွေ့ရှိခဲ့ရပြီး၊ မြန်မာသူပုန်များကို ဤသို့ သစ္စာဖောက်ခဲ့သည့်အတွက် မြန်မာစစ်အစိုးရ၏ အခွင့်အရေးပေးမှုကို ရရှိခံစားခဲ့သည်ဟု ဆိုသည်။

"ဒီကိစ္စကို ဂရေးဝါးလ်တယောက်ထဲ လုပ်ခဲ့တာဆိုရင် ဘာ့လို့ အိန္ဒိယကြည်းတပ်က သူ့ကို အကာအကွယ် ပေးနေရတာလဲ။ ဒီ ထောက်လှမ်းရေး ငလိမ် တယောက်ထဲကိုပဲ အပြစ်ပုံချပြီး လွှဲပြောင်းပေးလိုက်တာက အခုလို ကြာရှည်ကြာများ အငြင်းပွားဖွယ်ကိစ္စကြီးတရပ် ဖြစ်နေရတာထက် ပိုမကောင်းပေဘူးလား" ဟု မစ္စဟက်ဆာက သူမ၏ စာအုပ်တွင် မေးခွန်းထုတ်ထားသည်။

အလားတူပင် မစ္စဟက်ဆာက သူမ၏ စာအုပ်၌ မြန်မာနိုင်ငံအပေါ် ထားရှိသော ရပ်တည်ချက်သဘောထားကို အိန္ဒိယအစိုးရက ပြောင်းလဲခဲ့ပုံ၊ ဒအမျိုးသားအကျိုးစီးပွားဒ ဟူသည့် အကြောင်းပြချက်ဖြင့် မြန်မာ့ဒီမိုကရေစီရေး လှုပ်ရှားမှုအား ထောက်ခံအားပေးနေခြင်းကို စွန့်လွှတ်ခဲ့ပုံတို့ကို ရေးသားဖော်ပြထားသည်။

သူပုန်များ

ယခုအခါ ကာလကတ္တားမြို့ တရားရုံးတွင် အမှုဆိုင်နေရသော မြန်မာသူပုန် ၃၄ ဦးသည် သူတို့ကို ထိန်းသိမ်းထားခြင်း ၁၁ နှစ်ပြည့်မြောက်သည့် ယနေ့တွင် ဆန့်ကျင်ကန့်ကွက်သည့်အနေနှင့် အစာငတ်ခံ ဆန္ဒပြလျက်ရှိသည်ဟု သိရသည်။

သူတို့၏ ရှေ့နေတဦးဖြစ်သော အတ်ရှေးကူးမားရှားမား (Akshay Kumar Sharma) ၏ အဆိုအရ အမှုမှာ အဆုံးသတ်သို့ ရောက်ခါနီးပြီဖြစ်ပြီး၊ တရားလိုဘက်မှ တရားရုံးက တောင်းဆိုသည့် အ"ိကသက်သေများကို ပြသရန် အကြိမ်ပေါင်းများစွာ ပျက်ကွက်ခဲ့သည်ဟု ဆိုသည်။

သို့သော် ဤသို့အမှု အဆုံးသတ်ခါ နီးလာသည်နှင့်အမျှ သူတို့အနေဖြင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ၏ ဒုက္ခသည်အဖြစ် အသိအမှတ်ပြုမှုကို ရရှိရန် လိုအပ်လိမ့်မည်ဖြစ်ပြီး၊ ဤသို့ မရပါက ဆက်လက်ထိန်းသိမ်းခံရခြင်းသော်၎င်း၊ အိန္ဒိယနိုင်ငံ၏ နိုင်ငံခြားသား အက်ဥပဒေအရ မြန်မာနိုင်ငံသို့ ပြန်ပို့ခြင်းသော်၎င်း ခံရနိုင်သည်ဟု တရားခံရှေ့နေက ပြောသည်။

သူတို့ကို လက်ခံရန် ချက်သမ္မတနိုင်ငံနှင့် အရှေ့တီမောနိုင်ငံတို့က မူအားဖြင့် သဘောတူညီထားပြီးဖြစ်သော်လည်း သူတို့နိုင်ငံများအနေဖြင့် (UNHCR) ၏ ထောက်ခံချက်ကိုမူ လိုအပ်လျက်ပင် ရှိသေးကြောင်း သိရသည်။

http://soneseayar.blogspot.com/2009/02/blog-post_4377.htm