လူမှုရေးအကျိုးဆောင် မိဘမဲ့ပရဟိတကျောင်းထူထောင်သူ ကိုသိန်းမောင်နှင့် တွိဆုံခန်း

မဟာမုနိအချေဂေဟာကျောင်းကိုစထောင်သူ ကိုသိန်းမောင်သည် ၁၉၈၈ ခု မြန်မာနိုင်ငံ သျှစ်လေးလုံးအရေးတော်ပုံတွင် စစ်တွေမြို့၌ တက်ကြွစွာပါဝင်လှုပ်လျှားခသဖြင့် စက်တဘာင်္ ၁၈ ရက်နိ အာဏာသိမ်းပြီးနောက် စစ်တပ်မှဖမ်းဆီးအရေးယူမည်ကိုစိုးရိမ်၍ ဘင်္ဂလာဒေ့ခ်ျနိုင်ငံသို့ ထွက်ပြီးလာသူတဦးဖြစ်သည်။ ဘင်္ဂလာသို့ရောက်ပြီး စစ်တကောင်းတောင်တန်း လမားမြို့နယ် ကျောက်တန်းကျောင်း၌ မိဘမဲ့ပရဟိတ အချေဂေဟာတခုကို ထူထောင်ပါသည်။ အဆိုပါဂေဟာကျောင်းမှာ ယခုအခါ အသင့်အတင့် အောင်မြင်နီပြီးဖြစ်သည်။ အဆိုပါကျောင်း၌နီပြီး ပညာသင်ခသူ ကျောင်းသားတချို့မှာ ယခုအခါ ဘင်္ဂလာဒေ့ခ်ျနိုင်ငံတက္ကသိုလ်ကောလိပ်များ၌တက်ရောက်ပြီး ပညာသင်ကြားနီပြီးဖြစ်ရာ သူ၏လုပ်ဆောင်ချက်နှင့်ကြိုးပမ်းအနစ်နာခံမှုများအား စာဖတ်ပရိတ်သတ်များသိနားလည်းနိုင်စီရန်ရည်ရွယ်ပြီး ယခုလတွင် ကိုသိန်းမောင်နှင့်တွိဆုံခန်းကို တင်ပြလိုက်ပါသည်။

မိန်း ။ ။ မဟာမုနိအချေဂေဟာကျောင်းကို ဇာခုနှစ်က စထောင်ပါရေလဲ။ ဇာဒေသမှာ တည်ထားစွာလဲ။
ဖြေ။ ။ လွန်ခရေ ၁၉၉၅ ခုနှစ်က စထောင်စွာပါ။ ဘင်္ဂလာဒေ့ခ်ျနိုင်ငံ စစ်တကောင်းတောင်တန်း ရွာတော်ခရိုင် လမားမြို့ ကျောက်တန်းဘုန်းကြီးကျောင်းဝင်းထဲမှာ ထောင်ထားစွာပါ။



မိန်း။ ။ ကျောင်းသားဦးရေ ဇာလောက်ဟိပါလဲ။ စထောင်ချိန်မှာ ကျောင်းသားအရေအတွက် ဇာလောက်ဟိပါလဲ၊
ဖြေ။ ။ ကျောင်းတည်ပြီး (၂) နှစ် ၁၉၉၇ ခုနှစ်မှာ ကျောင်သား ၁၆ ယောက်နန့် ကျောင်းသူ ၁၆ ယောက် စုစုပေါင်း ၃၂ ဦးဖြစ်ပါရေ။ ယင်းအချိန်မှာ ကျောင်းသားချေတိကိုစာပြဖို့အတွက် ကျောင်းဆရာ ၂ ယောက်နန့် ကျောင်းဆရာမ ၁ ယောက် အလုပ်ခန့်နိုင်ခပါရေ။ နောက် ၁၉၉၈ ခုနှစ်မှာ ကျောင်းသားကျောင်သူ ၁၀ ယောက်နန့် ကျောင်းဆရာမနောက်တယောက်ကို တိုးချဲ့နိုင်ခပါရေ။ ကျောင်းသားဦးရေ ၄၂ ယောက်ထိ တိုးလာပါရေ။ ၂၀၀၀ ခုနှစ်မှာ ကျောင်းသားအချေ ၆ ယောက်ကို ထပ်တိုးချဲ့လက်ခံလိုက်တေအတွက် မဟာမုနိ အချေဂေဟာမှာ ကျောင်းနီကျောင်းစား ကျောင်းသားစုစုပေါင်း ၄၈ ယေက်အထိ တိုးလာပါရေ။ ယင်းအချိန်မှာ မဟာမုနိအချေကျောင်းကတာဝန်ယူပြီး ဘင်္ဂလာဒေ့ခ်ျနိုင်ငံအစိုးရကျောင်းတိပါးမှာ ဖြန့်ကျောင်းထားပီးရေ ကျောင်းသားအရေအတွက် စုစုပေါင်း ၂၅ ယောက်ထိဟိပါရေ။ ယင်းကျောင်းသား ၂၅ ယောက်ကို လစဉ်ရိက္ခာ ၊ ကျောင်းလခဖိုး၊ စာအုပ်အပြင် တခြားလိုအပ်တေစရ်ိတ်တကိုလည်း ထောက်ပံ့ပီးပါရေ။ သူရိုအတွက် တယောက်ကို အတန်းလိုက် တာကာငွေ ၂၅၀၀ ကနီ ၃၀၀၀ အထိ ကူညီပီးပါရေ။ ကျွန်တော်ရို့ကျောင်းမှာ ၁ တန်းကနီ ၈ တန်းအထိ ပညာသင်ကြားနိုင်ပါရေ။ ၈ တန်းအောင်လားရေကျောင်းသားတိကို အပြင်အစိုးရကျောင်းတိမှာထားပြီးကေ အခုပိုင် ပညာသင်ထောက်ပံ့ကြေး ပီးထားပါရေ။

မိန်း ။ ။ ယင်းထောက်ပံ့ကြေးတိကို ဇာနိုင်ငံက အကူအညီပီးပါရေလဲ။
ဖြေ။ ။ အီတလီနိုင်ငံသား ဘုန်းတော်ကြီးတပါးက ကူညီပီးစွာပါ။ သူနာမည်က လူဂျီလူပီ Mr. Lujilupi - ၆၀ နှစ်ပါ။ ကျွန်တော်ရို့ခေါ်စွာက ဖာသာလူပီ Father Lupi လို့ခေါ်ပါရေ။ ကျောင်းအသုံးစရိတ် တလအတွက် တာကာငွေ (၁)သိန်း (မြန်မာငွေ သိန်း ၂၀ လောက်) ပုံမှန် ထောက်ပံ့ပီးပါရေ။

မိန်း။ ။ ယင်းပိုင်လုပ်ဆောင်နီရေလုပ်ငန်းတိထဲမှာ ဇာအခက်အခဲတိ ကြုံရပါရေလဲ။
ဖြေ။ ။အခက်အခဲ ခုချိန်ထိ ကောင်းကောင်းမဟိပါ။ ဖါသာက လိုအပ်တေအကူအညီပီးထားလို့ပါ။ Father Lupi ဟိနီသရိ အဆင်ပြေဖို့ယူဆပါရေ။ သူမဟိကေတော့ မပြောတတ်ပါ။

မိန်း ။ ။ အနာဂါတ်ရည်မှန်းချက်တိဟိကေ တချက်ပြောပြပီးပါ။
ဖြေ။ ။ နှစ်စဉ်နှစ်တိုင်း ကျောင်းသားဦးရေ တိုးချဲ့ချင်ပါရေ။ အနှစ်လည်း တိုးချဲ့ထားပါရေ။ နောက်နှစ်တိမှာလည်း အတတ်နိုင်ဆုံး တိုးချဲ့လားပါဖို့။ ရည်မှန်းချက်က ကျောင်းသားကျောင်းသူတိ ပညာအဆင့်တန်းတိုးတက်ပြီး သူရို့အနာဂါတ်ကောင်းမွန်လာဖို့အတွက်ဖြစ်ပါရေ။

မိန်း။ ။ ကျောင်းသားတိပညာရေး ထူးချွန်မှုအခြေအနေ ဇာပိုင်ဟိပါရေလဲ။
ဖြေ။ ။ မူလတန်းနန့်အလယ်တန်းကျောင်းသားတိက အနည်းဆုံး တနှစ်မှာ ၅ ယောက်က ၆ ယောက်အထိ အစိုးရကျောင်းက ပညာထူးချွန်ဆုတိ ရကတ်ပါရေ။ ပြီးကေ မြို့နယ်အဆင့် ခရိုင်အဆင့် ။ စစ်တကောင်းတောင်တန်းဒေသအဆင့်မှာ ပန်းချီနှင့် ခရာတေးပြိုင်ပွဲတိမှာ ပထမ၊ ဒုတိယ၊ တတိယအဆင့် ဆုတိ အမြဲတမ်း ရကတ်ပါရေ။ ထူးခြားစွာပြောရဖို့ဆိုကေ လွန်ခရေ ၂၀၀၆ ခု သြဂုတ်လမှာ သီရိလင်္ကာနိုင်ငံ ကိုလံဘိုမြို့မှာကျင့်ပရေ တောင်အာသျှနိုင်ငံများ (၁၀) ကြိမ်မြောက် ပြီးခုန်ပစ်ပြိုင်ပွဲမှာ ကျွန်တော်ရို့ကျောင်းက ကျောင်းသူတယောက်ဖြစ်တေ မဇော်ဦးဖြူ ခရာတေးပြိုင်ပွဲမှာ ဒုတိယ ငွေတံဆိပ်ဆုနှစ်ဆုကို ရခပါရေ။ ဒိပြင် ကျောင်းသားကျောင်းသူတိကို မိမိရို့ ရိုးရာယိုင်ကျေးမှူးအစိုင်အလာတိကို မိပျောက်မလားအောင် ထိမ်းသိမ်းစောင့်ယှောက်တတ်လာအောင် ရခိုင်ရိုးရာ အဆို၊ အက၊ အတီးများအပြင် သက်ဆိုင်ရာနိုင်ငံ၏အဆို အကများကိုလည်း စနစ်တကျသင်ကြားပီးလျှက်ဟိပါရေ။

မိန်း။ ။ မဟာမုနိအချေကျောင်းမှာ ဇာလူမျိုးအချေတိ တက်ရောက်ပညာသင်ကြားခွင့် ရကတ်ပါရေလဲ။
ဖြေ။ ။ ကျောင်းသားတိကတော့ လူမျိုးစုံပါ။ အဓိက ရခိုင်၊ သက်၊ မာရမာ၊ မြို၊ မြုံနန့် တခြားလူမျိုးကျောင်းသား အချေတိလည်း ပါပါရေ။

မိန်း။ ။ မဟာမုနိအချေဂေဟာကျောင်းကို တည်ဆောက်ရခြင်းရည်ရွယ်ချက်နန့်ပတ်သက်ပြီး တစိကေ ပြောပြပီးစီချင်ပါရေ။
ဖြေ။ ။ အဓိကရည်ရွယ်ချက်က့ ဆင်းရဲရေမိဘမဲ့အချေတိကို တခြားမိစုံဘစုံအချေတိပိုင် ပညာတတ်စီချင်လို့ပါ။ အေနိုင်ငံမှာ ဆင်းရဲရေ ဗုဒ္ဓဘာသာအချေတိအများကြီး လူသူမရောက် ၀ီးခေါင်ရေနီရာတိမှာ ပညာမသင်နိုင်ဘဲ အများကြီးပါ။ သူရို့ ကျောင်းမတက်နိုင်ကတ်ပါ။ သူရို့ကို အဓိကဦးစားပီဗျာ ပညာပီးစွာဖြစ်ပါရေ။ ဆင်းရဲရေ မိဘမဲ့အချေတိကို ဦးစားပီးပါရေ။ အချေတိအနာဂါတ်ပညာရေး တိုးတက်ကောင်းမွန်လို့ မိမိဘ၀ကိုမိမိ ထိန်းကျောင်းလို့ သူရို့အနာဂါတ်လှပနိုင်အောင် ရည်ရွယ်ပါရေ။

မိန်း။ ။ နောက်ဆုံး ဇာပြောစရာ ကျန်ပါသိမ့်ရေလဲ။
ဖြေ။ ။ ပြောစရာ ထွေထွေထူးထူး မဟိပါယာ။ ယေကေလဲ့ အေကျောင်းဖြစ်မြောက်အောင် ရုပ်ပိုင်းဆိုင်ရာ စိတ်ပိုင်းဆိုင်ရာ အဓိကအကူအညီပီးနီရေ ဖာသာလူပီကို ကကောင်းကျေးဇူးတင်ကြောင်းပြောချင်ပါရေ။ သူမဟိကေ ကျွန်တော် ဇာပိုင်စိတ်ဟိဟိ အကောင်ထည်မဖော်နိုင်ပါ။ ယင်းကြောင့် သူ့ကျေးဇူး ကကောင်းဟိပါရေ။ နောက်တခုက အေဘင်္ဂလားဒေ့ခ်ျအစိုးရနန့် သက်ဆိုင်ရာအစိုးရအရာဟိတိကို ကျေးဇူးတင်ကြောင်း ပြောချင်ပါရေ။ တောင်တန်းနယ်မှာဖွင့်ထားရေ ကျွန်တော်ရို့ကျောင်းကအချေတိအတွက် တတ်နိုင်ရေဖက်က ကူညီပီးကတ်တေအတွက် သူရို့ ကကောင်းကျေးဇူးဟိပါရေ။

Ref: Arakan Music