အထွီးချေအတွက်

မင်းကိုသတိရ၊ လွမ်းဆွေးစိတ်က
ငါ့ရင်ထဲမှာ ပြည့်ဝှန်နိန်လို့
ငါ့ရင်ထဲမှာ မွန်ကျပ်စွာနန့်
အိပ်မရညည့်တိဆိုစွာလည်း
မဆန်းပါဗျာယ်ဝေး…။

အစကပင်
မင်းနန့်ငါ မတွိ့ခဆိုကေ
ငါ့ဘဝမှာ
အချစ်ဆိုရေ ပန်းချေတိလည်း
ပွင့်လာဖို့မဟုတ်စွာပိုင်
အဂုပိုင်လွမ်းဆွေးခြင်းတိကိုလည်း
ငါ နားလည်ဖို့မဟုတ်ပါ…။

ငါ့ရို့နှစ်ယောက်ဘဝက
မတူညီရေမြိုင်ပြိုင်နှစ်ခုလို့ရာ
ပြောရဖို့လား…။

သို့မဟုတ်
ကိုယ့်နန့်မတန်ရေပန်းကိုရာ
ငါ့ကလှမ်းချင်နိန်လို့လား…။

ငါဘဝမှာက
ဂုဏ်ပကာသနဆိုစွာ
ဗလာနတ္တိဘဝနန့်
မင်းကိုချစ်နိန်မိစွာကရာ
ငါအမှားလား…။

အမှန်အတိုင်းဝန်ခံရကေ
ငါ့ဘဝကမင်းဘဝတောက်ပြောင်ဖို့အတွက်
လမင်းကြီးပိုင်အလင်းကိုပီးနိုင်ဖို့ကိုထားလိုက်
မှုန်ဝါးဝါးနန့် လမင်းကြီးဘေးနားမှာ
တောက်ပနီရေ ကြယ်ချေတိလောက်တောင်မှ
အလင်းကိုမပီးနိုင်ရေဘဝပါ…။

နှစ်လရာသီ
အလီလီပြောင်းလားခကေလေ့
ရင်ထဲမှာ နှစ်နှစ်ကာကာနန့်
မင်းကို ငါ့ချစ်နိန်ရစွာ
ဇာလောက်ကြာလားဗျာယ်ဆိုစွာကိုလည်း
မင်းသိဖို့မဟုတ်ပါ…။

၁၃-၀၅-၀၇ တုန်းက
မင်းကိုတွိ့ချင်လို့
မင်းဟိရေနိန်ရာကို
ငါလာခသိမ့်ရေ…။

ယကေလေ့
မင်းကို တွိ့နိုင်ဝံ့ရေသတ္တိတိ
ငါ့မှာမဟိခ…။

တမြီတည်းမှာ
အတူဟိရေအချိန်ခါမှာတောင်မှ
မင်းကိုတွိ့ဝံ့ရေသတ္တိမဟိရေ
ငါ့ကိုယ်ငါ
ကောင်းမုန်းမိရေ…။

ထို…အချေဘဝခါက
မင်းကိုရူးမိုက်စွာနန့်
စွဲလန်းခရေ ငါ
မင်း ကျူချိန်လားတိုင်း
ငါ နိန့်တိုင်းစောင့်ကြည့်ခဖူးရေ…။

ယကေလေ့
ယင်းအကြောင်းတိကို
မင်းတယောက် သိခဖို့မဟုတ်ပါနှ…။

အမှန်အတိုင်းပြောရကေ
အတိတ်အဖြစ်အပျက်တိကို
အလွယ်ချေနန့် မိန့်နိုင်လီဖို့လို့
အယင်က
ငါထင်ထားခဖူးရေ…။

ယကေလေ့
ဇာနိန်ရာ ဇာကိုပင်ရောက်ရောက်
ငါ့ အတွေးတိုင်းငါ့စိတ်ကူးတိုင်းမှာ
မင်းကအမြဲတမ်း
ရှိကပါနိန်ရေ…။

မင်းဓာတ်ပုံတိမဟိကေလေ့
အချေခါကပင
်ရူးသွပ်စွာနန့်
စိတ်ကူးယည်သ္မားပီပီ
ကိုယ့်စိတ်ကူးချေနန့်
ပုံဖော်ရေးဆွဲထားရေ
ပုံကိုကြည့်ယင်းနန့်
ကြည်နူးနိန်ရသူပါ…။

တယောက်တပြည်
ဝီးကွာနိန်ရရေအချိန်မှာ
မမျှော်လင့်ဘဲနန့်
လီလှိုင်းကတဆင့်
မင်းနန့်ပြန်လို့ တွိ့ရလို့
ငါ့ရင်ထဲမှာ
အတိုင်းမသိ
ပျော်မြူးရသူပါ…။

ဖော်ကွာဝီးလို့
ကမ်းဝီးနိန်ရေ
ဇင်ယော်ငှက်ချေတကောင်ပိုင်
ကမ်းမမြင်လမ်းမမြင်ရေ
သမုဒ်ပြင်ကြီးထဲမှာ
ကြမ်းတမ်းခက်ထန်ရေ
လောကဓံမုန်းတိုင်းတိကို
ရင်ဆိုင်ယင်းနန့်
ပျံသန်းနိန်ရရေဘဝမှာ
မင်းဘားက ချစ်ရေဆိုရေ
စကားတခွန်းချေက
ိုကြားခွင့်မဟိကေတောင်မှ
ငါ့က မင်းကိုချစ်နိန်ရေဆိုစွာ
ကိုမင်းတယောက်သိခကေ
ငါ သီပျော်ရေဝေး…။
…………………….
၀၃-၀၂-၂၀၀၉၂း၃၄ pm

(ကျော်ဒိုင်ယာရီမှ)

မင်းက ငါ့ဘဝပါ

မင်းက ငါ့ဘဝပါ
……………..

ချစ်သူ..
ထို…အယင်တုန်းက
မင်းနန့်ငါ အွန်လိုင်းမှာ
နိန့်တိုင်းတွိ့လို့
ချစ်စကားတိ
ပြောမဆုံးနိုင်ခနှ…။

တရက်ချေ မတွိ့ရကေ
နီလို့မရခရေ ငါရို့အကြားမှာ
ငါ အွန်လိုင်းမတက်ရေနိန့်တိမှာ
မင်းကမြဲတမ်း ဖုန်းဆက်ခရေပိုင်
ငါလည်း ဖုန်းချေကိုကိုင်လို့
နိန့်တိုင်းမျှော်နီခရေနှ…။

အခုအချိန်မှာတော့ခါ
မင်းဘားကဖုန်းလာဖို့်ဆိုစွာဝီးလို့
အွန်လိုင်းမှာတောင်မှ
မင်းကပုန်းယှောင်နီဗျာယ်နှ…။

ချစ်သူ..
ငါက မင်းအတွက်
အချစ်ဦးတယောက်မဖြစ်ခရေပိုင်
အချစ်ဆုံးသူတယောက်လည်း
ဖြစ်ခဖို့စွာမဟုတ်ပါ…။

ယကေလည်း ချစ်သူ..
မင်းက ငါဘဝအတွက်
အချစ်ဦးသူတယောက်ဖြစ်ခရေပိုင်
အချစ်ဆုံးသူဆိုစွာလည်း
မင်းတယောက်ပါရာ ချစ်သူ…။

ကြမ်းတမ်းခက်ထန်ပြီးကေ
နွီကန္တာရပိုင်ခြောက်သွိ့နီရေ
ငါ့ ဘဝထဲကို
မင်းပိုင် ပြည့်စုံတင့်တယ်ထည်ဝါနီရေ့
လူတယောက်အတွက်
ဝင်လာဖို့ခက်နီလိမ့်မေဆိုစွာကို
ငါ ကြိုတင်လို့ သိခရေ ချစ်သူ…။

ယကေလည်း
ချိုသာရေ မင်းရဲ့စကားတိ
အီးမြရေ မင်း၏အပြုံးတိအောက်က
ငါ ရုန်းထွက်လို့မရခပါ…။

ချစ်သူ
အကယ်၍သာ မင်းက
ငါ့ဘဝထဲကအပြီးပိုင်ထွက်လားခဖို့ဆိုကေ
မင်းတယောက်ကိုရာ စွဲလန်းစွာချစ်နီရရေ
ငါ့ ဘဝအတွက်တော့ခါ
မျှော်လင့်ချက်တိဆိတ်သုဉ်းလို့
အနာဂတ်ဆိုစွာလည်း
ထိုအဝီးကြီးမှာပါရာ…။

ဇာပိုင်ပင်ဖြစ်ဖြစ် ချစ်သူ
မင်းဘဝကောင်းစားဖို့
မင်းဘဝအီးချမ်းဖို့ အတွက်
ငါ့ ကိုပစ်ထားခဖို့ဆိုကေလည်း
ကိုယ့်ချစ်သူ၏ဘဝ ကောင်းစားဖို့အရေးမို့
မင်းပီးခရေ လွမ်းဆွေးမှုဝေဒနာတိကို
ဘဝဆုံးတိုင် ရင်မှာပွေ့ပိုက်ယင်းနန့်
ငါခွင့်လွှတ်မြဲပါ ချစ်သူ…။

……………..
ကျော်မောင်သန်း
အလွမ်းမြို့တော်
၁၃-၀၉-၂၀၀၉

၃း ၉ pm

တွယ်တာသူမို့

ဘဝကြင်ဖော်အဖြစ် ထာဝစဉ်လို့
အနာဂတ်ခရီးလမ်းခင်းထားခကေလည်း
နင်မလျှောက်ဝံ့ရေ လက်တလှမ်းအကွာ
အဝီးက “ပန်းခင်းလမ်း” အဖြစ်

ငါ စောင့်မျှော်နီရေ…။
ဘဝခရီးကြမ်းတမ်းလို့
ကန္တာရရင်ပြင်မှာ အထီးတည်းဟိနီခလည်း
မကြင်နာသူမင်းအတွက်ဆို
ဒုက္ခကိုရင်ဆိုင် သောကကိုအဖော်ပြု
မျက်ရည်ကိုသက်သီပြုလို့…။

..................

လွတ်လပ်ခြင်းနိဗ္ဗာန်ဘုံ
…………………………..
စိတ်ကမကြောက်ဘဲ
ဦးဂေါင်းကိုမတ်လို့ထားနိုင်ရာအရပ်
ပညာသယ်၏လွတ်လပ်ရာ…။

လောကကိုကျဉ်းမြောင်းသော
ပြည်အိုးအိမ်တံတိုင်းများနန့်
အပိုင်းပိုင်းအစိပ်စိပ် ဖြတ်မတောက်ထားရာ…။

စကားရို့သည်သစ်စာအနက်မှပွင့်ထွက်ရာ
မနီမနားသော လုံ့လသည်
လက်ရုံးဆန့်တန်းရွေ့ ပြီးပြည့်စုံခြင်းသို့ ရှိရှုရာ…။

ဆင်ခြင်မှုချောင်းရီသန့်သည်
အကျင့်ဆွီး သဲကန္တာရအတွင်း
လမ်းစမပျေက်ရာ…။

အတွေးနှင့်အလုပ်
အစဉ်ကျယ်ပြန့် လွှမ်းခြုံရာမရောက်အောင်
စိတ်ကို သင်ရှိဆောင်ရာ…။

အို…အဖရို့…..
လွတ်လွပ်ခြင်းသုခဘုံတွင်
ငါ့နိုင်ငံသည် နိုးကြားပါစီသတည်း…။

(ရာဘိန္ဒြာနတ်တဂိုး)

အမင်သား၏လွမ်းဆွတ်သံ

အို အမင်
သဇင်တိလည်း ၀ီဝီဆာလို့ ပွင့်နီရေ
အမင်မြီမှာ လီချေသွတ်သွတ် တိုက်နီယင့်
သဇင်ရိပ်အောက် အမင်ဇာလုပ်နီပါလဲ --။

အို အမင်
အမင်သားချေ လှပရေသဇင်တိနန့်
အီးမြရေ အမင်အရိပ်အောက်ကို
အမြဲတမ်း အတွက်ရနီပါရေ --။

အို အမင်
သားနန့်အမင်ရို့ ဘ၀တိစွာ
အသက်ရှင်လျှက် မျှော်လင့်ချက်မဲ့နီကတ်တေ
ယေဇူးနန့် အမင်၏သား အောင်မြင်မှုနန့် လာဖို့နိကို
အမင်အိုက သဇင်ရိပ်ခိုလို့
စောင့်ကြိုနိုင်ပါခန့်သိမ့်လား --။

အို အမင်
အခုပိုင် မလှပရေ ကံကြမ္မာ
ယုတ်မာရက်စက်တေ အဖိနှိပ်ခံဘ၀တိ
လွတ်မြောက်လာဖို့ နိကို
ကြိုးစားယင်းနန့် အခုဘ၀ မဆုံဖြစ်ကေလည်း
နောင်သံသရာ ဘ၀ကနီပြီး
နားလည်ခွင့်လွှတ် ပီးပါလီ --။
..........

ခိုင်နီလ (လခြမ်းမြီ)

ဝီးလွင့်အိပ်မက်

ဖိုးခေါင်တောင်ထက်မှာ
မျဉ်းဖြောင့်တကြောင်း
ဆွဲကြည့်ကတ်ဖို့ဆိုကေ
အကို ဇာနိန်ရာမှာမဆို
ပါဖြစ်အောင်ပါပါဖို့ဆို…။

ပင်မြင့်ထက်ကငှက်
အတောင်ကျွတ်ငှက်တော့
မဟုတ်ပါနှန်း အကို…။

ရီးလာဖို့အတွက်
မြောင်းသျှေဖောက်
ပေါက်တူးသျှေပေါက်လို့
စောင့်ကတ်ရဖို့ဆို…။
ဒေါသတရာ….
မာနတရား….
ဥပေက်ခါတရား….
ငြိလားရေဆိုကေ
ကျွန်တော်လေ
မြောင်းဘောင်သျှေထက်ကဖြစ်ဖြစ်
သစ်ခြောက်ပင်အောက်ကဖြစ်ဖြစ်
စောင့်နိန်မေနှန်း…။

……………….

နောင်ရဲခိုင်

လီညှင်းမရိုင်း မုန်တိုင်းမသင်း

ဘုရင်မင်းဘာကြီး
မာစီဒီးမစီးခရစွာ
သရော်စရာလား…။

လေဒီဒိုင်ယာနာ
လျှာပူအာပူမစားဖူးခ
ရှုတ်ချစရာလား…။

မာစီဒီမစီးရကေလေ့
မင်းဘာကြီးဘဝမှာ
ကန်ကမကန်စည်းစိမ်တိ
ဂုဏ်ရှိန်မလျှော့….။

လျှာပူအာပူမစားရကေလေ့
မိဘုရားလောင်းဒိုင်ယာနာ
လျှာအရသာခံစရာ
အရာစွာတိအပြည့်….။

သူ့ခေတ်သူ့အခါ
သူ့နေရာသူ့ဒေသ
ဒေချင့်ကအဟိ
ထိုချင့်ကိုမသိ
မဟိကာယေကေ…..လို့
ရှည်လျှားပေတံ၊ အခြေခံနန့်
ဝေဖန်စရာမလို
တဖက်မြင်အပျက်တိနန့်
ငယ်ထိပ်ကိုဖနောင့်တိုက်
ကထိုက်ကရိုက်စွပ်စွဲ
အယူကွဲခံ၊ အငြင်းသန်ရေ
ပေတံအဆိုး….။

ဖဲံချိုးဝေးပလိုက်
ခေတ်စနစ်အချိန်အခါ
ကာလဒေသပယောဂကို
အလှပချိန်ဆ၊ နားလည်ရဖို့
မျှတလျော်ကန်၊ အယူမှန်ရေ
ဝေဖန်ရေးလီညှင်း
ပန်းသသတင်းဆောင်ပနာ
လောကပြတင်းကိုဝင်လာနိုင်ဖို့အတွက်
နက်ဖြန်ခါ မုန်တိုင်း…။

………….
စစ်တွေညိုသန့်

မြောက်ဥမြို့ကိုရှုမျှော်သော်

ရခိုင်သမိုက်၊ ကနက်စိုက်
မြောက်ဥခေတ်ကို၊ မြင်ယောင်ရေ..။

မြို့ရိုးနန်းက၊ ကျီ-ပြ၊ တံတိုင်း
အံ့လှိုင်းကျုံမြောင်း၊ ခံတပ်ပေါင်း
တင့်တောင်းအင်အား၊ ဝင့်ကြွားဖွယ်...။

တောင်စိုင်ရံပတ်၊ မြီမလပ်
ထွဋ်မြတ်သရီ၊ ပဏာညီ
မွန်ချီလှပ၊ သာစွာလေ...။

ရခိုင်ညွန့်ဖူး၊ မြောက်ဥမှန်ကင်း
အာဏာချင်းရေ၊ ပြည်ထောင်မင်း...။

ဖက်ကင်းတုနှိုင်း၊ ခံ့ကျိုင်းအကျော်
မဟော်မြတ်ညာဏ်၊ ဖြိုးပြည့်ရံ
ရွှီလျံရောင်ခပ်၊ အံတမွတ်...။

ရခိုင်မြောက်ဥ၊ မွန်ကြည်မြူး
ဧလျက်ပျံ့ပျူး၊ ကြည်နူးရေ...။

ချီးကျူးအံ့သြ၊ သာတမော
တွက်စားမိန့်မော၊ ကျွန့်မနော
စောစောလွန့်လူး၊ လှိုင်းဂယက်မူး
ဝမ်းနူးမပြယ်၊ နိဒါန်းသွယ်
ရင်ဝယ်ခံစား မိခရေလ..။

မြောက်ဥတစ်ဖြစ်၊ ထွန်းပေါ်လှစ်ကေ
ရင်နှင့်ပျော်မြူး၊ ဖော်ကျူးရရေ...။

......................

နတ်မြစ်-စန်းအောင်

တာဝန်ကျီ

ကိုယ့်သားကိုယ့်သွီး
နီးရာပီးပါ
မွီးဖွားကြီးပြင်း
အချင်းချင်းတိ…။

စကားလီသံ
ကွဲစွာမှန်လည်း
အမှန်စိတ်ထား
တသွီးသားတည်း…။

လူမျိုးမပျောက်
မိန့်မပျောက်ဖို့
တစ်ယောက်ကိုယ်စီ
တာဝန်ကျီအောင်
ရောက်နီရေရပ်
စွမ်းဆောင်ကတ်မှ
ရခိုင်ပီပီ
တာဝန်ကျီ…။
………………

အောင်မြတ်၊ ယိုးတရုတ်

မျိုးနန့်ပိုး

(၁)
အနောက်လီမှာ
ရွင့်ပါလာရေ
ဒေါ်လာတရွက်…။

(၂)
ဒေါ်လာတရွက်
မက်လောက်တေထော
ရမက်ဇောငင်….
“အမျိုးသီလ
နှစ်ဌာနကို
စောင့်ထပိုင်ပိုင်…
ရခိုင်တံဆိပ်
ဖြုတ်ဆိပ်ကေထင်…။

(၃)
ဂန္ဓဝင်စံထား
ရင်မှာခံစားဗျာ
မစားရ ငတ်ပတ်စီ
မသီသရွိ
ဇာဒုက္ခတွိတွိ
ဇာတိတချက်
အပျက်မခံ
ဆီးမပြယ်ပန်းမညှိုး
မျိုးမှာပိုးမထိုးစီရ
“ရခိုင်သမ
ရခိုင်သမ
ရခိုင်သမဟိတ်”လို့
ထဗျာယ်ဟောပလိုက်ဖိ…။

…………..
နတ်မြစ်လှိုင်းပြာ

(ဒေါ်လာစစ်မြီပြင်မှာ တိုက်ပွဲဝင်နိန်ကတ်တေ အမျိုးကောင်းသမီးရို့အတွက်ဂဏ်ပြုပါရေ။)

အမှတ်တရ

မင်းထီးဘုရာင်
နန်းသက်ကုန်ခါ
လက်ညှိုးကမပါ…။

အင်္ဂုလိမာလလေ့
စကနန့်ရာညှပ်
ဖြတ်ချင်ဆီဖြတ်
ညှပ်ချင်ဆီညှပ်လီ…။

နန်းတိုင်ကထုံးဖြူ
မုန့်လုံးမှာစက္ကူကပ်
လက်ညှိုးနံ့ထွက်လာရေ…။

အဘာအဘာ
မင်းကြီးနန့်သမင်
ခင်နိန်လို့တော်သိမ့်ယင့်…။
………………..
နောင်ရဲခိုင်

Who?

Kills many monks, and commits
The offence of causing schism in monastic order,
But not Devadattha…

Destroys the Buddha Images,
But not Osamabinladen…

Lives under the ground,
But not King Yama…

Be a leader of genocide,
But not Hitler…

Eats human flesh,
But not Porisada…

Be with horn,
But not an ox…

Beats everyone and everything,
But not a mad dog…

-----------
Kyauk-roe-thar-chay

12-10-2007

မြောက်ဦး

ရိုးမချက်ကြွီ၊ သန္တာမြီဖွား
နဒီကစ္ဆပ၊ အဉ္ဇလွင်ပြင်
ရင်ခွင်မှာကြီး၊ ချစ်သားထွီး…။

သမိုင်းတခေတ်၊ မော်ကွန်းသစ်ကို
ဖွင့်လှစ်ကမ္ဗည်း၊ ထိုးလီဗျာယ်…။
မျိုးဂုဏ်ဖြိုးမောက်၊ ထီးနန်းဆောက်လို့
ထွန်းတောက်ကမ္ဘာ၊ ကျော်လီဗျာယ်…။

ရက္ခိုင်အောင်လံ၊ ဇာတိမာန်ကို
တိမ်ယံမိုးထိ၊ လွှင့်လီဗျာယ်…။

ရိုးမသားကောင်း ဘဝပြောင်းလဲ
ရှိဟောင်းမွီနှစ်၊ ရတနာစစ်ရို့
ဆန်းသစ်ကြီးကျယ်
ခမ်းနားထည်တုံး၊ ဝင့်ကြွားတုံး…။

အို…ချစ်သားထွီး…
နင်ကားမသီ၊ ဒေရီမြီမှာ
တည်အံ့ကမ္ဘာ၊ တိုင်လိမ့်တည်း…။

……………..
တက်ထွန်းနီ-မြောက်ဦး


………………..
(မှတ်ချက်။ ။“ခမ်းနားထည်တုံး၊ ဝင့်ကြွားတုံး…” ၌ “တုံး”ဟူသောအဓိပ္ပါယ်သည် “အသုံးမကျ၊ ပြီးဆုံးလားသည်၊ မျိုးတုံးလားသည်” စသည်မှာသာလျှင်သုံးသင့်သည်ဟု ဦးဇင်းထင်မြင်မိပါသည်။ ယင်းအတွက်ကြောင့် အထက်ပါစာပိုဒ်သည် ယင်းအဓိပ္ပါယ်မျိုးကိုဆိုလိုခြင်းမဟုတ်ဘဲ “ဆက်လက်ပြုလုပ်ခြင်း၊ ဆက်လက်ရှင်သန်ခြင်း” ကိုဆိုလိုသောကြောင့် “ခမ်းနားထည်တုံး၊ ဝင့်ကြွားတုံး” အစား “ခမ်းနားထည်တုန်း၊ ဝင့်ကြားတုန်း” ဟုသာသုံးသင့်သည်ဟုဦးဇင်းယူဆပါသည်။ ----ကျောက်ဖြူသားချေ)

()

ဇာဖြစ်လာဖို့သိမ့်လဲ

ကြိုးစားခြင်း၏အဆုံး
ယှုံးနိမ့်ခြင်းနန့်ရာ
အဆုံးသတ်ရဖို့လား...။

ဆုံးယှုံးခြင်း၏အဆုံး
အနိုင်ယူခြင်းနန့်ရာ
အဆုံးသတ်ချင်ရေ...။

ကြိုးစားခြင်း၊ ယှုံးနိမ့်ခြင်း၏အဆုံး
ဇာနန့်အဆုံးသတ်လီဖို့လဲ...။

............
ကျောက်ရိုးသားချေ
၂-၇-၂၀၀၇

မုန်းဖို့ကောင်းလိုက်တေ

မတွိ့ချင်ယာဆိုခါမှ
သတိရနိန်ရေ
ငါ့စိတ်တိကို...။

လားဖို့ယာဆိုခါမှ
နှုတ်လို့မရရေ
ငါ့ခြီထောက်တိကို...။

နှုတ်ဆက်ပါရေဆိုခါမှ
ထောင်လို့မရရေ
ငါလက်ချေတိကို...။

ငိုဖို့ကျခါမှရာ
ထွက်မလာရေ
ငါ့မျက်ရည်တိကို...။

အလကားလားရေခါ
ဝါးလုံးကိုထိုးပစ်စော်ပိုင်
မြန်နိန်ရေ ငါ့ခြီထောက်
ပြီးဖို့ကျရေခါမှာ
မ,လို့တောင်မှမရယာစော်ကို...။

ထမင်း ဝ,နိန်ရေခါ
လူများအိမ်မှာစားလို့ရာ
ခြီခရေ လူတယောက်
စားစရာမဟိရေခါ
တောင်းစားရဖို့ကို
ရှက်တေအဖြစ်တိကို…။

မွီးဖွားလာရေခါ
ပြုံးစိစိနန့်
သီဖို့ကျရေခါမှရာ
မျက်ရည်ပါးရည်တိ
ကျရေအဖြစ်တိကို…။

ကိုယ့်လူမျိုးအတွက်
အကျိုးဆောင်ရေလူတိကို
လူ့ဘောင်အသိုင်းအဝိုင်းကဖယ်ထုတ်
အမျိုးယုတ်ကိုကျဂေ
သခင်ပိုင်ကိုးကွယ်ရေလူတိကို…။

“ကိုယ့်စကား”ကိုပြောဂေ
အောက်တေဆိုပနာ
“ပထွီးစကား”ကိုကျကေ
ကြွိနိန်အောင်ပြောနိန်ရေလူတိကို…။

အမျိုးသားရေကိုဗန်းပြပနာ
ကိုယ့်ဝမ်း ဝ,ရေးအတွက်ရာ
လုပ်နိန်ဂတ်တေလူတိကို…။

အမျိုးသားရေးအတွက်
ပထွီးအောက်မှာ
ဆိုင်းဘုတ်တင်ပနာ
လမ်းမှားစွာလုပ်နိန်ရေ
နိုင်ငံခြားလူ့အဖွဲ့တိကို...။

အမှန်တရားကိုထောက်ပြလို့
ငါ့ရို့အဖွဲ့ကိုထိရေဆိုပနာ
အမျိုးသားရေးအတွက်
လုပ်ဆောင်နိန်ရေလူတိကို
အဝီးသို့ဖယ်ထုတ်..
အမျိုးသားရေးအတွက်
စက်ဆုတ်စရာ
Sexy ရုပ်ပေါက်နိန်ရေ
ပ ပိန်မချေတိကို
ဘုရားတဆူပိုင်
ကိုးကွယ်နိန်ရေလူတိကို...။

ကိုယ့်ယဉ်ကျေးမှုကို
ကိုယ်စောင့်ရဖို့အစား
ကိုယ့်ဖေသာကို ကိုယ်ဖြုန်းလို့
ကိုယ့်ရတနာကိုတိကို
ပထွီးရတနာအဖြစ်
ပြောင်းလဲပစ်တေ
ရခိုင်အဖွဲ့အစည်းတိကို...။

ကိုယ့်အမျိုးအတွက်
လုပ်ဆောင်နိုင်ဖို့ကိုမပြောကေ့
ကိုယ့်ကိုယ်ကိုတောင်မှ
စားစရာမဟိရေ
ငါ့ဘဝချေကိုလည်း...။

..................
ကျောက်ရိုးသားချေ
၎-၇-၂၀၀၉

၆:၄၅ am

အလွမ်းညဥ့် (၂)

တမ်းတနီဆဲပါ ချစ်သူ..
အမြဲတမ်းပျော်ရွှင်စွာနန့်
ပြောခရေမင်းစကားတိ
အမြဲတမ်းပြုံးနီတတ်တေ
မင်းမျက်ဝန်းတိကို....။

ယင်းချင့်တိက
ညှို့စားခစွာ
မဟုတ်ခကေလေ့
ရိုးသားစွာနန့်ရာ
ငါ့ ကို
စွဲလန်းစီရေ....။

မင်း က ငါ့ ကို
မဖျားယောင်းခကေလေ့
ပျော်ရွှင်ဖော်ရွေတတ်ရေ
မင်းပုံရိပ်တိက
ငါ့၏
နက်ရှိုင်းရေနှလုံးသားတနီရာမှာ
သိမ့်မွေ့စွာနှင့်ရာ
ကိန်းဝပ်နီလီရေ....။

အဂုတော့ခါ
မင်းနန့်ဝီးနီရရေ
ငါ့ဘဝမှာ
အိပ်ပျက်တေညဥ့်တိကို
အဖော်ပြုယင်းနန့်
လက်တွေ့ဆန်ရေ
အလွမ်းသမားအဖြစ်နန့်
ကာရန်မညီရေ
အလွမ်းကဗျာတိကိုဖွဲ့ယင်း
အိပ်မက်ထဲမှာတောင်မှ
မျက်ရည်တိကျနိန်ရဗျာယ်....။

ခပ်ကြောင်ကြောင်
အတွေးနန့်
ငါ စဉ်းစားမိရေ..
“မင်းလည်း ငါ့ပိုင်ရာ
သတိရနီဖို့လားလို့...။”

အဂုပိုင် လွမ်းရလို့
အိပ်ပျက်တေ ညဥ့်တိမှာ
မင်းပီးထားရေ
မင်း၏ဓာတ်ပုံတိက
ငါ့ အတွက်
အားပီးဖော်ဖြစ်တေ...။

မနီနိုင်လောက်အောင်
ဝမ်းနည်းသတိရရေ အခါတိုင်းမှာ
မင်းဓာတ်ပုံကိုကြည့်လိုက်ကေ
လှပစွာနန့်ပြုံးနီရေ
မင်းဓာတ်ပုံတိက
ငါ့ ဘဝအတွက်
ဖြေသိမ့်မှုကိုအမြဲပီးခရေ...။

တမ်းတလွမ်းဆွေးနီရရေ
ချစ်သူ..
အမြဲတမ်း ပျော်ရွှင်စွာနန့်
ပြောခရေ မင်းစကားတိကို....။

......................

ကျော်မောင်သန်း
အလွမ်းမြို့တော်
၂၈-၆-၂၀၀၉

12:25 pm

ရခိုင်ဆိုစွာ……..

ရခိုင်ဆိုစွာ..
တယောက်တည်းထိုင်
ငေးမှိုင်မှိုင်နန့်
ပျင်းရေဆိုပနာ
အဖော်ရှာရေ….။

ရခိုင်ဆိုစွာ..
တယောက်ကနှစ်ယောက်
စုပြီးအဖော်
ရပြီးသော်ကား
ပျော်ရေဆိုပနာ
ပုလင်းကိုင်လို့
ဇာတိနာကို
ထုတ်ပြဖို့ရန်
ပျင်ဆင်ပြန်ရေ…။

ရခိုင်ဆိုစွာ..
မူးလို့ယစ်လို့
ကိုယ့်ခြီထောက်ကို
ကိုယ့်မနိုင်ခါ
“ငါ့.ဟေ့…ရခိုင်”
ပုလင်းကိုင်းယင်း
အမျိုးကိုချစ်ကြောင်း
ဖင်ဟောင်းလောင်းနန့်
ခတောင်း(ဒယော)မပါ
ဗလချာနန့်
လူတိရှိမှာ
ရူးခြင်းပေါ်ရေ…။

ရခိုင်ဆိုစွာ..
ဝိုင်းကာသောက်ကာ
ဇာတိနာကို
ပုလင်းထောင်ယင်း
သောက်နိန်ယင်းမှာ
မဆုံးပါသိမ့်
ရခိုင်အချင်းချင်း
ဓားဆွဲဒုတ်ဆွဲ
ဝုန်းဒိုင်းကြဲပနာ
သတ်ကတ်ထိုးကတ်
ခွတ်ကတ်ပြန်ရေ…။

ရခိုင်ဆိုစွာ..
“အမျိုးသီလ
နှစ်ဌာနကို
စောင့်နိုင်ခ”လို့
ပိုင်ဆိုင်ခရ
ဒေနာမကို
ဆက်ပြီးကေရာ
မထိမ်းပါကေ
နောင်လာနောက်သား
ရခိုင်များအတွက်
မှတ်တမ်းတင်ခါ
ရခိုင်ဆိုစွာ…..
………………..
……………….။

--------------
ကျောက်ရိုးသားချေ
၃၀-၆-၂၀၀၉
၂၃:၄၂ pm

အလွမ်းညဥ့်(၁)

“အချစ်ဆိုစွာ
ပန်းရိုင်းပွင့်တိပိုင်
နိန်ရာတိုင်းမှာ
ပွင့်တတ်ကြရေ”ဆိုကေလေ့
ငါ့ရင်ထဲက အချစ်ပန်းတိက
မင်းနှလုံးသား ဥယျာဉ်ထဲကလွဲပြီး
ဇာနိန်ရာမှာမှမပွင့်ခရေပိုင်
နောက်ထပ်လဲ
ဇာဥယ်ာဥ္ထဲမွာမွ
ပွင့်လီဖို့စွာမဟုတ်ပါ...။

မမြင်နိုင်ကေလေ့
ခိုင်မာစွာနန့်နှောင်ဖွဲ့ထားရေ
သံယောဇဉ် နှောင်ကြိုးတိကို
ငါ ဖြီလို့မရပါဗျာယ်....။

ယင်းအတွက်ကြောင့်လဲ
လူတိကတိတ်ဆိတ်
ကြယ်ချေတိကကြွီ
အမှောင်တိနန့်ပြည့်လျှံနိန်ရေ
အ,ကာလမှာ
ငါက..
မင်းကိုလွမ်းလို့
တယောက်တည်းထိုင်ပြီး
ငိုချိုက်နီရေအသံတိကို
မင်းကတော့ခါ
ကြားနိုင်ဖို့မဟုတ်ပါ...။

မင်းကိုသတိရတိုင်း
မင်းပီးထားရေဓာတ်ပုံတိကို
ကြည့်လိုက်ရေအခါ
အပြုံးတိဝီနိန်ရေ မင်းကို
ငါမြင်လိုက်ရလို့
ငါ၏ အလွမ်းညဥ့်တိအတွက်
မင်းအပြုံးက
ငါ့ကို နှစ်သိမ့်စီလီရေ...။

အသွင်မတူလို့
အတူမနီရရေဘဝမျိုးနန့်
ငါဇာလောက်ထိ
မင်းကိုလွမ်းရဖို့သိမ့်လဲ
ချစ်သူချေ....။

...............
ကျော်မောင်သန်း
(အလွမ်းမြို့တော်)
24-6-2009
2:15 pm

မွီးမိအမင်

အော်...
ကိုယ့်မွီးရပ်ရွာ ကိုယ့်ပြည်ရွာကို
စွန့်ခွါလာရ ငါ့ဘဝဂါး
နှစ်လရက်တိ ကြာခဗျာယ်...။

မရောက်စွာကြာ မွီးရပ်ရွာနန့်
မွီးသမိခင် ကျေးဇူးသျှင်ကို
အောက်မိတမ်းတ လွမ်းရရက်တိ
ရင်မှာမချိ ခံစားမိပနာ
ဝမ်းနည်းလာရေ...။

အဝီးတနိန်ရာ ရောက်နိန်ပါလည်း
မာတာမိခင် ကျန်းကျန်းမာမာ
ချမ်းချမ်းသာအောင်
အမင်သားချေ ဆုတောင်းနိန်ရေ...။

ထို...အချဘဝက
ထမင်းဘဲဆီဆုပ် ဆီဆားဖုပ်နန့်
အမင်ကျွေးခ ယုယခစွာ
သားချေရင်မှာ အတွက်ပေါ်လာဂေ
အမင်ဝီးသားချေ ငိုမိရေ...။

မြင့်မိုရ်တောင်ထက် ကြီးမားဂုဏ်ထူး
အမင့်ကျေးဇူးကို သားချေရင်မှာ
ပီးဆပ်ချင်လည်း
မဆပ်နိုင်သိမ့်ရေ အမင့်သားချေကို
အမင်ခွင့်လွှတ် နားလည်ပါ...။

အော်...အမင်..
အသက်ထက်ဆုံး ဘဝတုန်းအောင်
အမင့်ရင်ခွင် ခိုနားချင်လည်း
ဇာဘဝက ဇာရီစက်ကြောင့်
အမင့်ရင်ခွင့်နန့် ဝီးနိန်ရလဲ....။

အမင်...
နောက်နောင်ဘဝ လူဖြစ်ရလည်း
နောက်နောင်ဘဝ ငှက်ဖြစ်ရလည်း
ဇာဘဝမျိုးမှာ ဖြစ်ရဖြစ်ရ
သားချေအချစ် အမင်ရိပ်မှာ
ပြန်ဖြစ်ချင်ရေ
သားချေဆန္ဒ ပြည့်ပါရစီ
တောင်းဆုဝီရေ....။

----------------------
ကျောက်ရိုးသားချေ
၇-၅-၂၀၀၉
9:43 pm

ဘဝမိလားရေ သူငယ်ချင်းသို့

သူငယ်ချင်း…
မိုးဦးကိုရောက် ဝဿန်ရောက်ကေ
ငါ့ရို့ဘဝ မိန့်မရာစရာ
အချေခါကို ငါ့မျက်စိမှာ
ပြန်မြင်လာရေ…။

သူငယ်ချင်း…
ထို...ငယ်စဉ်က
မင်းနန့်ငါနန့် လက်ချင်းယှက်လို့
ကိုယ့်မွီးရပ်ရွာ ယင်းတောရွာမှာ
ဖနပ်မပါ ထီဗလာနန့်
သလူနန့်မိုး မက္ကလာဆိုးကို
အားရဝမ်းသာ ဂေါင်းမှာဆောင်းကာ
မိုးရီထဲမှာ ပျောရွှင်စွာနန့်
ကျောင်းတက်လားခ အချေဘဝကို
အမြဲတမ်းငါက သတိရရေ…။

သူငယ်ချင်း…
မင်းဘဝက ကံကောင်းလှလို့
အထက်တန်းနန့် တက္ကသိုလ်ပညာ
အဖြာဖြာကို ဆက်လက်ဆည်းပူး
ပညာမျိုးစုံ လွန်ပြည့်စုံရေ
ဘွဲ့ဒီဂရီ အလီလီကို
ပိုင်ဆိုင်လီစွ မင်းဘဝက
တင့်တယ်ထည်ဝါ ရနံ့ဖြာရေ
မင်းကအာစရိယာ ကျောင်းဆရာ…။

သူငယ်ချင်း…
ဆင်းရဲပြာကျ ငါ့ဘဝက
ကျောင်းစာကိုလည်း ဆက်မသင်နိုင်
တလုတ်ဝမ်းစာ စားစရာကို
နပ်မှန်ဖို့အရီး လုံးပန်းထွီးပနာ
ရှာယင်းဖွီယင်း ရုန်းကန်ယင်းနန့်
ပင်ပန်းကြီးစွ ငါ့ဘဝပါ…။

သူငယ်ချင်း
မင်းသိရေအတိုင်း
ပြည်အတွက် အသက်သွီးကြော
လယ်သမားပီပီ မိုးဦးချိန်ထောက်
ဝဿန်ရောက်က အပ်ကိုင်းကိုကိုင်
ထွန်တုံးကိုင်နန့် ယင်းကမတက်
လယ်ထွန်လျက်ပါ…။

သူငယ်ချင်း…
မင်းမွီးခရာ ကိုယ့်ရပ်ရွာအတွက်
မင်းတတ်ထားရေ ပညာချေနန့်
သိညာဏ်ခေါင်းပါး မင်း/ငါ့ရို့ရွာသားကို
သွန်သင်ဆုံးမ လမ်းညွန်ပြပနာ
အမိမြီ(အဖမြီ)ကျေးဇူး ဆပ်သင့်ရေ…။

……………..
ကျောက်ရိုးသားချေ
၂၆-၅-၂၀၀၉
၈:၃၃ am