ရခိုင်အမျိုးသမီးများ အစည်းအရုံး (RWU) ဥက္ကဌ စောမြရာဇာလင်းမှ မြန်မာနိုင်ငံဆိုင်ရာ ကုလ လူ့အခွင့်အရေး ကိုယ်စားလှယ် မစ္စတာ ကိန်င်တေးနားဘားသို့ ညနိန့်ခါက စာတစောင် ရွီးသား ပီးပို့လိုက်သည်။ မစ္စတာ ကိန်တေးနားဘားသို့ စာပီးပို့ရခြင်း၏ ရည်ရွှယ်ချက်ကို ရခိုင်အမျိုးသမီးများ အစည်းအရုံးမှ ဥက္ကဌဖြစ်သူ ဒေါ်စောမြရာဇာလင်းက အဂုပိုင်ပြောပါသည်။
“ပထမဆုံးအနိန်န့်ပြောချင်စွာက ကုလ လူ့အခွင့်အရး ကိုယ်စားလှယ် တယောက်အနီနန့် မြန်မာနိုင်ငံ ခရီးစဉ်မှာ ရခိုင်ပြည်ကို လားရောက် လည်ပတ်ဖို့ အစီအစဉ် ဟိရေဆိုစွာကို သိရရေအတွက် ဝမ်းသာမိပါရေ။ ယကေလေ့ ရခိုင်ပြည်ကို လားရောက်ရေအချိန်မှာ လူမျိုးစုတခု၊ ဒေသတခုအတွက် အဓိက ပစ်မှတ်ထားပြီး လားစွာထက် ရခိုင်ပြည်တခုလုံးမှာ နီထိုင်ရေ လူမျိုးပေါင်းစုံ၏ အရေးကို ပစ်မှတ်ထားဖို့လရေလို့ မြင်မိရေ။ ယင်းကြောင့်ရခိုင်ပြည်နယ်မှာ နီထိုင်နီကတ်တေလူမျိုးတိ အားလုံး၏ အရေးကို အာရုံစူးစိုက် လုပ်ကိုင်စီလိုရေအတွက် သူ့ဘားကို အဂုပိုင် စာပီးပို့စွာ ဖြစ်ပါရေ။”
အဂုပိုင်စာပီးပို့ရေအတွက် ကုလ လူ့အခွင့်အရေး ကိုယ်စားများအနီဖြင့် ရခိုင်ပြည် နယ်ဟိ လူမျိုးပေါင်းစုံ ပြည်သူများ၏ လူ့အခွင့်အရေး ချိုးဖေါက်ခံနီရမှု အခြေအနီများကို ပိုမို အလီးထား လာနိုင်သည်ဟု သူမက ဆက်ပြောသည်။
“ဇာကိစ္စမဆို မပြောဘဲနီကေ တခုလည်းဖြစ်လာဖို့စွာ မဟုတ်ပါ။ သူရို့ မသိသိမ့်စွာကို သိအောင် ပြောရဖို့။ သိသင့်စွာတိကို သိအောင် တင်ပြရဖို့။ ယင်းပိုင်လုပ်ရေအတွက် ကုလ လူ့အခွင့် အရေး ကိုယ်စားလှယ်တိအနီနန့် ရခိုင်ပြည်မှာ လူ့အခွင့်အရေး ချိုးဖေါက် ခံနီရ စွာတို ပိုပြီးကေ သတိထားလာဖို့။ အယင်ထက်ပိုပြီး လူ့အခွင့်အရေးကိစ္စတိကို အလီးထား လာလီဖို့လို့လည်း မျှော်လင့်ပါရေ။”
ယေပြီးကေ သူမက“ ရခိုင်ပြည်မှာ မှီတင်းနီထိုင်ရေရခိုင်တိအပါအဝင် ခမီး၊ ဒိုင်းန၊ မြို၊ ချင်းလူမျိုးတိနန့် တခြားတခြားသော လူမျိုးတိအားလုံးစွာ လူ့အခွင့်အရေးတိ ချိုးဖေါက်ခံနီကတ်ရစွာ ဖြစ်ပါရေ။ နအဖ စစ်အာဏာပိုင်တိ လက်အောက်မှာ လူမျိုး တခု ဘာသာ တခုတည်းက ဖိနှိပ်ခံနီကတ်ရစွာ မဟုတ်ပါ။ ရခိုင်ပြည်သူ အများစု၏ လုပ်ကိုင် စားသောက် နီကတ်တေ လယ်မြီတိ အများကြီး အသိမ်းခံထားရရေ။ ပြီးကေ ရခိုင်ပြည်မှာ စက်ရုံ အလုပ်ရုံဆိုစွာလုံးဝ မဟိလို့ ရခိုင်ပြည်သူတိအတွက် တခုလည်း စားသောက် စရာမဟိဖြစ်လာရေ။ယင်းကြောင့် အမျိုးသားတိအနီနန့် နိုင်ငံခြားတိုင်းပြည်တိကိုလားပနာ အလုပ် လုပ်ကိုင်နီကတ်ရရေ။ တချို့ကျေးရွာတိမှာဆိုကေ လူသီလို့ အသုဘလိုက်ပို့ကေတောင်မှ မမတိဂျည်း လိုက်ပို့ရစွာတိဟိရေ။ ” ဟု ပြောသည်။
မစ္စတာ ကိန်တေးနားဘာသို့ သူမ ပီးပို့သော စာတွင် ရခိုင်ပြည်အတွင်း ချိုးဖေါက်ခံနီရသော လူ့အခွင့် အရေးများအနက် အရေးကြီးသော အကြောင်းအရာ ၆ခုကို ထည့်သွင်း ဖေါ်ပြထားသည်။
ယင်း (၆)ခုရို့မှာ
(၁) ရခိုင်ပြည်နယ် ရမ်းဗြဲ၊ ကျောက်ဖြူ၊ အမ်းစသော နီရာများတွင် ရခိုင်ပြည်သူများ၏ ဘိုးဘွားပိုင် လယ်မြီများမှာ ရနံနှင့် သဘာဝဓာတ်ငွိ့ပိုက်လိုင်း တည်ဆောက်ရေးအတွက် သိမ်းဆည်းခံနီရခြင်း၊
(၂) ရခိုင်အမျိုးသားများအနီဖြင့် အလုပ်ယှားပါးသောကြောင့် မိမိမြီကို စွန့်ခွာ နီကြရခြင်း၊
(၃) ရခိုင်ပြည်နယ်ဟိ မြို့နယ်၊ ကျေးရွာတိုင်းတွင် အချေ(ကလေး)စစ်သားများ ပိုမို စုဆောင်းခံနီရခြင်း၊
(၄) အတင်းအဓမ္မ အိမ်ထောင်ပြုခြင်းနှင့် မတရား မုဒိမ်း ကျင့်မှုများ ခံနီရခြင်း၊
(၅) မြောက်ဦးမြို့ဟိ သမိုင်းဝင် အမွီအနှစ်များနှင့် တခြားနီရာများဟိ ရှိဟောင်း ယဉ်ကျေးမှု အမွီအနှစ်များ ဖျက်ဆီး ခံနီရခြင်းနှင့် သိမ်းဆည်းခံနီရခြင်း၊
(၆) ဒီမိုကရေစီအရေး လှုပ်ယှားသူများကို ဖမ်းဆီး ပြီး နှစ်ရှည်ထောင်ဒဏ်များ ချမှတ်နီခြင်း
ရို့ဖြစ်သည်။
မြန်မာနိုင်ငံဆိုင်ရာ ကုလ လူ့အခွင့်အရေး အထူးကိုယ်စားလှယ် မစ္စတာ ကိန်တေးနားသည် ဖေဖေါ်ဝါရီ ၁၅ ရက် နိန့်မှ ၂၀ရက်န်ိန့်အထိ မြန်မာနိုင်ငံသို့ လာရောက် လည်ပတ်မည်ဖြစ်ပြီး အဆိုပါ ခရီးစဉ်အတွင်း ရခိုင်ပြည်နယ်သို့ လားရောက် လည်ပတ်မည် ဖြစ်သည်။
(မင်းဆက်ခိုင်မှ မေးမြန်းသည်။)
..................................
(နရဉ္ဖရာမှကူးယူလို့ ရခိုင်ပိုင်ပြန်ထားသည်။ )
Posts
0 comments:
Post a Comment