.

ထလော့ ရခိုင်……ရခိုင် ထလော့

2010-09-30T04:26:00.000-07:00

ခိုင်လင်း (မေဃ၀တီ)

သမိုင်း သုတေသီ ရမ္မာဝတီ အသျှင်ပညာစာရကိစ္စက မပြီးပြတ်သီး။ ပြည်တွင်း ပြည်ပ ရခိုင်တိကတော့ခါ အင်အားတေိစုပြီး တွန်းလှန် နိန်ကတ်ဆဲဖြစ်တေ။ တနည်းအားဖြင့် ပြောရကေ ခုခံ ကာကွယ်နိန်ကတ်ဆဲဖြစ်တေ။ နိုင်ငံရေးပါတီ အဖွဲ့အစည်းတိ၊ လူမှုရေး အဖွဲ့အစည်းတိ စသည်ဖြင့်၊ တဖက်ကလည်း လက်မှတ်ထိုး တောင်းဆိုရေအလုပ်ကို လုပ်နိန်ကတ်ဆဲ။ ဘဇောင်ပိုင်ချောင်ဖြစ်ဖြစ် ပုံစံမျိုးစုံ အသွင်မျိုးစုံနန့် အလွှာပေါင်းစုံက ရခိုင်တိအနီနန့် ခုခံကာကွယ်ရေး အလုပ်တိကို သမိုင်း တာဝန်တရပ်အနီနန့် လုပ်ကတ်ရလိမ့်မေလို့ ယုံကြည်ပါရေ။ အမျိုးထိကေ မချိအောင် နာတတ်တေ ရခိုင်တိအတွက် စိန်ခေါ်မှု တရပ်လည်း ဖြစ်နိန်ပြန်ပါရေ။

တချို့ကလည်း မတရားရေ အမိန့်အာဏာ အောက်က မတရားဖမ်း အမှုစီရင်ခြင်းဆိုစွာ မမှန်မကန်ရေ အဖြေ (မတရားရေ ဆုံးဖြတ်)ချက်တိရာ ထွက်လာလိမ့်မယ်လို့ မျှော်လင်း စိုးရိမ်နီကတ်တေ။ အထူးသဖြင့် ဆရာတော်ကို ထောင်ထဲမှာ ရခိုင်သမိုင်းပညာသျှင် ပဏ္ဍိတ်ဦးဦးသာထွန်းကိုပိုင် သတ်ပစ်ကတ်ဖို့ကို ကကောင်းစိုးရိမ်ကတ်တေ။ တဖက်မှာလည်း အနာဂတ် ကြယ်ပွင့်ချေတိ၏ အနာဂတ်၊ ပြီးကေ ရခိုင့်ယဉ်ကျေးမှု သမိုင်းအမွီအနှစ်တိ။ ကျနော်တဦးတယောက်တည်း အထင်ပြောရကေ နအဖ စစ်အုပ်စုအနီနန့် အလွယ်ချေနန့် ကိုင်တွယ်လို့ရဖို့ ကိစ္စလို့မြင်ပုံရပါရေ။ တကယ့်တကယ် လက်တွိ့မှာတော့ခါ နအဖထင်ရေပိုင် လွယ်လွယ်ကူကူ ကိုင်တွယ်လို့ရဖို့မဟုတ်ဘူး။ ယမ်းပုံ မီးကျဖို့ကိန်း ဖြစ်နိန်ရေ။ ထိရဲ ထိကြည့်ပါလို့ နအဖကို ပြန်လည် စိန်ခေါ်ရဖို့ဖြစ်တေ။ အမှန်ကတော့ခါ ကကောင်းထိလွယ် ယှလွယ်ရေကိစ္စဆိုစွာကို ဒေအချိန်မှာ နအဖလည်း နားလည် သဘောက်ပေါက်လောက်ယာ ထင်ပါရေ။ ရန်ကုန်မှာ ကျောင်းတက်နီကတ်တေ ရခိုင်ကျောင်းသား ကျောင်းသူတိ၏ တောင်းဆိုချက်တိက ရခိုင်ပြည်ဟိ ကျောင်းတိထိ ကူးစက်လာနိုင်ပါရေ။ ရခိုင်ပြည်က ကျောင်းထိုင် ဆရာတော် (၁၅) ပါး၏ မေတ္တာရပ်ခံချက်ကို ဥပေက္ခာပြုပြီး ဆရာတော်ဦးပညာစာရကို ထောင်ချခဖို့ဆိုကေ ရခိုင်တပြည်လုံးဟိ ရဟန်း သံဃာတော်တိအထိ ကူးစက်လားနိုင်ပါရေ။ ရွီးကောက်ပွဲဝင်ဖို့ ပျင်ဆင်ထားရေ ရခိုင်တိုင်းရင်းသားများ တိုးတက်ရေးပါတီကလည်း ရခိုင်လူထုကို လှုပ်ခါနိုင်ပါရေ။ ဒေအဖွဲ့အစည်းတိ၏ နိုးကြားထကြွမှုစွာ ရခိုင်တပြည်လုံးကို ဦးဆောင်နိုင်ပါရေ။ လူမျိုးရေးကို နွယ်လာရေ အတွက်ကြောင့် ဗမာ့စစ်တပ်ထဲက ရခိုင်တိ အသျှင်နာဂိဓမော်ကွန်းကိုတော့ခါ မမေ့လောက်သီးပါ ။

လွတ်လပ်ရေးရပြီး နောက်ပိုင်း ရခိုင်ပညာသျှင်တိ တနည်းနည်းနန့် သတ်ပစ်ခံခရဖူးရေ သမိုင်းအတွိ့ အကြုံတိ ဟိနိန်ပြီးသားပါ ။ အထူးသဖြင့် ရခိုင့်သမိုင်းတိကို ရခိုင်လူထုသိအောင် ကမ္ဘာကသိအောင် ဖော်ထုတ်ရေ ရခိုင်ပညာသျှင်တိ သုတေသီတိ သတ်ပစ်ခံခရရေ သမိုင်းအတွိ့အကြုံက ဟိပြီးသားပါ။ ဒေတခါထိကေ ရခိုင်တိ ဇာလုပ်ဖို့လဲ။ ရခိုင်သမိုင်းတိကို ရခိုင်တိပြန်လည် သိလာအောင် ကြိုးပမ်းမှုတိ အားလုံးစွာ မဟာလူမျိုးကြီးဝါဒဖက်က ရပ်သူတိအတွက်ကတော့ခါ မဟာရန်သူဖြစ်ဖို့ သေချာပါရေ။ ဒေဆရာတော်ကတော့ခါ ပိုလို့ထူးခြားရေ။ လီလရွင့်လားဖို့ မိဘမဲ့အချေတိကို ထိန်းချုပ်ထားနိုင်ရေ။ ပြီးကေ အနာဂတ် ပျောက်မလားအောင် အနာဂတ်ကို လမ်းညွန် ပီးနိုင်သူဖြစ်တေ။ အစိကေတိ၏ သဘာဝက အနာဂတ်၏ ကြယ်ပွင့်တိဖြစ်တေ သိပ္ပံမောင်ဝစကားနန့် ပြောရကေ အနာဂတ်မှာ သမ္မတလောင်း၊ ၀န်ကြီးချုပ်လောင်း၊ ပညာသျှင်လောင်းတိ မပါလို့ ဇာသူတတ်အပ်ပြောနိုင်ဖို့လဲ။ ထို့အတူ ရခိုင်စာပီဆန်းသစ်ရေးကို ကိုယ်တိုင် ကြိုးပမ်းနီပြီး ကစဉ့်ကလျားဖြစ်နီရေ ရခိုင်ယဉ်ကျေးမှု သမိုင်းအမွီအနှစ်တိကို စုစည်းထိမ်းသိမ်းနီစွာ ဖြစ်တေ ။ အေပိုင် ထူးခြားချက်တိက လိုင်ခြောင်းထဲက စူးတချောင်းပိုင်ဖြစ်နီဖို့စွာ သေချာရေ။ ရခိုင်တိအတွက်တော့ခါ “စူး” တချောင်း မဟုတ်ပါ ။ “ဆောက်” တချောင်းသာဖြစ်တေ။ အနာဂတ်ကို ထုဆစ်နီရေ ဆောက်တချောင်း ။

အနာတ်ကြယ်ပွင့်တိဖြစ်တေ ဒေအချေတိက နင်းချေပစ်ဖို့ ရခိုင်ပြည်နန့်အ၀ီးဆုံးကို ဆွဲထုတ်လားဗျာယ် ။

ဒေသခံလူထုက ဒေအချေတိကို တာဝန်ယူဖို့ ပြောနီကတ်တေကြားက ဗမာပြည်ကို အဓမ္မ ပို့ပစ် လိုက်ခြင်းစွာ ရခိုင်တိလက်ပိုက် ကြည့်နီလို့ မရဆိုစွာကို ပြသ လိုက်စွာဖြစ်တေ ။

ရခိုင်ယဉ်ကျေးမှု သမိုင်းအမွီအနှစ်တိဂါ ဇာမှာလဲ။ ဆရာတော်ကိုလည်း လုပ်ကြံဖန်တီးပြီးကေ ဖမ်းထားရေဆိုစွာ တဖြည်းဖြည်းနန့် ရုပ်လုံးပေါ်လာပါရေ။ ပြန်မလွတ်ဘဲ အဓမ္မထောင်ချပစ်ကေ ဇာလုပ်ဖို့လဲ ။ ဒေချင့်တိက ရခိုင်ပြည်သူ ပြည်သားအတွက် တကယ့်စိန်ခေါ်မှုတရပ်ဖြစ်ပါရေ ။ ဒေနီရာမှာတော့ ခါ ဆရာတော်လွတ်မြောက်ရေး ၊ ဗမာပြည်ကို အဓမ္မခေါ်ယူလားရေ အချေတိကို မူလနီရာသို့ ပြန်လို့ရောက်ဟိရေး၊ အဓမ္မသိမ်းယူထားရေ ရခိုင့်သမိုင်းအမွီအနှစ်တိ မူလနီရာကို မပျောက်ဟိဘဲ ပြန်လည်ရောက်ဟိရေးနန့် မဟာမုနိဗုဒ္ဓ၀ိဟာရကျောင်း ပြန်လည်ရှင်သန်လှုပ်ရှားရေးအတွက် ခုခံကာကွယ်ရေးကို အချိန်မြှင့်လုပ်ဆောင်ဖို့လိုအပ်တေ ။ အေချင့်တိစွာ ရခိုင်လူထုအတွက် သမိုင်းကတင်င်္ပးလိုက်တေ သမိုင်းပီးတာဝန်တခုဖြစ်တေ ။

စာကြွင်း ။ ။ အရှင်နာဂိဓမော်ကွန်းကို စိန်ခေါ်လိုက်စွာဖြစ်တေ ဆောင်းပါး Arakan Review မှာ ရွီးပြီး နောက်ပိုင်း ပြည်တွင်း၊ ပြည်တွင်းနန့် ဆက်စပ်နီသူတိ၊ တပ်ထဲက ရခိုင်အချို့တိနန့် စကားတိပြောဖြစ်ပါရေ။ တပ်ထဲက ရခိုင်တိလက်ပိုက်ကြည့်မနီဖို့ ကျနော်ရွီးတော့ခါ ပြည်ပက လက်နက်ကိုင်အဖွဲ့စည်းတချို့ ထုတ်ပြန် ကြေငြာချက်ချေ တစောင်တောင်မထုတ်ပြန်စွာကို ထောက်ပြကတ်ပါရေ။ တဖက်ကလည်း ပြည်တွင်းထဲက ရခိုင် တိုင်းရင်းသားများ တိုးတက်ရေးပါတီ၊ ၀ိဇ္ဇာပညာရပ်များ အထူးပြု ရခိုင်ကျောင်းသား ကျောင်းသူများ (တက္ကသိုလ်များ – ရန်ကုန်) နန့် ရခိုင်ပြည် အမျိုးသား ဒီမိုကရေစီအဖွဲ့ချုပ်၊ ရခိုင်ပြည်က ကျောင်းထိုင်ဆရာတော်ကြီး (၁၅) ပါး လက်မှတ်ထိုး တောင်းဆိုခြင်းတိနန့် နှိုင်းယှဉ်ပြကတ်ပါရေ။ ကျနော်ကတော့ခါ ကျနော့် ဗီဇအတိုင်း နားရာထောင်ခပါရေ။ ယင်းပိုင်ဆိုကေ ပြည်ပမှာဟိရေ ရခိုင် အသိုင်းအ၀ိုင်း (နယ်သာလန်) ရခိုင်ဒီမိုကရေစီအဖွဲ့ချုပ် (ပြည်ပ) ဗဟိုနန့် ဂျပန်ဌာနခွဲ၊ ရခိုင်အမျိုးသမီးများ အစည်းအရုံး၊ ရခိုင်ပြည် အမျိုးသား ညီညွှတ်ရေး ပါတီရို့ကို ကျနော့် ဆောင်းပါးမှာ တမှတ်တရ မှတ်တမ်းတင်ရဖို့ဖြစ်ပါရေ။ ထို့အတူ အနာဂတ် ရခိုင်သမိုင်းမှာလည်း သမိုင်းအဖြစ်ကျန်ခဖို့သောချာပါရေ။ ဆရာတော် လွတ်မြောက်ရေး လက်မှတ်ထိုး တောင်းဆိုချက်ကိုလည်း ကျနော် လှမ်းကြည့် ဖြစ်ပါရေ။ ဇာသူရို့ထိုးထားရေလဲလို့ပါ၊ ဒေါက်တာအေးကျော်၊ ဒေါက်တာအေးချမ်းစရေ ကျနော်သိရေ ပုဂ္ဂိုလ်တိပါရေပိုင် ကျနော်သိရေ ကကောင်း မျိုးချစ်တေဆိုရေ ပုဂ္ဂိုလ်တိ နာမည်လုံးဝ (လုံးဝ) ပါမလာစွာတိကိုလည်းတွိ့ရပါရေ။ နိုင်ငံခြားသားတိ နာမည်ကိုတောင် တွိ့ရပါလျက်နန့် ရခိုင် မျိုးချစ်ပုဂ္ဂိုလ်ကြီးတိ နာမည် မတွိ့ရလို့ စိတ်ထဲမှာ ကသိ ကအောက် ဖြစ်ကေလေ့ ဒေချင့်က သမိုင်းဆိုစွာကို နားလည်လိုက်ရေ ။

----------
ဝန်ခံချက်။ ။ အာရကန်ရီဗျူးက မြန်မာဘာသာပို့စ်ကို ရခိုင်ဘာသာနန့်တတ်နိုင်သလောက်ပြန်ပနာတင်လိုက်ပါရေ။

စွယ်စုံပညာသျှင် ဦးမေအောင်

2010-09-17T10:11:00.000-07:00

. . . အင်္ဂလိပ်ဘာသာ၌ သာလျှင် အထူး ပေါက်မြောက် ချီးမွမ်းလောက်သော ပဂ္ဂိုလ် မဟုတ်သီး။ မြန်မာဘာသာ - ပေါရာဏနှင့် ဝေါဟာရ စာဟောင်း စာမျဉ်း ရို့ကိုလည်း။ အထူးလိုလား လိုက်စားသော ပုဂ္ဂိုလ်ကြီးဖြစ်တေ အားလျော်စွာ။ ယခု နာမည် ထင်ရှားလျက် ဟိသော ပရိုဖက်ဆာ ဆရာလွန်း ထံ၌ တပည့် ခံခဖူး၍။ ရှိဧချင်းဟောင်း ၁၂ စောင်တွဲ စာအုပ် တအုပ်ကို ကိုယ်တိုင် တည်းဖြတ်၍ပင် ရိုက်နှိပ် ဖြန့်ချိ ခဖူးလီသည်။ ဤကဲ့သို့ စွယ်စုံပညာဂုဏ် အရည်အချင်းဖြင့် ပြည့်စုံသဖြင့်။ မြန်မာပြည် တိုင်းရင်းသားရို့ ရနိုင်သော ရာထူးများ အနက်။ အကြီးဆုံး ဖြစ်သော ပြည်ထဲရေး အမတ်ကြီး ရာထူးဖြင့်။ အစိုးရရို့၏ ချီးကျူး ခန့်အပ်ခြင်းကို ခံခရသည် ဖြစ်ရာ။ အဆိုပါ ပုဂ္ဂိုလ်ကြီး၊ ထင်ရှား ဟိနီခြင်းသည်။ မြန်မာပြည်ကြီး၏ ကျက်သရေပင် ဖြစ်ရကာ။ ယခုကဲ့သို့။ သက်တန်း မစေ့မှီ။ ကွယ်လွန် အနိစ္စ ရောက်ရခြင်းအတွက်။ သာ၍ပင် ဝမ်းနည်းဖွယ် ဖြစ်ချေသည်။ . . . ” . . . [၂ဝဝ၇ ခုနှစ်၊ နိုဝင်ဘာလမှာ Unity စာပီက ပထမ အကြိမ် အဖြစ် ထုတ်ဝီ ဖြန့်ချိခရေ မောင်ဇေယျာ၏ 'ကမ္ဘာသိ မြန်မာများနှင့် ကမ္ဘာသိ မြန်မာ စာအုပ်များ' က "စွယ်စုံပညာသျှင် ဦးမေအောင်" အကြောင်းကို ပြန်လည် ကူးယူ ဖော်ပြစွာ ဖြစ်ပါရေ။]

စွယ်စုံပညာသျှင် ဦးမေအောင်

ကိုလိုနီခေတ် မြန်မာ့သမိုင်းတွင် စွယ်စုံ ထူးချွန်သော ပညာသျှင် တဦး မှာ ဦးမေအောင် (၁၈၈ဝ - ၁၉၂၆) ဖြစ်သည်။ ဦးမေအောင်သည် ကိုလိုနီခေတ် မြန်မာ့နိုင်ငံရေး၊ အုပ်ချုပ်ရေး၊ တရားရေး၊ ပညာရေးနှင့် စာပီ ယဉ်ကျေးမှု နယ်ပယ် အသီးသီးတွင် ရှိတန်းမှ ဦးဆောင်ဦးရွက် ပါဝင်ခသူ တဦး ဖြစ်သည်။

ဦးမေအောင်သည် နိုင်ငံရေးနှင့် ပတ်သက်လျှင် မြန်မာ့ လွတ်လပ်ရေး ကြိုးပမ်းမှု သမိုင်းတွင် အလွန် အရေးပါခသော ဝိုင်အမ်ဘီအေ (YMBA) ခေါ် ဗုဒ္ဓဘာသာ ကလျာဏ ယုဝအသင်း (၁၉ဝ၆) ကို ပြုစုပျိုးထောင်သူ၊ ရန်ကုန်မြို့တွင် ပထမဆုံး အကြိမ် ကျင်းပသော ဝိုင်အမ်ဘီအေ အသင်းများ အစည်းအဝေးတွင် ချယ်ယာမင် (သဘာပတိ) အဖြစ် ဆောင်ရွက်ခသူ၊ ၁၉၁၇ ခုနှစ်တွင် ကာလကတ္တားသို့ အန္ဒိယနိုင်ငံ ဆိုင်ရာ အတွင်းဝန် မွန်တေဂူနှင့် လားရောက် တွိ့ဆုံရန် ဝိုင်အမ်ဘီအေမှ ရွီးချယ် စီရွှတ်သော ကိုယ်စားလှယ် အဖွဲ့ဝင် အဖြစ် လားရောက်ခသူ တဦး ဖြစ်သည်။

အုပ်ချုပ်ရေး နယ်ပယ်တွင် အစိုးရ ရှိနီ တဦး အဖြစ် လည်းကောင်း၊ ဒိုင်အာခီ အုပ်ချုပ်ရေးတွင် ဒုတိယမြောက် ပြည်ထဲရေး ဝန်ကြီးချုပ် အဖြစ် လည်းကောင်း ဆောင်ရွက်ခသည်။ တရားဥပဒေ လောကတွင် ထူးချွန် ထက်မြက်သော ဝတ်လုံတော်ရ၊ တရားသူကြီး၊ တရားလွှတ်တော် တရားဝန်ကြီး၊ မြန်မာ ဗုဒ္ဓဘာသာ တရားဥပဒေနှင့် ပတ်သက်၍ အဆုံးအဖြတ် ပီးနိုင်သူ ပညာသျှင် တဦးအဖြစ် သတ်မှတ် ခံရသည်။ ပညာရေးနှင့် ပတ်သက်လျှင် ဥပဒေ ပညာကို အင်္ဂလန်ပြည် ကိန်းဘရစ် တက္ကသိုလ်၌ သင်ကြားခ၍ ဥပဒေဘွဲ့ (L.L.B) နှင့် မဟာ ဝိဇ္ဇာဘွဲ့ (M.A) ရခသည်။ ဝတ်လုံဘွဲ့ (Barrister at Law) ကို လင်ကွန်းအင်း ဥပဒေကျောင်းမှ အောင်မြင်၍ မြန်မာ ပညာရေး ဆင်ဒီကိတ် အဖွဲ့မှ ချီးမြှင့်သည့် ဘီဂန်ဒက် ရွှီတံဆိပ် ရဟိခသည်။ ထိုဆုမှာ ဘက်စုံ ပညာ ထူးချွန်သူများကို ချီးမြှင့်သည့် အဆင့်မြင့် ပညာရေးဆု တဆု ဖြစ်သည်။ ရန်ကုန် တက္ကသိုလ် ဥပဒေ ဌာန၏ ပထမဦးဆုံးသော အချိန်ပိုင်း ဥပဒေ ပါမောက္ခ (၁၉၂၁ - ၂၂) အဖြစ်လည်း ဆောင်ရွက်ခသည်။

စာပီ ယဉ်ကျေးမှုနှင့် ပတ်သက်၍ ဦးမေအောင်သည် မြန်မာ စာပီ မြန်မာ့ ယဉ်ကျေးမှု မြန်မာ့ ဓလေ့ရို့ကို အထူးရိုသီ လေးစားသူ တဦး အဖြစ် ထင်ရှားသည်။ ငယ်စဉ်က မြန်မာစာပီ၊ မြန်မာ့ ရာဇဝင်ကို ကျောင်းတွင် ဘာသာရပ် တခု အဖြစ် စနစ်တကျ သင်ကြားခွင့် မရသော်လည်း ဘိလပ်ပြန် ဝတ်လုံတော်ရ ဘဝတွင် မြန်မာ ပညာဟိများထံ တပည့်ခံ၍ လေ့လာ လိုက်စား ခသည်။ အထူးသဖြင့် ဆရာလွန်း (မစ္စတာ မောင်မှိုင်း) အား ဆရာတင်၍ ပညာရှာခသည်။ ဤသို့ဖြင့် ၁၉၁၂ ခုနှစ်တွင် ပီ၊ ပုရပိုက်တွင် တိမ်မြုပ်နီရေ ဧချင်းများကို စနစ်တကျ တည်းဖြတ်၍ ဧချင်းဟောင်း ၁၂ စောင်တွဲ အမည်ဖြင့် ထုတ်ဝီခသည်။ မော်လမြိုင်မြို့ ရမ္မာပူရ စာပုံနှိပ်တိုက်တွင် ပုံနှိပ်၍ ကိုယ်တိုင် ထုတ်ဝီခခြင်း ဖြစ်သည်။ ရမ္မာပူရ စာပုံနှိပ်တိုက်မှာ ယောက္ခမ ဦးထွန်းဖြူပိုင် ပုံနှိပ်တိုက် ဖြစ်သည်။ ဧချင်းဟောင်း ၁၂ စောင်တွဲတွင် -

ရခိုင်မင်း (အဒူမင်းညို)
သခင်ထွေး(ထွီး) ဧချင်း (သျှင်သူရဲ)
မင်းတရား ရွှေ(ရွှီ)ထီး ဧချင်း (လှော်ကားသုံးထောင်မှူး)
မင်းတရား ရွှေ(ရွှီ)ထီးနားတော်သွင်း ဧချင်း (လှော်ကားသုံးထောင်မှူး)
မင်းတရားမယ်တော် ဧချင်း (နဝဒေးကြီး)
နတ်သျှင်မယ်တော် ဧချင်း (ဆီးကိုင်းစား)
မဟာဥပရာဇ ဧချင်း (တလုပ်မြို့စား)
မင်းရဲကျော်စွာစုန် ဧချင်း (ရာဇဗာဟု)
သခင်ကြီး ဧချင်း (ပယ်သူငယ်စား ရှင်မြတ်ခေါင်)
ယိုးဒယား မိဖုရား ဧချင်း (နဝဒေးကြီး)
မင်းရဲနရာ ဧချင်း (မင်းဇေယရန္တမိတ်)
မင်းရဲဒိဓ္ဓ ဧချင်း (ရှင်သံခို) ရို့ ပါဝင်သည်။

ဦးမေအောင် တည်းဖြတ်သော ဧချင်းဟောင်း ၁၂ စောင်တွဲ ထွက်ပေါ် လာသောအခါ မြန်မာနိုင်ငံ သုတေသန အသင်းဂျာနယ် (JBRS) အတွဲ ၂၊ အပိုင်း ၁ (၁၉၁၂) တွင် ပါမောက္ခ ဒူရွိုင်ဆယ် (Mon. C. Duroiselle) က Old historical ballad (1) အမည်ဖြင့် အကျယ်တဝင့် ရွီးသား ချီးကျူးပါသည်။ တည်းဖြတ်သူ ကိုယ်တိုင် နိဒါန်း၊ ယှင်းလင်းချက်များနှင့် စနစ်တကျ ဆောင်ရွက်ခရာ နောင်အခါ မြန်မာနိုင်ငံ သုတေသန အသင်းက တည်းဖြတ် ထုတ်ဝီရေ မြန်မာကျမ်းပေါင်း ၄၆ ကျမ်း၏ ရှိပြီးဟု ဆိုနိုင်ပါသည်။ အထူးသဖြင့် ထိုအချိန်က မြန်မာစာပီ အားပီးမှု အဆင့်အတန်းမှာ များစွာ နိမ့်ကျ မျက်နှာငယ်စရာ ဦးမေအောင် ကဲ့သို့ ဘိလပ်ပြန် ဝတ်လုံတော်ရ တဦးက မြန်မာစာပီကို အလီးမူ ဆောင်ရွက်ခခြင်းသည် ဂုဏ်ယူဖွယ်ပင် ဖြစ်သည်။ ဦးမေအောင်သည် ဝိုင်အမ်ဘီအေက ကြီးမှူး ဖွင့်လှစ်သော မြန်မာ ကဗျာလင်္ကာ သင်တန်းများတွင်လည်း ပါဝင် ပို့ချခပါသည်။
၁၉၁၃ ခုနှစ်၊ ဖေဖော်ဝါရီလတွင် ရန်ကုန်မြို့ ပဲခူးခရိုင် ဝန်သျှင်တော်မင်းကြီး ရုံး၌ ဗြိတိသျှ ပဋိညာဉ်ခံ အရာဟိများ ရွီးချယ်ရန် စုံစမ်းရေ ဆွေးနွေးပွဲ တခု ပြုလုပ်ခသည်။ ထိုဆွေးနွေးပွဲသို့ တက်ရောက်ခသော ဘိလပ်ပြန် ဝတ်လုံတော်ရ ဦးမေအောင်သည် ရိုးရာ ခေါင်းပေါင်းဖြူဖော့လုံး၊ ထိုင်မသိမ်း အင်္ကျီ၊ တောင်ရှည် ပုဆိုးရို့ကို မြန်မာ့ ယဉ်ကျေးမှု အတိုင်း ဝတ်ဆင်ခရာ သူရိယ သတင်းစာ အယ်ဒီတာ ဆရာလွန်းသည် အားရဝမ်းသာ ‘ပဋိညာဉ်ခံဘွဲ့ တေးထပ်’ ရွီး၍ ချီးကျူးခသည်။ ယင်းတေးထပ်ကို သူရိယ သတင်းစာ (၁၈ ဖေဖော်ဝါရီ ၁၉၁၃) တွင် ဖော်ပြခသည်။

“မျိုးမြန်မာ ညှိုးလာခဗျာယ်မို့၊၊ ကိုးရာမဲ့ချိန်တွင်၊

ရိုးရာကွယ့်မတိမ်ချင်ရေ၊ ပဋိညာဉ်ခန့်ပွဲ။ ။

မြင်ရချက် ကိုယ်သဏ္ဌာန်မှာ၊ ဗိုလ်ဆံ ဆံ များကြားသဘဲ။ ။

နန်းစရိုက် ကျမ်းသိုက်နွယ်ရေ၊ လွမ်းလိုက်ဖွယ်တပွဲ။ ။

မန်းဂိုက်နှယ်ဆင်နွှဲလို့၊ သွင်တနဲတင့်အောင်။ ။

ဖော့လုံးဖြူ မြိုင်မြိုင်ထိန်းပါလို့၊ ထိုင်မသိမ်းဝတ်လို့မြင်ယောင်။ ။

မင်းတပါး ဦးမေအောင်မှာ၊ မှူးကေသျှောင် သဒ္ဓါမြို့ပါလို့၊

မြန်မာရို့ ကိုးကြစရာ၊ ဖြိုးကသမ္ဘာ၊

သြဘာဆုခွန်းလှစ်ဖြာရေ၊ သွန်းမေတ္တာလောင်းပါ၏လေး။ ။”

(အထူးမှာကြားချက်။ ။ ကျွန်တော်လည်း တေးထပ်ကိုဇာပိုင်စပ်တေဆိုစွာကိုနားမလည်ပါ ယင်းအတွက်ကြောင့် အောက်က မြန်မာဘာသာမူရင်းကိုပါထည့်ပီးလိုက်ခြင်းဖြစ်ပါရေ။ အထက်ကစွာ ကျွန်တော် ရခိုင်ပိုင်ပြန်ထားစွာပါ။

“မျိုးမြန်မာ ညှိုးရှာခဲ့ပြီမို့၊ ကိုးရာမဲ့ချိန်တွင်၊

ရိုးရာကွယ့်မတိမ်ချင်တယ်၊ ပဋိညာဉ်ခန့်ပွဲ။ ။

မြင်ရချက် ကိုယ်သဏ္ဌာန်မှာ၊ ဗိုလ်ဆံ ဆံ များကြားသဘဲ။ ။

နန်းစရိုက် ကျမ်းသိုက်နွယ်တယ်၊ လွမ်းလိုက်ဖွယ်တပွဲ။ ။

မန်းဂိုက်နှယ်ဆင်နွှဲလို့၊ သွင်တနဲတင့်အောင်။ ။

ဖော့လုံးဖြူ မြိုင်မြိုင်ထိန်းပါလို့၊ ထိုင်မသိမ်းဝတ်လို့မြင်ယောင်။ ။

မင်းတပါး ဦးမေအောင်မှာ၊ မှူးကေသျှောင် သဒ္ဓါမြို့ပါလို့၊

မြန်မာတို့ ကိုးကြစရာ၊ ဖြိုးကသမ္ဘာ၊

သြဘာဆုခွန်းလှစ်ဖြာတယ်၊ သွန်းမေတ္တာလောင်းပါရဲ့လေး။ ။”)

ဟူ၍ ဖြစ်သည်။

ဦးမေအောင်၏ ထင်ရှားသော ဥပဒေ စာအုပ်မှာ မြန်မာ ဗုဒ္ဓဘာသာ ဓမ္ဓသတ် ဥပဒေများနှင့် ပတ်သက်သည့် A Selection of Leading Cases on Buddhist Law ဖြစ်သည်။ ယင်းစာအုပ်ကို ၁၉၁၄ တွင် Part I. Matrimonial Law၊ ၁၉၁၆ ခုနှစ်တွင် Part II. Adoption, Pre-emption Gift, and Religious Usage၊ ၁၉၁၉ တွင် Part III. Succession and Inheritance ဟူ၍ ထွက်ပေါ်လာသည်။ ၁၉၂၆ ခုနှစ်တွင် ထုတ်ဝီပြီး ၃ ပိုင်းကို ပေါင်း၍ ဒုတိယအကြိမ် ထပ်မံ ပုံနှိပ်သည်။ ဒုတိယ အကြိမ်မူတွင် တည်းဖြတ်သူ မောင်အေးမောင် M.A., LL.B (Cantab) of Middle Temple, Barrister-at-Law ဖြစ်သည်။ မောင်အေးမောင်မှာ ထက်မြက်သော ဥပဒေ ပညာသျှင် ဖဆပလခေတ် တရားရေး ဝန်ကြီး ဒေါက်တာ အေးမောင် ဖြစ်သည်။ ဦးမေအောင်သည် ဗုဒ္ဓဘာသာ ဓမ္မသတ် ဥပဒေ စာအုပ်ဖြင့် ၁၉၂၂ ခုနှစ်တွင် ကိန်းဘရစ် တက္ကသိုလ်မှ ဥပဒေ မဟာဝိဇ္ဇာဘွဲ့ (L.L.M) ထပ်မံ ချီးမြှင့် ခံရသည်။

ဦးမေအောင်၏ စွယ်စုံ ထက်မြက်သော အရည်အချင်းများကို ထောက်၍ ထိုခေတ် အုပ်ချုပ်သူ ဗြိတိသျှ ပညာတတ် အသိုင်းအဝိုင်း၊ အိုင်စီအက်စ် ဝန်ထမ်းများကပင် မြန်မာ တိုင်းရင်းသာရို့၏ ပင်ကိုဉာဏ် ထူးချွန် ထက်မြက်မှု၊ ယဉ်ကျေးမှု အဆင့်တန်း မြင့်မားမှုရို့ကို ဝန်ခံခကတ်သည်။ ပညာရေး နယ်ပယ်တွင် မြန်မာနိုင်ငံ၏ တခုတည်းသော သက်တမ်းရှည်ကြာ ကျန်လိုက်တေ မြန်မာနိုင်ငံ သုတေသန အသင်း (၂၉ မတ် ၁၉၁ဝ) ကို တည်ထောင်ခသူများတွင် တဦး အပါအဝင် ဖြစ်သည်။ အသင်းကြီး၏ တိုးတက်ရာ တိုးတက်ကြောင်းကို အားသွန်ခွန်စိုက် တက်တက်ကြွ့ကြွ အမြဲပါဝင် ဆောင်ရွက်ခသူ တဦး ဖြစ်သည်။ အသင်းကြီး၏ နှစ်ပတ်လည် အစည်းအဝေးများ၊ ဆပ်ကော်မတီ အစည်းအဝေးများတွင် အစဉ်အမြဲ ဆွေးနွေး အကြံပီးသော ပုဂ္ဂိုလ် တဦးလည်း ဖြစ်သည်။ စိတ်ဝင်စားဖွယ် အကြံကောင်း ဉာဏ်ကောင်းများကို ပီး၍ အသင်း လုပ်ငန်းများတွင် စိတ်နန့်ကိုယ်ပါ နှစ်မြုပ် ထားနိုင်သူ ဟုလည်း သတ်မှတ်ခံရသည်။ အထူးသဖြင့် စကားပြော ကောင်းသူ၊ သွက်လက်သူ၊ စွယ်စုံ ထူးချွန်သူဟု ထင်ရှားသည်။ ကျောက်စာဝန် မစ္စတာ တော်စိန်ခိုသည် မြန်မာနိုင်ငံ ရှိဟောင်း သုတေသန တွိ့ဟိချက် အထောက်အထားများနှင့် ပတ်သက်၍ တရုတ် ယဉ်ကျေးမှု သြဇာ အလီးပီး တင်ပြတိုင်း ပွင့်ပွင့်လင်းလင်း ကန့်ကွက် ဆွေးနွေးလေ့ ဟိသူ တဦး ဖြစ်သည်။ ထိုကန့်ကွက်ချက်များကို အသင်းမှ ထုတ်ဝီသော မြန်မာနိုင်ငံ သုတေသန အသင်း ဂျာနယ်တွင် တွိ့နိုင်ပါသည်။ ဦးမေအောင်သည် မြန်မာနိုင်ငံ သုတေသန အသင်းကြီး၏ ဒုတိယ ဥက္ကဋ္ဌ အဖြစ် နှစ်ပေါင်များစွာ ရွီးချယ် ခံခရရုံမျှမက ဥက္ကဋ္ဌ၊ ဆပ်ကော်မတီဝင်၊ ဂုဏ်ထူးဆောင် သုတေသန ဂျာနယ် အယ်ဒီတာ တာဝန်များကိုပါ ထမ်းဆောင်ခသည်။ အသင်းမှ ကြီးမှူး ကျင်းပသော မြန်မာစာပီ ပြိုင်ပွဲများတွင် အကဲဖြတ် လူကြီး၊ ဆုငွေအတွက် အလှူသျှင်၊ မြန်မာကျမ်းများ ပုံနှိပ် တည်းဖြတ် ထုတ်ဝီရေး အဖွဲ့ သဘာပတိ တာဝန်များကိုလည်း ဆောင်ရွက်ခသည်။ အသင်းမှ ထုတ်ဝီသော မြန်မာနိုင်ငံ သုတေသန အသင်း ဂျာနယ်တွင် စာအုပ် ဝေဖန်ချက်၊ စုံစမ်း မန်းမြန်းချက် မှတ်စုတို၊ အယ်ဒီတာ့ဘားသို့ ပီးစာနှင့် သုတေသန ဆောင်းပါးများ ရွီးသားခရာ ယင်းရို့မှာ -

‘Inaugural address.’ JBRS. Vol.1, (Jun 1911) P.2-9.
. ‘Shwe Zan Aung’s logic in Burmese (Myanmar)’ JBRS. Vol.1, Pt.1 (June 1911) P. 113-117
‘Note on Saya Thein’s Shin Sawbu.’ JBRS. Vol.1, Pt.2 (Dec 1911) P.16-18
‘Critical note on Mr.Taw Sein Ko’s paper on ‘The Chinese antiquities of Pagan.(Bagan).’ JBRS. Vol.1, Pt.2 (Dec 1911) P.43-46.
‘Shwe Nat-Taung Thamaing. ‘JBRS. Vol.1, Pt.2 (Dec 1911) P.56-57.
‘Name of Burmese(Myanmar)Kings.’ JBRS. Vol.1, Pt.1 (June 1911) P.83-84.
‘Garu and Lahu.’ JBRS. Vol.1, Pt.1 (June 1911) P.88-91
‘The chronology of Burma(Myanmar).’ JBRS. Vol.2, Pt1 (June 1912) P.8-29
‘Prome and Pyus’. JBRS. Vol.2, Pt.1 (June 1912) P.72-74
‘Origin of the world”Talaing”.’ JBRS. Vol.2, Pt.1 (June 1912) P. 73-74
‘To the editor,Rangoon (Yangon) Gazette’. JBRS. Vol.2, Pt.1 (June 1912) P. 80-81, 83-84, 86-87
‘Burmese(Myanmar) prosody’. JBRS. Vol.2, Pt.1 (June 1912) P.92-93
‘The Burmese (Myanmar)era.’ JBRS. Vol.2, Pt.2 (Dec 1912) P.197-203
‘Note to the legend of the Kyaukwaing Pagoda.’ JBRS. Vol.2, Pt.2 (Dec 1912) P.217
‘Burmese spelling’. JBRS. Vol.2, Pt.2 (Dec 1912) P. 260-262
‘Archaeology in Burma (Myanmar).’ JBRS. Vol.2, Pt.2 (Dec 1912) P. 267-269.
‘Burmese sketches.’ JBRS. Vol.3, Pt.2 (Dec 1913) P. 191-192.
‘The derivation of Ramanna.’ JBRS. Vol.4, Pt.2 (Dec 1914) P. 148.
‘Note on Saya Thein’s Let-we-thondara.’ JBRS. Vol.6, Pt.2 (Dec 1916) P.9.
‘Some Mon Place-names.’ JBRS. Vol.7, Pt.2 (Dec 1917) P. 143-145.

မြန်မာနိုင်ငံ သုတေသန အသင်း ဂျာနယ်တွင် ဦးမေအောင်ရွီးသားခသော ဝေဖန်ချက်၊ မှတ်ချက်၊ ဆွေးနွေးချက်၊ သုတေသန စာတမ်းများ အနက် မွန်ဒေသ အမည်များ (Some Mon Place- name’s) နှင့် မြန်မာပြည် ရက်စွဲသမိုင်း (Chronology of Burma) ရို့မှာ စိတ်ဝင်စားဖွယ် ကောင်းသည်နှင့် အမျှ ပညာသျှင်များ၏ နှစ်သက်ခြင်း ခံရသည်။ မွန်ဒေသ အမည် အချို့တွင် အောက်မြန်မာနိုင်ငံဟိ ရန်ကုန်၊ ကမာရွတ်၊ အင်းစိန်၊ မင်္ဂလာဒုံ၊ ကျိုက္ကဆံ၊ သင်္ဃန်းကျွန်း၊ ကော့ချဲ၊ ဓားပိန်၊ ပဲခူး၊ ဇိုင်ဂနိုင်၊ စစ်တောင်း၊ မုတ်ပလင်၊ ကျိုက်ကသာ၊ ကျိုက်ထို၊ သထုံ၊ ဇင်းကျိုက်၊ ပေါင်၊ မုတ္တမ၊ မော်လမြိုင်၊ ထားဝယ်၊ တနင်္သာရီ၊ မှော်ဘီ၊ သာယာဝတီ၊ တာပွန်၊ သံလျှင်၊ ဒလ၊ ခနောင်တို၊ တွံတေး၊ ဒေးဒရဲ၊ ဖျာပုံ၊ ညောင်တုန်း၊ ကျုံပျော်၊ ပုသိမ် ဒေသ အမည် ၃၃ မျိုး၏ မွန်ဝေါဟာရ ရင်းမြစ်များကို တင်ပြထားပါသည်။ မြန်မာပြည်ရက်စွဲ သမိုင်း သုတေသန စာတမ်းကို အင်္ဂလိပ်ဘာသာရေး ရည်ညွှန်းကျမ်း ၁၇ ကျမ်း၊ မြန်မာဘာသာရေး ရာဇဝင် သမိုင်းကျမ်း ၂၅ ကျမ်းကို စနစ်တကျ ကိုးကား၍ ဘီစီ ၈ ရာစုခန့် တကောင်းဒေသတွင် အဘိရာဇာ နန်းစိုက်သည်မှ အေဒီ ၁၇၅၂ ရွှေဘိုတွင် အလောင်းမင်းတရား ကုန်းဘောင်ဆက် စတင်သည် အထိ ရက်စွဲ သက္ကရာဇ်ဖြင့် မြန်မာ့သမိုင်းကို ရွီးသားထားသည်။ ကိုးကား ရည်ညွှန်းရာ မြန်မာ ရာဇဝင်ကျမ်း ၂၅ ကျမ်းတွင် ဦးကုလား ရာဇဝင်၊ တွင်းသင်း ရာဇဝင်၊ ရာဇဝင်ကျော်၊ သံလျင်ရာဇဝင်၊ မဟာမုနိသမိုင်း၊ မဟာဇေယျ၏ ရခိုင် ရာဇဝင်၊ ရခိုင် မင်းသမီး ဧချင်း ရို့မှာ ပုံနှိပ်မူ မထွက်သီး၍ ပီမူများကို လေ့လာပြီး ရွီးသားခခြင်း ဖြစ်သည်။ ထိုကြောင့် ဦးမေအောင် ရုတ်တရက် ကွယ်လွန်ချိန်တွင် ပါဠိ ပါမောက္ခ ဦးဖေတင်မောင်က သုတေသန ဂျာနယ်တွင် ဝမ်းနည်း မှတ်တမ်း ရွီးသောအခါ “ဦးမေအောင်သည် သုတေသန နယ်ပယ်တွင် ဇောက်ချခလျှင် ပထမတန်းစား သုတေသန ပညာသျှင် အဖြစ် တွိ့နိုင်ကြောင်း” The Chronology of Burma (Myanmar) စာတမ်းကို ထောက်၍ မှတ်ချက် ချခပါသည်။

ဦးမေအောင်၏ အခြား ထင်ရှားသော ယဉ်ကျေးမှု စာတမ်းမှာ ၁၉၁ဝ ခုနှစ် လန်ဒန်မြို့ လွိုက်ကရိတ်တာ ဗြိတိန် ပုံနှိပ်တိုက်မှ ထုတ်ဝေသည့် Twentieth Century Impression of Burma (Myanmar) ၂ဝ ရာစု မြန်မာ့ ပုံရိပ်တွင် မြန်မာ့ ယဉ်ကျေးမှု ဓလေ့ဆိုင်ရာ ‘Burmese (Myanmar) Manners and Customes’ စာတမ်း ဖြစ်သည်။

ဦးမေအောင်ကို ၁၈၈ဝ ပြည့်နှစ်၊ ဇန်နဝါရီ ၆ ရက်နိ့တွင် စစ်တွေမြို့၌ အဖ ဦးသာဒိုးဖြူး၊ အမိ ဒေါ်နှောင်းဒွေးရို့မှ ဖွားသည်။ မွီးချင်း ၄ ယောက်တွင် ဒုတိယမြောက် သားဖြစ်သည်။ ငယ်စဉ်ကပင် မိဘများ ကွယ်လွန်၍ အမိဖက်မှ ဘာကြီး ဖြစ်သူ ဦးလှအောင်၊ ဒေါ်မြမေရို့က အိန္ဒိယသို့ ခေါ်ယူ၍ ကာလကတ္တားတွင် ပညာ သင်ခရသည်။ ဦးလှအောင်မှာ မြန်မာ တိုင်းရင်းသားများ ထဲမှ တဦးတည်းသော မဒရပ် ငွေတိုက် မင်းကြီး အဖြစ် အမှု ထမ်းရွက်ခရ၍ ငွေစာရင်း မင်းကြီး ဦးလှအောင် အဖြစ် ထင်ရှားသည်။ ဒေါ်မြမေမှာ စစ်ကဲ ဦးထော်လေး၏ သမီးဖြစ်၍ မင်းကြီးကတော် ဒေါ်မြမေဟု လူသိများသည်။ ဦးမေအောင်မှာ စစ်ကဲ ဦးထော်လေး၏ ဒုတိယ အိမ်ထောင်မှ မွီးဖွားရေ သမီး ဒေါ်မြမေ၏ ခင်ပွန်း ငွေတိုက်မင်းကြီး ဦးလှအောင်၏ တူဖြစ်သည်။ ဦးမေအောင်သည် ကာလကတ္တားနှင့် ရန်ကုန် အစိုးရ အထက်တန်း ကျောင်းတွင် ပညာသင်၍ တက္ကသိုလ်ဝင်တန်း စာမိန်းပွဲ၌ မြန်မာစာနှင့် အင်္ဂလိပ်စာ ပထမရ သဖြင့် ရနောင်း ဘုရင်ခံဆု ချီးမြှင့်ခံရသည်။ ရန်ကုန် ကောလိပ် အက်ဖ်အေ (ဥပစာတန်း) တွင် ပထမရ၍ ဂျားဒင်းဆု ထပ်မံ ရဟိသည်။ ၁၈၉၈ ခုနှစ်၊ ဘီအေ နောက်ဆုံးတန်းတွင် ပညာ သင်နီစဉ် ကျန်းမာရေး ချို့ယွင်း၍ ကျောင်းမှ ထွက်ခရသည်။ ၁၉ဝ၂ ခုနှစ်တွင် ဒုတိယတန်း ရှိနီ စာမိန်းပွဲ အောင်မြင်ခသည်။
၁၈၉၉ ခုနှစ်တွင် မော်လမြိုင်မြို့ ရမ္မာပူရ စာပုံနှိပ်တိုက် ဦးထွန်းဖြူ၊ ဒေါ်မေရို့၏ သမီး မသိန်းမြနှင့် လက်ထပ်ခသည်။ ဒေါ်မေမှာ အခွန်ဝန် ဦးအုန်းရွှေ၊ ဒေါ်မျှား၏ သမီး ဖြစ်သည်။ ဒေါ်မျှားမှာ စစ်ကဲကြီး ဦးထော်လေးနှင့် ပထမ အိမ်ထောင်ဆက် ဒေါ်မင်းလူရို့မှ ဖွားမြင်ရာ ဒေါ်သိန်းမြမှာ စစ်ကဲကြီး ဦးထော်လေး၏ မြစ်ဖြစ်သည်။

ဦးမေအောင်သည် မြိတ်မြို့ အထက်တန်းကျောင်း အထက်တန်းပြ၊ မော်လမြိုင်မြို့ သျှင်မဗုဒ္ဓဃောသ အထက်တန်း ကျောင်းအုပ်၊ ၁၉ဝဝ ပြည့်နှစ်တွင် ရန်ကုန် မော်တင်လမ်း ဦးရွှေအိုး ရခဲစက်နှင့် သစ်ဝါးရောင်းဝယ်ရေး မန်နေဂျာအဖြစ် ဆောင်ရွက်သည်။ ၁၉ဝ၂ ခုနှစ်တွင် ဒုတိယတန်း ရှိနီ စာမေးပွဲ အောင်မြင်ပြီးနောက် ညီအစ်ကိုဝမ်းကွဲ တော်စပ်သူ ဦးဘလှအောင် (ငွေစာရင်း မင်းကြီး ဦးလှအောင်၊ မင်းကြီးကတော် ဒေါ်မြမေရို့၏ တဦးတည်းသောသား) နှင့်အတူ ‘အောင်နှင့် အောင်’ အမည်ဖြင့် ရှိနီလုပ်ငန်းကို လုပ်ကိုင်သည်။

၁၉ဝ၄ ခုနှစ်တွင် ဦးဘလှအောင်နှင့် အတူ အင်္ဂလန်သို့ ဥပဒေ ပညာသင် ထွက်ခွာခသည်။ ၁၉ဝ၄ မှ ၁၉ဝ၇ ခုနှစ် အတွင်း အင်္ဂလန်နိုင်ငံ ကိန်းဘရစ် တက္ကသိုလ်မှ ဥပဒေဘွဲ့ (LL.B)၊ မဟာဝိဇ္ဇာဘွဲ့ (M.A) နှင့် လင်ကွန်းအင်း ဥပဒေ ကျောင်းမှ ဘာရစ်စတာ အက်ထ်လော (Barrister-at-Law) ဝတ်လုံဘွဲ့များကို ထူးချွန်စွာ ရခ၍ မြန်မာနိုင်ငံ ပညာရေး ဆင်ဒီကိတ် အဖွဲ့၏ ဘက်စုံ ပညာ ထူးချွန်ဆု ဘီဂန်ဒက် ရွှီတံဆိပ် ချီးမြှင့်ခံရသည်။

၁၉ဝ၈ မှ ၁၉၂ဝ အတွင်း ဘိလပ်ပြန် ဝတ်လုံတော်ရ အဖြစ် အသက်မွီး ဝမ်းကျောင်းပြု၍ ဝိုင်အမ်ဘီအေ (YMBA) ခေါ် ဗုဒ္ဓဘာသာ ကလျာဏယုဝ အသင်းကြီးတွင် ပါဝင် ဆောင်ရွက်ခသည်။ ဘိလပ်ပြန် ဝတ်လုံတော်ရ ဦးပု (နန်းရင်းဝန် ဦးပု)၊ ပညာဝန် ဦးမုန်း၊ အငြိမ်းစားဝန်ထောက် ဦးဖေရို့နှင့် အတူ ဝိုင်အမ်ဘီအေ အသင်းများ ဖွဲ့စည်း တည်ထောင်ရေး အတွက် နယ်များသို့ ဆင်း၍ တရားဟောရာ ဝိုင်အမ်ဘီအေ အသင်းကြီး၏ ရှိတန်း ဦးဆောင်သူ တဦး ဖြစ်လာသည်။ ၁၉၁၁ ခုနှစ် ရန်ကုန်မြို့တွင် ကျင်းပသော အရပ်ရပ် ဝိုင်အမ်ဘီအေအသင်းများ အစည်းအဝေးကြီးတွင် ချယ်ရာမင် (သဘာပတိ) အဖြစ် ဆောင်ရွက်ခသည်။ ၁၉၁၆ ခုနှစ် ဟင်္သတမြို့တွင် ကျင်းပသော စတုတ္ထ အကြိမ် ညီလာခံတွင် အစည်းအဝေး သဘာပတိ အဖြစ် ဆောင်ရွက်သည်။ ၁၉၁၇ ခုနှစ်၊ နိုဝင်ဘာလတွင် ဦးဖေ၊ ဦးဘဘေ၊ ဝတ်လုံတော်ရ ဦးစု (မန္တလေး) ရို့နှင့်အတူ အိန္ဒိယနိုင်ငံ ကာလကတ္တားသို့ လားရောက်၍ အိန္ဒိယနိုင်ငံ ဆိုင်ရာ အတွင်းဝန် မွန်တေဂူကို တွိ့ဆုံပြီး ကိုယ်ပိုင် အုပ်ချုပ်ရေးကို တင်ပြခသည်။
ဝိုင်အမ်ဘီအေ အသင်းကြီးသည် မူလ ရည်မှန်းချက် ဖြစ်သော အမျိုး ဘာသာ သာသနာ ကိစ္စများတွင် သာမက နိုင်ငံရေး ကိစ္စများကို ဝင်ရောက် ဆောင်ရွက်လာရာ နိုင်ငံရေး မဆောင်ရွက်လိုသူ လူကြီး အဖွဲ့နှင့် နိုင်ငံရေးကို ဆက်လက် ဆောင်ရွက်လိုသူ လူငယ် အဖွဲ့ ကွဲပြားလာသည်။ လူကြီး အဖွဲ့ကို ‘တူ သာ သင်း’ (ဦးဘတူ၊ ဦးဖိုးသာ၊ ဦးသင်း) ရို့က ဦးဆောင်ခရာ ဦးမေအောင်သည် လူကြီး အဖွဲ့ဘက်သို့ ပါဝင်ခရာမှ ၁၉၂ဝ ခုနှစ်တွင် အစိုးရ လက်ထောက် ရှိနီ၊ ဥပဒေ သုံးသပ်ရေး အရာဟိ၊ ဥပဒေအဖွဲ့ အတွင်းရေးမှူး၊ အစိုးရ ရှိနီ၊ ရန်ကုန် တက္ကသိုလ် ဥပဒေဌာန အချိန်ပိုင်း ပါမောက္ခ၊ ၁၉၂၂ ခုနှစ်တွင် တရားလွှတ်တော် တရားဝန်ကြီး၊ ၁၉၂၄ တွင်ပြည်ထဲရေး ဝန်ကြီးချုပ် အဖြစ် ဗြိတိသျှ အစိုးရ၏ သူကောင်းပြုခြင်း ခံရသည်။ ပြည်ထဲရေး ဝန်ကြီးချုပ် အဖြစ် တာဝန် ထမ်းဆောင်နီစဉ် ၁၉၂၆ ခုနှစ်၊ ဇွန်လ ၅ ရက်နိ့တွင် ပြင်ဦးလွင်မြို့၌ ရုတ်တရက် ကွယ်လွန်ခသည်။

ဦးမေအောင်တွင် သားသမီး ၃ ဦး ထွန်းကား၍ သားကြီး သတိုးအောင်မှာ ရန်ကုန် တက္ကသိုလ် ဘီအေ နောက်ဆုံးနှစ်တွင် ပညာ သင်ကြားနီစဉ် ကွယ်လွန်ခသည်။ သတိုးအောင်မှာ ပညာထူးချွန်၍ တက္ကသိုလ်ဝင်တန်း အောင်စဉ်က ဖခင် ဦးမေအောင် ကဲ့သို့ ရနောင်း ဘုရင်ခံဆု ရရှိခသည်။ သားငယ် ထွန်းလှအောင်မှာ ကိုလိုနီခေတ် အုပ်ချုပ်ရေး လောကတွင် ထင်ရှား၍ လွတ်လပ်ရေး ခေတ်ဦးတွင် ရဲမင်းကြီး ဦးထွန်းလှအောင် ဖြစ်သည်။ သမီးငယ် မမြစိန်မှာ မြန်မာ အမျိုးသမီးများ ထဲမှ ပထမဦးဆုံး အမ်အေ (သုတေသန အထူးပြု) ဘွဲ့၊ အောက်စဖို့ဒ် တက္ကသိုလ်မှ ဘီလစ်ဘွဲ့များ ရခသော သမိုင်း ပညာသျှင် တဦး ဖြစ်သည်။ ဥပစာတန်းတွင် ပထမရ၍ ဖခင်ကဲ့သို့ ဂျားဒင်းဆု ချီးမြှင့်ခြင်း ခံရသည်။

ဦးမေအောင်သည် မြန်မာနိုင်ငံ ပညာရေး ဆင်ဒိကိတ် အဖွဲ့ဝင်၊ ရန်ကုန် တက္ကသိုလ် ကောင်စီဝင်၊ တက္ကသိုလ် အုပ်ချုပ်ရေး အဖွဲ့ဝင် တဦး ဖြစ်၍ ကရက်ဒေါက် စီမံကိန်းတွင် ပါဝင်ခရရာ အချို့ ပုဂ္ဂိုလ်များ၏ အထင်မှား အမြင်မှား ခံခရပါသည်။ ထို့ကြောင့် ပြည်ထဲရေး ဝန်ကြီးချုပ် ဦးမေအောင် ကွယ်လွန်ရေ အခါ ဒီးဒုတ်ဂျာနယ်၊ ဒုတိယတွဲ နံပါတ် ၂ (၁၂ ဇွန် ၁၉၂၆ ) တွင် ဒီးဒုတ် ဂျာနယ် တည်းဖြတ်သူ ဒီးဒုတ် ဦးဘချိုက အောက်ပါအတိုင်း မှတ်ချက် ချခပါသည်

အထူးဝမ်းနည်းဖွယ်

ပြည်ထဲရေး ဌာန ဝန်ကြီးချုပ် ဦးမေအောင်သည် ဇွန်လ ၅ ရက်၊ စနီ နိ့ ည ၈ နာရီ ၃၅ မိနစ်တွင်၊ မေမြို့ (ပြင်ဦးလွင်) ဟိ နီအိမ်၌ အနိစ္စရောက်ကြောင်း ကြားသိရသော ကျွန်ုပ်ရို့မှာ။ အထူးဝမ်းနည်း နှစ်မြောမိသည် ဖြစ်ရာ။ ထိုသတင်းကို ကြားသိရသော တိုင်းရင်းသား မှန်သမျှရို့မှာ။ ကျွနိုပ်ရို့ ကဲ့သို့ပင် ဝမ်းနည်းလိမ့်မည်ဟု မျှော်လင့်ပါကြောင်း။လားလီသူ ဦးမေအောင်မှာ။ အင်္ဂလိပ်ဘာသာ၌ သာလျှင် အထူး ပေါက်မြောက် ချီးမွမ်းလောက်သော ပဂ္ဂိုလ် မဟုတ်သီး။ မြန်မာဘာသာ - ပေါရာဏနှင့် ဝေါဟာရ စာဟောင်း စာမျဉ်း ရို့ကိုလည်း။ အထူးလိုလား လိုက်စားသော ပုဂ္ဂိုလ်ကြီးဖြစ်သည့် အားလျော်စွာ။ ယခု နာမည် ထင်ရှားလျက် ဟိသော ပရိုဖက်ဆာ ဆရာလွန်း ထံ၌ တပည့် ခံခဖူး၍။ ရှိဧချင်းဟောင်း ၁၂ စောင်တွဲ စာအုပ် တအုပ်ကို ကိုယ်တိုင် တည်းဖြတ်၍ပင် ရိုက်နှိပ် ဖြန့်ချိ ခဖူးလီသည်။ ဤကဲ့သို့ စွယ်စုံပညာဂုဏ် အရည်အချင်းဖြင့် ပြည့်စုံသဖြင့်။ မြန်မာပြည် တိုင်းရင်းသားရို့ ရနိုင်သော ရာထူးများ အနက်။ အကြီးဆုံး ဖြစ်သော ပြည်ထဲရေး အမတ်ကြီး ရာထူးဖြင့်။ အစိုးရရို့၏ ချီးကျူး ခန့်အပ်ခြင်းကို ခံခရသည် ဖြစ်ရာ။ အဆိုပါ ပုဂ္ဂိုလ်ကြီး၊ ထင်ရှား ဟိနီခြင်းသည်။ မြန်မာပြည်ကြီး၏ ကျက်သရေပင် ဖြစ်ရကာ။ ယခုကဲ့သို့။ သက်တန်း မစေ့မှီ။ ကွယ်လွန် အနိစ္စ ရောက်ရခြင်းအတွက်။ သာ၍ပင် ဝမ်းနည်းဖွယ် ဖြစ်ချေသည်။

အထင်မမှားအပ်ပေ

ဦးမေအောင် - ပြည်ထဲရေး ဝန်ကြီးချုပ် ရထူးကို ထမ်းရွက် နီခိုက်၌၊ တိုင်းသူ ပြည်သားရို့နှင့် တဖက်တလမ်း ပြုလုပ်သည်ဟု အချို့သော သတင်းစာများ၌ စွပ်စွဲချက် အရ။ လားလီသူ ဦးမေအောင် အပေါ်၌ အထင် မမှားအပ်ပေ။ ဦးမေအောင်သည်။ အစိုးရ အမှုထမ်း အဖြစ်သို့ မရောက်မှီ။ ဝိုင်အမ်ဘီအေ အသင်း၌။ ဥက္ကဋ္ဌ အဖြစ်ဖြင့်ပင် အကြာကြီး ဆောင်ရွက် ရေအပြင်။ ဝတ်လုံ အတတ်ကို။ အင်္ဂလန်ပြည်သို့ လားရောက် သင်ကြားပြီးနောက်။ မြန်မာပြည်သို့ ပြန်၍ ရောက်ဟိသော ဝတ်လုံများ အနက်။ မိမိရို့ မျိုးရိုးဇာတိ အဝတ်အစားကို မပြောင်းလဲဘဲ။ အမြဲဝတ်ဆင်လေ့ ဟိသူမှာ။ ဦးမေအောင်ပင် ဖြစ်ရကာ။ ဤကဲ့သို့ မျိုးရိုး ဇာတိကို ရိုသေသော ပညာဟိ တယောက်သည်။ မိမိ အလိုအလျောက်အားဖြင့်။ တိုင်းသူပြည်သားရို့ ဆန့်ကျင်၍။ တိုင်းပြည် ပျက်စီးအောင် ပြုလိမ့်မည်ဟု မမျှော်လင့်အပ်ပေ။ မိမိထမ်းရသော ရာထူး၏ အခွင့် ဟိသလောက်သာလျှင် ဆောင်ရွက်နိုင်သည် ဖြစ်ရာ၊ ဦးမေအောင်၏ စီမံခန့်ခွဲခြင်းရို့သည်။ တိုင်းသူ ပြည်သားရို့၏ အလိုနှင့် ဆန့်ကျင်ခသော။ အုပ်ချုပ်ခြင်း စည်းစနစ် ဖြစ်သော ဒိုင်အာကီကို သာလျှင် အပြစ်တင် ထိုက်ပေသည်။

အညွှန်း။

ဇော်ဂျီ၊ သခင် ကိုယ်တော်မှိုင်း ဋီကာ၊ ဒု-နှိပ်၊ ရန်ကုန်၊ ၁၉၆၉၊ စာ ၄၇။
၂၅ နှစ်မြောက် ဓမ္မဗျူဟာ ငွေရတုစာစောင်။ ရန်ကုန်၊ ဓမ္မဗျူဟာ စာစောင်တိုက်၊ ၁၉၈၆။
ဝိုင်အမ်ဘီအေ ၇၅ နှစ် ခရီး၊ ရန်ကုန်၊ ဗုဒ္ဓဘာသာ ကလျာဏယုဝ အသင်း၊ ၁၉၈၂။
‘အထူးဝမ်းနည်းဖွယ်’၊ ဒီးဒုတ်ဂျာနယ် အတွဲ၂၊ အမှတ်၂ (၁၂ဇွန် ၁၉၂၆ ) စနေ၊ စာ ၁။
Twentieth Century Impressions of Burma. London: Lloy’ds Greater Britain Publishing
Pe Maung Tin, U. ‘The late U May Oung, obituary notice’ JBRS.Vol.16, Pt.2(Dec 1926) P.158.
Who’s who in Burma (Myanmar).
Calcutta: Indo-Burma Publishing Agency, 1926.P.172

[မိုးဂျာနယ်၊ အမှတ် ၂၊ ဖေဖော်ဝါရီ ၂ဝဝ၅]

http://wikimyanmar.co.cc/wiki/index.php?title=%E1%80%A6%E1%80%B8%E1%80%B1%E1%80%99%E1%80%B1%E1%80%A1%E1%80%AC%E1%80%84%E1%80%B9

အနောက်နိုင်ငံများသို့ အဘိဓမ္မာစတင်မျိုးစေ့ချသူ (သို့) ဦးရွှေဇံအောင်

2010-09-14T11:04:00.005-07:00

အနောက်နိုင်ငံများတွင် ဗုဒ္ဓအဘိဓမ္မာကို စတင်မျိုးစေ့ချခသည့် ဦးရွှေဇံအောင်ကို ရခိုင်ပြည်နယ် စစ်တွေမြို့တွင် ၁၈၇၁-ခုနှစ်၊ ဇန်န၀ါရီလ (၂၀)ရက်နိန့်၌ မွီးဖွားခ၏။ အဖ ခရိုင်ရဲဝန် ဦးရွှေသာ၊ အမိ ဒေါ်အဖြူစံရို့၏ သားသမီး လေးယောက်အနက် သားအကြီးဆုံးဖြစ်သည်။ ၁၈၈၁-ခုနှစ်မှစ၍၊ စစ်တွေမြို. အစိုးရ အလယ်တန်းကျောင်းတွင် ပညာသင်ကြားရာ ၁၈၈၅-ခုနှစ်၌ အလယ်တန်းစကောလာချိ ဆုကိုရဟိသည်။ ထိုမှတစ်ဖန် ရန်ကုန်မြို့သို့ ပြောင်းရွှေ. ပညာသင်ကြားပြန်ရာ ၁၈၈၇-ခုနှစ်တွင် တက္ကသိုလ်ဝင် စာမိန်းပွဲကို အောင်မြင်သည်။ ထိုနောက် ရန်ကုန်ကောလိပ်ကျောင်းတွင် ဆက်လက် ပညာသင်ယူပြန်ရာ ၁၈၉၁-ခုနှစ်တွင် ထိုခေတ်က မြန်မာနိုင်ငံ၏ အမြင့်ဆုံးဘွဲ့ဖြစ်သော ၀ိဇ္ဇာဘွဲ့ထူးကို ဆွတ်ခူးရဟိသည်။ လိုအပ်သောပညာ ရဟိပြီးနောက် ပညာရေးဌာန၌ ပညာအုပ်အဖြစ် စတင်ဝင်ရောက် ထမ်းဆောင်သည်။ ထိုနောက် မြီစာရင်းဌာနသို့ ပြောင်းရွှေ့ကာ အတန်ကြာ အမှုထမ်းခရာ ၁၉၀၂-ခုနှစ်တွင် မြို့အုပ်တန်းခေါ် မြန်မာနိုင်ငံ လက်အောက်ဝန်ထမ်း အဖွဲ့ဝင်အဖြစ် ပြောင်းရွှေ့ခန့်ထားခြင်း ခံရပြန်သည်။ ၁၉၀၇-ခုနှစ်တွင် ၀န်ထောက်တန်းခေါ် မြန်မာနိုင်ငံ ၀န်ထမ်းအဖွဲ့သို့ တိုးမြှင့်ခန့်ထားခြင်း ခံရပြန်သည်။

ဦးရွှေဇံအောင်သည် အခွန်ဝန်ထောက်အဖြစ် ထမ်းရွက်နီစဉ် ထိုစဉ်က ဖြေယှင်းရန် အလွန်ခက်ခဲသော ပြဿနာတစ်ရပ်ဖြစ်သည့် ကျူးကျော်နီထိုင်သူများကို နီရာချထား၍ မြီခွန်တော် စည်းကြပ်ရေးအတွက် အထူးတာဝန်ကျရောက်၍ ထမ်းဆောင်ရသည်။ ဤပြဿနာကြီးနှင့် စပ်လျဉ်း၍ အကြံပေီးချက်များကို အစိုးရက အထူးနှစ်သက် လက်ခံခသည်။ သူ၏ စာအုပ်ပြာခေါ် အစီရင်ခံစာကို သက်ဆိုင်ရာ အစိုးရအရာဟိများ အထူးအမှီသဟဲပြု၍ ဖတ်ရှုခကြရသည် ဟုဆိုသည်။ ၁၉၁၂-ခုနှစ်တွင် တွံတေးတူးမြောင်း ဖောက်လုပ်ရန်အတွက် မြီသိမ်းအရာဟိအဖြစ် ရွီးချယ်ခန့်အပ်ခြင်း ခံရ၏။ စတင်စည်ကားစ ပြုလာပြီဖြစ်သော သန်လျင်မြို့တွင် မြီပိုင်ဆိုင်ခွင့်ဆိုင်ရာ အထူးစုံစမ်းရေးအဖွဲ့ဝင် လူကြီးအဖြစ် ၁၉၁၃-ခုနှစ်တွင် ခန့်ထားခြင်း ခံရသည်။ ၁၉၁၄-ခုနှစ်တွင် မြီဖက်ဌာန၌ သူ၏ ထူးချွန်စွာ ဆောင်ရွက်မှုအတွက် ဗြိတိသျှအစိုးရက ထိုခေတ်အနီဖြင့် အရပ်ဘက် ထူးချွန်တံဆိပ် A.T.M အမှုထမ်းကောင်း မင်းဘွဲ့တံဆိပ်ကို သူအား ချီးမြှင့်ခ၏။ ၁၉၁၈-ခုနှစ်တွင် ကျောက်တန်း နယ်ပိုင်ဝန်ထောက်အဖြစ် ထမ်းရွက်နီယင်း ဦးရွှေဇံအောင်သည် ဒုတိယအကြိမ်မြောက် စစ်ချီးငွေ အမြောက်အမြား ရှာဖွီ စုဆောင်းပီးနိုင်ခသည်။

ဦးရွှေဇံအောင်သည် ဟံသာဝတီခရိုင်တွင် နှစ်ကြိမ်တိုင်တိုင် ခရိုင်ဝန်အဖြစ် ထမ်းရွက်ရပြီးနောက် ၁၉၂၀-ပြည့်နှစ်တွင် မြန်မာနိုင်ငံ ဘဏ္ဍာတော်မင်းကြီး၏ အတွင်းဝန်အဖြစ် ယာယီခန့်အပ်ခြင်း ခံရသည်။ ထိုနောက် သထုံခရိုင်ဝန်အဖြစ် ပြောင်းရွှေ့ထမ်းရွက်ရာ အထူးပင် လူချစ်လူခင်ပေါများသော အစိုးရအရာဟိ ဖြစ်ခသည်။ ၁၉၂၃-ခုနှစ်တွင် K.S.M ခေါ် ရွှီစလွယ်ရမင်း ဘွဲ့တံဆိပ်ကို ဗြိတိသျှအစိုးရက အပ်နှင်းချီးမြှင့်သည်။ ထိုနောက် မြူနီစပယ် အခွန်တော်များ ကောက်ခံရေးဆိုင်ရာ စုံစမ်းမှု ကော်မတီဝင်အဖြစ် ခန့်အပ်ခြင်း ခံရပြန်ရာ ယင်းကော်မတီ ဥက္ကဋ္ဌကိုယ်တိုင်က ဦးရွှေဇံအောင်၏ ထူးချွန်ပေါက်မြောက်စွာ ဆောင်ရွက်နိုင်သော အရည်အချင်းကို ချီးကျူးခရသည်။ မကြာမီ မြန်မာအမျိုးသားများအား မည်သည့်အခါကမှ ခန့်အပ်ခြင်းမပြုခရေ ရာထူးဖြစ်သော ယစ်မျိုးမင်းကြီးအဖြစ် ဦးရွှေဇံအောင်သည် ပထမဆုံး ခန့်အပ်ခြင်း ခံရပြန်သည်။

ဦးရွှေဇံအောင်သည် သာသနာတော်ကို အထူးကြည်ညို လေးစားစိတ်နှင့် ကြိုးစားလိုစိတ်ရို့ကြောင့် နိုင်ငံဝန်ထမ်းအဖြစ် တာဝန်အမျိုးမျိုး ထမ်းဆောင်စဉ် အဘိဓမ္မာကို ဆရာတော် ဦးဂန္ဓမာ၏ ခြီတော်ရင်းတွင် လေ့လာခ၏။ The Buddhism Magazine ကို ကြီးကြပ်ထုတ်ဝီရေ အာနန္ဒာမေတ္တယျဆရာတော်ကို အကြောင်းပြု၍ လန်ဒန်ပါဠိအသင်းကြီးကို စတင်တည်ထောင်သူ မစ္စတာ ရစ်ဒေးဗစ်စ်၏ ဇနီးဖြစ်သူ မစ္စစ် ရစ်ဒေးဗစ်နှင့် စတင်အဆက်အသွယ် ရခ၏။ ဆရာကြီးသည် အဘိဓမ္မတ္ထသင်္ဂဟသဂြိုဟ်ကျမ်းကို အင်္ဂလိပ်ဘာသာသို့ ပြန်ဆိုပြီး မစ္စစ်ရစ်ဒေးဗစ်ထံ ပို့လိုက်၏။ ယင်းစာမူကို မစ္စစ်ရစ်ဒေးဗစ်နှင့် ဦးရွှေဇံအောင်ရို့ အပြန်ပြန်အလှန်လှန် စစ်ဆေးပျင်ဆင်ပြီးမှ ဗုဒ္ဓ၀ါဒမဂ္ဂဇင်း The Buddhism Magazine တွင် ဦးရွှေဇံအောင် ရွီးသားသော ဆောင်းပါးကို နိဒါန်းအဖြစ်ထည့်ကာ ၁၉၁၀-ပြည့်နှစ်တွင် ပုံနှိပ်ထုတ်ဝီသည်။ စာအုပ်ထွက်လာသည်နှင့် တပြိုင်နက် တစ်ကမ္ဘာလုံးမှ ပညာဟိများ၏ ချီးကျူးလက်ခံခြင်း ခံရသည်။ လယ်တီဆရာတော် ဘုရားကြီးနှင့် မစ္စစ်ရစ်ဒေးဗစ်ရို့၏ ဗုဒ္ဓအဘိဓမ္မာနှင့် စပ်လျဉ်းသော အမိန်း အဖြေများကိုလည်း ဦးရွှေဇံအောင်ပင် အင်္ဂလိပ်ဘာသာဖြင့် ပြန်ဆိုကာ အပြန်အလှန် ဆက်သွယ်၍ အကျိုးဆောင်ပီးခရသည်။

ဦးရွှေဇံအောင်သည် မြန်မာနိုင်ငံမှ ဗုဒ္ဓကျမ်းစာများကို နိုင်ငံခြားသားများ ဖတ်ရှုလေ့လာနိုင်ရန် ရွီးသားရုံမက အနောက်နိုင်ငံ ကျမ်းတစ်ဆောင်ဖြစ်သော လောဂျစ်ကျမ်းကို တက္ကိယနယဒီပနီ အမည်ဟိ ကျမ်းကို ပြုစုရွီသားသည်။ မြန်မာနိုင်ငံ သုတေသန အသင်းဂျာနယ်တွင် ၁၉၁၁-ခုနှစ်မှ ၁၉၂၀-ခုနှစ်အတွင်း ဆောင်းပါးပေါင်း ၃၅-ခုကို ပါဝင်ရွီးသား နိုင်ခသည်။ ဆောင်းပါးအများစုသည် ဗုဒ္ဓအဘိဓမ္မာများသာ ဖြစ်ကြ၏။ ဆရာကြီးသည် ကျမ်းကြီးကျမ်းခိုင် ရို့ကိုသာမက လက်ဝဲသုန္ဒရ၏ မဲဇာတောင်ခြီရတုကိုပင် အင်္ဂလိပ်ဘာသာဖြင့် ပြန်ဆိုရွီးသားခသိမ့်သည်။ ဗုဒ္ဓဘာသာနှင့် ပတ်သက်၍လည်း စာအုပ် ၇-အုပ်ကို ပြုစုနိုင်ခ၏။ ယင်းရို့တိမှာ မြန်မာဘာသာဖြင့် ရွီးသားသော-
၁။ ဇရာလက္ခဏာဒိ ဒီပနီကျမ်း
၂။ တက္ကိယနယ ဒီပနီကျမ်း
၃။ ကာယင်္ဂသမ္ဘာရ ဒီပနီကျမ်း
၎။ ရူပ ဒီပနီကျမ်း

အင်္ဂလိပ်ဘာသာဖြင့် ရွီးသားသော-
၅။ ယမကခေါ် ယမိုက်ကျမ်း
၆။ ကထာဝတ္ထု
၇။ အဘိဓမ္မတ္ထသင်္ဂဟကျမ်း ရို့ဖြစ်သည်။ ဆရာကြီးသည် မြန်မာမှုကို လေးစားသူလည်းဖြစ်၏။

မြန်မာဘာသာကိုသာမက အင်္ဂလိပ်ဘာသာကိုပါ အထူးကျွမ်းကျင်သော ဆရာကြီးကို ကမ္ဘာကပါ သိလာကြပြီး ၁၉၃၂-ခုနှစ်တွင် ရန်ကုန်တက္ကသိုလ်က D.Litt ဘွဲ့ကို အပ်နှင်းခ၏။ သို့ရာတွင် ဘွဲ့နှင်းသဘင်ကျင်းပရန် ၁၀-ရက်ခန့်အလိုတွင် ဦးရွှေဇံအောင် ကွယ်လွန်ခ၏။ နိဂုံးချုပ်အနီဖြင့် ၁၉၂၄-ခုနှစ်တွင် မြန်မာနိုင်ငံ တက္ကသိုလ်ကျောင်းကြီးအတွက် သင်ခန်းစာများ ရွီးချယ်သတ်မှတ်ရေး ကော်မတီတွင် ဆရာကြီး ပြောကြားခသော မှတ်ချက်ကို ဖော်ပြလိုပါသည်။

“ကျွန်တော့်အနီနန့် အရှိတိုင်း အနောက်တိုင်း စာအုပ်တိကို အတော်များများ ဖတ်ပြီးပါဗျာယ်။ ကျွန်တော်ရို့ မြန်မာနိုင်ငံ၏ လောကနီတိလောက် ကောင်းရေကျမ်း မတွိ့ဖူးသိမ့်ပါ၊ မြန်မာစာပီကို အထင်မသေးဖို့ လိုပါရေ။”

http://wikimyanmar.co.cc/wiki/index.php?title=%E1%80%A6%E1%80%B8%E1%80%B1%E1%80%9B%E1%82%8A%E1%80%87%E1%80%B6%E1%80%B1%E1%80%A1%E1%80%AC%E1%80%84%E1%80%B9

ရခိုင်ပြည်နယ် အစိုးရကို ဇာလူတိက ဖွဲ့စည်းနိုင်ဖို့လဲ

2010-09-14T10:17:00.000-07:00

9/12/2010

ရခိုင်ပြည်နယ်ထဲက အကြီးမားဆုံး ရခိုင်အမျိုးသား ပါတီတစ်ခုဖြစ်တေ ရခိုင်တိုင်းရင်းသားများ တိုးတက်ရေး ပါတီက ယခုအခါ လွှတ်တော် အသီးသီးမှာ ပါဝင် ယှဉ်ပြိုင်ကြဖို့ ကိုယ်စားလှယ် လောင်း အမည်စာရင်းတိကို ရွီးကောက်ပွဲ ကော်မယှိန်မှာ တင်သွင်းခပြီးဖြစ်ပါရေ။ အခုပိုင် တင်သွင်းခပြီးရေ နောက်ပိုင်းမှာ ပါတီ ဥက္ကဌ ဒေါက်တာအေးမောင်ကို နိရဉ္စရာက အိန်တာဗျူး ပြုလုပ်ခွင့် ရခပါရေ။ အိန်တာဗျူး အပြည့် အစုံမှာ အောက်ပါ အတိုင်း ဖြစ်ပါရေ။

-------------------------------------------------------------------------------------------------------

မိန်း။ ။ ဥက္ကဌရို့ ပါတီ အနီနန့် လွှတ်တော် ကိုယ်စားလှယ်လောင်း ဇာနှစ်ဦး စာရင်း တင်သွင်း နိုင်ခပါလဲ။

ဖြေ။ ။ ကျွန်တော်ရို့က ရခိုင်ပြည်နယ်ထဲမှာ အားလုံးပေါင်း လွှတ်တော် ကိုယ်စားလှယ် ၆၃ နီရာမှာ ၄၃ နီရာ ကျွန်တော်ရို့ လွှတ်တော် ကိုယ်စားလှယ်လောင်း တင်သွင်းနိုင်ခပါရေ။ နီရာပေါင်း ၁၈ နိန်ရာလောက်က လစ်ဟင်းမှု ဟိလားခပါရေ။ ဗမာပြည်ထဲမှာတောခါ့ ဧရာဝတီတိုင်းမှာ တစ်နီရာ၊ ရန်ကုန်တိုင်းမှာ တစ်နီရာ ကျွန်တော်ရို့ တင်သွင်းနိုင်ခပါရေ။ ကျွန်တော်ရို့ စုစုပေါင်း ၄၅ ဦးကို တင်သွင်း နိုင်ပါရေ။

မိန်း။ ။ ရခိုင်ပြည် သူလူထုတိ၏ ထောက်ခံ အားပီးမှုက ရတပ အပေါ်မှာ ဇာအတိုင်း အတာထိ ဟိပါလဲ။ ရခိုင် လူထု၏ သဘောထား ဇာပိုင်ဟိရေဆိုစွာကို စကေချေလောက် ယှင်းပြပီးပါလား။

ဖြေ။ ။ ကျွန်တော်ရို့ ကျောက်ဖြူ၊ မာန်အောင်နန့် ရမ်းဗြဲရို့မှာ လှုပ်ရှားနီပါရေ။ ကျောက်ဖြူ မှာလည်း ရုံးဖွင့်ထားယာ။ ရမ်းဗြဲမှာလည်း ရုံးဖွင့်ထားပြီးယာဖြစ်ပါရေ။ ကျေးရွာတိ အရောက် ဆွေးနွေး ပွဲတိ ကျွန်တော်ရို့ လုပ်နိန်ပါရေ။ ထောက်ခံမူတိရနိန်ရေလို့လည်း သိရပါရေ။ လူထု ပါဝင်မှုက ၁၉၉၀ ခုနှစ်မှာထက် ပိုပြီးကေ ကျွန်တော်ရို့ရခိုင်ပါတီ အပေါ်မှာ တိမ်းညွတ်မှု ပိုများ လာရေဆိုစွာကို ကျွန်တော်ရို့သနီရပါရေ။

မိန်း။ ။ အခု လာဖို့ရွီးကောက်မာ ရခိုင်ပြည်နယ်ထဲမှာ ဇာပါတီက အနိုင်ရဖို့လို့ ခန့်မှန်းထားပါရေလဲ။

ဖြေ။ ။ ကျွန်တော်ရို့က တချို့ နီရာတိမှာ အနိုင်ရဟိခသော်လည်း Majority Vote ကိုတောခါ့ လက်ဟိ ကြံ့ခိုင်ရေးနန့် တပ်မတော်ကရာ အနိုင်ရဟိပြီးကေ အစိုးရဖွဲ့လားနိုင်ဖို့လို့ရာ ကျွန်တော်က ယူဆပါရေ။ ကျွန်တော်ရို့က အဓိက အတိုက်အခံ အနီနန့်ရခိုင်ပြည်နယ် လွှတ်တော်မှာ ဟိနီဖို့လို့ထင်ပါရေ။ ပြည်နယ် ဖွံ့ဖြိုး တိုးတက်ရေး အတွက် လိုအပ်လာလို့ဟိကေ လိုအပ်တေ ဥပဒေတိကို ပြည်နယ် လွတ်တော်မှာ ပြဌာန်းလားနိုင်အောင် ကြိုးစား ဆောင်ရွက်လားပါဖို့။ မလိုလားအပ်တဲ့ ဥပဒေတိဆိုလို့ဟိကေ ပယ်ဖျက်လားနိုင်အောင် ကျွန်တော်ရို့ ကိုယ်စွမ်း ဥာဏ်စွမ်း ဟိသလောက် ကြိုးစားဆောင်ရွက်မေလို့ မျှော်မှန်းထားပါရေ။

မိန်း ။ ။ အခု ဖြစ်ပေါ်လာဖို့ ပြည်နယ် လွှတ်တော်ထဲမှာ ဥက္ကဌရို့ ပါတီအနီနန့် ဇာအတိုင်း အတာထိ လုပ်ပိုင် ခွင့်ရဖို့လို့ မျှော်လင့် ထားပါလဲ။

ဖြေ။ ။ ရခိုင်ဒေသ ဖွံ့ဖြိုးဖို့ဆိုလလို့ဟိကေ၊ ဥပမာ -ရွှေဂတ်စ်ကို ရခိုင်ပြည်က ရခိုင်အမျိုးသားတိ မြင်တွိ့ နီရပါရေ။ ယကေလဲ ရခိုင်ပြည်နယ်ကို ပြန်ကြည့်လို့ဟိကေ လက်ဟိ ထင်းတိ မီးသွီးတိကိုရာ အသုံးပြု နီရပါရေ။ ယင်းစွာတိ အားလုံးက ပတ်ဝန်းကျင်ပျက်စီးမှုကို ဖန်တီးထားစွာကို တွိ့ရပါရေ။ ရီအားလျှပ်စစ် ထုတ်လုပ် ပြန်ကေလည်း သဘာဝ ပတ်ဝန်းကျင် ပျက်စီးမှုကို အများကြီး ထိခိုက် လားနိုင်ပါရေ ။ ယင်းပိုင်ဆိုကေ ဒေနှစ်ခုလုံးကို ပြန်ပြီးကြည့်ရေ အခါ ရီအောက်က ရွှေဂတ်စ် ထုတ်တေ အခါလည်း ရီအောက် ကြမ်းပြင်ရီ တနည်းတဖုံအားဖြင့် ပျက်စီးလားနိုင်ပါရေ။ ဒေနှစ်ခုလုံးကို ကျွန်တော်ရို့ ပြန်ပနာ ထိန်းသိမ်း ဖို့လိုပါရေ။ ဒေချင့်နန့် ပတ်သက်လို့ ကျွန်တော်ရို့ ပြဌာန်း ပိုင်ခွင့် ရအောင်၊ ကျွန်တော်ရို့ လုပ်ပိုင်ခွင့် တချိန်ချိန်မှာ ရဟိလာအောင် လုပ်ဆောင် လားကတ်ရဖို့ဖြစ်ပါရေ။

မိန်း ။ ။ အခု ရခိုင်ပြည်သူ အများစုက ခုရွီးကောက်ပွဲကို ကောင်းမလိုလားကတ်လို့ သိရပါရေ ။ ရွီးကောက်ပွဲက ရခိုင်ပြည်သူတိ အတွက် တခုလည်းထူးခြား ပြောင်းလဲမှုကို ဖြစ်စီဖို့ မဟုတ်လို့လည်း ပြောနီကတ်ပါရေ။ ဥက္ကဌ ရို့ အနီနန့် ရွီးကောက်ပွဲ ဝင်ရရေ အခြေအနီနန့် ပတ်သက်ပြီးကေ ရခိုင်ပြည်သူတိကို ဇာတိပြောချင်ပါလဲ။

ဖြေ။ ။ ရခိုင်ပြည်သူလူထုကို ကျွန်တော်ရို့ ပြောပြချင်စွာက ရခိုင်ပြည်နန့်ပတ်သက်လို့ ၂၀၀၈ ဖွဲ့စည်းပုံ အရ တိုင်းဒေသကြီးနန့် ပြည်နယ်တေိကို ဥပဒေပြုခွင့် ၈ မျိုး ပီးထားပါရေ။ နောက် အခွန် အတုတ် ကောက်ယူမှုနန့် ပတ်သက်လို့ ၁၆ မျိုး ကျွန်တော်ရို့ကို လုပ်ပိုင်ခွင့်ပီးထားပါရေ။ ယင်းစွာတိကို ၁၉၇၄ ခုနှစ် ဖွဲ့စည်းပုံနန့် နိုင်းယှဉ်ရေအခါ ၂၀၀၈ ဖွဲ့စည်းပုံက စကေချေလောက် ပျော့ပျောင်းရေလို့ ကျွန်တော်ရို့ ထင်ရပါရေ။ သို့သော်လည် တကယ့်တကယ် တိုင်းဒေသ အားလုံး ရခိုင်အပါအ၀င် ဗမာပြည်မှာ ပြည်နယ်နန့် တိုင်းဒေသတိ ဖွံ့ဖြိုးအတွက် ပီးထားစွာတိနန့်မလုံလောက်ပါ။ ဒေထက် လုပ်ပိုင်ခွင့် စုံလင်ဖို့ လိုရေလို့ ကျွန်တော်ရို့ထင်ပါရေ။

(ပြီး)

----------

(နိရဉ္စရာ သတင်းဌာနမှ)

ပါမောက္ခ ဒေါက်တာအေးကျော်နှင့် အိန်တာဗျူး

2010-09-11T04:48:00.000-07:00

ပါမောက္ခ ဒေါက်တာအေးကျော်နှင့် အိန်တာဗျူး

9/10/2010

ဒေါက်တာအေးကျော်ကို ၁၉၃၉ ခုနှစ် က ရခိုင်ပြည်နယ် တောင်ကုတ်မြို့နယ် တန်းလွဲချောင်း ရွာမ ရွာသစ်တွင် မွီးဖွားခသည်။

ဒေါက်တာအေးကျော် ဆည်းပူး ရဟိခသော ပညာရပ်ဆိုင်ရာ ဘွဲ့များမှာ B.A (History and Religion) ရန်ကုန် တက္ကသိုလ် (၁၉၅၉) ၊ B.A (Honors) Oriental History ရန်ကုန် တက္ကသိုလ် (၁၉၆၀) ၊ M.A (History of Asia) ရန်ကုန် တက္ကသိုလ် (၁၉၆၄) ၊ B.L (Law) ရန်ကုန် တက္ကသိုလ် (၁၉၆၆) ၊ PhD (History of Southeast Asia) Monash University. Australia. 1979 စသည် ရို့ဖြစ်သည်။

ဒေါက်တာအေးကျော်သည် ယခုအခါ အမေရိကန်တွင် နိန်ထိုင်သည်။ ဆရာကြီင်္း ဒေါက်တာ အေးကျော်မှာ ရခိုင်တမျိုးသားလုံးက လေးစားရိုသေသော ပုဂ္ဂိုလ် တစ်ဦး ဖြစ်သည်သာမက လက်ဟိ မြန်မာနိုင်ငံရေး ရခိုင်နိုင်ငံရေး အပေါ် မျက်ခြီ မပြတ် လေ့လာ သုံးသပ် ကျွမ်းဝင်နိန်သူ တစ်ဦးလည်း ဖြစ်သည်။ ရခိုင် အမျိုးသား ပညာတတ်များ ကြံ့ဖွတ်ပါတီနှင့် ပူးပေါင်းပြီး ရွီးကောက်ပွဲဝင်ရန် စီစဉ်နိန်မှုအပါအ၀င် ၂၀၁၀ ရွေးကောက်ပွဲ၊ ရခိုင်အမျိုးသားများ အနာဂတ် အခြေအနီများကို ဆရာကြီးကို မိန်းမြန်းရာ အောက်ပါ အတိုင်း ဖြေဆိုထားပါသည်။

--------------------------------------------------------------------------------------------

မိန်း။ ။ ကျွန်တော်ရို့ လေ့လာစုံစမ်းကြည့်ရေအခါ ရခိုင်ပြည်သူတိက လက်ဟိစစ်အစိုးရ အပေါ် အထူး နာကျည်းချက်တိ ဟိနိန်ပြီး သူရို့ ထူထောင်ထားရေ ကြံ့ဖွံ့ ပါတီကိုလည်း မလိုလားစွာ ကိုတွိ့ရပါ ရေ။ ယကေလေ့ ရခိုင်ပညာတတ်တိ အထူးသဖြင့် ပြည်သူတိ လေးစားရေ ဆရာဝန်တိစွာ စစ်အစိုးရ ထူထောင်ထားရေ ကြံ့ဖွံ့ပါတီက ၀င်ရောက်ပြီး ရွီးကောက်ပွဲမှာ ယှဉ်ပြိုင်ဖို့ လုပ်နိန်စွာကို တွိ့ရပါရေ။ ယင်း အပေါ် ဆရာကြီး၏မြင်ကို သိပါရစီ။

ဖြေ။ ။ ကြံဖွံပါတီဆိုစွာက အစိုးရပါတီ၊ အစိုးရပါတီဆိုစွာက စစ်အုပ်ချုပ်တေ စစ်အာဏာကို တည်ထောင် နိန်ရေ အစိုးရ၏ ပါတီဖြစ်တေ။ စစ်အစိုးရစွာ ပြည်သူတိကို ဆန့်ကျင်ရေ။ ဒီမိုကရေစီကို ဆန့်ကျင်ရေ။ လူ့အခွင့်အရေးကို ဆန့်ကျင်ရေ။ ယင်းကြောင့် စစ်အစိုးရကို လူတိ မကြိုက်။ နောက်တခုက စစ်အစိုးရ အုပ်ချုပ်တေ သက်တမ်း ကြာလီ ကြာလီ ဖွတ်ကြိုးမှာ ပြာစု ဆိုရေပိုင် ပြည်သူတိ မွဲပြာတိ ကျလာရေ။ တဒိဒိ တဒိဒိ အခုထိ ဆင်းရဲ နွမ်းပါးစွာကို တွိ့ရရေ။ ပြည်သူလူထုတိအ နေီနန့် ဇာတခုမှ အကျိုး ဖြစ်ထွန်းစွ မဟိ။ ယင်းပိုင် အကျိုးဖြစ်ထွန်းစွာ မဟိတော့ခါ တလမ်းလား မောင်းစနစ်။ နောက်တခါ စစ်တပ်မှ စစ်တပ် ဆိုရေ ၀ါဒ လွမ်းမိုးလာရေ အတွက်ကြောင့် တိုင်းပြည်စွာ အင်မတန်မှ နစ်နာ ဆုံးယှုံးမှုဟိရေ။ ယင်းပိုင် နစ်နာ ဆုံးယှုံး မှုဟိရေ အတွက်ကြောင့် ပြည်သူတိစွာ ဇာသူမှ ယင်းပိုင် အစိုးရမျိုးကို မကြိုက်။ ယင်းကြောင်း အေပိုင် အစိုးရမျိုးကို မကြိုက်ကေလေ့ ကြံ့ဖွံ့စွာ အစိုးရ ပါတီဖြစ်နိန်လို့ တချို့တချို့ ရခိုင်ပြည်မှာဟိရေ ပညာတတ်တိလို့ ခေါ်ရေဆရာဝန်တိစွာ ကြံ့ဖွံ့ပါတီမှာ ပါနိန်ရရေဆိုစွာက ကျနော်မြင်တာကတော့ခါ အကြောင်း နှစ်ခုဟိပါရေ။ တခုက မပါကေမဖြစ်လို့ ဖိအားပီးလို့ တနည်းအားဖြင့် စိုးရိမ်ပူပန်မှု ဖြစ်နိန်ရလို့ ပါဝင်စွာ တပိုင်းဖြစ်တေ။ တနည်းအားဖြင့် ပြောရဖို့ဆိုလို့ဟိကေ မိမိ၏ဆန္ဒအရ ပါဝင်စွာ မဟုတ်။ အလိုလို ကြောက်ရွံ့ပြီးကေ ဖိအားပီးလို့ ပါဝင်ရစွာဖြစ်တေ။ အေစွာက နံပါတ်တစ် အချက်။ နံပတ်နှစ် အချက်က - ခုနားက ဆရာဝန်ပညာ သျှင်ဆိုစွာက သမိုင်းပညာသျှင်တိမဟုတ်။ ယင်းအတွက်ကြောင့် သမိုင်း ပညာသျှင်တိမဟုတ်တေ အတွက်ကြောင့် သမိုင်းကို လေ့လေ့လာလာ ဟိရေ လူတိဖြစ်ချင်မှ ဖြစ်မေ။ ယင်းကြောင့် ရခိုင်သမိုင်း၊ ဗမာသမိုင်းကို လေ့လေ့လာလာ ဟိရေလူတိစွာ ဇာပိုင်နည်းနန့်မှ ကြံ့ဖွတ်မှာ မပါဝင် ချင်ကတ်။ ကြံ့ဖွတ်မှာ ပါဝင်လားလို့ဟိကေ တသက်လုံး နှာမည်ကောင်း ရလာရေ လူတိစွာ တသက်လုံး ချက်လာရေ ဒန်ပေါက် ထမင်းအမွှီး အကြိုင်ထဲမှာ မစင်တစက်ကျလားရေပိုင် စားလို့မရ။ သောက်လို့မရ။ တသက်လုံး နှာမည်ပျက်လားဖို့ အစဉ်အလာတိဟိရေ။ ယင်းအတွက်တာကြောင့် ဒေကြံ့ဖွတ်မှာပါရေ ပညာသျှင်တိစွာ သူရို့ကိုယ်ကျိုး ကောင်းကေကောင်းလိမ့်မေ။ ရခိုင်ပြည်သူ ပြည်သားအကျိုးတော့ ကောင်းလာမယ့် အကြောင်းတရား မမြင်ဘူး။ အချုပ်အားဖြင့် ပြောရမယ်ဆိုလို့ရှိရင် ရခိုင်အမျိုးသားရေး ကိုသွယ်ဖီလားရေ သူတိုင်းစွာ ရခိုင်ပြည်အကျိုးကို သယ်ပိုးဆောင်ရွက်နိုင်ဖို့စွ မဟုတ်ပါဗျာယ်။

မိန်း။ ။ အခု ကြံ့ဖွံ့ပါတီက ၀င်ရောက်ယှဉ်ပြိုင်ကတ်ဖို့ ရခိုင်ပညာတတ်တိ ဆရာဝန်တိစွာ တကယ်လို့ အနိုင်ရခကေ ရခိုင်ပြည်နယ် တိုးတက်ရေးနန့် ရခိုင်လူထု ကောင်းစားရေးကို ဆောင်ရွက်နိုင်ဖို့လို့ ဆရာကြီး မြင်မိပါသလား။

ဖြေ။ ။ သူရို့ ပါလီမန် လွတ်တော် အမတ်တိအနီနန့်ဆောင်ရွက်နိုင်ရေ အပိုင်းက နှစ်ပိုင်းဟိပါရေ။ တပိုင်းက ဇာလဲဆိုလို့ဟိကေ သရတို့ရွီးကောက် တင်မြှောက်လိုက်တေ နယ်မြီဒေသမှာ ကျောင်းလိုရေဆိုကေ ကျောင်းပီးနိုင်ရေ အပိုင်းဟိမေ။ ယကေလေ့ တမျိုးသားလုံးနန့် ဆိုင်ရေ အမျိုးသား နိုင်ငံရေးမှာတော့ခါ လုံးဝသုံးလို့ မရပါ။ လုံးဝ ပါဝင်ခွင့်လည်း ရဖို့စွာမဟုတ်ပါ။ ပါဝင်လို့ ဟိကေလည်း သူရို့ပါတီ၏ အရေးယူမှုကို ခံရနိုင်ဖွယ် ဟိရေ။ ပါဝင်နိုငဖို့ စွမ်းရည်လည်း မဟိပါ။ ယင်းကြောင်း ခုနားက ကျနော်ပြောရေ အပိုင်း နှစ်ပိုင်း ထဲမှာ ဒေသတခုလုံးမှာ ပါဝင်ရေ။ ဥပမာ - ကျောင်းဆောက် ပီးစွာက ရခိုင်ပြည် တိုးတက်တေလို့ ပြောလို့ မရပါ။ ရခိုင်ပြည် တိုးတက်တယ်ဆိုစွာက ရခိုင်တမျိုးသားလုံး တိုးတက်မှသာလျှင် ရခိုင်ပြည်တိုး တက်တာလို့ သတ်မှတ်လို့ရရေ။ ယင်းပိုင် တိုးတက်တေအထဲမှာ ကျနော်ဖြစ်စီချင်စွာက ရခိုင်ပြည်မှာ ရခိုင်သမိုင်းကို သင်ရ မေ။ အေစွာက အရေးကြီးရေ အချက်။ ယင်းအတွက်ကြောင်း နောက်တချက်က ရခိုင်လူငယ်တိစွ ရခိုင်စာကို သင်ရမည်။ ဒေချင့်ကလည်း အရေးကြီးရေ အချက်တခု။ နောက်တခုက ရခိုင်ကျောင်းသား လူငယ်တိစွာ ရခိုင်ယဉ်ကျေးမှု အနုပညာ နန့် ပတ်သက်တေ ဓလေ့ထုံးစံတိကို စနစ်တကျ သင်ပီးရေ အတွက်ကြောင့် နောင်အခါမှာ ရခိုင်ပြည်အတွက် တာဝန်ကိုဖြစ်စီ၊ မြန်မာပြည် တပြည်လုံး အတွက် ပေးအပ်တဲ့ တာဝန်ကို ဖြစ်စေ၊ ဆထက်တပိုး သယ်ပိုးဆောင် ရွက်နိုင်လိမ့်မယ်လို့ ယုံကြည်တယ်။ ဘာကြောင့်လည်း ဆိုလို့ဟိကေ စင်္ကာပူနိုင်ငံမှာ သုံးလမ်းမောင် လေးလမ်းမောင်း စနစ် ဟိရေ။ စင်္ကာပူနိုင်ငံမှာ တရုတ်စာလည်း သင်ရရေ။ အင်္ဂလိပ်စာလည်း သင်ရရေ။ မလေးစာလည်း သင်ရရေ။ တမီးစာလည်းသင်ရရေ။ ယင်းအတွက်ကြောင့် လူတယောက်စွာ စာတွိအများကြီး တတ်တေအခါမှာ သူလိုချင်ရေ အချက်အလကတိနန့် တိုင်းပြည် တိုးတက်အောင် ဇာတိ လုပ်မေဆိုရေ သူ့ရို့စိတ်ထဲမှာ ပေါ်လာစွာတိကို အကောင်အထည်ဖေါ်လို့ ရရေ။ ယင်းကြောင့် ဒေပုဂ္ဂိုလ်တိစွာ ခုနားက ကြံ့ဖွတ်ပါတီမှာ ပါရေလူတိ ရခိုင်ပြည်တမျိုးသားလုံး၏ အမျိုးသား အကျိုးတရားကိုတောခါ့  ဇာနည်းနန့်မှ မဆောင်ရွက်နိုငး။ ဆောင်ရွက်ကေ ဇာသူနန့် လားလို့ဆန့်ကျင်ဖို့လဲဆိုကေ ဗမာနန့် လားဆန့်ကျင်မှာ သေချာရေ။

မိန်း။ ။ ကျွန်တော်ရို့ ကျောက်ဖြူမြို့နယ် ကျေးရွာတိက လယ်သမားတိ၊ ပညာတတ် လူငယ် တိအနီနန့်တွိ့ရေအခါမှာ သူရို့က ကျောက်ဖြူမြို့နယ်မှာ ရခိုင်အခြေပြု အမျိုးသားပါတီတိကိ်ု ထောက်ခံမူတိ အထူး တိုးပွားနိန်ရေလို့ ပြောပါရေ။ ရခိုင်အမျိုးသားပါတီတိ မဲရဖို့လို့လည်း ပြောပါရေ။ ပြီးကေကျောက်ဖြူမှာ ပညာတတ်ကြီးတိစွာ ရခိုင်အမျိုးသားပါတီတိမှာ အခုအခါ တက်တက်ကြွကြွနန့် ဆောင်ရွက် နိန်ကတ်စွာကို တွိ့ရပါရေ။ အယင်က အေပိုင်အခြေအနေမျိုး မဟိခဖူးလို့သိရပါရေ။ ယင်းအပေါ်မှာဂါ ဆရာ ကြီး ဇာပိုင်မြင်ပါသလဲ။

ဖြေ။ ။ ကျနော်က တောင်ကုတ်မြို့သားလို့ ပြောကေလေ့ ကျောက်ဖြူ မြို့သားလို့လည်း ကျနော်ကပြောလို့ရရေ။ ဇာကြောင့်လည်းဆိုကေ ကျနော် အမျိုးသမီးက ကျောက်ဖြူသူပါ။ ရခိုင်သမ စစ်စစ်ပါ။ နောက်တခုက ကျနော်စွ ကျောက်ဖြူ ကောလိပ်က ထွက်လာရေ ကျောင်းသားဟောင်း တဦးဖြစ်တေ။ ယင်းအတွက်ကြောင်း ကျောက်ဖြူလို့ ပြောလိုက်လို့ ဟိကေ ကျောက်ဖြူစွာ ကျနော်မြို့ ဖြစ်တေ။ ကျောက်ဖြူနယ်က ကျနော်နယ် ဖြစ်တေ။ နောက်တခုက ကျောက်ဖြူမှာနိန်ရေ ကျောက်ဖြူခရိုင်မှာနိန်ရေ လူငယ်တိ ကျောင်းနိန်ဖက်တိ ကျနော်မှာ အများကြီးဟိရေ။ သံယောဇဉ်လည်းဟိရေ။ ယင်းကြောင်း ခုနားက မိန်းရေပိုင် ကျောက်ဖြူနယ်မှာ ဟိရေ ရခိုင်လူငယတိ ပညာတတ်တိစွာ ရခိုင်ပြည်၏ ဇာတိဖြစ်တေ ရခိုင်အမျိုးသား၏ အကျိုးကို သယ်ပိုး ဆောင်ရွက်ဖို့ပါတီကို ထောက်ခံအားပီးကတ်တေဆိုစွာကို ကျနော်အနီနန့်က အင်မတန်မှ ၀မ်းမြောက်တေ။ အင်မတန်မှလည်း ဂုဏ်ယူရေ။ ကျနော်သူငယ်ချင်းတိ ယင်းအထဲမှာ ပါဖို့ပါ။ ကျနော် တပည့် လက်သား တိလည်းပါဖို့ပါ။ ကျနော်သူငယ်ချင်းတိကိုလည်း ကျနော်အများကြီး ချီးကျူးရေ။ လေးစားရေ။ နောက်တခုက ကျနော် တပည့် လက်သားတိ ဆိုလို့ဟိကေလည်း ကျနော်လေး စားရေ။ ဇာကြောင်းလည်းဆိုကေ နံပါတ်တစ်က အမြင်မှန်ရစွာ။ အမြင်မှန်ဆိုစွာ ဇာလည်းဆိုလို့ဟိကေ အေနီရာမှာ ကျနော်ရို့ ရခိုင်တိစွာ ရခိုင် အကျိုးကို ဆောင်ရွက်ရမေ။ ရခိုင်တေိစွာ ရခိုင်တိအကျိုးကို မဆောင်ရွကကေ ဇာသူကလည်း လာပြီးကေ ဆောင်ရွက် ပီးစရာအကြောင်းမဟိ။ တရုတ်ကလာပြီးကေ ကူညီဖို့ အကြောင်းတရားမဟိ။ ကုလားကလည်း လာကူညီဖို့ အကြောင်းတရား မဟိ။ တရုတ်တိ၊ ကုလားတိလာရေဆိုစွာက သူရို့ ကိုယ်ကျိုးအတွက် လာစွာ။ ကျနော်ရို့ ရခိုင်သူရခိုင်သား။ ကျနော်ရို့ ရခိုင်လူမျိုးတိ၏့ ကောင်းစားရေးကို လာလုပ်စွာ မဟုတ်း။ အေချင့်ကို ကျနော်ရို့က သတိပြုရဖို့။ နောက်တချက်က ဒေပိုင် အမြင်မှန်ရစွာက အထူး ကောင်းရေ။ ကိုယ့်မိ ကိုယ့်ဖ၏ ဇာတိသွီး ဇာတိမာန် ကိုယ့်မိကိုယ့်ဖ၏ ဘိုးဘီးဇူးဇိုင်က တည်ထောင်ခကတ်တေ ကျနော်ရို့ ရခိုင်ပြည် ရခိုင်မြီစွာ အင်မတန် တန်ဖိုးဟိရေ။ ငါရို့ စောင့်ယှောက် ရဖို့ဆိုရေ အမြင်မှန်ရစွာက ကိုယ့်မိကိုယ့်ဖ၏ မေတ္တာတရား ကိုယ့်မိ ကိုယ့်ဖ၏ စေတနာ၊ ကိုယ့်မိကိုယ်ဖ၏ ကျေးဇူး တရားကို ပြန်ဆပ်ရာရောက်တေ။ ယင်းပိုင်မှ မဟုတ်ပဲနန့် ကိုယ့်အိမ်မှာ မိဘတိ ကျွေးမွီးလိုက်တေ ထမင်းဟင်းကို စားပြီးကေ ယောက္ခမအိမ်ကို လားလို့ လယ်ထွန်ရေ အဖြစ်မျိုး ဖြစ်နိန်ကေ အေစွာက အမေကျော် ဒွေးတော် လွမ်းရေပိုင် ဖြစ်နိန်လိမ့်မေ။ နောက်တခုက ရခိုင်မှာ နယ်နမိတ်သတ် မှတ်ထားရေ ရခိုင်ရိုးမ တောင်ဆိုစွာ ဟိရေ။ ဒေရခိုင်ရိုးမတောင်ကို ကျော်ပြီးကေ အခြားပါတီကို ထောက်ခံ အားပီးနိန်ကေ မှားရေသာဓကတိ အများကြီးဟိရေ။ ယင်းအမှားလမ်းတိကို မလိုက်မိဖို့အတွက် အမြဲ သတိပြုရဖို့။ ယင်းပိုင် လမ်းမှားခလို့ ကျနော်ရို့ ရခိုင်ပြည်သူပြည်သားတိ လိုအပ်နိန်ရေ ပန်းတိုင်ကို မရောက်နိုင်စွာဖြစ်တေ။

မိန်း။ ။ နောက်တစ်ခုက ဆရာကြီး၏ ချက်မြုပ်မြီ ဖြစ်တေ တောင်ကုတ်စွာ စစ်အစိုးရ ဆန့်ကျင်ရေး ဒီမိုကရေစီ အရေး အတွက် ရှိဆုံးမှာ ပါခရေမြို့ဖြစ်တေ။ အမျိုးသားရေး အပိုင်းမှာလည်း အတက်ကြွဆုံး မြို့နယ် တစ်ခုဖြစ်ပြီး ဆရာကြီးရို့ပိုင် အမျိုးသားရေးအတွက် တစိုက်မတ်မတ် ဆောင်ရွက်လာရေ ခေါင်းဆောင်ကြီးတိကို မွီးထုတ်ရာ အရပ်လည်း ဖြစ်ပါရေ။ ယကလေ့ ရခိုင်အမျိုးသား ပါတီတိ တောင်ကုတ်မှာ ရပ်တည်ခွင့် မရရေပိုင် ရွီးကောက်ပွဲအတွက် ကိုယ်စားလှယ်လောင်း တစ်ဦးကိုတောင်မှ တင်သွင်းခွင့်မရခလို့ သိရပါရေ။ ကြံ့ခိုင်ဖွံ့ဖြိုးနန့် တစညကတောင်မှ တောင်ကုတ်မြို့နယ်အတွက် ကိုယ်စားလှယ်အပြည့် တင်သွင်း နိုင်ခပြီး ရခိုင်အမျိုးသား ပါတီတိက မတင်သွင်းနိုင်ခစွာ ဇာကြောင့်လို့ ထင်ပါသလဲ။

ဖြေ။ ။ တောင်းကုတ်မြို့နယ်က ဒီမိုကရေစီလှုပ်ရှားမှု ရခိုင်အမျိုးသားရေးရာ လှုပ်ရှားမှုတိမှာ ရှိတန်းက ပါရေဆိုစွာက အမှန်ပါ။ အင်မတန်မှ ဂုဏ်ယူစရာ ဖြစ်ပါတေ။ သမိုင်းကြောင်းအရ ပြောရကေ ၁၇၈၄-ခုနှစ် ဘိုးတော်မောင်ဝိုင်းစွာ ရခိုင်ပြည်ကို ကျူးကျော် သိမ်းပိုက်တေအခါမှာ ပထမဦးဆုံး ရှိတန်းမှ ခေါင်းဆောင်ပြီး ရခိုင်ပြည်သူ အားလုံး အတွက် ခုခံ တော်လှန် ခရေ ခေါင်းဆောင်စွာ တောင်ကုတ်နယ်စား တန်းလွဲစားကျားရည်ဝတ် ဗိုလ်ကျော်ထွီး ဖြစ်ပါရေ။ ယင်းဗိုလ်ကျော်ထွီး ပထမဆုံး ခုခံတော်လှန်ရေ အကြောင်းနန့် ပတ်သက်လို့ ဦးမောင်မောင်တင် ပြုစုရေ ကုန်းဘောင်ဆက် မဟာရာဇာဝင်မှာ သုံးလေးကြောင်းလောက်ရာ မှတ်တမ်း တင်ရွီးထားပါရေ။ ကျနော်ကိုယ်ပိုင်စာအုပ်မှာတော့ခါ နောင်လာနောက် သားတိ ဖတ်လို့ရှိရင်ဟိကေ လွယ်လွယ်ကူကူနန့် တွိ့အောင်ဆိုပြီးကေ မှင်နီနန့် တားထားပါရေ။ တန်းလွဲကို ရောက်ဖူးသူ လူတိုင်းသိပါရေ။ မြို့တောင်၊ ယမ်းတိုက်တောင်၊ သိမ်တောင် စရေနိန်ရာတိစွာ အင်မတန်ရှိကျရေ နိန်ရာတိဖြစ်တေ။ နောက်ပြီးကေ ကျနော်ရို့ အရှေ့တောင်အာယှမှာ အရေးကြီးရေ ကျောက်စာ တခုဖြစ်တေ ယေဓမ္မာ ဂါထာ ကျောက်စာကို တန်းလွဲချောင်း ငလုံးမော်ရွာမှာတွိ့ရရေ။ နောက်ပြီးကေ မကြာခင်က ရွာမဘုန်းကြီးကျောင်း အနီးမှာဟိရေ မောင်းထာင်းမှာ ဘုရားတဆူ ပေါ်လာရေ။ ဓါတ်တော်တိလည်း အများကြီးရရေ။ ယင်း ဘုရားဆင်းထုတော်၏ အောက်ခြီမှာ ဗြဟ္မီ စာနန့်တွိ့ရရေ။ ယင်းအတွက်ကြောင်း သမိုင်းကြောင်းအရ အလွန်ရှိကျရေ သမိုင်းကြောင်း ဖြစ်တေ။ တောင်ကုတ်မြို့နယ်သူ မြို့နယ်သားတိစွာ ရခိုင် အမျိုးသား ခေါင်းဆောင်ကြီး ဗိုလ်ကျော်ထွီး၏ သားသမီး မြီးမြစ်တိ ဖြစ်တေ။ ယင်း ဗိုလ်ကျော်ထွီးစွာ ရခိုင်ပြည်အနှံ စည်းရုံးပြီးကေ ဘိုးတော်မောင်ဝိုင်၏ ကျူးကျော်မှုကို အပြန်အလှန်တိုက်ခစွာ၊ ရခိုင်သမိုင်း မှတ်တမ်းမှာတော့ခါ အကျယ်အ၀န်း အထောက်အထားတိကိုတွိ့ရရေ။ ဒေအစဉ်အလာက တောင်ကုတ် နယ်သူ နယ်သားတွေ၏ ရိုးတွင်းခြင်ဆီထဲမှာ ဟိနီတုန်းရာဖြစ်တေ။ ယင်းအတွက်ကြောင့် အခုလူငယ်တိစွာ ရခိုင် တမျိုးသားလုံး၏ အကျိုးအတွက် အနစ်နာခံပြီးကေ ရှိတန်းက ပါဝင်ဆောင်ရွက်နိန်စွာက ဗိုလ်ကျော်ထွီး၏ အစဉ်အလာကို ပြန်လည် ဖေါ်ထုတ် ခြင်းသာ ဖြစ်တေ။ ယင်းအတွက်ကြောင့် တောင်ကုတ်မြို့သူ မြို့သားတွေစွာ ဘိုးစဉ် ဘောင်ဆက်က တော်စပ်ခရေ ရခိုင်အမျိုးသား ခေါင်းဆောင် တန်းလွဲစား၊ တောင်ကုတ်စား၏ ကျေးဇူးကို ထောက်ထားမေဆိုကေ ကြံ့ဖွတ်ပါတီကို တနယ်လုံးက သပိတ်မှောက်ဖို့ပါ။ ဒေလောက် သမိုင်း အစဉ်အလာကြီးမားရေ တောင်ကုတ် နယ်သူနယ်သားတိ၏ ကြီးမားရေအစဉ်အလာကို ဆန့်ကျင်ပြီးကေ ရခိုင်တိုင်းရင်းသား တိုးတက်ရေးပါတီကို မဲဆန္ဒ ပီးခွင့်မရစွာကတောင်ကုတ် မြို့နယ်သူ မြို့နယ်သားတိစွာ အင်မတန်မှ ရှက်စရာလည်း ကောင်းရေ။ ၀မ်းနည်းစရာလည်းကောင်းရေ။ ကျနော်က တောင်ကုတ်ကဆိုတော့ခါ အကယောင်း စိတ်မကောင်းဖြစ်တေ။ မဖြစ်သင့်စွာ ဖြစ်တေလို့လည်း ယူဆမိရေ။

မိန်း။ ။ တောင်ကုတ်က ရခိုင်အမျိုးသား ကိုယ်စားပြု ပါတီတိကို လက်မခံဆိုပြီးကေ ရခိုင်ပြည်နယ်မှာ ကျယ်ကျယ်ပြန့်ပြန့် သတင်းတိ ထွက်ပေါ်နိန်စွာတိကို ကျွန်တော်ရို့ကြားနိန်ရပါရေ။ ယင်းအပေါ် ဆရာ ကြီးက ဇာပိုင်လိုမြင်ပါရေလဲ။

ဖြေ။ ။ ကျနော်က တောင်ကုတ်သားဆိုတော့ခါ တောင်ကုတ်က လူတိကိုလည်း ကျနော် တယ်လီဖုံးနန့် မိန်းကြည့်ရေ။ နောက်တခါ စုံစမ်း ထောက်လှမ်း ကြည့်ရေ အခါမှာတော့ခါ ရခိုင်တိုင်းရင်းသားကို အခြေခံရေ ပါတီ တခုမှ ပါခွင့်မရလို့ သိရလို့ တောင်ကုတ်သားအနီနန့် ကျနော်အင်မတန်မှ ရှက်တေ။ အင်မတန်မှ စိတ်မကောင်းလည်း ဖြစ်တေ။ တောင်ကုတ်သားလို့ ပြောကေလေ့ တောင်ကုတ်က ပါမောက္ခတယောက်ကဒေပိုင်ပြောရေဆိုစွာ အင်မတန်မှအရေးကြီးရေ။ ဇာကြောင့်လည်း ဆိုလို့ဟိကေ တောင်ကုတ်မြို့၏ အဖြစ်အပျက် အခြေအနီက တောင်ကုတ်မြို့မှာ ကြံ့ဖွတ်က တောင်ကုတ် မြို့စားပိုင်ခံနိန်ရေ “ကျောက်တောင်”။ ကျောက်တောင် ဆိုရေ သူက အားလုံး ဦးစီးဆောင်ရွက်လုပ်နိန်ရေအခါမှာ တောင်ကုတ် မြို့နယ် တခုလုံးစွာ ကျောက်တောင်၏ မြို့နယ်တခုပိုင် ဖြစ်နိန်ရေ။ ယင်းအတွက်ကြောင့် ဒေကျောက်တောင်က ဦးစီး လုပ်ပြီးကေ အာဏာတိယူပြီးကေ အခြားခြားလူတိကို သိမ်းသွင်းလို့ လုပ်စွာ။ ထောက်လှန်းပြီး တမျိုး၊ ခြိမ်းခြောက်ပြီးတမျိုး၊ ယင်းပိုင်လုပ်တေ အပြင် စီးပွားရေး အရလည်း ပါဝင်ဆောင်ရွက်စွာကို တွိ့ရရေ။ ယင်းအတွက်ကြောင့် ကျနော်အနီနန့် ပြောချင်စွာကတော့ခါ ဒေတောင်ကုတ်မြို့နယ်က ရခိုင်တိုင်းရင်းသားပါတီ ၀င်ခွင့်မရ ဆိုစွာ ကျောက်တောင်က လုပ်စွာ။ ယင်းကျောက်တောင်၏ သြဇာအာဏာစွာ တောင်ကုတ်မြိုနယ်မှာ လွှမ်းမိုးနိန်သမျှ ကာလပတ်လုံး တောင်ကုတ်မြို့နယ်စွာ တခါလည်း မကောင်းစား။ တခါလည်း ဒီမိုကရေစီမရ။ ကျနော်ရို့ တောင်ကုတ်မြို့နယ်စွာ အင်မတန်တိုးတက်တေ မြို့နယ် ပညာတတ်တိ အင်မတန်ထွက်တေ၊ ပညာသျှင်တိ အင်မတန်ထွက်တေ မြို့နယ်ဖြစ်ကေလေ့ ဒေကျောက်တောင်ပိုင် စီးပွါးရေးကို အကြောင်းပြပြီး သြဇာလွမ်းမိုးရေအခါမှာ ကျနော်ရို့ ၂၁ ရာစုကို မလားပဲ ၁၉ ရာစုကို ပြန်လားနိန်ရေ မြီသျှင် ပဒေသရာဇ် စနစ် တောင်ကုတ်နန့် တူရေ။ တောင်ကုတ်စွာ အင်မတန် ခေတ်နောက်ကျ လားဖို့။ ယင်းအတွက်တာကြောင်း ဒေပိုင်တယောက်တည်း လက်ဝါးကြီးအုပ်စနစ်ကို တောင်ကုတ်မြို့သူမြို့သား၊ တောင်ကုတ်မြို့နယ်မှာဟိရေပြည်သူတိအားလုံးက တော်လှန် ပစ်ရဖို့။ အမြစ်ဖြတ်ပစ်ရဖို့။ ဒေပိုင်အမြစ် ပြတ်လားမှ ကျနော်ရို့ တောင်ကုတ်မြို့နယ်စွာ ကိုယ့်မင်း၊ ကိုယ့်ချင်း၊ ကိုယ့်အပင် ကိုယ့်အခြေအနီနန့် တိုးတက်ဖွံ့ဖြိုးလာရေ မြို့နယ် တနယ်ဖြစ်မှာ သေချာရေ။ ယင်းပိုင်မဟုတ်ကေ တခါလည်း မတိုးတက်၊ တခါလည်းလူရာမ၀င် ဖြစလားဖို့။

မိန်း။ ။ ပြည်ပမှာ ရောက်ဟိနီရေ ရခိုင်အမျိုးသားတိစွ အခုအခါ တောင်ပိုင်း မြောက်ပိုင်းဆိုရေ စိတ်ထားတိမဟိဘဲ အထူး ညီညီညွတ်ညွတ်နန့် ရခိုင်အရေး အတွက် ဆောင်ရွက် လုပ်ကိုင်နိန်စွာကို တွိ့ရပါရေ။ ရခိုင် တော်လှန်ရေးထဲက လူငယ်တိ ထဲမှာလည်း ရမ်းဗြဲ ကျောက်ဖြူဖက်က လူငယ်တိ ပိုများလာ စွာကို တွိ့ရပါရရေ။ ဒေချင့်က အမျိုးသားရေး အတွက် ကောင်းရေ လက္ခဏာ ဖြစ်ပါရေ။ အေထက်ပိုပြီး ညီညွတ်အောင် ဇာတိကို ရှောင်ပြီး ဇာတိကို လုပ်သင့်ရေဆိုစွာကို ဆရာကြီး ပြောပြ ပီးစီချင်ပါရေ။

ဖြေ။ ။ ရခိုင်လူငယ်တိစွာ တောင်ပိုင်းမြောက်ပိုင်း စိတ်ဓါတ်မဟိစွာ ကျနော်ရို့ရခိုင်ပြည်အတွက် အင်မတန်မှအရေးကြီးရေ။ ယင်းအတွက်ကြောင်း မလေးရှားရို့ ထိုင်းရို့ကို ရောက်နိန်ရေ ရခိုင်လူငယ်တိကို ကျနော် ရင်းရင်းနှီးနှီး တွိ့ဆုံခွင့်ရရေ။ သူရို့၏ အခက်အခဲတိကိုလည်း နိန့်စဉ်နှင့်အမျှ ဖြေယှင်း ပီးနိန်ရပါရေ။ မြောက်ပိုင်း တောင်ပိုင်း စိတ်ဝမ်း ကွဲပြားမှုစွာ တစစ ပျောက်ကွယ်လားစွာကိုတွိ့ရရေ။ အခက်အခဲ အကျပ်တည်း တွိ့ရေအခါမှာ ရခိုင်တိကို ရခိုင်ကရာ ကူညီ စောင့်ယှောကကတ်တေ။ မည်သည့် အခြား လူမျိုးတိမှ ရခိုင်တိကို စောင့်ယှောက်စွာကို မတွိ့ဖူး။ ယင်းအတွက်ကြောင့် ရခိုင်ကို ရခိုင် စောင့်ယှောက်ရမေဆိုရေ အသိ စိတ်ဓါတ်စွာ ရခိုင်လူငယ်ထဲမှာ စွဲစွဲမြဲမြဲ ယုံယုံကြည်ကြည် ခိုင်ခိုင်မာမာ ဟိလာရေ။ နောက်တချက်က ရခိုင် အနုပညာသျှင်တိ သီဆိုထားရေ ဂန္ဒ၀င် မြောက် တေးခြင်းတိကို အ၀ီးရောက်ရခိုင်တိလွတ်လပ်စွာနား ထောင်နိုင်ခွင့်ဟိလို့လည်း ရခိုင်တိ၏ စည်းရုံးမှုစွာ ပိုမိုခိုင်မှာ လာရေ။ “မင်းလဲရခိုင် ငါလဲရခိုင်”ဆိုရေ အယူအဆစွာ ရခိုင်လူငယ်တိ၏ ရင်ထဲမှာ စွဲမြဲလာတယ်။ နောက်တချက်က ဗမာပြည်တွင်းမှာ ထုတ်ဝီခွင့် မရရေ ရခိုင် သမိုင်းတိ ရခိုင်နိုင်ငံရေး အတွေးအခေါ်တိကို ရခိုင်လူငယ်တိ လွတ်လွတ်လပ်လပ် ဖတ်ခွင့် လေ့လာခွင့်ဟိရေ အတွက်ကြောင့် ရခိုင်တိ၏ အမျိုးသားရေး စိတ်ဓါတ် ပိုမိုနိုးကြားလာစွာနန့် အတူ မြောက်ပိုင်း တောင်ပိုင်း ခွဲခြားမှုလည်း ပျောက်ကွယ်လာခရေ။ ရခိုင်အစ ဒွါရ၀တီက ဆိုရေ ရခိုင်သမိုင်း အကြောင်း ကိုလည်း အားလုံး သူက နားလည် လာကတ်တေ။ ကမ္ဘာ့ရှိအဟောင်းဆုံး မြို့သုံးမြို့ထဲမှာ ဒွါရာဝတီ မြို့လည်း ပါဝင်ရေ အတွက်ကြောင်း ဂွသူ ဂွသား။ သံတွဲသူ သံတွဲသားတိစွာလည်း အမျိုးသားရေး စိတ်ဓါတ် ပိုမိုနိုးကြား လာခရေ။ ခွဲခြားမှု ကင်းလာခရေ။

မိန်း။ ။ ကျွန်တော်ရို့ လက်ဟိဆောင်ရွက်နိန်ရေမီဒီယာထဲမှာ ရေဒီယို၊ သတင်းစာ၊ အွိင်လိုင်း၊ ၀က်ဆိုက် အပြည့်အစုံဟိပါရေ။ ရခိုင်ပြည်နန့် အနီးဆုံးနိန်ရာမှာ ဆောင်ရွက်နိန်ရေအတွက် လူထု နားထဲကို ရောက်အောင်လည်း ဆောင်ရွက်နိုင်ပါရေ။ ဆရာကြီးအနီနန့် ရခိုင်ပြည်သူတိ၊ ကျောင်းသား လူငယ်တိကို ပြောစရာ စကားတိဟခကေ ကျွန်တော်ရို့ သရို့ထဲကို ရောက်အောင် အတတ်နိုင်ဆုံး ပို့ဆောင်ပီးနိုင်ပါရေ။ ယင်းပြောပြချင်ရေ စကားတိကို ပြောကြား ပီးစီလိုပါရေ။ ဇာကြောင့် ယင်းစကားကို အမှာပါးချင်ရစွာလဲ ဆိုစွာကိုလည်း စကေချေလောက်ယှင်းပြပီးစီချင်ပါရေ။

ဖြေ။ ။ ရခိုင်ပြည်သူ ပြည်သားများနန့် ရခိုင်လူငယ်များကို ကျနော်၏ ဆန္ဒကို ပြောခွင့်ရရေအတွက်ကြောင့် အင်မတန်မှ ကျေးဇူး တင်ပါရေ။ ကျနော် ဖြစ်စီချင်ရေ အကြောင်းအရာတိကို တင်ပြပါရစီ။ ရခိုင်တိစွာ ရခိုင်ပီသအောင် ဦးစွာပထမ လုပ်ရမေ။ ရခိုင်ဆိုစွာက အမျိုးကိုစောင့်ရေ။ သီလကိုစောင့်ရေ။ သီလထဲမှာ ဗုဒ္ဒဘာသာ ပါဝင်ရေ အပြင် ရခိုင်စကားလည်းပါရေ။ ယင်းအတွက်ကြေင်း ရခိုင်တိစွာ ရခိုင်ပီသဖို့ အတွက် အဓိက အခြေခံနှစ်ချက် လိုအပ်တေ။ တချက်က ဗုဒ္ဒဘာသာဖြစ်ဖို့။ နောက်တချက်က ရခိုင် စကားပြောဖို့ ဖြစ်ပါရေ။ ဒေနိန်ရာမှာ ကျနော်ရို့ ရခိုင်တိုင်း ရခိုင်ဆရာတော်တိုင်းက လူနည်းစု တိအပေါ်မှာ အထင်သေးရေ စိတ်ဓါတ်တိကို ဖျောက်ပစ်ရဖို့။ ဗုဒ္ဒဘာသာဝင်ဖြစ် အောင် စည်းရုံး အားပီးရဖို့ တာဝန်ဟိရေ။

မလေးယှားနိုင်ငံမှာတော့ခါ မလေးယှားမှာလူငယ်တိက (Ornag Malayu လို့ ပြောကေ မလေးနိုင်ငံသားဖြစ်ပြီး ၁၊ မူဆလင်ဖြစ်ရဖို့။ ၂။ မလေးစကားပြောရဖို့။ ဒေအတိုင်း Origin (ရခိုင်)လို့ပြောကေ ၁၊ ဗုဒ္ဓ္ဓဘာသာဖြစ် ရဖို့။ လ၂၊ ရခိုင်စကား ပြောရဖို့။ဒေအယူအဆစွာ အ၀ီးရောက် ရခိုင်တိမှာ ပိုမို ခိုင်မာလာရေ။ ဒေအချက်ကိုလည်း မြီတောင်မြောက်ပီး ရဖို့။ ရခိုင်ပြည် တိုးတက်ရေး အတွက် ကျနော်စိတ်တိုင်းကျလုပ်ရ ဖို့ဆိုလို့ဟိကေ အသက် ၁၈ နှစ်ပြည့်ရေ လူငယ်တိုင်းစွာ ရခိုင်အမျိုးသားတပ်မတော် (Arakan National Guard) ကို အနည်းဆုံး ခြောက်လ၀င်ပြီး စစ်ပညာသင်ရဖို့။ ဒေပိုင်စစ်ပညာသင်ထားစွာက တကိုယ်တော် လုံခြုံရေး အတွက်လည်း အရေးကြီးရေ။ ရခိုင်ပြည်လုံခြုံရေး အတွက်လည်း အရေးကြီးရေ။ ပြည်ထောင်စု မြန်မာနိုင်ငံ အတွက်လည်း အရေးကြီးရေ။ ယင်းအတွက်ကြောင့် ရခိုင်လူငယ်တိစွာ ရခိုင်ပြည်စောင့် တပ်မတော်မှာ ၀င်ရောက်အမှု ထမ်းလို့ဟိကေ တယောက်နန့် တယောက် အင်မတန် ရင်းနှီးပြီး ဆိုးတူကောင်းဖက် ဖြစ်လားကတ်ဖို့။ နောက်ပြီးကေ ဒေသင်တန်းမှာ ကွန်ပျူတာကိုလည်း သင်ပီးရဖို့။ အချုပ်အားဖြင့် ပြောရလျင် ရခိုင်ပြည်နယ်မှာ ရခိုင်သမိုင်းကို လူတိုင်း ရခိုင်တိုင်း သင်ခွင့်ဟိရဖို့။ ရခိုင်စာကိုလည်း ရခိုင်တိုင်းသင်ရဖို့။ တတ်ရဖို့။ ရခိုင်ယဉ်ကျေးမှု အနုပညာတိကိုလည်း ရခိုင်တိုင်းနားလည်ရဖို့။ လေးစားရဖို့၊ နောက်ပြီးကေ အရေးကြီးရေ ကိစ္စက တယောက်နန့် တယောက် မသင့်မတင် ဖြစ်လာလို့ဟိကေ ပုဂ္ဂိုလ် ရေးရာကို ရှိတန်း မတင်ပဲ အမျိုးသားရေး ကိစ္စကိုသာလျှင် ရှိတန်းတင်ခြင်းအားဖြင့် စုစည်း ညီညာနိုင်ရဖို့။ နောက်အရေးကြီးရေ အချက်တခုက ရခိုင်တိစွာ မြန်မာပြည်မှာလည်း လူနည်းစု မလေးယှား၊ ထိုင်း နိုင်ငံ၊ ဂျပန်၊ အမေရိကန် စရေနိုင်ငံ တိမှာလည်း လူနည်းစု၊ ဒေပိုင် လူနည်းစု ဖြစ်တေဆိုရေ အချက်ကို သီအောင်ထိ စွဲစွဲမြဲမြဲမှတ်ပြီး လူအများစု ထက်တော်အောင် ကြိုးစားရဖို့ စိတ်ဓါတ်၊ ကြိုးစားချင်ရေစိတ်ဓါတ်၊ ကြိုးစားရဖို့ဆိုရေ ခံယူချက် ခိုင်ခိုင်မာမာ ချမှတ်လာလို့ ဟိကေ ရခိုင်တိစွာ ဒေထက် ပိုမို စည်းရုံးလာဖို့။ တော်လာဖို့။ ကျနော်ကတော့ခါ ရခိုင်ပြည်ကို ကိုအစ္စရေးနိုင်ငံပိုင်ဖြစ်စီချင်ရေ။ အစ္စရေးနိုင်ငံ ဖြစ်လာဖို့ အတွက် ဂျူးလူမျိုးတိစွာ နှစ်ပေါင်းများစွာ ကြိုးစားခရရေ။ အစ္စရေးနိုင်ငံစွာ နှစ်ပေါင်း နှစ်ထောင်လောက် ပျောက်လားရေ။ ရခိုင်အချုပ်အခြာအာဏာ ပျောက်လားစွာက နှစ်ပေါင်း နှစ်ရာလောက်ရာဟိသီးရေ။ ဂျူးတိစွာ ဥာဏအင်အား၊ ကာယအင်အား ပြည့်စုံအောင် သူမတူအောင် ကြိုးစားရေ။ ကြိုးစားပြီးကေ အစ္စရေးနိုင်ငံကို ပြန်လည်တည်ထောင်ရေ။ အဓိကက ရခိုင်တိစွာ ရခိုင်ပြည်ကိုလိုချင်ကေ ဂျူးလူမျိုးတိပိုင် ဥာဏအား ကာယအား ဟိရဖို့။ ဥာဏအား ဟိဖို့အတွက် ရခိုင်လူငယ်တိစွာ ပညာတတ်အောင် ဥာဏ အင်အား ကောင်းအောင် ကြိုးစားရဖို့။ ကာယအင်အားဆို သည်မှာ စစ်ပညာကို ကျွှမ်းကျင်ရဖို့။ ယင်း ကာယအင်အား ဥာဏအင်အားနန့် ပြည်စုံမှ အစ္စရေးနိုင်ငံ ပိုင်ဖြစ်လာဖို့။

နိဂုံးချုပ်အနီနန့် လူငယ်တိကို ကျနော်ပြောချင်စွာက လမ်းနှစ်လမ်းဟိရေ တလမ်းကပျား၏လမ်း၊ တလမ်းက ယင်လမ်း။ ပျား၏ လမ်းဆိုစွာက ပျားစွာ ဇာနီရာမှာ အမွှီးဆုံး ပန်းပင်ဟိရေလဲ ဆိုပြီး လိုက်ရှာကတ်တေ။ ယင်းအမွှီးဆုံးပန်းပွင့်တိ အရည်ကြည် ချေတိကို စုတ်ယူလာပြီး ပျားသလက် အဖြစ် တည်ဆောက်ကတ်တေ။ ယင်းအတွက်ကြောင်း ရခိုင် လူငယ်တိစွာလည်း ဇာနိုင်ငံ ဇာဒေသကိုပင်ရောက်ရောက် ခုနားက ပျားတိပိုင် အနှစ်သာရဟိရေ ၀တ်မှုန်ရည်တိကို စုတ်ယူလာပြီး မိမိရခိုင်ပြည် တိုးတက်ဖွံ့ဖြိုးအောင် လုပ်ဆောငကတ်ရဖို့။ နောက်တခုက ယင်လမ်း ယင်တိ ဇာနိန်ရာမှာ အပုတ်အသိုး ဟိရေ ဆိုစွာကို သိကတ်တေ။ ယင်းအတွက်ကြောင်းနန့် ရခိုင်လူတိကို ကျနော်မှာချင်စွာက ယင်လမ်းစဉ်နန့် ပျားလမ်းစဉ်မှာ ဇာလမ်းစဉ်ကို လိုက်သင့်သလဲဆိုစွာကို မိမိရို့၏ အသိစိတ်ဓါတ်နန့် ခွဲခြမ်းစိတ်ဖြာပြီး ဆုံးဖြတ်ကတ်ပါ။

ကျနော်ရို့ ရခိုင်လူမျိုးတိစွာ ဗုဒ္ဒဘာသာဝင်တိဖြစ်ကတ်တေ။ ဗုဒ္ဒဘာသာ၏ ပဌာန်း ကျမ်းဂန်ထဲမှာ အဓိပဓိ လေးပါးဆိုစွာဟိပါရေ။ ယင်းအဓိပဓိလေးပါးဆိုစွာက-

၁။ စိတ္တအဓိပဓိ - စိတ်ထက်သန်အောင်လုပ်ရဖို့။ စိတ်ထက်သန်အောင် လုပ်ရေအခါမှာ လူတယောက်စွာ မူယစ်ဆီးဝါးသုံးစွဲနိန်လို့ ဇာခါမှလည်း စိတ်ထက်သန်မှုကို မရ။

၂။ ဆန္ဒအဓိပဓိ - မိမိဖြစ်ချင်ရေ ဆန္ဒ။ မိမိနိုင်ငံဖြစ်ချင်ရေဆန္ဒ။ ကျနော်၏ စိတ်ထဲမှာ တသက်လုံးဟိခရေ။ ရခိုင်ပြည်စွာ အနည်းဆုံး ဖက်ဒရယ်အဆင့် ဖြစ်ရဖို့်။ အခု ဖက်ဒရယ်အဆင့်ကို ရအောင် ဆရာကြီးရို့က တိုက်ပွဲဝင်နိန်စွာ။ ဖက်ဒရယ်အဆင့် ကျော်ပြီးကေ ရခိုင်ပြည်ကိုရကေတော့ခါ အကောင်းဆုံးပါ။ ရခိုင်ပြည် ထက်ငယ်ရေနိုင်ငံတိ။ ရခိုင်ပြည်လောက် ဧရိယာမဟိရေ နိုင်ငံတိ ကမ္ဘာမှာ ၆၁ နိုင်ငံ ဟိရေ။ ယင်းအတွက်ကြောင်း ကျနော်ရို့ ရခိုင်ပြည်စွာ ဧရိယာကျဉ်းရေ။ လူဦးရေ နည်းရေဆိုပြီးကေ ထည့်စဉ်းစားစရာမလို။ အရေးကြီး စွာက ရခိုင်သားတိုင်းစွာ ရခိုင်ပြည်ကို လိုချင်ရေစိတ်ဟိရဖို့။

၃။ ၀ိရယ အဓိပဓိ - ၀ိရိယဆိုစွာ ကိုယ်ဖြစ်ချင်စွာတိ (သို့) ကိုလိုချင်စွာတိကို ထပ်ခါအလီလီ၊ ထပ်ခါ အလီလီ မဖြစ်မချင်း ဆောင်ရွက်ခြင်းစွာ ၀ိရိယ အဓိပဓိ ဖြစ်တေ။ တချို့မှာ ၀ိရိယ ဟိလိုက်စွာ နှစ်လလောက် လည်းကြာရေနောက် ၀ိရိယ မဟိယာ။

၎။ ၀ိမံသ အဓိပဓိ - လူတယောက် ကြီးပွား ချမ်းသာဖို့၊ နိုင်ငံတနိုင်ငံ ကြီးပွါးချမ်းသာဖို့ ဆိုစွာ အတွိ့အကြုံ
ဗဟုသုတ လိုရေ။ ပညာ ဗဟုသုတ လိုရေ။ တနည်းအားဖြင့် ကာယအင်အားလည်း ဟိရဖို့။ ဥာဏ အင်အားလည်း ဟိရဖို့။ ကာယအင်အား၊ ဥာဏအင်အားကိုပေါင်းပြီးကေ သမာသမတ် ယထာဘူတ ကျအောင် လုပ်ခြင်းစွာ တိုင်းပြည်အတွက်လည်း ကောင်းရေ။ မိမိအတွက်လည်းကောင်းရေလို ပဌာန်း ကျမ်းဂန်မှာ တွိ့ရရေ။

ယင်းအတွက်ကြောင်း ဆန္ဒအဓိပဓိ၊ စိတ္တအဓိပဓိ၊ ၀ိရိယအဓိပဓိ၊ ၀ိမံသ အဓိပဓိ ဤအဓိပဓိ လေးပါးနန့် အညီ ပြည့်စုံ လာလို့ဟိကေ ဇာကိစ္စကိုမဆို မအောင်မြင်နိုင်စရာ အကြောင်းမဟိ။ အထူးသဖြင့် ဒေနိန့် ရခိုင်လူငယ်တိမှာ စာဖတကတ်ပါ။ ရောက်ရေ နိန်ရာမှာ ပညာကို ထူးချွှန်အောင် သင်ကတ်ပါ။ နောက်ဆုံးမှာချင်စွာက ကျနော်ဆရာ အရင်းဖြစ်တေ ပါမောက္ခ ဒေါက်တာသန်းထွန်းကို သူ့တပည့်တိက မိန်းရေ “ ဆရာကြီး သမိုင်းကို ဇာကြောင့်သင်သလဲ၊ ဆရာကြီး ဒေါက်တာသန်းထွန်းက - သမိုင်းကို သင်စွာက မအ အောင်လို့ သင်စွာ”လို့ ဖြေပါရေ။ ဆရာကြီး ဒေါက်တာသန်းထွန်း၏ ဆုံးမသြ၀ါဒအရ ကိုယ့်သမိုင်းကိုတောင်မှ ကိုယ်မသိရေ ရခိုင်တိစွာ - လူအ - တိ ဖြစ်ကြောင်းကို သတိထားကတ်ပါ။ ယင်းအတွက်ကြောင့် ရခိုင်ကျောင်းတိမှာ ရခိုင်သမိုင်းကို သင်ရဖို့လို့ ကျနော် တသက်လုံး တင်ပြခပါရေ။ ရခိုင်သမိုင်း ရခိုင်ကျောင်းတိမှာ သင်စွာက တိုင်းရင်းသား စည်းလုံးညီညွတ်ဖို့ အတွက် အလွန့်အလွန်ရေးကြီးပါရေ။ ရခိုင်ပြည်စွာ ဗမာပြည်၏ မိတ်ဆွီအရင်းအချာတိပါ။ ဘင်္ဂလားဒေ့ခ်ျနိုင်ငံနှင့် အိန္ဒိယရို့နန့် မိတ်ဆွီအရင်း အချာဖြစ်ဖို့ရာလိုပါရေ။ ရခိုင်ပြည်လို့ ပေါ်လာလို့ အိမ်နီးနားချင်း နိုင်ငံတိကို တိုက်ခိုက်ဖို့အတွက် မဟုတ်ဆိုစွာ အားလုံးသူ နားလည်ထားသင့်ရေ။

(မူပိုင်- နိရဉ္စရာ သတင်းဌာန)

စက်တင်္ဘာ ၇-ရက် ၂၀၁၀

: ----------------------------------- ----------------------------------- ----------------------------------- :

(နိရဉ္စရာ သတင်းမှကူးယူဘာသာပြန်ထားပါသည်။)

http://www.narinjara.com/detailsbur.asp?id=2728

ဦးခိုင်ပြည်စိုးနှင့် တွိ့ဆုံမိန်းမြန်းချက်

2010-08-29T23:37:00.000-07:00

၂၀၁၀ ခုနှစ် သြဂတ်စ်လ ၁ ရက်နိန့်က ရခိုင်တိုင်းရင်းသားများ တိုးတက်ရေး ပါတီမှ အတွင်းရေးမှူး အဖွဲ့ဝင် ဦးခိုင်ပြည်စိုးနှင့် သူတပည့် ဖြစ်သူ နှစ်ဦးအား ရဲ SP နှင့် စရဖမှ (စစ်တွေ)အမှတ် ၁ ရဲစခန်းကို ခေါ်ယူပြီး စစ်ဆေးမိန်းမြန်းမူများ ပြုလုပ်ခသည်။ ခေါ်ယူ စစ်ဆေးမိန်းမြန်းမူနှင့် ပတ်သက်ပြီး နိရဉ္စရာကမိန်းမြန်းရာ ဦးခိုင်ပြည်စိုးမှ အဂုပိုင် စတင် ပြောကြားသည်။

ဖြေ။ ။ သြဂတ်စ်လ ၁ ရက်နိန့် ညဇာဖက် ၄ နာရီလောက်မှာ ကျွန်တော်နန့် ကျွန်တော် တပည့်နှစ်ယောက်ကို အမှတ်(၁) ရဲစခန်းက လာခေါ်ရေ။ တချက်ချေ မိန်းစရာဟိရေဆိုပြီးကေ ခေါ်ယူလားပါရေ။ ယင်းမှာသို့ ခေါ်ယူလားရေအခါမှာ ကျွန်တော်ကို စာရွက်တိကိုထုတ်ပြရေ။ ယင်းမှာ ဇာတိပါရေလဲဆိုကေတော့ခါ ဒေ " ၂၀၀၈ ဥပဒေ နှိုင်းယှဉ်ချက်" ဆိုရေ စာတန်း တခုပါရေ။ နောက်တခု "ကိုလိုနီကျွန်သပေါက် ၂၂၆နှစ် ကြာပြီး သောအခါ" ဆိုရေ စာတစောင် ပါရေ။ ယင်းစာတိစွာ ကျွန်တော်ဘားကရရေလို့ သူရို့က ယူဆပြီး ကျွန်တော်ကို မိန်းပါရေ။ ယင်းခါ ကျွန်တော်ကပြောရေ။ ဒေချင့်တိက ကျွန်တော်ဘားကမဟုတ်ပါ။ ဒေစာရွက်တိကိုဖတ်ဖူးလားလို့ ကျွန်တော်ကိုမိန်းပါရေ။ ကျွန်တော်ဖတ်ဖူးပါရေ။ ဇာမှာဖတ်ဖူးရေလဲလို့ဆက်မိန်းရေခါ အိန်တာနက်မှာ ဖတ်ဖူးပါရေလို့ကျွန်တော်က ယင်းပိုင်ပြောပြပါရေ။ ဒေဟင့်တိက လူတကာဖတ်လို့ရရေ ကိစ္စတိပါလို့ ကျွန်တော်ပြောပြပါရေ။ ယင်းကိစ္စတိနန့်ကျွန်တော်ကို အဓိကမိန်းပါရေ။

မိန်း။ ။ ယင်းစာတန်းတိကို သူရို့ကဇာပိုင်ရဟိစွာပါလဲ။

ဖြေ။ ။ ဆရာတော် ရမ္မာဝတီ အသျှင် ပညာစာရကို ဖမ်းဆီးပြီး ကျောင်းကနိန်ပြီးကေ ပစ္စည်းတိ အားလုံးကို သိမ်းဆည်း ယူဆောင်လားပါရေ။ ယင်းအထဲက စာတန်း နှစ်စောင်ကို သူရို့က ကျွန်တော်ဘားကရရေ စာတန်းဆိုပြီး ကျွန်တော်ကို စစ်ဆေးမိန်းမြန်းစွာပါ။ ကောင်းကောင်းမွန်မွန် စစ်ဆေးမိန်းမြန်းပါရေ။

ိမိန်း။ ။ ဆရာတော်ဘားက သိမ်းဆည်းရမိရေ အထဲမှာ ပါရေ နိုင်ငံရေး စာတန်းဆိုတော့ခါ ဆရာတော်က နိုင်ငံရေးနန့် ဆက်နွယ် ပတ်သက်မူများ ဟိပါသလား။

ဖြေ။ ။ ဆရာတော်စွာ သမိုင်းသုတေသီ တဦးဖြစ်တေအတွက် တရားဝင်ရေ စာတန်းနန့် တရားမ၀င်ရေ စာတန်းတိပါ ဆရာတော်ဘားမှာ ဟိနိန်စွာဖြစ်ပါရေ။ စာရေးဆရာ သမိုင်းသုတေသီ တဦး အနိန်နန့် မှတ်တမ်း မှတ်ရာ အနိန်နန့် သိမ်းဆည်းထားစွာသာ ဖြစ်ပါရေ။ ဆရာတော်စွာ နိုင်ငံရေးထက် သမိုင်းသုတေသီနန့် လူမူရေး လုပ်ငန်းတိကိုသာ စိတ်ဝင်စားပါရေ။

မိန်း။ ။ လက်ဟိ ဆရာတော်သီတင်းသုံးခရေ မဟာမုနိ ဗုဒ္ဓ၀ိဟာရ ကျောင်း၏ အခြေအနိန်က ဇာပိုင်ဟိပါလဲ။

ဖြေ။ ။ နောက်ဆုံး ဗုဒ္ဓမဟာဝိဟာရကျောင်း၏ အခြေအနိန်ကို ပြောမယ်ဆိုလို့ဟိကေ ယင်းကျောင်းထဲမှာ တခုလည်းမဟိပါဗျာယ်။ အဆောက်အဦးရာ ကျန်ခဗျာယ်လို့ကျွန်တော်ရို့သိရပါရေ။ ယင်းမှာဟိရေ အချေတိကို ညနိန့်ခါ (သြဂတ်(စ်)လ ၂ ရက်)ညဇာဖက် ၄ နာရီလောက်မှာ အားလုံးကိုထုတ်ယူလားပါရေ။ အမှတ်(၁) ရဲစခန်းကို ရွေ့ထားရေ။

မိန်း။ ။ တခုလည်းမဟိဗျာယ်ဆိုကေတော့ခါ ဇာတိကိုယူလားပါရေလဲ။

ဖြေ။ ။ ကျောင်းမှာစာရွက်စာတန်းတိ တခုလည်းမဟိပါဗျာယ်။ ယင်းသမိုင်းဝင်ပစ္စည်းတိ အားလုံးပါလားလားခပြီးပါဗျာယ်။

မိန်း။ ။ စစ်တွေမှာ ဆရာတော် ဖမ်းဆီးခံရရေ အပေါ်မှာ ဇာပိုင်အမြင်တိဟိကတ်ပါရေလဲ။

ဖြေ။ ။ စစ်တွေမြို့ထဲမှာ အခြေအနိန်က ဇာပိုင်ဟိရေလဲဆိုကေတော့ခါ ဆရာတော်မှာ တကယ်တန်း မာတုကာနန့် တစုံတရာ ငြိစွန်းမှုဟိခကေဆိုလို့ ဟိကေ ယင်းမှုနန့်ရာ အရေးယူသင့်ရေ။ ကျန်ရေသမိုင်းဝင်ပစ္စည်းတိ၊ အချက်အလက်တိ၊ ပြီးကေ အချေတိကိုတော့ခါ တခုလည်းမလုပ်သင့်လို့ ယင်းပိုင်အမြင်တိဟိနိန်ကတ်ပါရေ။

မိန်း။ ။ ဆရာတော်စွာ မာတုကာမ (အမျိုးသမီး)နန့် တကယ်ဖေါက်ပြန်မူ ဟိခပါသလား။

ဖြေ။ ။ ကျွန်တော်ရို့ပထမကြားရေသတင်းအရ ဆရာတော် အသျှင်ပညာစာရကို မာတုကာမကိစ္စနန့် ဖမ်းရေလို့ ယင်းပိုင်သတင်းရပါရေ။ .ကေလေ့ လက်ဆုတ်လက်ကိုင် ဇာသူမှပြနိုင်စွာ မဟုတ်ပါ။ မြင်စွာလည်းမဟိပါ။ ယင်းကြောင့် မာတုကာမကိစ္စနန့် ဖမ်းရေဆိုကေတော့ခါ ကျွန်တော်ရို့က ဝိနည်းတော်အရ အရေးယူလိုက်ကေ၊ သိက္ခာချလိုက်ကေ ဆရာတော်မှာ ပြီးလားဗျာယ်။ ကျန်ရေကိစ္စတိက အရေးမကြီး၊ ယင်းပိုင်ထင်ခပါရေ။လူဝတ်လှဲလိုက်စွာနန့် ပြီးလားလိမ့်မေလို့ ကျွန်တော်ရို့တင်ခရေ။ အဂုကတော့ခါ ယင်းပိုင်မဟုတ်ဘဲနန့် ဆရာတော်ကို ဇူလိုင်း (၂၇) ရကနိန့်မှာ ဖမ်းယူလားပြီးပါရေ။ ဓမ္မသုခကျောင်းကိုရောက်တေအခါ လူဝတ်လှဲရေ။ ယင်းကနိန်ပြီးကေ ဘုန်းကြီးကျောင်းကို ပြန်မပို့ဘဲနန့် ရဲစခန်းကိုခေါ်ယူလားပါရေ။ ရဲစခန်းကိုခေါ်ယူလားရေအခါ အေနိန့်ထက်ထိ ရဲစခန်းမှာ စစ်ဆေးရေး လုပ်နိန်တုန်းလို့ကျွန်တော်သိရပါရေ။

မိန်း။ ။ ဆရာတော်ကို ဇာအမှုတိနန့် တရားစွဲဆိုမေလို့ ကြားမိပါရေလဲ ။

ဖြေ။ ။ ကျွန်တော်ရို့ တရားစွဲဆိုရေ အခါ ဇာအမှုနန့် ဇာတိနန့် စွဲဖို့လဲဆိုစွာကိုတော့ခါ မသိရသိမ့်ပါ။ အဂုက စစ်ကြောရေး ကာလရာဟိသိမ့်ပါရေ။ သူ့ကို ဇာသူနန့်မှလည်း မတွိ့ရပါ။ ဆွမ်းပို့ရေ အကောင်ချေ နန့်ရာတွိ့ရပါရေ။

မိန်း။ ။ ဇာတိဆက်ပြောချင်ပါသိမ့်လဲ။

ဖြေ။ ။ ရခိုင်လူထုတတိ၏ အမြင်ကတော့ခါ ဒေဆရာကို ဂုနက ပြောရေပိုင် တကယ်တန်းသူ့မှာဝိနည်းတော်အရ မာတုကာမနန့် တစုံတရာ ကျူးလွန်းမှုဟိခကေ ဝိနည်းတော်အရရာ အရေးယူစီချင်ရေ။ ကျန်ရေ သမိုင်းဝင်ပစ္စည်းတိ၊ အချေတိကို ဆုံးယှုံးမှုတိကို တယောက်ကလည်းမလိုလားကတ်ပါ။ ဂု ကျွန်တော်ရို့ပြည်သူတိဇာပိုင် မြင်ရေလဲဆိုကေ ရခိုင်လူမျိုးတိ၏ သမိုင်းဝင်ပစ္စည်းတိ ဆုံးယှုံးရရေလို့၊ ယင်းပိုင်ယူဆနိန်ကတ်တေ။အေဆရာတော်ဘားက ဖမ်းဆီးရလားရေ သမိုင်းဆိုင်ရာ အချက်အလက်တိကတော့ခါ ကကောင်းတန်းဖိုးဟိရေစွာတိလို့ အားလုံးကပြောနိန်ကတ်တေ။ ယင်းကြောင့် ဒေစွာတိကို ဇာသူ့ဘားကိုရောက်နိန်လဲ၊ ဇာသူတိက သိမ်းထားလဲ၊ ဒေချင့်တိကို ဇာလုပ်ဖို့လဲဆိုစွာကို ပြည်သူတိအားလုံးက မိန်းခွန်းထုတ်နိန်ကတ်ပါရေ။အဖြေရှာနိန်ကတ်ပါရေ။

(ပြီး)

(ဦးခိုင်ပြည်စိုးမှာ ရခိုင်ပြည်ကွန်မြူနစ် ပါတီ အဖွဲ့ဟောင်း တဦးဖြစ်ပြီး ထောင် ၂၂ နှစ်ချမှတ်ခံခဲ့ရပြီး များမကြာမှီ နှစ်များက ပြန်လည် လွှတ်မြှောက်လာသူ တဦးဖြစ်ပါသည်။ မဟာမုနိ ဗုဒ္ဓ၀ိဟာရ ကျောင်းတွင် စေတနာဝန်ထမ်း ဆရာ တဦး အဖြစ် ဆောင်ရွက်ခဲ့သူ တဦးလည်း ဖြစ်သည်။)

: ----------------------------------- ----------------------------------- ----------------------------------- :

(နိရဉ္စရာ သတင်းဌာနမှ)

ဖောက်ပြန်နီသော ရခိုင်စကားအချို့

2010-08-29T23:28:00.000-07:00

တနိ အကျွန့်သူငယ်ချင်းနှင့် အကျွန်သည် ဘောင်းဒွတ်သားစု ရွာလယ်ခွဆုံအနားဟိ စင်တွင်ထိုင်နီကတ်ပါသည်။ ယင်းစဉ် အသက် ၇၀ ပတ်ဝန်းကျင်၌ဟိမည့် ဝါကြီးတယောက်သည် လမ်းမှလားယင်း စင်ရှိသို့ရောက်သောအခါ တန့်လိုက်ပြီး တခုခုမီးလိုဟန်နှင့် အကျွန်ရို့ကိုကြည့်နီပါသည်။ ဝါကြီးအမူအရာကို အရိပ်ကျသော အကျွန့်သူငယ်ချင်းက အကျွန့်လက်ဦးစွာပင်။
“ဇာမီးချင်ပါလေ့ အဘိုး”ဟုမီးလိုက်ပါသည်။ ထိုအခါဝါကြီးလည်း အကျွန်ရို့အနားသို့ကပ်လာကာ။
“ပွဲစား စောသာကျော်အိမ်ဇာနားမှာလဲဝေ”ဟုမီးပါသည်။ ပွဲစားစောသာကျော်မာ အကျွန်ရို့ရွာ၌ လူသိများ လူသိများသူတဦးဖြစ်သည့်အလျှောက် အကျွန့်သူငယ်ချင်းက ချက်ချင်းပင်။
“အဘိုး၊ ဒေလမ်းတည့်တည့်လားပါလီ။ ယှိက ခွဆုံကိုရောက်တေခါ အယှိဘက်ကိုကွေ့ပါ။ လက်ျာဘက်နှစ်ဆောင်ခြာ သုံးဆောင်တက် သံဖြူမိုးလို့အိမ်ပါ။” ဟုသွက်လက်စွာညွှန်လိုက်၏။ ယင်းအခါ ဝါကြီးမာ နားမလည်ဟန်နှင့် မျက်မှောင်ကုတ်လားပြီး။
“ဇာဝေ၊ ယှိကခွဆုံ အယှိဘက်၊ ဇာအယှိဘက်လဲ”
“ဟုတ်ပါရေ အဘိုး၊ ရှိကခွဆုံ အရှိဘက်ကို ကွေ့ပြီးကေ၊ သုံးအိမ်အတက်မာ”
“ဒေသူက ယှိကခွဆုံ အယှိဘက်လို့ပြောနိန်လို့” ဟုပြောကာ ပွဲစား စောသာကျော်၏အိမ်ဘက်သို့ ထွက်လားလီပါသည်။

အကျွန့်သူငယ်ချင်းမှာ မကျီမနပ်နှင့် “ဝါကြီး၊ လူကိုလည်းမီးသိယင့် အပြစ်လည်းတင်သိယင့်၊ မိတ္တဗလဋီကာကို မသင်ဖူးခယှိဖို့”
“ဟား ဟား ဟား” ရယ်လိုက်သူမာ အကျွန်ပင်ဖြစ်၏။ သူ့စကားကိုသလောကျ၍ မဟုတ်ပါ။ ဝါကြီး၏ နားမလည်ဟန်ဖြင့် ထပ်ဆင့်မီးလိုက်သော မီးခွန်းကိုတွက်မိ၍ဖြစ်သည်။

အကျွန့်သူငယ်ချင်းက “ယှိကခွဆုံ၊ အယှိဘက်” ဟူ၍ပြောသည်ကို ဝါကြီးနားလည်ဟန်မတူပေ။ အကျွန်က “ရှိခွဆုံပါ” ဟူ၍ “ရ”သံပီပီနှင့်ပြောလိုက်မှသာ ဝါကြီးနားလည်လားဟန်တူပါသည်။

အမှန်စင်စစ် ဝါကြီးမမှား၊ အကျွန်သူငယ်ချင်းမှားခြင်းသာဖြစ်ပေသည်။ ရခိုင်စကားတွင် “အယှိဘက်” ဟူ၍ “ယ”သံနှင့်ပြောလေ့မဟိ။ “အရှိဘက်”ဟူ၍သာ “ရ” သံနှင့် ပြတ်သားစွာ ပြောပေသည်။ ယင်းကြောင့်အကျွန့်သူငယ်ချင်းက “အရှိဘက်” ကို “ယ”သံနှင့် “အယှိဘက်”ဟုပြောလိုက်သောအခါ ဝါကြီးနားတွင် ထွီးလားခြင်းဖြစ်ပေသည်။ ဝါကြီး၏ ရခိုင်စကားအဘိဓာတ်ထဲတွင် “အယှိဘက်”ဟူသော စကားလုံး ပါလိမ့်မည်မဟုတ်ပေ။ ထိုကြောင့် အင်္ဂလိပ်တယောက်သည် နိုင်ငံခြားသားတဦးက မပီမသနှင့် ပြောလှာသောအင်္ဂလိပ်စကားကို နားမလည်သကဲ့သို့ ဝါကြီးသည်လည်း ရခိုင်သံမပီကလာနှင့် ပြောလှာသော အကျွန့်သူငယ်ချင်း၏ စကားကို ဖြုတ်ချင်းနားမလည်ပေ။

ဤသို့လျှင် ယခုခေတ်ရခိုင်လူငယ်များ၏ စကားများသည် တစ်စတစ်စနှင့် ဖောက်ပြန်ပျက်ပြားလာကုန်၏။ အများအားဖြင့်ကား မြို့များ (အထူးသဖြင့် စစ်တွေ) ဘက်တွင်ဖြစ်၏။ လူငယ်လူရွယ်များသာမဟုတ်၊ မိဘလူကြီးများပင် ရခိုင်စကားစစ်၊ ရခိုင်စကားမှန်ကို ပြောဆိုထိန်းသိမ်းရကောင်းမှန်း မသိဖြစ်နီကတ်၏။

ဘာသာစကားဖြစ်စီ၊ စာပီဖြစ်စီ “အသီ” (Dead Language) မဟုတ်ပါခလျှင် ခေတ်အလိုက် တစ်စတစ်စပြောင်းလွဲလာသည်။ ကျယ်ပြန့်တိုးတက်လာသည်ချည်းဖြစ်ပေသည်။ သို့သော် ဖော်ပြခယှောင် “အရှိဘက်”ကို “အယှိဘက်” ဟုလီသံမပီကလာနှင့်ပြောဆိုခြင်းကား ပြောင်းလဲတိုးတက်ခြင်းမဟုတ်။ ဖောက်ပြန်လာခြင်းသာ စစ်စစ်ဖြစ်ပေသည်။ ပြောင်းလွဲသည်ဆိုခြင်းမှာ အကျွန့်သူငယ်ချင်းက ဝါကြီးအားပြောသည့်စကားတွင်ပါသည့် “တည့်တည့်” စကားယှောင်ဖြစ်၏။

အမှန်အားဖြင့် ရှီးအခါက ရခိုင်သားရို့သည် “တည့်တည့်” ဟူ၍ပြောလေ့မဟိ။ “စိုက်စိုက်” ဟူ၍သာသုံးစုံးကြကုန်သည်။ “ဒေလမ်းတည့်တည့်လားပါလီ” တက်စား “ဒေလမ်းစိုက်စိုက်လားပါလီ” ဟူ၍သာပြောပေလိမ့်မည်။ သို့သော် ယခုခေတ်တွင် “စိုက်စိုက်” ဟူသောစကားမှ “တည့်တည့်”ဟူသော စကားသို့ ရွိပြောင်းလာပေသည်။ ထိုနည်းတူစွာ “ငှက်ကိုရွတ်ပစ်လိုက်” ဟူသောစကားစကားတက်စား “ငှက်ကိုလွှတ်ပစ်လိုက်” ဟူ၍လည်းကောင်း၊ “ဇာတီပုထိုး” တက်စား “စေတီပုထိုး” ဟူ၍လည်းကောင်း၊ “ရွက်ရွှင့်သည်” တက်စား “ရွက်လွှင့်သည်” ဟူ၍လည်းကောင်း၊ “အညှက်ဆိုး” တက်စား “အမှိုက်ဆိုး” ဟူ၍လည်းကောင်း၊ “သဲမုန့်ရွှင့်မနီကေ့” အစား “သဲမှုန့်လွှင့်မနီကေ့” ဟူ၍လည်းကောင်း၊ “မဟိ” ဆက်စား “မယှိ” ဟူ၍လည်းကောင်း အသီးသီးပြောင်းလွှဲလာကုန်၏။ စင်စစ် “စိုက်စိုက်” တက်စား “တည့်တည့်”၊ “ရွှင့်၊ ရွှတ်၊ ဇာတီ၊ အညှက်၊ မဟိ” တက်စား “လွှင့်၊ လွှတ်၊ စေတီ၊ အမှိုက်၊ မယှိ” ဟူ၍ဖြစ်လာရခြင်းရို့မှာ တိုးတက်လာခြင်းမဟုတ်ပေ။ မြန်မာစာပီကို အတုအယောင်လိုက်၍ ရခိုင်စကားစစ် ရခိုင်စကားမှန်များ ပျက်ပြားပြောင်းလွဲလာခြင်းသာဖြစ်ပေသည်။ အပြစ်မဆိုသာသဖြင့် ဖောက်ပြန်သည်တက်စား ပြောင်းလွဲသည်ဟူ၍သာ သမုတ်လိုက်မိသည်။

အထက်၌ ဖော်ပြခယှောင် “အရှိဘက်” ဟူသောစကားကို “အယှိဘက်” ဟူ၍ပြောခြင်းကား “ရ” ဗျည်းနှင့် “ယ”ဗျည်းရို့၏ ရခိုင်အသံထွက်မှန်ကို အသံပျက်ဖြင့် ရောမှန်းမသိ ရောပစ်ထားခြင်းသာ ဖြစ်ပေသည်။ ရခိုင်ရို့သည် “ရ” ဗျည်း၏ အသံထွက်နှင့် “ယ”ဗျည်း၏ အသံထွက်ကို ကွဲပြားစွာပြောဆိုကြ၏။ ၎င်းမှနွယ်လာသော “အပင့်” နှင့် “အရစ်” ကိုလည်း နိုင်နင်းကျွမ်းကျင်စွာ သုံစွဲတတ်ကြကုန်သည်။ ထိုအတွက်ကြောင့်လည်း မြန်မာများက “ပင့်ရစ်မနိုင်၊ ရခိုင်မေး” ဟူသော စကားပုံကို သုံးစွဲကြရသည် မဟုတ်လော။

သို့သော် ဒေနိ့ရခိုင်လူငယ်များနှင့် အချို့လူကြီးသူမများ (အထူးသဖြင့် မြိုထက်နီလူရို့) သည် မိမိရို့ပြောစကားများကို သတိမထားကြဘဲ ဖောက်ပြန်မှန်းမသိ ဖောက်ပြန်ပျက်ပြားစွာ ပြောဆိုနီကြကုန်၏။ အထူးသဖြင့် “ရ” ဗျည်းနှင့်ပတ်သက်သော စကားလုံးများဖြစ်သည့် “အရှိဘက်၊ အိမ်ရှိ၊ ရှိခိုးသည်၊ ရှိရှိအခါက၊ ကြည့်ရှုသည်၊ ထင်ရှားသည်၊ ဆံတော်ရှင်” စသောစကားရို့ကို “အယှိဘက်၊ အိမ်ယှိ၊ ယှိခိုးသည်၊ ယှိယှိအခါက၊ ကြည့်ယှုသည်၊ ထင်ယှားသည်၊ ဆံတော်ယှင်” ဟူ၍ ရခိုင်သံမှန် “ရ” သံတက်စား “ယ” သံဖြင့်ဖောက်ပြန်ပြောဆိုလာကြရာ ဖော်ပြသောဝါကြီးရို့ယှောင်ပုဂ္ဂိုလ်များ၏ နားထဲတွင် ဝါးခြမ်းနှင့်ထိုးသကဲ့သို့ ခံစားစီလီသည်။
အချို့သောစကားလုံးများမာ စကားပြောစဉ်တွင် မဖောက်ပြန်ကြဘဲ စာဖတ်သောအခါ၌သာ ဖောက်ပြန်ကြကုန်၏။ ၎င်းရို့က-
“အသက်ရှင်သည်၊ ရှာသည်၊ ရှုံ့နီသောအဝတ်၊ အလွန်ရှား၍ အရသာဟိသောလှော်စာ၊ အရှိအမျှစီဝီသည်၊ အဓွန့်ရှည်စွာ” အစဟိသည်ရို့ဖြစ်ပြီး၊ ၎င်းရို့ကိုစာအုပ်တွင်ဖတ်သောအခါ-
“အသက်ယှင်သည်၊ ယှာသည်၊ ယှုံ့နီသောအဝတ်၊ အလွန်ယှား၍ အရသာဟိသော လှော်စာ၊ အယှိအမျှစီဝီသည်၊ အဓွန့်ယှည်စွာ” ဟူ၍ သံပျက်ဖြင့်ဖတ်ကြကုန်၏။ ဤစကားလုံးများမာ စကားပြောစဉ်တွင်မဖောက်ပြန်ကြဘဲ စာအုပ်တွက်ဖတ်သောအခါ၌သာ အသံပျက်နှင့် ဖြတ်ကြသည်ဖြစ်ရာ တစိတဝက်ဖောက်ပြန်သည်ဟုဆိုနိုင်ပေ၏။ သတိမထားဘဲ ယင်းအတိုင်းသာ အသံပျက်နှင့်ဖတ်နီကြမည်ဆိုက “အရှိဘက်၊ ရှိခိုးသည်” ဟူသောစကားလုံးကို “အယှိဘက်၊ ယှိခိုးသည်” ဟူ၍စကားပျက်လာသည့်ယှောင် အနာဂတ်ကာလတွင် “ရ” သံမှ “ယ” သံသို့ပြောင်းလွဲပြောဆိုလာကြမည်မှာ မလွဲပေ။

ဤသို့စကားများဖောက်ပြန်ခြင်း၊ အသံများပျက်လာခြင်းရို့မာ မြန်မာစာပီကို နိ့စဉ်ရက်ဆက် သင်နီဖတ်နီရသောကြောင့်ဖြစ်ပေသည်။ ဤကားအကျွန့်အမြင်တည်း။

ရခိုင်စာပီသည် အတိတ်တချိန်က အဖျက်အဆီးခံရပြီး မျက်မှောက်ကာလတွင်လည်း ကိုယ့်ကံကြမ္မာကို ကိုယ်ဖန်တီးခွင့်မရဘဲ လူမျိုးခြားကိုအထင်ကြီးတတ်သော ကျွန်စိတ်ဝင်နီကတ်ရာ မပျက်စီဘဲကျန်ဟိနီသော မိမိရို့၏စာပီကို ဖော်ထုတ်အသုံးပြုရန် မကြိုးစားကြခြင်းကြောင့် “စာသီ” (Dead Language) ယှောင်ဖြစ်နီ၏။ ထို့ကြောင့် လစ်လပ်နီသောရခိုင်စာပီ၏ နီရာတွင် မိမိရို့နှင့်ဆင်တူယိုးမှားတူညီသော မြန်မာစာပီမှာ အတားအဆီးမဟိ ဒလဟောဝင်လားလီသည်။ တချိန်တည်းမာပင် ရခိုင်သားရို့သည် လွတ်လပ်စွာ ဝင်ရောက်လာသော မြန်မာယဉ်ကျေးမှုများကိုပါ လက်ခံလာကြရာ အမျိုးသားဟန်၊ အမျိုးသားသံနှင့် တသီးတခြားဝင့်ကြွားစွာ ရပ်တည်နီသော ရခိုင်စကားတချို့ကိုပါ တစ်စတစ်စ ယိမ်းယိုင်ဖောက်ပြန်စီသည်ကို ရင်လီးဖွယ်တွိ့ဟိရပေသည်။

အတိတ်တချိန်က ကံမကောင်းအကြောင်းမလှလီသဖြင့် တိုင်းပြည်လူမျိုးနှင့်တကွ ယဉ်ကျေးမှုတခုလုံးကိုပါ အဖျက်အဆီးခံမှုလည်း မျက်မှောက်ကာတွင် စိတ်ဓာတ်၊ စကား၊ ဓလေ့ထုံးစံနှင့် အမြုတေစာပီအချို့ကျန်ဟိနီသီရာ “ရခိုင်”ဟူသော အနွတ္တသညာကို ရင်ကွ၍ ခံယူနိုင်ကြသီ၏။ စကားနှင့်စာတွင် စကားကအယင်ပေါ်၏။ စကားပေါ်ပြီးမှ ထိုစကားကိုလိုက်၍ စာကိုထွင်ယူခြင်းဖြစ်ရာ ဘာသာစကားသည် စာပီ၏မွီးမိခင်ဖြစ်ပေသည်။ ရခိုင်စာပီမာ ကွယ်ပျောက်လုလု (ဝါ) “ငါရို့ရခိုင်သားများတွင် စာဟိပါသည်” ဟူ၍ပြောနိုင်လောက်ရုံသာ ကျန်ဟိနီသဖြင့် မွီးမိခင်ဖြစ်သော ဘာသာစကားနှင့်ပင် ကယ်တင်ရမည်ဖြစ်ပေသည်။ သို့သော်မစ္စက္ခအချိန်တွင် မိခင်ဖြစ်သော ဘာသာစကားအချို့ပါ ဖောက်ပြန်ပျက်ပြားနီရာ သားဖြစ်သူရခိုင်စာပီကိုပင် ကယ်တင်၍ပင်ရပါမည်လောဟု စိုးရိမ်ရင်လီးမိပေသည်။

အကျွန်ပြောချင်သည်ကား “ရခိုင်စကားစစ်၊ စကားမှန်များကို ထိမ်းသိမ်းကတ်ပါ” ဟူ၍ဖြစ်ပြီး “ရခိုင်စကားစစ်၊ စကားမှန်များကို ထိန်းသိမ်းလျှက် ခေတ်မီသစ်လွင်သော ရခိုင်စာပီကို ထူထောင်နိုင်ပါစီ” ဟူသော ဆုတောင်းပင်ဖြစ်ပါသတည်း။

မောင်ဗသိန်း
(ရခိုင်အလင်းရောင်ဘလော့မှ)

ရှေးခေတ် ရခိုင်ပြည်အုပ်ချုပ်ရေးစနစ်”

2010-07-27T09:38:00.003-07:00

ဦးသာညွန့် ဟောပြောချက်
၂/၁၂/၁၉၇၃-ခု။

ရခိုင်မင်းများစိုးစံခသော နှစ်ကာလကို ခေတ်အားဖြင့် ပိုင်းခြားလိုက်ပါက အကြမ်းဖျင်းအားဖြင့် ၄- ပိုင်း ပိုင်းခြား၍ ရနိုင်ပါသည်။ ယင်းရို့မှာ-

(၁) အလွန်ရှေးကျသော (ဒွါရာဝတီ၊ ဝေသာလီ၊ ဓည၀တီ)ခေတ်၊ (၂) ဝေသာလီ ကျောက်လှီကားခေတ်၊ (၃) လေးမြို့ခေတ်နှင့် (၄) မြောက်ဦးခေတ် များ ဖြစ်ပါသည်။ အချို့ ရာဇ၀င်ဆရာရို့က မြောက်ဦးခေတ်ကိုပင် -ပထမမြောက်ဦး၊ ဒုတိယမြောက်ဦး၊ တတိယ မြောက်ဦးဟူ၍ပင် ၃-ပိုင်းပိုင်းခြားကြပါ သိမ့်သည်။ ကျွန်ုပ်ရို့သည် အလွန်ရှေးကျသော ဒွါရာဝတီ၊ ဝေသာလီ၊ ဓည၀တီခေတ်များက ရခိုင်မင်းများအုပ်ချုပ်ပုံစနစ်ကို စာပီကျမ်းဂန် အထောက် အထားများဖြင့် ဂ,နစွာမတင်ပြနိုင်သိမ့်သဖြင့် မှုန်ရေးရေးမျှသာတင်ပြနိုင်သည့် အခြေအနိန်တွင်ဟိသည်။

သို့ရာတွင် ဝေသာလီကျောက်လှေကားခေတ် (အေဒီ ၄-ရာစုအစပိုင်း)မှစ၍ကား အထောက်အထားအတော်အသင့်စုံလင်စွာဖြင့် တင်ပြနိုင်ကြပါဗျာယ်။ ဝေ သာလီခေတ်ဦးသည် အိန္ဒိယနိုင်ငံ ဂုပ္ပတဘုရင်များခေတ်နှင့် ခေတ်ပြိုင်ဖြစ်၏။ ဂုပ္ပတခေတ်တွင် အိန္ဒိယ၌ မနုဓမ္မသတ်ကျမ်းကြီး ပေါ်ထွက်နိန်ဗျာယ်ဖြစ်၍ ထိုဓမ္မသတ်ကျမ်းသည် ရခိုင်ပြည်သို့လည်း မရှေးမနှောင်း ရောက်ဟိလာခကြောင်း အထောက်အထားများတွိ့ရသည်။ ထိုအချိန်တွင် ရခိုင်ပြည်၌ စာပီ အရေးအသားများလည်း တတ်မြောက်ပြီးဖြစ်သည်။
တရားစီရင်ရေးနှင့်ပတ်သက်၍ အာန္ဒစန္ဒြားကျောက်စာ၊ ဂါထာအပိုဒ် (၅၈)ကို ရခိုင်ဘာသာပြန်ဆိုလျှင်–

“သဘင်ခန်းမဆောင်ကြီး(တရားရုံး)ထဲတွင် နိန့် စဉ်နိန့်တိုင်း စည်းဝေး(ရုံးထိုင်)ခြင်းကိုပြုလုပ်လေ့ဟိ၏။ (မင်းကြီးသည်)သနားခြင်းကရုဏာဟိသဖြင့်၊ အလွန်လျှင် (အမှန်ပင်) သီဒဏ်ပီးထိုက်သောသူရို့ ကိုပင်လျှင်၊ အမြဲအပြစ်မှ ချမ်းသာပီးလေ့ဟိ၏။” ဟုအဓိပ္ပါယ်ရပါသည်။

ရခိုင်မင်းများသည် ထိုခေတ်ထိုအချိန်ကစိုးစံခကြသော အခြားမင်းများနည်းတူ သက်ဦးဆံပိုင် ဘုရင်များဟုခေါ်တွင်ကြသော်လည်း ရခိုင်ရာဇ၀င်တလျှောက် လုံးတွင် မင်းပြစ်မင်းဒဏ်ကြောင့် ကွပ်မျက်ရသည်ကိစ္စမျိုး လွန်စွာနည်းပါးလီသည်။ ရာဇ၀တ်ပြစ်ဒဏ်သင့်သူများကို ဘုရင်က အသက်ချမ်းသာခွင့်ပီး သည့် စံနမူနာများကိုသာ တွိ့ရတတ်သည်။

ကြီးလီးသောပြစ်မှုကျူးလွန်သူများနှင့် သုန့်ပန်းအကြီးအကဲများ (ယခုခေတ် စစ်ရာဇ၀တ်ကောင်များနှင့်တူသူများ) ကို ဘုရင်ကသီဒဏ်မှ ချမ်းသာပီး ပြီးလျှင် သင်္ဃာတော်များလက်သို့အပ်၍ သာသနာ့အဆောက်အဦများတွင် အလုပ်အကျွေးအဖြစ်ထားလေ့ဟိသည်။ ထိုသို့ဆောင်ရွက်ခြင်းကို “သင်ချီတည်သည်” ဟု ခေါ်လီသည်။ ရခိုင်မင်းများသည် ကွပ်မျက်စီရင်ခြင်းများကို အားမပီးခသည့် အကြောင်းရင်းများမှာ မင်းများနန်းတက်စတွင် သစ္စာဘိသိတ်ကို ခံယူခရခြင်း၊ ဗုဒ္ဓ၀ါဒီများဖြစ်သည့်အလျှောက် ငါးပါးသီလ၊ ရှစ်ပါးသီလရို့ကို အမြဲတစီစောင့်ထိန်းခြင်းရို့ကြောင့် ဖြစ်ပါသည်။

ဘိသိတ်သစ္စာခံယူပွဲ၊
လေးမြို့ခေတ်တွင် ရခိုင်ပြည၏ စီမံအုပ်ချုပ်မှုများမှာ များစွာတိုးတက်ခေတ်မီလျှက်ဟိ ကြောင်း တွိ့ရပါသည်။ လေးမြို့ခေတ် သက္ကရာဇ် ၄၅၈-ခု၊ (အေဒီ-၁၁၂၃) တွင်နန်းတက်သော ဒဿရာဇာမင်းကြီးသည် ကြီးကျယ်ခန်းနားသော ဘိသိတ်သစ္စာခံယူပွဲကြီး ကျင်းပကြောင်းတွိ့ရပါသည်။ မင်းနှင့် မိဖုရား ကြီးရို့သည် န၀ရတ်ကိုးပါးဖြင့်စီဲခြယ်ထားသော ရတနာထမ်းစင်ကိုစီးတော်မူ၍ အသင့်ဆောက်လုပ်ထားသောမင်္ဂလာမဏ္ဍပ်သို့ ထွက်တော်မူသည်။ သာ သနာပိုင် ၀ိနည်းဓိုရ်ဆရာတော်နှင့် ပရောဟိတ် ၁၂-ပါးရို့သည် ပိဋကတ်တော်များကိုဆောင်ယူ၍ သီဟာသနမဏ္ဍပ်၌ထားပြီးသော် နန်းတော်သို့ဝင်၍ သံဃာတော်များက ပရိတ်တော်များရွတ်ဖတ်ကြသည်။ မင်းကြီးသည် မောရာသနမဏ္ဍပ်၌ရီချိုးတော်မူ၍ ဂဇာသနမဏ္ဍပ်တွင် ဂေါင်းဆီးတော်မူပြီးမှ သာ သနာ့အကျိုး၊ လောကီအကျိုး သယ်ပိုးရွက်ဆောင်ပါမည်ဟု ပါဠိဂါထာများကိုရွတ်ဆိုရသည်။ ထိုနောက် သီဟာသနမဏ္ဍပ်အလယ်၌ ရွှေအင်းပျဉ်ဖြင့် ပြီးသော ရီသဖန်းပျဉ်ဝယ် ထိုင်တော်မူ၏။

ယင်းသို့သောအခါ-
မင်းသမီးယှစ်ယောက်ရို့သည် န၀ရတ်စီခြယ်ထားသောခရုသင်းတွင် ဂင်္ဂါမြစ်ရီကိုထည့်လျှက်ကောင်းမွန်ရိုသေစွာ မင်းကြီး၏ဦးဂေါင်း၌ သွန်းလောင်းစဉ်-

• “အသျှင်မင်းကြီး သာသနာတော်ပွင့်လင်းအောင် ပြုတော်မူပါလော။

• အသျှင်မင်းကြီး ခပ်သိမ်းသောသတ္တ၀ါရို့အား ကိုယ်၏သားနှင့်အမျှ ချစ်ခင်ခြင်း၊ ပြည်သူရို့၏စီးပွါးကို ကိုယ်တော်၏စီးပွါး၊ ခပ်သိမ်းသော
သတ္တ၀ါရို့၏ ဇီဝိတိနြေ္ဒအသက်ကို ကိုယ်တော်၏အသက်ကဲ့သို့စောင့်တော်မူ ပါလော။

• -အသျှင်မင်းကြီး ခပ်သိမ်းသောပြည်ထောင်မင်းရို့အား အမျက်မလွန်ခြင်း၊ တရား၌စောင့်ခြင်း၊ ပညာဟိစကားကို နာလွယ်ခြင်း၊ အမျိုးစောင့်ခြင်း များကို မြဲမြံ စောင့်ထိမ်းတော်မူပါလော။” ဟု မြွက်ဆိုကြ၏။
ထိုနောက် ပုဏ္ဏား ၈-ယေက်၊ သဌီး ၈-ယောက်၊ သူကြွယ် ၈-ယောက်ရို့က ရှေးနည်းအတိုင်း ရီသွန်းလောင်းကြကုန်၏။

သူဌေးသူကြွယ်ရို့က ရီသွန်း လောင်းစဉ် ဆိုပြန်သည်မှာ-

• အသျှင်မင်းကြီး အကျွန်ုပ်ရို့သွန်းလောင်းသောရီကိုခံတော်မူ၍၊ ကျွန်ုပ်ရို့ဆိုသောစကားအတိုင်းကျင့်ဆောင်တော်မူ၍၊ ပြည်သူလုပ်ခွံ ဆယ်ဖိုး တဖိုးခံယူစားသုံးတော်မူ၍၊ မင်း၏စည်းစိမ်ကို စံပြီးသော် ပြည်ကို တရားသဖြင့်စောင့်တော်မူပါလော။

• အသျှင်မင်းကြီး ကျွန်ုပ်ရို့ဆိုသောစကားအတိုင်း ကျင့်တော်မူသော်ကား ပစ္စုပန်-သံသရာ နှစ်ဖြာအကျိုးတိုးတက်စီလျက်၊ တက်သစ်သောနီ၊ ဆန်းသစ်သော လကဲ့သို့၊ တနိန့်တခြား ကြက်သရေတော်ပွင့်လင်း၍ ပြည်ထောင်မင်းပေါင်းဦးဂေါင်းညွတ်လာ၊ သဒ္ဒါပြည့်ဖြိုး၊ သူခိုးဓါးပြ၊ ငြိမ်း ချမ်းသာယာ၊ သာသနာတော်တည်ထွန်း၊ ရီစာမယှား၊ မင်းအားပြည်သူ၊ ဆုယူနိန့်တိုင်း၊ ကောင်းကြီးပီးလျှက်၊ သက်တော်ရာကျော်၊ စံတော် မူရသည် ဖြစ်စီသောဝ်။

• ယင်းသို့မဟုတ် ကျွန်ုပ်ရို့စကားအတိုင်း မတည်၊ မင်းကောင်းမင်းမြတ်ရို့ဝန်ခံသော ဘိသိတ်သစ္စာပျက်ချေသော် ကမ္ဘာဆူဝေ၊ လီမုန်တိုင်း ဆင်၊ ငလျင်တော်လဲ၊ မြေကြီးကွဲ၍၊ ငရဲမီးလျှံ၊ အ၀ှန်ပြောင်ပြောင်၊ တောက်လောင်ကြေညက်၊ သူဖျက်သူလှောင့်၊ ထောင်ထောင်ထားထား၊ ခိုး သားဒန္တ၊ စသည့်အထွေထွေ၊ နီလတံခွန်၊ ငှက်ပျံငှက်ယုတ်၊ စုန်းဖုတ်တစ္ဆေ၊ နန်းထက်နိန်၍၊ မွှီမွှီလှန့်ခြောက်၊ မြွီဟောက်ငန်းကျား၊ တက် ၍စားသည် ဖြစ်စီသောဝ်။ ဟုမြွက်ဆိုကြလီသည်။

ဒသရာဇာမင်းကြီးသည် ရှေးမင်း ဘီးတော် ခမည်းတော်ရို့နည်းတူ သစ္စာဘိသိတ်ခံယူတော်မူကြောင်း သမိုင်းအစောင်စောင်၌ ဆိုထားသည်။ ဘိ သိတ်သစ္စာဆိုသည်မှာ တနည်းအားဖြင့် ဘုရင်မင်းမြတ်အား ဤနည်းဤပုံ အုပ်ချုပ်ပါလောဟု ကတိသစ္စာပြုခိုင်းခြင်းပင်ဖြစ်၏။ ကျမ်းကျိန်ဆိုစေခြင်း ဖြစ်သည်ဟုလည်းဆိုနိုင်ပေ၏။ ဤဘိသိတ်စာတမ်းအကျယ်ကို ဓည၀တီအရေးတော်ပုံနှင့် အမျိုးသားစာကြည့်တိုက် ပရပိုက်အမှတ်-၁၁၂၀ (ရခိုင် ရာဇ၀င်) တွင်ကြည့်ရှုနိုင်ပါသည်။ မန်လည်ဆရာတော်ဘုရားကြီးသည် မာဃဒေ၀လင်္ကာသစ်တွင် မာဃဒေ၀မင်းကြီး ဘိသိတ်ခံယူပုံကို စပ်ဆိုရာ၌ ဤစာတမ်းကိုမှီငြမ်း၍ စပ်ဆိုထားခြင်းဖြစ်ပါသည်။

ဥပဒေပြုသူ ဥပဒေမဖျက်နှင့်
သက္ကရာဇ် ၆၄၅-ခုနှစ်တွင် နန်းတက်သော မင်းထီးဘုရင်တရားစောင့်ထိန်းပုံ လူတိုင်းလိုလို သိဟိပြီးဖြစ်ပါလိမ့်မည်။ မင်းထီးဘုရင်သည် နန်းတော်တိုင်၌ ထုံးတို့မိသူ၏ လက်ညှိုးကိုဖြတ်မည်ဟု အမိန့်ထုတ်ထားခသည်။ နောက်ဆုံး၌ ထုံးသုတ်သူမှာ သူကိုယ်တိုင်ဖြစ်နိန်ရကား သံလျက်ကိုဆွဲ လျှက် မိမိ၏ညာလက်ညှိုးကို ကိုယ်တော်တိုင်ပိုင်းဖြတ်လိုက်လီသည်။

မင်းကြီးကိုယ်တိုင်ဤသို့ဖြောင့်မှန်ပြတ်သားစွာ တရားစောင့်ထိန်းပြသဖြင့် တိုင်းသူပြည်သားများဇာအတွက်ကြောင့် တရားမစောင့်ဘဲနိန်နိုင်ပါအံ့နည်း။ ဤအကြောင်းနှင့်စပ်လျဉ်း၍ ဒေါက်တာဖေါ်ချမ်မာ (Dr. Forchummer) က ရခိုင်သမိုင်းဆိုသောဆောင်းပါးတွင် ချီးကျူးရေးသားထားလီသည်။ မင်းထီးသည် ရာထူးခန်းထားရာတွင် အနီးအ၀ီးရွီးတော်မမူ။ ပညာအလျောက် သူကောင်းပြုတော်မူ၏ဟု သမိုင်းဆရာရို့မှတ်တမ်းတင်ကြသည်။

ရခိုင်မင်းဆက်တွင်မင်းကောင်းမင်းမြတ်များဟိရေပိုင် မင်းဆိုးမင်းညစ်များလည်းဟိခသည်။ ခရစ်နှစ် ၁၆၃၈-ခုနှစ် သီရိသုဓမ္မမင်းကို မိဖုရားနတ်သျှင်မယ် နှင့် လောင်းကြက်မြို့စားကုသလအမတ် (င/ကုသလအမတ်)ရို့ ပူးပေါင်းလုပ်ကြံပြီးနောက် ကုသလသည် နရပတိကြီးအမည်ဖြင့်နန်းတက်သည်။ ပြည်သူပြည်သားများ အော့နှလုံးနာကြသည်။ မဟာသက်တော်ရှည်အမတ်ကြီး ငလက်ရုံးသည် ရာထူးမှနှုတ်ထွက်ပြီး ရဟန်းဝတ်လားလီသည်။

သက္ကရာဇ် ၁၁၃၅ (ခရစ်-၁၇၇၃)-ခုတွင် နန်းတက်လာသောစန္ဒသုမနမင်းသည်လည်း တရားမစောင့်သောမင်းဖြစ်၏။ အမတ်ကြီးပိုးရွှေ ဦးဆောင်၍ ပြည်သူပြည်သားရို့ပုန်ကန်ကြသည်။ မင်းကိုဖမ်းမိလျှင် ကွပ်မျက်ပြီး အလောင်းကို ရီတွင်မျှောလိုက်ကြသည်။

ပြည်သူ့တရား ပြည်သူစီရင်-
သက္ကရာဇ် ၇၅၆-ခု(အေဒီ-၁၃၉၄)တွင်နန်းတက်သော ရာဇသူမင်း(ခေါ်) ၀ရဓမ္မရာဇာ(မင်းထီးသား)လက်ထက်၌ ထုတ်ပြန်သောအမိန့်တော်စာတမ်း မှာ အလွန်ထူးခြားသောလက္ခဏာကိုဆောင်နိန်ပါသည်။ ထိုအမိန့်တော်ပါပြဌာန်းချက်များအရ ရှေးမင်းများလက်ထက်က မြို့စား၊ ရွာစား၊ သူကြီး ကစ၍ခန့်ထားခြင်းခံရသူရို့သည် သားစဉ်မြီးဆက် ထမ်းရွက်စားသုံးခွင့်ရလီသည်။ အခွန်အထုတ် ကောက်ခံခြင်းနှင့်စပ်လျဉ်း၍ အသည်သားရို့သည် အိမ်ကြီးလျှင် တနှစ် ၅-သပြာပီးရ၏။ အိမ်ငယ်လျှင် ၂-သပြာခွဲပီးရ၏။ ကုန်သည် ပွဲစား အစို့ခွန်သားရို့သည် အိမ်ကြီးလျှင် ဆယ်သပြာ၊ အိမ်ငယ်လျှင် ငါးသပြာပီးဆောင်ကြရ၏။

တောင်ယာအရပ်မှ တောင်ယာဖြင့်အသက်မွီးသူရို့သည် ဓါးတစင်း ယာတခင်းလျှင် သုံးသပြာစီ ပီးဆောင်ကြရ၏။ မင်းမှုထမ်း ၀င်းသား၊ ဒိုင်းသားမှစ၍ ရီခပ်၊ အမုန့်လုံး သူများမှာ အခွန်အထုပ်ငွေ မပီးကြရချေ။ မင်းသား၊ မင်းသမီး၊ မိဖုရား၊ မှူးမတ်ရို့သည် မိမိရို့အားပီးအပ်ထားသောသူများကိုသာ အစီအပါးခိုင်းစီခွင့်ရသည်။ အခြားသူများကို ကပ်ခို၊ ကပ္ပါးအဖြစ်လက်မခံရ။ ရှေးမင်းအဆက်ဆက် ခန့်ထားသူများကိုသာ သုံးရမည်ဟု အမိန့်ပြန်တော်မူ၏။

မြို့ပြင်လေးရပ်တွင် တရားမဏ္ဍပ် (တရားရုံး) လေးခုကို ရှေးနည်းအတိုင်းဆောက်လုပ်ထားရမည်။ မဏ္ဍပ်တခုလျှင် ပြည်စိုးကြီးတဦးနှင့် တရားဆွေ တဦးရို့က ရုံးထိုင်တရားစစ်ကြသည်။ ပြည်စိုးကြီးဆိုသူမှာ မြို့ဝန်ရာထူးနှင့် ခတ်ဆင်ဆင်တူသည်။ တရားဆွေဆိုသူမှာ လူထဲမှရွီးကောက် တင် မြှောက်သူဖြစ်ပြီး အဂုခေတ် ရုံးသဟာယနှင့်တူဟန်ဟိပါသည်။ ယင်းတရားရုံးများသည် လက်ရောက်နှုတ်လွန်၊ မြီမှု၊ ငွေမှု၊ အိမ်မှုစသော ရာဇ ၀တ်မှု နှင့် တရားမ,မှုများကိုစီရင်ရသည်။ အမှုပြီးပြယ်လျှင် အမှုကြီးငယ်ကိုထောက်၍ ငါးသပြာတန်သည်၊ နှစ်သပြာတန်သည်ကို စီရင်သူရို့ခံယူသုံး စားစီ။ မင်းရာခိုးထူးဆို၍ မကုန်မကျစီနှင့်ဟု အမိန့်ထုတ်ထားသည်။

အယူခံရုံးများ-
တရားဆွေနှင့် ပြည်စိုးကြီးရို့ဆုံးဖြတ်ချက်ကို မကြေနပ်လျှင် အမတ်တရားသူကြီး လေးဦးထံ အယူခံဝင်ရသည်။ အမတ်တရားသူကြီးလေးဦး၏ ဆုံး ဖြတ်ချက်ကိုမကြေနပ်လျှင် ဘုရင်မင်းမြတ်ထံသို့အယူခံဝင်ရသည်။ မင်းကြီးသည် မဟာသက်တော်ရှည်သုခမိန်အမတ်ကြီးနှင့်တိုင်ပင်၍ အဆုံးအ ဖြတ်ပီးတော်မူသည်။ ယင်းဆုံးဖြတ်ချက်သည် အမြင့်ဆုံးရုံးဆုံးဖြတ်ချက်ပင်ဖြစ်သည်။ အမတ်ကြီးမဟာပညာကျော်ဖြတ်ထုံးဆိုသည်မှာ ဤသို့ဘုရင်ထံ တက်လာသောအမှုများကို စီရင်ဆုံးဖြတ်ထားခြင်းများဖြစ်သည်။

အမှုစစ်ဆေးပုံနှင့်စပ်လျဉ်း၍ ခိုးမှု၊ ယိုးမှုများမှာလည်း ရိုက်ပုတ်ထောင်းသတ်၍ မစစ်မမိန်းစီနှင့်၊ ပညာဖြင့်သာပေါ်အောင်စစ်ရမည်ဟု အမိန့်ထုတ်ထားလီသည်။ ဤတရားစီရင်ရေးစနစ်ကို နောက်မင်းများလက်ထက်တွင်လည်း အစဉ်တစိုက်ဆက်၍ ကျင့်သုံးလားသည်ကို တွိ့ရသည်။

တိုင်းကြီး ၁၂-တိုင်း-
ဝေသာလီခေတ်မှစ၍ ရခိုင်ပြည်ကို တိုင်းကြီး ၁၂-တိုင်းခွဲ၍ မြို့စား၊ ရွာစားများ ခန့်အပ်အုပ်ချုပ်ခသည်။
(၁) နာဂသျှ န္တတိုင်း - အာသံနယ်နှင့်စပ်လျှက်ဟိသော နယ်မြီ။
(၂) မဟိံသကတိုင်း- နာဂသျှ န္တတိုင်းနှင့် ရောင်ဖြူနယ်အကြားဟိနယ်မြီ။
(၃) ကမ္မရူအဆိုင်း-     ရောင်ဖြူနယ်။
(၄) ဖလံတိုင်း-           ဖလံထောင်။
(၅) သက်တိုင်း-         သက်ထောင်။
(၆) ဘိုမင်းတိုင်း-        ဘိုမင်းထောင်။
(၇) ဘုညာကြီးတိုင်း- ဘင်္ဂလား ၁၂မြို့။
(၈) ဥဿလင်းတိုင်း- ပလက်ဝ ချင်းတောင်ကုန်းဒေသ။
(၉) ရက္ခပူရတိုင်း-      မြစ်ကြီးလေးသွယ်မြစ်ဝှမ်းဒေသ။
(၁၀) ရမ္မာပူရတိုင်း-    ရမ်းဗြဲနယ်တောင်ရိုးအထိဒေသ။
(၁၁) မေဃ၀တီတိုင်း-                မာန်အောင်ကျွန်းနှင့်ကျွန်းရံများ။
(၁၂) ဒွါရာဝတီတိုင်း- သံတွဲနဂရစ် မော်တင်စွန်းအထိနယ်မြီရို့ဖြစ်သည်။

ဘင်္ဂလား ၁၂-မြို့နှင့် သံတွဲနယ်ရို့ကို မင်းညီမင်းသား စိတ်ချယုံကြည်ရသူများကို ခန့်ထားလေ့ဟိသည်။ မင်းရာဇာကြီးလက်ထက် သံလျင်ကိုပိုင်ဆိုင်ခရာ ဒီဘရစ်တိုကို သားတော်မင်းခမောင်းနှင့်တွဲ၍ ဘုရင်ခံခန့်ထားခသည်။ ဒီဘရစ်တိုက အကောက်ကြံ၍ မင်းခမောင်းကို ဖမ်းဆီးပြီးပုန်ကန်ခြားနားခသည်။

အနောက်တရိုးတွင်ဟိသော ဖလံထောင်၊ သက်ထောင်၊ ဘိုမင်းထောင်စသော နယ်မြီများကို အုပ်ချုပ်ရသူများသည် လက်အောက်ခံမင်းငယ်များအဖြစ် ကိုယ်ပိုင်အုပ်ချုပ်ခွင့်ရဟိကြသည်။ ထီးဖြူနှင့်မကိုဋ်သရဖူဆောင်းခွင့်ရကြသည်။ ခြောက်လတကြိမ်၊ တနှစ်တကြိမ်စသည်ဖြင့် ဘုရင့်ညီလာခံသို့တက်ကြရသည်။ ဆက်သမြဲအခွန်ဘဏ္ဍာဆက်ရသည်။ စစ်သားများလိုသည့်အခါ စစ်သားစုဆောင်းပီးရသည်။ အသေးအဖွဲအမှုများကို စီရင်ပိုင်ခွင့်ဟိသည်။ သီ ဒဏ်အမိန့်ကို ဘုရင်မှလွဲ၍ မည်သူကမျှမပီးနိုင်။ ဘုရင့်သားတော်ပင် မပီးနိုင်ချေ။ ဘုရင်က အနယ်နယ်အရပ်ရပ်တွင် ဘုရင်၏နားမျက်စိဆိုသော သူလျှိုများလွှတ်ထားသည်။ လက်အောက်ခံမြို့စားနယ်စားရို့၏ ဆောင်ရွက်ချက်များကို လျှို့ဝှက်အစီရင်ခံရသည်။

မြို့တော်တွင်ပုံမှန်ညီလာခံများကျင့်ပသည့်အပြင်၊ အ၀ီးရောက်ဘုရင်ခံနှင့်မြို့စားများ တက်ရောက်ရသော အထူးညီလာခံများဟိလီသည်။

ဓမ္မသတ်ကျမ်းများ-
ရခိုင်ပြည်တွင် အိန္ဒိယမှရဟိသော မနုဓမ္မသတ်ကျမ်းနှင့် ရာဇနီတိကျမ်းများကိုအသုံးပြုသည်။ ရာဇနီတိကျမ်းကိုမှီ၍ ရာဇပျို့ဆိုသော မင်းကျင့်ဝတ်ပျို့တ စောင်ကို မဟာသက်တော်ရှည်အမတ်ကြီးတဦးက ပြုစုခသည်။ ယင်းပျို့တွင် “ပြည်ကြီးဝန်ကို အိုးတန်ဆန်ခပ်၊ မင်းကျင့်ဝတ်နှင့်၊ လျှောက်ပတ်သင့်စွာ၊ စီရင်ရာသည်။” ဟူ၍လည်းကောင်း၊ “ရေမြေသနင်း (ရီမြီသနင်း)၊ မင်းတို့ကျင့်သုံး(မင်းရို့ကျင့်သုံး)၊ ရှေးထုံးမသုန်၊ ရာဇဂုဏ်မြတ်၊ န၀ရတ်ကိုးခိုင်၊ မဏ္ဍိုင်မပျက်၊ မင်းလက်နက်တည့်၊ေ၀၀က်စိတ်ဖြာ (ဝီဝက်စိတ်ဖြာ)၊ မလိမ္မာငြား၊ သူမိုင်သားကို၊ မှား၍ပြည်ရှင်(မှား၍ပြည်သျှင်)၊ သူကောင်းတင်လျှက်၊ တိုင်းခွင်ခရိုင်၊ အပိုင်ကံကျွေး၊ မင်းခွင့်ပေး၍ (မင်းခွင့်ပီး၍) ၊ မှူးရေးမတ်ရာ၊ နှင်းအပ်ပါ မူ၊ ပဇာကျိုးရှိ(ပဇာကျိုးဟိ)၊ နွမ်းရိသတ္တ၀ါ၊ မြို့ရွာတုန်လှုပ်၊ မင်းကျိုးယုတ်၏။ စက်ဆုပ်သဖွယ်၊ ပျက်ရယ်တ န္တု၊ ပြည်မှုရှုပ်ထွေး (ပြည်မှုယှုပ်ထွီး)၊ တိုင်းဝေးတပါး (တိုင်းဝီးတပါး)၊ စကားမတည်၊ အရှည်မ ကောင်း၊ ဗူးတောင်းပမာ၊ မိစ္ဆာငှက်ဆိုး၊ လင်ကောင်ပိုးသို့၊ ဆိုရိုးတချက်၊ ကြွက်နှင့်မြွေတူ (ကြွက်နှင့်မြွီတူ)၊ သူ့မူမဖျောက်၊ မျောက်နှင့်မြေခွေး (မျောက်နှင့်မြိုင်ခွီး)၊ ဆိုရေးတသီး၊ ကျီးနှင့်စက် တူ၊ အမူယုတ်သွမ်း၊ သူကန်းအကြံ၊ လောဘလျှံသည်၊ မင်းထံနီးစပ် မသုံးအပ်။” စသည်ဖြင့် ဖြစ်သည်။

မင်းဘာကြီးလက်ထက်တွင် ဆရာမြ၀ါသည် အဂ္ဂမုနိဆရာတော်နှင့်တိုင်ပင်၍ မနုဓမ္မသတ်ကျမ်းကိုအခြီခံလျက် ရွှေမျဉ်းဓမ္မသတ်ကျမ်းကို ရေးသည်။ ထို နောက် တိုင်း၁၂-တိုင်းမှ ပညာသျှင်များ နန်းတော်သို့ပင့်ဖိတ်ပြီး ဝေဖန်ဆွေးနွေး ဖြည့်စွက်စီသည်။ ထိုသို့ပြုပြင်ပြီးမှ အတည်ပြုပြဌာန်းသည်။

ရှေးဓမ္မသတ်ကျမ်းများမှားယွင်းနိန်လျှင် ပျင်ဆင်ဆုံးဖြတ်သည့်ထုံးများဟိပါသည်။ တရံရောအခါ မိုးစည်းကျွန်း(ယခု ရနံရှာဖွီနိန်ရာ) မှ သဌီးခွန်သာ ကြီးသီလွန်၍ ပဌမဇနီးမှ သားငါးယောက်၊ ဒုတိယဇနီးမှ သမီးနှစ်ယောက် အမွီလုကြရာ ပြည်စိုးကြီးရုံး၊ အမတ်တရားသူကြီး လေးဦးရုံးရို့တွင် မပြီး ပြတ်ဘဲ ဘုရင့်ထံတက်လာခသည်။ မဟာပညာကျော်အား ဆုံးဖြတ်ခိုင်းရာ မဟာပညာကျော်က တရားသူကြီးများသည် ရှေးဓမ္မသတ်များအတိုင်းအမွီနိမ့် မြင့်ခွဲယူစီဟု စီရင်သည်မှာ မသင့်။

အချို့ဓမ္မသတ်များသည် ခေတ်နှင့်မလျော်ဟုဆိုကာ မယားပြိုင်မှပေါက်ဖွားသော သားသမီးများကို အညီအမျှဝီယူ စီလီသည်။ အဂုခေတ်စီရင်ထုံးများ၏ ရှေးပြီးဟုဆိုရမလောက်ပင်။ [မနုကျယ်ဓမ္မသတ်ကျမ်း၊ ရိချတ်ဆင်ဘာသာပြန်မူ၊ အင်္ဂလိပ်တဖက်-မြန်မာတ ဖက်] ကို ဟံသာဝတီတိုက်မှ မရိုက်နှိပ်မှီ ခရစ်နှစ် ၁၈၆၀-ပြည့်ခန့်က “Aracan Press”၊ စစ်တွေတွင် ရိုက်နှိပ်ခသည်။
ရှေးခေတ် ရခိုင်ပြည်စီမံအုပ်ချုပ်မှုနှင့် စပ်လျဉ်း၍ ရခိုင်ပြည်တွင် ကာလအတန်ကြာအောင် နိန်ထိုင်ခပြီး ရခိုင်ပြည်အကြောင်း စာအုပ်များရေးသားခသော မော်ရစ်ကောလစ်က “ထိုအချိန်က အုပ်ချုပ်ရေးစနစ်မှာ ပြည့်စုံလုံလောက်ပါသည်။(စနစ်ကျပါသည်။) ထိုအချိန်မျိုးကတည်ဟိမြဲဖြစ်သော လတ်ပီးလတ်ယူမကင်းသော်လည်း အုပ်ချုပ်မှုတွင် တရားဥပဒေကိုလက်ကိုင်ထားသည်။ လူရို့၏အသက်စည်းစိမ်မှာ ပြောပလောက်အောင် လုံခြုံမှုဟိပါသည်ဟု မှတ် ချက်ချခသည်။

(ယစ်မျိုးဓမ္မာရုံ။ ရွှေတိဂုံဘုရား ဓမ္မာရုံ၌ ဦးသာညွန့် ဟောပြောသောစာတမ်း။)

(အာရကန်ရီဗျူးမှ ဗမာဘာသာနန့်ပို့စ်ကို ရခိုင်ဘာသာသို့ပြန်လို့တင်လိုက်ပါသည်)

နှောင်းအတိတ် သမိုင်းပုံရိပ်များ

2010-07-23T00:21:00.002-07:00

နှောင်းအတိတ် သမိုင်းပုံရိပ်များ

သူ့ကျွန်မခံ ဗိုလ်ချင်းပျံ၏ တော်လှန်ရေးခရီး

ဘာသာပြန်ဆိုသူ မောင်ဦးရှင်နှင့် အောင်ကျော်သိန်း

အချိန်ကား ရခိုင်ရို့ ထီးကျိုးစည်ပေါက် နန်းမပျောက်မှီကာလ (၁၇၈၄)ခု မတိုင်မီ နှစ်ပေါင်း ၁၀၀ ကျော် အချိန်ကဖြစ်သည်။

ရခိုင်ပြည်၏ နိုင်ငံရေး၊ ပြည်ထဲရေး အထူးသဖြင့် နန်းတွင်းအရေးအခင်းများသည် မငြိမ်မသက်နှင့် အယှုပ်အထွီး ဖြစ်နိန်သောကာလ ဖြစ်သည်။ ရခိုင် ရာဇပလ္လင်ကို အပိုင်အုပ်စိုးရန် ရခိုင်အမျိုးသားအချင်းချင်း သူတစ်လူ ငါတစ်မျိုးဖြင့် နည်းမျိုးစုံဖြင့် ကြိုးပမ်းနိန်ကြသည်။ ရခိုင်အမျိုးသားအချင်းချင်းကြားတွင် စည်းလုံးညီညွတ်ရေးမှာ အဖတ်ဆယ်မရအောင် ပြိုကွဲလျှက်ဟိနိန်ပါသည်။ မြောက်ဦးမြို့တော်၏ အမိန့်ကို မနာခံသော မြို့စား နယ်စား များသည် သူတလူ ကိုယ်တမင်း ဖြင့် တိုင်းပြည်ကို အုပ်ချုပ်လျှက် ဟိကြသည်။

ထိုအချိန်တွင် ရခိုင်ခေါင်းဆောင်တချို့သည် မိမိနိုင်ငံနှင့် အိမ်နီးချင်းနိုင်ငံ တစ်နိုင်ငံဖြစ်သော ဗမာပဒေသရာဇ် သျှင်ဘုရင်ထံ လားရောက်၍ ရခိုင်ပြည်တွင်းအရေးအား ငြိမ်ဝပ်ပီးရန်အတွက် အကူအညီလားရောက် တောင်းဆို ခပါသည်။ ထို့ကြောင့် ဗမာ ပဒေသရာဇ်သျှင်ဘုရင် ဘိုးတောင်မောင်ဝိုင်းသည် သက္ကရာဇ် ၁၇၈၄ ခုနှစ်တွင် ရခိုင်ပြည်အား ကျူးကျော်ဝင်ရောက်ပြီး နန်းရိပ် ထီးဖြူကို အလွယ်တကူ သိမ်းပိုက်ရယူနိုင်ခသည်။ ၎င်းနောက်ပိုင်း ရခိုင်တစ်မျိုးသားလုံးမှာ သူ့ကျွန်ဘ၀သို့ လူလုံးမလှ ကျရောက်ခကြရပါသည်။

ဗမာနယ်ချဲ့များသည် ရခိုင်ထီးနန်းတွင် စံမြန်းရုံတင်မကသီးပဲ ရခိုင်ပြည်သူပြည်သားများ အပေါ်တွင် “ကျူပင်ခုတ် ကျူငုတ်မကျန် အောင်” နည်းပရိယာယ်အသွယ်သွယ်ဖြင့် နှိပ်စက်ပြီး သတ်ဖြတ်ခကြပါသည်။ ယင်းကို မခံမရပ်နိုင်ခကြသော ရခိုင်ပြည်သူပြည်သားအပေါင်းရို့သည် ရခိုင်ပြည်ထဲတွင် သူ့ကျွန်မခံ ဇာတိမာန်အပြည့်အ၀ဖြင့် မျိုးမာန် မချကြပဲ အုပ်ချုပ်သူများအား တော်လှန်လာကြသည်။ အစဦးပိုင်း၌ ဗမာအုပ်ချုပ်သူများ၏ ညှင်းပမ်းနှိပ်စက်မှု ဒဏ်ကို မခံနိုင်၍ တော်လှန်ခကြရာမှ နောက်ပိုင်းတွင် အမျိုးသား လွတ်မြောက်ရေးနှင့် ဗမာနယ်ချဲ့ဆန့်ကျင် တော်လှန်ရေးအသွင်သို့ ကူးပြောင်းလာခကြပေသည်။ ရခိုင်မျိုးချစ် တော်လှန်ရေးသမားများသည် ၁၇၉၁ ခုနှစ် တွင် ဗမာနယ်ချဲ့အစိုးရအား ရခိုင်ပြည်ထဲမှ အပြီးအပိုင် တိုက်ခိုက် မောင်းထုတ်ပြီး ရခိုင်မင်းသွီးမင်းနွယ် တစ်ဦးဖြစ်သူ “၀မ်မိုး”ဆိုသူ ရခိုင်ခေါင်းဆောင်တစ်ဦးအား ထီးနန်းတင် ဘုရင်မြှောက်ရန် အစီအစဉ်ဖြင့် တော်လှန်ရေး စတင်လုပ်ခကြသည်။ သို့သော်လည်း တော်လှန်ရေးမှာ အင်အားချင်း မမျှ၍ အောင်မြင်မှုမရဘဲ ယှုံးနိမ့်ခရပါသည်။

၁၇၉၆ ခုနှစ်တွင် ဗမာနယ်ချဲ့အစိုးရသည် အရှေ့ဖျား ယိုးဒယား (Thailand) တိုင်းပြည်ကို ကျူးကျော်နယ်ချဲ့ရန် အတွက် ရခိုင်ပြည်တွင်းမှ ရခိုင်စစ်သည် ရဲမက်များကို ရာဇသံချ၍ အားနှင့်ခေါ်ဆောင်ရန် ကြိုးစားလာကြသည်။ ယင်းကို မကြေနပ်၍ ရခိုင်ခေါင်းဆောင်တစ်ဦးဖြစ်သူ “အေးမိုးလောင်း” ခေါင်းဆောင်ပြီး ဒုတိယအကြိမ် ဗမာ အုပ်ချုပ်သူများအား တော်လှန် တိုက်ပွဲဝင်ခသည်။ အေးမိုးလောင်း၏ တော်လှန်ရေးသည် ယင်းအချိန်တွင် အရှေ့ဘင်္ဂလာပြည်အား အုပ်စိုးနိန်သော အင်္ဂလိပ် အရှေ့အိန္ဒိယကုမ္ပဏီအစိုးရ၏ သစ္စာဖေါက်မှုကြောင့် အောင်မြင်မှုမရဟိခသည့်အပြင် အေးမိုးလောင်းမှာ ဗမာနယ်ချဲ့အစိုးရထံ အပ်နှံခြင်းခံရပြီး နောက်ဆုံးတွင် ကွပ်မျက် သတ်ဖြတ်ခြင်းကို ခံခရသည်။

၁၈၁၁ ခုနှစ်တွင် ရခိုင်မျိုးချစ်ခေါင်းဆောင်ကြီး ဗိုလ်ချင်းပျံသည် သူ့ကျွန်မခံ ဇာတိမာန်အပြည့်အ၀ဖြင့် တိုက်ပွဲဝင် တော်လှန်ရေးတစ်ရပ်ကို တဖန် စတင်လာပြန်သည်။ ယင်းတော်လှန်ရေးသည် အင်အား အဟိဆုံး၊ စည်းလုံးညီညွတ်မှု အဟိဆုံးနှင့် ကာလ အရှည်ကြာဆုံးသော တော်လှန်ရေး တစ်ခုဖြစ်ခသည်။

ရခိုင်ပြည်၏ ကြယ်နီတစ်ပွင့်ဖြစ်သည့် အာဇာနည် ဗိုလ်ချင်းပျံသည် အဖရခိုင်ပြည်ကြီး၏ နယ်နိမိတ်ကို ပြန်လည် သိမ်းယူရန်အတွက် ရခိုင်တစ်မျိုးသားလုံးပါဝင်သော တော်လှန်ရေးတစ်ရပ်ကို ဆင်နွဲရန် စတင်ကြိုးပမ်းခသည်။

ထိုအချိန်က အာဇာနည် ဗိုလ်ချင်းပျံ၏ ဖခင် “ငသံဒေ”သည် ဗမာနယ်ချဲ့ ကျူးကျော်အုပ်ချုပ်ထားသည့် ရခိုင်ပြည်တွင် နယ်စား တစ်ဦး ဖြစ်သည်။ ဗမာနယ်ချဲ့များသည် ယိုးဒယားနိုင်ငံ (Thailand) ကို ကျူးကျော် သိမ်းပိုက် စစ်တိုက်ရန် အတွက် ရခိုင်စစ်သည် ရဲမက်အမြောက်အများကို ငသံဒေထံမှ ဗမာဘုရင်က ရာဇသံချ၍ တောင်းခပါသည်။ ငသံဒေက လုံးဝသဘောမတူဘဲ ဖီဆန်ငြင်းဆိုခဲ့သောကြောင့် ဗမာပဒေသရာဇ် အစိုးရသည် မကြေမနပ်ဖြစ်ကာ လက်တုံ့ပြန်သည့်အနိန်ဖြင့် ဗမာပြည် အမရပူရတွင် ရှိနိန်ရေ ငသံဒေ၏ သားငယ်ကို ရက်ရက်စက်စက် သတ်ပစ်လိုက်ကြသည်။ ယင်းသားငယ်၏ ဇနီးမယား အပါအ၀င် အခြွေအရံ များအား အဓမ္မမုဒိမ်းပြုကျင့်ကာ နောက်လိုက်နောက်ပါ အပေါင်းအပါများကိုလည်း ရက်ရက်စက်စက် နှိပ်စက် သတ်ဖြတ် ပစ်ခကြပါသည်။ ယင်းအပြင် ကျန်ဟိနိန်သူ ငသံဒေ၏ နောက်လိုက်နောက်ပါ ငယ်သားများကိုလည်း နည်းမျိုးစုံနှင့် ကမ်းကုန်အောင် နှိပ်စက်ခပါသည်။ ယင်းကြောင့် ငသံဒေသည် သားချင်းပျံ အပါအ၀င် နောက် လိုက်နောက်ပါများနှင့် အတူ အရှေ့အိန္ဒိယကုမ္ပဏီအစိုးရပိုင် (ယခုဘင်္ဂလာဒေ့ခ်ျနိုင်ငံ) စစ်တကောင်း နယ်တွင် ရှိသော ဟာရ်ဘင်းသို့ ထွက်ပြီး တိမ်းယှောင်ပြီး ခြီကုတ် နိန်ရာယူခသည်။

၁၈၁၁ ခုနှစ်တွင် ဗိုလ်ချင်းပျံ ဦးစီး ခေါင်းဆောင်သည့် တော်လှန်ရေးတပ်သည် မိမိဘခင် ငသံဒေ အုပ်ချုပ်ခသော နယ်ပယ်များကို ပြန်လည် တိုက်ခိုက် သိမ်းပိုက် ရယူနိုင်ခပါသည်။ ရခိုင်ပြည်အား ကိုလိုနီ ပြုကျင့်နိန်သည့် ဗမာနယ်ချဲ့ အစိုးရသည် အင်္ဂလိပ်အစိုးရအား “ချင်းပျံဆိုသည့် ရခိုင်သူပုန် တစ်ဦးသည် အရှေ့အိန္ဒိယ ကုမ္ပဏီ အစိုးရပိုင် နယ်မြီထဲတွင် ခိုလှုံပြီး ဗမာ အစိုးရအား တော်လှန်တိုက်ခိုက် ထကြွပုန်ကန် ဆူပူလျှက်ဟိနိန်ကြောင်း” စွဲချက်တင်ပြောဆိုခသည်။ ယင်းအချိန်တွင် စစ်တကောင်း တာဝန်ခံ Magistrate P.W ပိရ်ှလ်သည် “ ချင်းပျံ အနိန်ဖြင့် မိမိရို့ပိုင် နယ်မြေထဲတွင် ခိုလှုံပြီး ဗမာအစိုးရအား တော်လှန် နိန်ပါက အင်္ဂလိပ်အစိုးရနှင့် ဗမာအစိုးရရို့အကြား ပဋိပက္ခ ဖြစ်လာစရာ အခြေအနီ ဟိနိန်သောကြောင်းနှင့် ချင်းပျံကို အရှေ့အိန္ဒိယ ကုမ္ပဏီပိုင် နယ်မြေထဲ တွင် မထားဖို့” အကြောင်းကို အထက် သက်ဆိုင်ရာသို့ တင်ပြခသည်။ ထိုသို့ အင်္ဂလိပ် အရာဟိများမှ ချင်းပျံ တော်လှန်ရေးကြောင့် ဗမာအစိုးရနှင့် ပြဿနာ ဖြစ်မည်ကို မလိုလား၍ အထက်သို့ တင်ပြနိန်ချိန်တွင် ဗမာအစိုးရ အနိန်ဖြင့် ချင်းပျံတော်လှန်ရေးအား အင်္ဂလိပ်မှ အထောက် အကူများ ပီးနိန်ကြောင်း ထပ်တလဲလဲ စွဲချက်တင် စွပ်စွဲ လျှက်ဟိနိန်ခသည်။

ဗိုလ်ချင်းပျံသည် သူ၏ တော်လှန်ရေး ခရီးစဉ်တွင် ဗမာနယ်ချဲ့အစိုးရနှင့် လက်နက်အင်အားမမျှ သည့်အတွက် ဗြိတိသျှ အရှေ့ အိန္ဒိယ ကုမ္ပဏီ အစိုးရထံတွင် စစ်ရေးအရ အကူအညီ တောင်းခံခသည်။ သို့သော် လည်း ဗိုလ်ချင်းပျံတောင်းဆိုချက်များအပေါ် (Governor General Lordmimto) က ပယ်ချ ခပါသည်။

ဗိုလ်ချင်းပျံတော်လှန်ရေးသည် တိုးတက်အောင်မြင်သည်ဟု ထင်ရသော်လည်း မြောက်ဦးမြို့တော်ကို သိမ်းပိုက် ရန်မှာကား အခက်အခဲများနှင့် တွိ့နိန်ရသည်။ အဘယ်ကြောင့်ဆိုသော် မျှော်လင့်ချက်က ကြီးမားပြီး စစ်အင်အား နည်းပါးနိန်၍ ဖြစ်သည်။

၁၈၁၁ ခုနှစ်ဇွန်လအလယ်လောက်တွင် မြောက်ဦးမြို့တော်မှလွဲ၍ ကျန်နယ်ပယ်များကို ဗိုလ်ချင်းပျံသည် ပြန် လည် သိမ်းပိုက်ခသည်။ မိုးတွင်းကာလ ရာသီဥတုအခြေအနိန်ဆိုးရွားမှုကြောင့် ချင်းပျံ၏ စစ်ဆင်ရေး ခရီးမှာ ထင်သလောက် ခရီးမပေါက် ဖြစ်နိန်သည်။ ယင်းကြားထဲမှာပင် ဗိုလ်ချင်းပျံသည် မြောက်ဦးမြို့တော်ကို သိမ်းပိုက်ရန် အတန်တန်ကြိ်ုးစားနိန်သည်။ စစ်ရေးအရ၎င်း၊ ရုပ်ဝတ္ထု အခြေအနေအရ၎င်း၊ အရှေ့အိန္ဒိယကုမ္ပဏီ အစိုးရထံမှ အကူအညီပင် မရငြားသော်လည်း အကူအညီရသည်ဟု နည်းဗျူဟာတစ်ရပ်ကို ကျင့်သုံး ကြွီးကြော်ပြီး ဗမာနယ်ချဲ့အစိုးရအား စိတ်ဓါတ် စစ်ဆင်ရေးနှင့် တိုက်ပွဲဝင်ခသည်။

မိမိတပ်သားများကို အင်္ဂလိပ်စစ်သားများ ၀တ်ဆင်သော အနီရောင်ဝတ်စုံ (Red Uniform) များကို ၀တ်ဆင် စီပြီး အင်္ဂလိပ်များ ဆောင်းသော ဦးထုပ်များကို ဆောင်းစီခသည်။ ယင်းအပြင် ဗမာ စစ်သားများ မြင်နိုင်သော နိန်ရာများမှ စစ်ရေး ချီတက်မူများကို ပြုလုပ်ခသည်။ ယင်းကဲ့သို့ စစ်ရေးနည်း ပရိယာယ်များကို သုံးခသဖြင့် ဗမာ နယ်ချဲ့ စစ်တပ်သည် ချင်းပျံတော်လှန်ရေးအား ဗြိတိသျှ ရို့မှ အကူအညီပီးနိန်သည်ဟု တထစ်ချ ယုံကြည်ခသည်။ ၎င်းပြင် ဗိုလ်ချင်းပျံသည် အင်္ဂလိပ် အစိုးရထံတွင် အလုပ်လုပ်ကိုင်နိန်ကြသည့် ရခိုင် အမျိုးသားများနှင့် အင်္ဂလိပ်လူမျိုး မဟုတ်သော အခြား တိုင်းရင်းသားများကို ကြိုတင်လစာ ထုတ်ပီးပြီး မိမိရို့တော်လှန်ရေးတွင် ပါလာအောင် သိမ်းသွင်းခသည်။

ထိုကဲ့သို့ လူပ်ယှား ဆောင်ရွက်မူများကို သိဟိလားသော ကုမ္ပဏီအစိုးရသည် ဗိုလ်ချင်းပျံ၏လှုပ်ရှားမှုကို ပိတ်ပင်ရန်အတွက် မိမိပိုင်နယ်မြေအထဲမှ လူများကို ရခိုင်ပြည် ထဲသို့ မ၀င်ရဟု အပြင်းအထန် တားမြစ် ခသည်။ သို့သော်လည်း ထိရောက်စွာ ပိတ်ပင်တားဆီးနိုင် ခြင်းမဟိပါ။ ချင်းပျံသည် မြောက်ဦးမြို့တော်ကို လေးဘက်လေးတန် ၀ိုင်းညှပ်ပြီးလျှင် ဗမာနယ်ချဲ့အစိုးရကို လက်နက် ချခိုင်းသည်။ မကြာမှီမှာ မြောက်ဦးမြို့တော်ကို ချင်းပျံရို့ တိုက်ခိုက်သိမ်းယူ အောင်ပွဲဆင်နိုင်ခသည်။ ဗိုလ်ချင်း ပျံအနိန်ဖြင့် ဖမ်းဆီး ရမိပြီးဖြစ်သော ဗမာနယ်ချဲ့စစ်သားများကို စစ်သုံးပန်းအဖြစ် ထားသော်လည်း ရဲဘော်ရဲ ဘက်များကမူ လက်စားချေလိုစိတ် လွန်ကဲ ပြင်းပြနိန်ကြသည့် အတွက် ဗမာစစ်သားများကို သတ်ဖြတ် လက်စား ချီခကြသည်။ ယင်းအပြင် ဗမာအလိုတော်ရိ၊ ရခိုင်တိုင်းရင်းသား လက်ကိုင်တုတ်များကိုပါ ကွပ်မျက် ခကြသည်။ ယင်းသို့လုပ်ခြင်းဖြင့် ဗမာအလိုတော်ရိ လက်ကိုင်တုတ်များ၏ဆွေမျိုးများက ချင်းပျံတော်လှန်ရေး အပေါ် မခံမရပ်နိုင်ဖြစ်လာကြသည်။ ယင်းကိုအခြေခံ၍ ကုမ္ပဏီအစိုးရသည် ချင်းပျံ၏တော်လှန်ရေး၌ ရခိုင် တစ်မျိုးသားလုံးက ထောက်ခံနိန်သည်ဟု ထင်ရသော်လည်း အားလုံးသော ပြည်သူတစ်ရပ်လုံး၏ ထောက်ခံမှု မရဟိခကြောင်းကို သက်သီပြရန် အခွင့်အခါကောင်းတစ်ရပ် ရလားခဲ့သည်။ မည်သို့ပင် ဖြစ်စီ ဗိုလ်ချင်းပျံ သည် ရခိုင်ပြည်ကို ကယ်တင်ရန်သော်၎င်း၊ ရခိုင်ပြည်လွတ်လပ်ရေးကို ရဟိရန်အတွက်သော်၎င်း အဖက်ဖက်မှ အသက်ကိုစွန့်၍ တော်လှန်ခသော တော်လှန်ရေးခေါင်းဆောင် အာဇာနည်ကောင်း တစ်ယောက်ဖြစ်သည်ဟု အရှေ့အိန္ဒိယကုမ္ပဏီအစိုးရ၏ စာရွက်စာတမ်းများတွင် သုံးသပ်ထားသည်ကို လေ့လာတွိ့ဟိရသည်။

ချင်းပျံတော်လှန်ရေး အောင်မြင်မှုများကို ဗမာနယ်ချဲ့အစိုးရသည် မချိခံပြင်းဖြစလီ၊ အရှေ့အိန္ဒိယကုမ္ပဏီ အစိုးရအပေါ်တွင်ဟိသော သံသယများသည်လည်း ပိုမိုများပြားလာလီ ဖြစ်သည်ကို သိသာထင်ရှားစွာ တွိ့မြင်လာရသည်။ ယင်းသံသယ ပိုကဲခြင်းကို သိသာရခြင်းမှာ----

ဗမာပြည်ပိုင်နက် နယ်မြေထဲတွင်ဟိသော အရှေ့အိန္ဒိယ ကုမ္ပဏီအစိုးရပိုင် ကုန်တင်သင်္ဘောသုံးစီးဖြစ်သော “အပ်ဒမီးရာဒူရီ၊ ချာဟောအာလောင်၊ အီလီမန်” ရို့ကို ဗမာပိုင်နက် နယ်မြေထဲမှ ထွက်ခွာခြင်း လုံးဝ မပြုဘဲ တားဆီးထားခြင်းပင် ဖြစ်သည်။ ယင်းသို့ လွန်ကျွံအောင်ပြုလုပ်ပြီးခါမှ ပဲခူးတွင်ဟိသောဗမာ စစ်ဗိုလ်တစ်ဦးက ဗမာအစိုးရအနိန်ဖြင့် သင်္ဘောသုံးစီးကို ၁၂ ပတ် ဆိုင်းငံ့ထားခြင်းသည် ရီတပ်တွင် လုံခြုံမှု မဟိသဖြင့် လုံခြုံရေးအရသာလျှင် ထိန်း သိမ်းထားခြင်းဖြစ်သည်ဟု သင်္ဘောသုံးစီးကို ပြန်လွှတ်ပြီးမှ အကြောင်းပြ အဖြေပီးခသည်။

ယင်းအပြင် အရှေ့အိန္ဒိယ ကုမ္ပဏီစီးပွားရေး၏ လုပ်ငန်းသျှင်ကိုယ်စားလှယ်များ၏ စီးပွားရေး ယန္တရားများကို ဖျက်ဆီး ပစ်ခပါသည်။ အရှေ့အိန္ဒိယ ကုမ္ပဏီအစိုးရသည် မိမိရို့အပေါ် ဗမာအစိုးရ၏ သံသယမြင်မှုကို ဖြေယှင်း ရန်အတွက်သော်၎င်း၊ ကုမ္ပဏီကိုယ်စားလှယ်များ၏ စီးပွားရေး ပြန်လည် ရှင်သန်နိုင်ရေး အတွက်သော်၎င်း၊ Lordmimto သည် Captain Conning ခေါင်းဆောင်သော ကော်မချိန်အဖွဲ့တစ်ဖွဲ့ကို ဗမာပြည်သို့ စီလွှတ် လိုက်ရသည်။ ယင်းကော်မရှင် အဖွဲ့ကို စီလွှတ်လိုက်ခြင်း၏အဓိက ဇစ်မြစ်မှာ အရှေ့အိန္ဒိယ ကုမ္ပဏီ အစိုးရ အနိန်ဖြင့် ချင်းပျံတော်လှန်ရေး အပေါ် လုံးဝ အကူအညီ မပေးကြောင်းနှင့် အရှေ့အိန္ဒိယ ကုမ္ပဏီ အစိုးရနှင့် ဗမာ အစိုးရရို့၏အကြားတွင် ဖြစ်ပေါ်နိန်သော ပဋိပက္ခများ၊ သံသယများကို ဖြေယှင်းရန် အတွက် ဖြစ်သည်။ သို့သော် လည်း ကော်မချိန်ခေါင်းဆောင် Captain Conning သည် အရှေ့ အိန္ဒိယကုမ္ပဏီ အစိုးရအနိန်ဖြင့် ချင်းပျံတော် လှန်ရေးတွင် အကူအညီပီးနိန်သည်ဆိုသော ဗမာအစိုးရ၏ သံသယကို ပြေပျောက်အောင် မဖြေယှင်းနိုင်ခပါ။ ဗမာအစိုးရအနိန်ဖြင့် အရှေ့အိန္ဒိယကုမ္ပဏီ အစိုးရအပေါ် သံသယဖြစ်ရခြင်း အကြောင်းရင်းများမှာ -----

(က) ဗိုလ်ချင်းပျံ၏ နောက်လိုက်နောက်ပါ အများစုသည် ဟာရ်ဘင်းသားများ ဖြစ်နိန်ကြခြင်း၊
(ခ) ဗိုလ်ချင်းပျံ၏ ဆုတ်စစ်များတွင် စစ်တကောင်းနယ်၌ အရောင်ပျောက် နိန်နိုင်ခြင်း၊
(ဂ) ၁၈၁၁ ခုနှစ်က အရှေ့အိန္ဒိယကုမ္ပဏီ အစိုးရနှင့် ဗမာအစိုးရို့၏ ဖြစ်ပေါ်လျှက်ဟိနိန်သော နယ်စပ်ပြဿနာ (Taknaf Border) တွင် ချင်းပျံအနိန်ဖြင့် ယင်းနယ်စပ်တွင် ခြီကုတ်ရယူပြီး ဗမာနယ်ချဲ့ များကို တိုက်ခိုက်နိန်သည်ကို သိလျှက်နန့် အရှေ့အိန္ဒိယကုမ္ပဏီအစိုးရသည် မေလအထိ ဗိုလ်ချင်းပျံအပေါ် အရေးယူ နှင်ထုတ်မှုမဟိခခြင်း၊
(ဃ) အရှေ့အိန္ဒိယကုမ္ပဏီ အစိုးရသည် ချင်းပျံလှုပ်ရှားမှုအပေါ်တွင် တစ်စုံတစ်ရာ ထိရောက်စွာ အရေးယူမှု မဟိခြင်း၊
(င) အရှေ့အိန္ဒိယကုမ္ပဏီ အစိုးရပိုင် စစ်တကောင်းနယ်တွင် အမှုထမ်းနိန်သော ဆရာဝန် Dr. Mack နှင့် ဗိုလ်ချင်းပျံ အဆက်အသွယ်ဟိနိန်ခြင်း၊ ယင်းသို့ အဆက်အသွယ်ဟိနိန်သည်ဟု ဗမာနယ်ချဲ့အစိုးရက စွပ်စွဲခြင်းမှာ စစ်တကောင်းနယ်ဟိ သင်္ဘောကျင်းတစ်ခုမှ ဗိုလ်ချင်းပျံနှင့်တော်လှန်ရေး ရဲဘော်များသည် သေနတ် အပါအ၀င် လက်နက်ခဲယမ်းမီးကျောက်များကို လုယူလားသည်ကို Dr. Mack အနိန်နှင့် တစ်စုံတစ်ရာမှ ထိရောက်စွာ အရေးယူဆောင်ရွက်မှု မဟိသည့် အတွက်ဖြစ်သည်။

သင်္ဘောနှင့်သေနတ်များကို လုယူမှုအပေါ် Dr. Mack အနိန်ဖြင့် မသိကျိုးကျွံပြုနိန်ခြင်းသည် မဖြစ်နိုင်။ ယင်းကြောင့် Dr. Mack အား အပြစ်ပီးရန်အတွက် ဗမာနယ်ချဲ့အစိုးရလက်ထဲသို့ အပ်နှံရမည်ဟု ဗမာ အစိုးရက ရာဇသံထုတ်လာပါသည်။

ယင်းအပြင် နတ်မြစ်အတွင်းတွင်ဟိသော အရှေ့အိန္ဒိယကုမ္ပဏီ အစိုးရ လက်အောက်ခံ ရီတပ်မှ အမြောက်ကြီး တစ်လက်ကို ချင်းပျံနှင့်ရဲဘော်ရဲဘက်များက ခိုးယူလားသည်ကို သိလျှက်နှင့် လျစ်လျူယှုထားခြင်းသည် ချင်းပျံ တော်လှန်ရေးအပေါ် အရှေ့အိန္ဒိယကုမ္ပဏီအစိုးရသည် တဆင့်ခံ အကူအညီပေးသည်ဟု ဗမာအစိုးရက အတိအကျ စွပ်စွဲပြောဆိုလာသည်။

ယင်းသို့သော စွပ်စွဲမှုများ၊ သံသယများဟိနိန်သဖြင့် ဗမာအစိုးရနှင့် ဆွေးနွေးသည့်အခါ သတိထား၍ ဆွေးနွေးရန် အရှေ့အိန္ဒိယကုမ္ပဏီ အစိုးရသည် ကော်မရှင်ခေါင်းဆောင် Captain Conning အား ထပ်မံမှာကြားလိုက်သေးသည်။

အင်္ဂလိပ်အစိုးရ သည် ဗိုလ်ချင်းပျံ၏ တော်လှန်ရေးကို အကူအညီပီခကြောင်း W.White ၏ သမိုင်း စာအုပ်တွင် အတိအကျ ရေးသားထားသည်ကို တွိ့ရသည်။ နတ်မြစ်ဝဟိ ရီတပ်မှ အမြောက်ကြီး ပျောက်ဆုံးလားခြင်းကိစ္စတွင် ဗိုလ်ချင်းပျံနှင့် Dr. Mack ရို့ အဆက်အသွယ်ဟိခသည်ဟုလည်း ရေးသားထားပါသည်။ သို့သော် W.White ၏ ရေးသားချက်များသည် အမှန်တရားနှင့်ဆက်နွယ်မှုမဟိသော လုပ်ဇာတ်ခင်းမှု တစ်ခုသာဖြစ်သည်ဟု အခြား သမိုင်းဆရာများက ဝေဖန်ခကြလီသည်။ ဇာအတွက်ကြောင့် ဆိုသော် ဗိုလ်ချင်းပျံနိန်သော နတ်မြစ်ကမ်းခြီ တလျှောက်တွင် တောတောင်ထူထပ်သည်က တစ်ကြောင်း၊ ဗိုလ်ချင်းပျံ၏ လှုပ်ယှားမှုကို နှိပ်ကွပ်ရန်အတွက် အရှေ့အိန္ဒိယကုမ္ပဏီ အစိုးရတွင် ထိရောက်သော အင်အား မဟိသည်က တစ်ကြောင်း စသည့်အကြောင်း ရို့ကြောင့် ဖြစ်သည်ဟု ကိုးကားဖေါ်ပြပါသည်။

Captain Conning သည် ချင်းပျံတော်လှန်ရေးအပေါ်တွင် အရှေ့အိန္ဒိယကုမ္ပဏီ အစိုးရအနိန်ဖြင့် အကူအညီ မပီးကြောင်းနှင့် ကြားနိန်အဖြစ်သာ နိန်ကြောင်းကိုတင်ပြရန် အကြိမ်ကြိမ်ကြိုးစားခသည်။ Captain Conning နှင့် ဗမာအစိုးရရို့ ဆွေးနွေး ဆုံးဖြတ်ချက်တွင် အရှေ့အိန္ဒိယ ကုမ္ပဏီ အစိုးရအနိန်ဖြင့် ချင်းပျံ တော်လှန်ရေး အတွက် လက်နက်၊ စားနပ်ရိက္ခာကို မိမိအစိုးရ ပိုင်နက် နယ်မြီထဲတွင် မရှာရအောင် တားမြစ်ပီးမည်။ သို့သော် ဗိုလ်ချင်းပျံအား ဖမ်းဆီးပြီး ဗမာအစိုးရ၏လက်ထဲသို့ အပ်နှံရန်မှာ မဖြစ်နိုင်ကြောင်း ငြင်းဆိုခသည်။ ယင်းငြင်းပယ်ချက် အပေါ်တွင် ဗမာအစိုးရသည် အရှေ့အိန္ဒိယ ကုမ္ပဏီ အစိုးရအပေါ် များစွာမကြေမနပ် ဖြစ်ခလီသည်။

မိုးရာသီကုန်လားသည်နှင့် တပြိုက်နက်တည်း ဗမာနယ်ချဲ့အစိုးရသည် ဗိုလ်ချင်းပျံ သိမ်းပိုက် ထားသော နယ်မြေ များကို ပြန်လည်သိမ်းယူရန် ကြိုးစားလာပါသည်။ ဗိုလ်ချင်းပျံနှင့် ဗမာစစ်တပ်ရို့၏ မာန်အောင်ကျွန်းတွင် ဖြစ်ပွားသောစစ်ပွဲ၌ ဗိုလ်ချင်းပျံဘက်မှ တပ်သားများနှင့် စစ်သင်္ဘောအမြောက်အများ ကျဆုံး နစ်နာခသည်။ ဗိ်ုလ်ချင်းပျံသည် ကျန်ဟိသော စစ်သည်အင်းအား၊ စစ်သင်္ဘောအင်အားများနှင့် ပြန်လည် တိုက်ခိုက်ခသော်လည်း အောင်မြင်မှုမဟိခပါ။ မာန်အောင်ကျွန်းသည်လည်း ဗမာနယ်ချဲ့လက်အောက်သို့ ပြန်လည်ရောက်လားခရသည်။ တဖြည်းဖြည်းနှင့်ပင် ဗမာနယ်ချဲ့သမားများသည် ဗိုလ်ချင်းပျံသိမ်းပိုက်ထားသော နယ်မြေများကို အလုံးအရင်း နှင့် ၀င်ရောက် တိုက်ခိုက်လာသည့် အခါ အင်အားချင်း မမျှသည့် အတွက် ဗိုလ်ချင်းပျံနှင့် တော်လှန်ရေး ရဲဘော် များသည် တဖန်ပြန်၍ စစ်တကောင်းနယ် တောင်တန်းဒေသများတွင် ခိုလှုံလာကြရသည်။

Captain Conning သည် ဗမာအစိုးရအပေါ်တွင် ပီးထားသည့် ချင်းပျံအား အရှေ့အိန္ဒိယကုမ္ပဏီ အစိုးရပိုင် နယ်မြေထဲမှ တိုက်ထုတ်ပစ်မည့် ဆန္ဒသဘောထားများသည် ပြောင်းလွဲလားသည်ကို တွိ့ရ၏။ ဇာကြောင့်ဆိုသော် ဗိုလ်ချင်းပျံနှင့် ရဲဘော်ရဲဘက်များကို ဖမ်းဆီးရမိက စစ်တကောင်းတောင်တန်းနယ် တ၀ိုက်တွင် အကွဲကွဲအပြားပြား ဖမ်းဆီးချုပ်နှောင်ထားမည်ဆိုသည့် ဆုံးဖြတ်ချက်များကိုသာ ချမှတ်လာခသောကြောင့်ဖြစ် သည်။ ယင်းသို့ဆုံးဖြတ်ချက်ကို ဗမာနယ်ချဲ့အစိုးရ သိလားသော အခါတွင် အရှေ့အိန္ဒိယကုမ္ပဏီ အစိုးရအား ဆန့်ကျင်တုန့်ပြန်သည့်အနိန်ဖြင့် ချင်းပျံနှင့်တကွ သူ၏ရဲဘော်ရဲဘက်များကို ဗမာအစိုးရလက်ထဲသို့ အပ်နှံ ရမည်ဟူသော အမိန့်ကို ချမှတ်လာခသည်။ ယင်းနည်းတူ Dr. Mack ကိုလည်း ဗမာအစိုးရလက်ထဲသို့ အပ်နှံ ရန် ရာဇသံ ထပ်ဆင့် ပီးလာသည်။ ဤချမှတ်ထားသောရာဇသံကို အာဏာဖီဆန်ပါက ဗမာစစ်တပ်များသည် စစ်တကောင်းနယ် အတွင်းသို့ ၀င်ရောက် ရလိမ့်မည်ဟု အမိန့်ချမှတ်ခသည်။ အရှေ့အိန္ဒိယ ကုမ္ပဏီ အစိုးရသည် Dr. Mack ကိုခေါ်ယူ၍ ဗမာအစိုးရ၏ စွပ်စွဲချက်ကို ယှင်းလင်းရန်နှင့် ထုချေ ပီးရန် ပြောလီသည်။ Dr. Mack က ချေပရာတွင် မိမိအနိန်ဖြင့် ဆရာဝန် တစ်ယောက်ဖြစ်ပြီး ရခိုင်ပြည်မှ စစ်ပြေးဒုက္ခသည်များကို ပြုစုရန် တာဝန် ပီးထားခံရသူဖြစ်၍ ပြုစုကူညီခကြောင်း၊ ဗိုလ်ချင်းပျံနှင့် သိသည်ဆိုရုံသာ သိကြောင်းနှင့် အခြားအမျိုးမျိုးသော လုပ်ငန်းများအပေါ်တွင် အကြောင်းပြပြီး ဗမာနယ်ချဲ့အစိုးရက စွပ်စွဲချက်များသည် မမှန်ကန်ကြောင်း ပြန်လည် ထုချေတင်ပြခပါသည်။ ယင်းသို့ Dr.Mack ၏ထုချေတင်ပြချက်ကို အရှေ့ အိန္ဒိယကုမ္ပဏီ အစိုးရအနိန်ဖြင့် ကြေနပ်မှုရနိန်ပြီး ဗမာနယ်ချဲ့အစိုးရ၏ လိမ်လည်ကြံရွယ် စွပ်စွဲမှု များသာဖြစ်သည်ဟု ဆုံးဖြတ်ချက်များ ချခပါ သည်။ ယင်းနောက်ပိုင်းတွင် အရှေ့အိန္ဒိယကုမ္ပဏီ အစိုးရ ဘုရင်ခံ Lordmimto သည် ရခိုင်စစ်ဘေး ဒုက္ခသည်များ အပေါ်တွင် အဆင့် သုံးဆင့် ခွဲခြားလိုက်သည်။

(က) ချင်းပျံနှင့်တကွ တော်လှန်ရေးခေါင်းဆောင်များ
(ခ) ခေါင်းဆောင်များ၏ ဦးဆောင်မှုကိုခံယူပြီး တော်လှန်သောပြည်သူများ၊
(ဂ) ဗမာနယ်ချဲ့အစိုးရ၏ နှိပ်စက်ညှင်းပမ်းမှုမှ လွတ်မြောက်အောင် တိမ်းယှောင်နိန်သော ရခိုင်ပြည်သူများဟူ၍ ဖြစ်သည်။
(က) အဆင့်တွင်ပါဝင်သော တော်လှန်ရေးခေါင်းဆောင်များကို Lordmimto သည် ဗမာလက်ထဲ အပ်ရန် သဘော မတူခပါ။ (ခ) အဆင့်တွင်ပါဝင်သော တော်လှန်သောပြည်သူများကိုလည်း ဗမာနယ်ချဲ့ရို့၏ နှိပ်စက်မှုမှ လွတ်ရန်အတွက် အရှေ့အိန္ဒိယကုမ္ပဏီ အစိုးရ ပိုင်နက်နယ်မြေထဲတွင် နေထိုင်ခွင့် ပေးခသည်။ (ဂ) အဆင့်တွင်ပါဝင်သော Refugees များကိုလည်း အရှေ့အိန္ဒိယကုမ္ပဏီ အစိုးရနယ်မြေထဲ၌ အမြဲတမ်းလုပ်ကိုင် စားသောက်ရန် နိန်ထိုင်ခွင့်ပီးခသည်။ ဗမာနယ်ချဲ့အစိုးရသည် ရခိုင်စစ်ပြေးဒုက္ခသည်များကို ပြန်လည် တောင်းခံသည်ကို အမျိုးမျိုးစဉ်းစားလျှက် Lordmimto သည် စိတ်အပြောင်းအလဲဖြစ်သည်ဟု သိရသော်လည်း နောက်ဆုံးတွင် ရခိုင်စစ်ပြီးဒုက္ခသည်များကို ဗမာနယ်ချဲ့လက်ထဲသို့ လုံးဝမအပ်နှံခဲ့ပါ။

ချင်းပျံသည် စစ်အောင်မှုမရပဲ အရှေ့အိန္ဒိယကုမ္ပဏီ အစိုးရပိုင် စစ်တကောင်းနယ်ထဲတွင် ခိုလှုံနိန်သည်ကို အရှေ့အိန္ဒိယကုမ္ပဏီ အစိုးရအနိန်ဖြင့် နှင်ထုတ်မှု လုံးဝမရှိခပါ။ ၁၈၁၂ ခု ဖေဖေါ်ဝါရီလတွင် Teknaf ရဲဌာနာ သည် ချင်းပျံကို ဖမ်းယူလားပါသည်။ သို့သော်လည်း ဗိုလ်ချင်းပျံသည် ယင်းဌာနာလက်ထဲမှ ထွက်ပြီးနိုင်ခပါ သည်။ ချင်းပျံအပေါ်တွင် အရှေ့အိန္ဒိယကုမ္ပဏီ အစိုးရ၏ အရေးယူမှုများသည် ထိရောက်မှုမဟိသည့် အတွက် ဗမာနယ်ချဲ့ အစိုးရသည် အရှေ့အိန္ဒိယ ကုမ္ပဏီ အစိုးရအပေါ်တွင် များစွာဒေါသထွက်လျှက်ဟိနိန်ပါသည်။ ယင်း ကြောင့် ဗမာစစ်သား ၆ ယောက်သည် အရှေ့အိန္ဒိယကုမ္ပဏီအစိုးရပိုင် စစ်တကောင်းနယ်ထဲသို့ ခိုးဝင်လျှက် ရခိုင် တော်လှန်ရေးသမားများကို တိုက်ခိုက်လာသည်။ ယင်းအကြောင်းကြောင့် ၁၇၉၄ ခုနှစ်တွင် ဖြစ်ပွားခသော နယ်မြေ ကျူးကျော်မှု ပြဿနာသည် ယခုတဖန် ပြန်လည်ပေါ်ပေါက်လာခပြန်သည်။ ဗမာအစိုးရသည် နယ်စပ် ဒေသတလျှောက်တွင် စစ်တပ်များ ချထားကြောင်းကို သိထားယုံကြည်သော အရှေ့အိန္ဒိယကုမ္ပဏီ အစိုးရသည် ဒက္ကားမြို့မှ အမှတ် ၁၂ ကြေးတပ် ၂ တပ်ကို Teknaf နယ်စပ်မှာ ချထားလိုက်သည်။ ယင်းအချိန်တွင် အရှေ့ အိန္ဒိယကုမ္ပဏီအစိုးရ၏ ထောက်လှမ်းရေးသတင်းပို့သူ ချွိုက်ရော့ဒ် အဟာမွတ် ဘာဒါဒီသည် ဗမာအစိုးရ၏ သတင်းကို ပို့ရန်လာစဉ် ရခိုင်ပြည်တွင် အဖမ်းခံခရသည်။ ချွိုက်၏ ပြောပြချက်အရ Dr.Mac နှင့် ရခိုင်စစ် ပြီးဒုက္ခသည်များကို ဗမာနယ်ချဲ့အစိုးရထံ အပ်နှံရန်တောင်းဆိုချက်အရ ဗမာစစ်သားများကို နယ်စပ်တ လျှောက်ချထားကြောင်း သိရသည်။ အကယ်၍ မလွဲအပ်ပါက ဗမာတပ်များသည် Teknaf မှ Dhaka သို့ ချီတက်ရလိမ့်မည်။ ထိုမှတစ်ဆင့် Calacutta သို့ထိ စစ်ချီမည်။ ဗမာနယ်ချဲ့ဘက်မှ စစ်ရေးအကူအညီပီးရန် ပြင်သစ်အစိုးရသည် အဆင်သင့်ဟိကြောင်းကိုလည်း ဗမာအစိုးရမှ ပြောကြားကြောင်း သိရသည်။

ဗမာအစိုးရအနိန်ဖြင့် Dr. Mac အပါအ၀င် ရခိုင်စစ်ပြီးဒုက္ခသည်များနှင့် ချွိုက်ကို ဖလှယ်ရန် အတွက် ဓါးစာခံ ဖမ်းထားခသော်လည်း အရှေ့အိန္ဒိယကုမ္ပဏီ အစိုးရထံသို့ စာနှစ်စောင်ကို ပီးပို့မည့်သူ မဟိသည့် အတွက် ချွိုက်ကို စီလွှတ်ခိုင်းခြင်းဖြင့် ချွိုက်သည် ဗမာအစိုးရလက်ထဲက လွတ်လာခသည်။ ယင်းစာနှစ်စောင်တွင် အရှေ့အိန္ဒိယ ကုမ္ပဏီအစိုးရနှင့် စစ်မက်ဖြစ်ပွားမည်ဆိုပါက ဗမာစစ်တပ်ဘက်မှ ပြင်သစ်အစိုးရသည် စစ်ကူပေးရန်အဆင် သင့်ဟိကြောင်း၊ နယ်စပ်တလျှောက်မှာလည်း စစ်တပ်အမြောက်အများ ချထားကြောင်း ပါဟိသည်။ သို့သော် လည်း အရှေ့အိန္ဒိယကုမ္ပဏီအစိုးရအနိန်ဖြင့် ယင်းစာများတွင် ပါသော အကြောင်း အရာများသည် ဗမာများ၏ လိမ်လည်ခြောက်လှန့်မှုများသာ ဖြစ်သည်ဟု သဘောပေါက်နားလည်ပြီးသား ဖြစ်နိန်ပါတော့သည်။

ဤသို့အခြေအနိန်တွင် အရှေ့အိန္ဒိယကုမ္ပဏီ အစိုးရသည် ဗိုလ်ချင်းပျံကို ဖမ်းဆီးလျှက် ဗိုလ်ချင်းပျံ၏ တော် လှန်ရေးကို ရပ်စဲပစ်ရန် ကြိုးစားပါသည်။ ဗိုလ်မှူး တွက်မက်မော်လင်းသည် ရော်နာပူလောင် အရပ်၏ အရှေ့ မြောက်ဖက်သို့ စစ်ဆင်ရေး ထွက်ပြီးလျှင် ဗိုလ်ချင်းပျံနှင့် တော်လှန်ရေး ခေါင်းဆောင်များ၏ မိသားစု ၂၈ ယောက်ကို ဖမ်းဆီးခပါသည်။

ဗိုလ်မှူးကြီးမော်ဂင်သည် တော်လှန်ရေးသမားများ၏မိသားစုများကို ဖမ်းဆီးခြင်းအားဖြင့် ခေါင်းဆောင်များကို ဖမ်းဆီးရလိမ့်မည်ဟု ထင်ခသည်။ မော်ဂင်ထင်မြင်လုပ်ဆောင်ချက်များသည် အထင်နှင့်အမြင် အားလုံးကုန်စင် အောင် လွဲမှားကြောင်းကို အရှေ့အိန္ဒိယကုမ္ပဏီ အစိုးရသည် နောက်မှ သိလာခသည်။ အရှေ့အိန္ဒိယကုမ္ပဏီ အစိုးရသည် ဖမ်းဆီးရမိထားသော မိသားစု (၂၈)ယောက်ကို ဗမာနယ်ချဲ့လက်ထဲသို့ မအပ်နှံခပါ။ ယင်းသို့ မအပ်နှံသည့်အတွက် ဗမာနယ်ချဲ့အစိုးရသည် မိမိရို့အား တိုက်ခိုက်လာလိမ့်မည်ဟု ထင်မြင်သုံးသပ်ခသည်။ ယင်းအပြင် ဖမ်းဆီးရမိပြီးဖြစ်သော မိသားစု ၂၈ ယောက်ကိုလည်း လွတ်ပစ်ပါက ဗမာနယ်ချဲ့အစိုးရသည် မိမိ အစိုးရအပေါ် တင်ဟိသောသံသယများ ပိုမိုကြီးထွားလာနိုင်သည်ဟု သုံးသပ်ပြီး ယင်းမိသားစုများကို စစ်တ ကောင်းမှတစ်ဆင့် ဒက္ကားမြို့သို့ယူဆောင်လားသည်။ စစ်တကောင်းမှ တရာသူကြီး P.W ပိရ်ှလ်သည် ချင်းပျံနှင့် အရှေ့အိန္ဒိယကုမ္ပဏီ အစိုးရရို့ ဆက်သွယ်မှုမဟိကြောင်းကို ရခိုင်ပြည်အား အုပ်ချုပ်နိန်သော ဗမာ နယ်ချဲ့ စစ်ဗိုလ်ချုပ် သိစီရန် စကားပြန် တိတ်လော့မှ တစ်ဆင့် ပြန်ကြားလိုက်သည်။ ယင်းပြန်ကြားလွှာတွင် ချင်းပျံကို ဖမ်းဆီးရန်အတွက် ၀ရမ်း ထုတ်ထားပြီဖြစ်ကြောင်း၊ သို့သော်လည်း ချင်းပျံကို ဖမ်းဆီးရမိက ဗမာ အစိုးရထံသို့ ပို့မည်မပို့မည်ကို အထက်အရာဟိပိုင်း၏ သဘောထားကို လိုက်နာရမည်ဟု ပါဟိသည်။ General Lordmimto ကလည်း တရားသူကြီး P.W ပိရ်ှလ်၏သတင်းပေးချက်ကို သဘောတူလက်ခံ အတည်ပြုခသည်။ General Lordmimto ကပင် ဗိုလ်ချင်းပျံကို ဖမ်းဆီးရမိပါက အရှေ့အိန္ဒိယကုမ္ပဏီ အစိုးရ၏ အထက်ပိုင်း အရာဟိများ၏ သဘောထားကို ကြည့်ရမည်ဟု လှည့်ပတ်ပြောဆိုခသည်။ မိမိ၏ပြောဆိုချက်များကို ဗမာ နယ်ချဲ့အစိုးရအနိန်ဖြင့် ချင်းပျံကို ဖမ်းဆီးရမိပါက သူရို့လက်ထဲသို့ အပ်လာလိမ့်မည်ဟု ထင်မြင်နိန်ဖို့ သေချာကြောင်းကိုလည်း ပြောခပါသည်။

ဗိုလ်ချင်းပျံ၏မိသားစုကို ဖမ်းဆီးမိပြီးနောက် ချင်းပျံကို ထပ်မံဖမ်းမည်ဆိုသော ဗိုလ်မှူးကြီးမော်ဂင်၏အစီအစဉ် သည် အထမမြောက်ခပါ။ ၁၈၁၂ ခုဖေဖေါ်ဝါရီလကုန်ပိုင်း နတ်မြစ်အရှေ့ဘက်ကမ်းတွင် ဗမာနယ်ချဲ့အစိုးရ၏ စစ်သင်္ဘောများနှင့် စစ်သည်တော်အင်အား အမြောက်အများချထားသဖြင့် ဗမာနယ်ချဲ့အစိုးရနှင့် အရှေ့အိန္ဒိယ ကုမ္ပဏီ အစိုးရရို့သည် ရန်စောင်မှုများတဖြည်းဖြည်းတင်းမာလာခကြသည်။ နယ်စပ်ပြဿနာ ပိုမိုတင်းမာလာ သည့်အတွက် အရှေ့အိန္ဒိယကုမ္ပဏီ အစိုးရမှပို့ထားသော ကော်မချိန်အဖွဲ့အတွက် စိုးရိမ်ကြောင့်ကြ စဉ်းစား ရမည့်အခြေအနိန်သို့ ရောက်လာပြန်သည်။ ဗမာနယ်ချဲ့အစိုးရနှင့် ဤကဲ့သို့ စစ်သည်အင်အားများ နယ်စပ် တွင် ပိုမိုချထားသည်ကို အရှေ့အိန္ဒိယကုမ္ပဏီ အစိုးရအနိန်ဖြင့် သုံးသပ်ကြည့်သောအခါ အဖြေ ၂ ခုထွက်လာ ပါသည်။

၁။ အကယ်၍ ဒက္ကားနှင့် ကာလကတ္တားသို့သာ ဗမာတပ်များကျူးကျော်လာသည်ဟိက ဗမာနှင့် အင်္ဂလိပ် အစိုးရရို့ စစ်ဖြစ်ရန် အခြေအနိန်ဟိသည်။
၂။ ဗိုလ်ချင်းပျံနှင့် တော်လှန်ရေးသမားများကိုသာ ဗမာနယ်ချဲ့အစိုးရလက်ထဲသို့ မအပ်နှံခလျှင် Captain Conning ခေါင်းဆောင်သော ကော်မချိန် အဖွဲ့သည် အလိုအလျှောက် ဓါးစာခံဘ၀သို့ ကျရောက်နိုင်သည်ဟု သုံးသပ်ခကြ၏။ ယင်းကြောင့် အရှေ့အိန္ဒိယကုမ္ပဏီ အစိုးရသည် ကော်မရှင်အဖွဲ့နှင့်တကွ ရန်ကုန်မြို့တွငဟိနိန် သော အင်္ဂလိပ်လူမျိုးများ၏ လုံခြုံရေးအတွက် မိမိအစိုးရပိုင် အိန်ပွိုင်နာနှင့် မာလာဘာအမည်ဟိ သင်္ဘောနှစ်စီး ကို ရန်ကုန်သို့ စီလွှတ်လိုက်သည်။ တချိန်တည်းမှာပင် အရှေ့အိန္ဒိယကုမ္ပဏီ အစိုးရသည် စစ်တကောင်း နယ်၌ စစ်သင်္ဘောများနှင့် စစ်သည်အင်အားကို ထပ်လောင်းဖြည့်စွက် နိရာချထားလိုက်သည်။ သို့သော်လည်း ဗမာနယ်ချဲ့အစိုးရနှင့် ပဋိပက္ခမဖြစ်ရအောင် ကြိုးစားလျှက်ဟိသည်။
ဗမာစစ်သားများသည် အရှေ့အိန္ဒိယကုမ္ပဏီ အစိုးရ၏ စစ်သားများကို စတင်ကျူးကျော် ပစ်ခတ်ခသည်။ ထိုအခါ ဗိုလ်မှူးမော်ဂင်က ဤသို့ ပစ်ခတ်ရခြင်း ဇစ်မြစ်အကြောင်းတရားကို ဗမာအစိုးရထံ တောင်းဆိုခသည်။ ယင်းတောင်ခံချက် အပေါ် ဗမာစစ်ဗိုလ်ချုပ်က ဤသို့ပစ်ခတ်သည်ကို မိမိအနိန်နန့် မသိကြောင်း၊ ဤသို့ ဖြစ်ရသည့် အတွက် များစွာယူကျုံးမရဖြစ်မိကြောင်း ပြောဆိုပြန်ကြားခသည်။ အရှေ့အိန္ဒိယ ကုမ္ပဏီ အစိုးရ အနိန်ဖြင့် ဗိုလ်ချင်းပျံကိုဖမ်းဆီးရန် ကြိုးစားနိန်သည်ဟူသော တင်ပြချက်ကိုမူ ဗမာနယ်ချဲ့အစိုး ရသည် ကြေနပ်မှု မရှိခပါ။ ဆွေးနွေးနိန်စဉ်အတွင်းမှာပင် ဗမာနယ်ချဲ့အစိုးရသည် နယ်စပ်၌ စစ်သည်အင်အား အပြည့် ချထားလျှက်ဟိသည်ကို တွိ့ရသည်။ ယင်းသို့ပျင်ဆင်ခြင်းနှင့် တပြိုင်နက်တည်းမှာပင် ဗမာနယ်ချဲ့အစိုး ရသည် အရှေ့အိန္ဒိယကုမ္ပဏီ အစိုးရ၏စစ်အင်အားကို သိနိုင်ရန် သူလျှိုများကို စီလွှတ် ပီးပို့လိုက်ကြောင်း ကို ဗြိတိသျှရို့ သတင်းရလီသည်။ သို့အတွက် နယ်စပ် ပြဿနာ ပြေလည်ရေး အတွက် ဆွေးနွေးရန် အရှေ့အိန္ဒိယကုမ္ပဏီ က စီစဉ်ခလီသည်။
သို့သော်လည်း ဆွေးနွေးနိန်စဉ်အတွင်း အပစ်အခတ် ရပ်စဲ လျှက်ဟိသဖြင့် ဗမာစစ်သားများသည် အရှေ့အိန္ဒိယကုမ္ပဏီ အစိုးရ ပိုင်နယ်မြီထဲသို့ ၀င်ရောက် နိုင်သည်ဟု အရှေ့အိန္ဒိယကုမ္ပဏီ အစိုးရက ခန့်မှန်းထားသည်။ အဘယ်ကြောင့် ဆိုသော် ၁၈၁၂ ခုနှစ် မတ်လတွင် ဗမာစစ်သားများသည် အရှေ့အိန္ဒိယကုမ္ပဏီ အစိုးရပိုင် နယ်စပ်ထဲသို့ ချင်းနှင်း ၀င်ရောက်လာသဖြင့် အင်္ဂလိပ်အစိုးရနှင့် တိုက်ပွဲတစ်ခုဖြစ်ပွားပြီး ဗမာစစ်သားနှစ်ဦးကို အရှင်ဖမ်းဆီးရ မိခသည်။ ဤဖြစ်ရပ် အကြောင်းကို ဗမာစစ်ဗိုလ်ချုပ်က Teknaf တွင်ဟိသော Commanding officer ထံသို့ ပြောဆိုသည်မှာ “ ဤသို့ဖြစ်ရခြင်းသည် မိမိထံတစ်စုံတစ်ရာသော အခွင့်မရဟိဘဲ ၀င်ရောက်ကြောင်းနှင့် ယင်းဗမာ စစ်သားနှစ်ဦးအား မိမိရို့က ပြစ်ဒဏ် အဖြစ် သီဒဏ်ချရန် စီစဉ်ထားသဖြင့် ပြန်လည် ပီးပို့ရန် ပြောကြား လာသည်။ မည်သို့ပင်ပြောပြော ယင်းတိုက်ပွဲမှာ ဗမာစစ်ဗိုလ်ချုပ်၏ အစီအစဉ်တစ်ရပ်ဖြစ်ရမည်ဟု အရှေ့အိန္ဒိယကုမ္ပဏီ အစိုးရအနိန်ဖြင့် သံသယဖြစ်ခသည်။ ယင်းတိုက်ပွဲငယ်ပြီးသည့်နောက်ပိုင်းတွင်လည်း တိုက်ပွဲငယ်များ မကြာမကြာ ဖြစ်ပွားခပြီး နယ်စပ် အခြေအနိန်သည် တစ တစတင်းမာ လာခသည်။

ထိုသို့ အရှေ့အိန္ဒိယကုမ္ပဏီ အစိုးရနှင့် ဗမာနယ်ချဲ့ စစ်တပ်ရို့အကြား နယ်စပ် ပြဿနာများ ပြေလည် မလားဘဲ တစ တစ ကြီးထွားလာနေချိန်တွင် ရခိုင်တော်လှန်ရေး ခေါင်းဆောင် ဗိုလ်ချင်းပျံသည် ကောဇာ သက္ကရာဇ် ၁၁၇၇ ခုနှစ်၊ ခရစ် သက္ကရာဇ် ၁၈၁၅ ခုနှစ် ဇန္န၀ါရီလ ၂၅ ရက်နိန့်တွင် ၎င်းပုန်းအောင်းနိန်ရာ ပင်းဝါ ချောင်းဖျား တောင်တန်း တနိန်ရာတွင် ငှက်ဖျား ရောဂါဖြင့် ကွယ်လွန် အနိစ္စရောက်လားခလီသည်။ ဗိုလ်ချင်းပျံ ကွယ်လွန်ပြီး နောက်ပိုင်းတွင် ရခိုင်ပြည် လွတ်လပ်ရေး တိုက်ပွဲသည်လည်း ခေတ္တခဏမျှ ငြိမ်သက် လားခသော်လည်း နောက်ကျန် ရခိုင် တော်လှန်ရေး ခေါင်းဆောင်များ၏ ဗမာ ပဒေသရာဇ် နယ်ချဲ့များ အပေါ် ဆန့်ကျင် တော်လှန် တိုက်ခိုက်မူများကြောင့် နယ်စပ် ပြဿနာမှာ ပိုမို တင်းမာလာခပြီး အင်္ဂလိပ်- မြန်မာ ပထမ စစ်ပွဲ ဖြစ်ပွားခရသော အဆင့်ထိ ရောကဟိခရလီသည်။ (ပြီး)

---------------------------------------------
( ကိုဦးရှင်နှင့် ကိုအောင်ကျော်သိန်းရို့ ဘာသာပြန်သော ဆောင်းပါးမှာ ပျောက်ကွယ်နိန်သဖြင့် မူရင်း ခေါင်းစဉ်ကို ဖေါ်ပြပီးနိုင်ခြင်း မဟိပါ။)

Narinjara မှကူးယူဖော်ပြပါသည်။

ရခိုင့်ရိုးရာသင်္ကြန်ပွဲ နယူးယောက်မှာ ကျင်းပလားဖို့

2010-07-10T10:08:00.001-07:00

ရခိုင့်ရိုးရာသင်္ကြန်ပွဲ နယူးယောက်မှာ ကျင်းပလားဖို့

ရခိုင့်ရိုးရာ သင်္ကြန်ကို ဂျုလိုင်လ (၁၈) ရက်နိန့် အမေရိကန် နယူးယောက်မှာ စည်ကားသိုက်မြိုက်စွာ ကျင်းပဖို့လို့ ဖိတ်စာကို တွိလိုက်ရရေအတွက်နန့် ယင်းသင်္ကြန်ပွဲ ဖြိုက်မြောက်အောင် စီစိုဉ်ရေ သူတချို့ထဲက ရခိုင်လူမျိုး ဦးကျော်သာလှ နန့်တွိရေအခါ အဂုပိုင် မိန်းမြန်းကေ့လိုက်ပါရေ။
မိန်း ။ ။ အဂုလုပ်ဖို့ သင်္ကြန်ပွဲကို အဇာအဖွဲ့အစည်းတိနိန်ပနာ ဦးစီးပါရေလဲ။
ဖြေ။ ။ အဂု လုပ်ဖို့ သင်္ကြန်ပွဲကို " သင်္ကြန်အဖွဲ့အစည်း" ဆိုရေ အဖွဲ့အစည်းက ဦးစီးထားပါရေ။ ဒေအဖွဲ့အစည်းကို လွန်ခရေ နှစ် (၂၀) လောက်ကတည်းက ဖွဲ့စည်းထားရေ အဖွဲ့အစည်းပါ။ ဒေအဖွဲ့ချေမှာ ရှမ်း-တရုတ်လူမျိုး တစ်ဦး၊ ဗမာ-တရုတ်လူမျိုးတစ်ဦး၊ ရခိုင်-တရုတ်လူမျိုးတစ်ဦးနှင့် ရခိုင်လူမျိုးတစ်ဦးတို့ ဖြစ်ပါရေ။ အဂုအခါမှာ မြန်မာလူမျိုးမဟုတ်တေ တခြားလူမျိုး (ဥပမာ- အမေရိကန်လူမျိုး)တိနန့်လည်း ပေါင်းစီးပနာ ကျယ်ကျယ်ပြန့်ပြန့်လုပ်ဆောင်လားဖို့ဟိပါရေ။
အဓိက ပင်တိုင်ထောက်ပံ့ရေသူတိကတော့ခါ တရုတ်လူမျိုးတိနန့် ဗမာလူမျိုးတိရာဖြစ်ပါတေ။ တတ်နိုင်ရေ ရခိုင်သားတိဘားက ထဲ့ဝင်မှုတိ မဟိပါ။အဂု နောက်ပိုင်းရောက်လာရေ ရခိုင်သားတိက ပူးပေါင်းပါဝင်လာစွာတိ ကိုတွိရပါရေ။ အဂုသင်္ကြန်မှာ အဓိကကတော့ခါ ရခိုင့်ရိုးရာ"လောင်း" နန့် ရီပက်ကတ်ဖို့ပါ။

မိန်း ။ ။ အထူးသဖြင့် ရခိုင်တိဘားက အကူအညီမရလို့ဆိုလိုချင်ပါရေလား။
ဖြေ ။ ။ ဟုတ်ပါရေ။ ကျနောရို့ ရခိုင်တိထက် သူရို့က အနိန်ကြာလာခါ အဆင်ပြေနန့် အတွက်ပါ။ ကျနော်ရို့ ရခိုင်လူမျိုးတိ နိန်ထိုင်ရေလဲသို့ ကကောင်းနည်းနိန်ပါသိမ့်ရေ။ မကြာခင်မှာ သူရို့တိကလဲ တတပ်တအားနန့် တတ်နိုင်ရေဖက်က ပါဝင်လာနိုင်ဖို့လို့ မျှော်လင့်မိပါရေ။

မိန်း ။ ။ အဂုပိုင် ရခိုင်သင်္ကြန်လို့ နာမေတပ်ပနာ အရင်က အဇာနှစ်ကြိမ်လောက် ကျင်းပပီးခပါရေလဲ
ဖြေ ။ ။ ကျနော်ရို့ စတင်ခစွာက လွန်ခရေ (၁၆) နှစ်ကတည်းဖြစ်ပါရေ။ အစပိုင်းက တခြား ဗမာအဖွဲ့အစည်းတိက ကကောင်းဒေါသထွက်ပါရေ။ သင်္ကြန်ကို ရခိုင်သင်္ကြန်လို့နာမေပီးထားစွာနန့် ပတ်သက်ပနာ။ သူရို့တိက ဗမာ/မြန်မာ သင်္ကြန်လို့ နာမေပီးစီချင်ပါရေ။ နောက်ပိုင်း ယင်းလူတိရေ အ၀ီးကိုဖယ်လားခပါရေ။ အဂုကတော့ခါ အားပီးရေ ဗမာတိလဲ တဖြည်းဖြည်း များလာပါဗျာယ်။ လာရောက်ရေအများစုကတော့ခါ ဗမာတိဖြစ်ပါရေ။

မိန်း ။ ။ နောက်ပီးကေ အဂု ဖိတ်စာကမ်းထားရေမှာ တွိပါရေ ယင်းချင့်က ရခိုင့်ရိုးရာ လောင်းလှေနန့် ရီလောင်းဖို့လို့ ကြေညာထားစွာ တွိရပါရေ။ အရင်က ယေပိုင် မကျင်းပခပါလား။
ဖြေ ။ ။ အစခါကတည်းက လောင်းနန့် ပက်ဖို့ဆိုရေ အကြောင်းအရာကို ရွီးသားထားပါရေ။ ယေဒါလဲသို့ သေချာမဖြစ်ခပါ။ ကျနော်ရို့ ရခိုင်လူမျိုးတိအတွက် ရခိုင်သင်္ကြန်ဆိုစွာ "လောင်း" နန့် ရီပက်တေက အဓိကပါ။ ရခိုင်လူမျိုးတိရဲ့ ဘ၀ကိုထင်ဟပ်ပါရေ။ သင်္ကြန်ကို အရှေ့တောင်အာရှ အတော်များများမှာ ကျင်းပနိန်ပါရေ။ ယေဒါလဲသို့ ကျနော်ရို့ ရခိုင်သင်္ကြန်ဆိုရေ ရုပ်လုံးပေါ်စီဖို့ " လောင်း" က အဓိကကျပါရေ။

မိန်း ။ ။ ရခိုင့်သင်္ကြန်ကို စပနာ ကျင်းပရေ အခါက အခက်အခဲချေတိကို ပြောပြပီးနိုင်ပါဖို့လား။
ဖြေ ။ ။ အတော်များများတော့ဟိပါရေ။ အဓိကကတော့ခါ စပွန်ဆာ ပီးဖို့ပါ။ တခြား အဖွဲ့အစည်းတိရဲ့ အားပီးကူညီမှုတိကိုလဲ လိုပါရေ။ နောက်တခုကတော့ အဂုပိုင် နိန်ရာအသစ်အတွက်နန့် ပတ်သက်တေ အခက်အခဲပါ။ အဂုပိုင်ရခိုင်သင်္ကြန်လုပ်ဖို့ဆိုခါ ပထမ ယင်းနိန်ရာက ပိုင်ရှင်တိနန့် တွိရေအခါ သူရို့နားလည်အောင် ပြောပြရပါရေ။ သင်္ကြန်ဆိုစွာ အဇာပိုင်လဲ ဆိုစော်ကို။ အမေရိကန်အတော်များများက ဒေပိုင် ရီလောင်း၊ရီပက်တေ အလေ့အထ မဟိပါ။ ယင်းချင့်နန့် သူရို့ သင်္ကြန်ဆိုစွာ အဇာပိုင်လဲလို့ နားလည်အောင်ရှင်းပြရပါရေ။ နောက်တချက်က ရီအလုံအလောက်မရရေ အခက်အခဲပါ။ အမေရိကန်လူမျိုးတိ လာကြည့်ပါရေ။ ကျနော်ရို့ရဲ့ ရိုးရာသင်္ကြန်နန့်ကျင်းပရေပုံတိကို။ ယင်းအခါ ကျနော်ရို့လူမျိုးနန့် ပတ်သက်တေ ရိုးရာဂီတတိ အကောင်းဆုံးဖော်ထုတ်နိုင်ဖို့အတွက် အချိန်ကုန်ခံပနာ ကြိုးစားရပါရေ။ ရခိုင့်ရိုးရာတီးဝိုင်းအတွက် ကတော့ခါ ဟိပါရေ။ ယေဒါလဲသို့ ရခိုင့်စည်နန့်ကရေ အကတိဖော်ထုတ်ဖို့အတွက် ရခိုင်စည်တိ လိုအပ်နိန်ပါရေ။ အမေရိကန်လူမျိုးတိက နိုင်ငံတကာကိုလှည့်ပနာ သွားလာနိန်ရေလူမျိုးတိပါ။ သူရို့က တခြားနိုင်ငံတိက ယှိင်ကျေးမှုတိနန့် အကျွမ်းဝင်နိန်ပါဗျယ်။ ဒေပိုင်သူရို့ရှေ့မှ အနောက်တိုင်းပုံစံ ဂီတတိနန့် ဖျော်ဖြေဖို့ဆိုခါ အထင်သေးလားနိုင်ပါရေ။

မိန်း ။ ။ သင်္ကြန်က ဧပြီလမှာ ကျင်းပစွာဖြစ်ပါတေအဇာဖြစ်လို့ အဂုအချိန်ကျမှ ကျင်းပဖြစ်ပါရေလဲ ဆိုစွာ ရှင်းပြပီးပါဗလင့်
ဖြေ ။ ။ ဟုတ်ပါရေ။ သင်္ကြန်ကို ဧပြီလမှ ကျင်းပါရေ။ မြန်မာနိုင်ငံမှာ ကျင်းပရေအချိန်အခါက ဒေမှာ အပြင်ကို မထွက်နိုင်လောက်အောင် အီးပါရေ။ ကျနော်ရို့ သင်္ကြန်ကို ဧပြီလနန့် အနီးဆုံးမှာ ကျင်းပချင်ပါရေ။ ဧပြီလနန့် အနီးဆုံးလကို ကြည့်လိုက်တေအခါ ဂျုလိုင်လက အဆင်ပြေနိုင်ရေလို့ မြင်ပါရေ။ တခြားသူတိ မလုပ်ခင် ကျနော်ရို့ ရခိုင့်ရိုးရာသင်္ကြန် လောင်းနန့်ရီပက်တေ ပွဲတော်ကို အရင်ဦးဆုံးကျင်းပဖို့စွာပါ။ တခြားသူတိက ကျနော်ရို့ ဓလေ့ပုံစံနန့်
လုပ်ဖို့ဆိုလဲ ခွင့်ပြုပါရေ။

မိန်း ။ ။ အဂု ကျင်းပဖို့ စီစိုဉ်ထားရေ သင်္ကြနန့် ပတ်သက်တေ အစီအစိုဉ်တိကို ရှင်းပြပီးပါဗလင့်
ဖြေ ။ ။ မကြာခင် အတာသင်္ကြန်ပွဲကို ရခိုင့်ရိုးရာနန့်အညီ ဆင်နွှဲလားပါဖို့။ ယင်းပွဲမှာ ရခိုင့်ရိုးရာ အကနန့် သချင်းတိလဲ ပါဝင်ပါဖို့။ အမျိုး (၆၀) လောက်ဟိရေ ရိုးရာအစားအစာတိနန့် အစားအသောက်ဈီးပွဲတော်လဲ ပါဝင်ပါရေ။ သက်ကြီးပူဇော်ပွဲနန့် သက်ကြီးပူဇော်ပွဲအကကို ရခိုင့်ရိုးရာ စည်နန့် တွဲဖက်ဖျော်ဖြေလားပါဖို့။ နောက်ပီးကေ ထုတ်စီးတိုးကစားနည်း၊ အဂုအစီအစိုဉ်အထဲမှာထဲ့ထားဟာကတော့ခါ "ရထားဆွဲပွဲ" ပါ။ ယေဒါလဲသို့ လုံလောက်တေ ပူးပေါင်းပါဝင်မှုတိ
မဟိကေ မကျိန်းသေပါ။ ခြင်းလုံးအလှခတ်ပွဲကိုလည်း စီစိုဉ်ထားရေအထဲမှာထဲ့ထားပါရေ။ သနပ်ခါးသွီးပွဲ တိလဲပါဝင်ပါဖို့လို့ ပြောချင်ပါရေ။

နယူးယောက်မှာ ကျင်းပရေ ရခိုင့်ရိုးရာအတာသင်္ကြန်ပွဲတော်မှာ ၀င်ရောက်အားပီးကတ်ဖို့တိုက်တွန်းနှိုးဆော်လိုက်ပါရေ။
ယင်းချင့်နန့် ပတ်သက်တေအကြောင်းအရာတိကို သိချင်ကေ http://www.thingyan.org/ မှာ ၀င်ရောက်ကြည့်ရှုနိုင်ပါရေ။

Ref: Rakkhita Music

ALD ရွှေးကောက်ပွဲ မ၀င် ဆုံးဖြတ်ချက်နန့်ပတ်သက်လို့ ဦးအေးသာအောင်၏ ပြောကြားချက်

2010-04-13T08:16:00.000-07:00

4/13/2010

ရခိုင်ဒီမိုကရေစီအဖွဲ့ချုပ် (ALD) အနီနန့် ပါတီ မှတ်ပုံမတင်သလို ရွီးကောက်ပွဲမှာလည်း ပါဝင် ယှဉ်ပြိုင်မှာ မဟုတ်လို့ ဧပြီလ ၁၀ ရက်နိန့်က ရန်ကုန်မြို့မှာ ပြုလုပ်ရေ ALD၏ အရေးပေါ် အစည်းအဝေးမှာ ဆုံးဖြတ်ခပါရေ။ ယင်း အစည်းအဝေးကို ပါတီ ထိပ်ပိုင်း ဂေါင်းဆောင်တိသာမက မြို့နယ် အဆင့် ခေါင်းဆောင်တိလည်း တက်ရောက်ခရေလို့ သိရပါရေ။ ဇာကြောင့် အဂုပိုင် ရွီးကောက်ပွဲ မ၀င်ဖို့ ရခိုင် ဒီမိုကရေစီ အဖွဲ့ချုပ်က ဆုံးဖြတ်ရပါသလဲလို့ ပါတီ၏ တွဲဘက် အထွေထွေ အတွင်းရေးမှူး ဖြစ်တေ ဦးအေးသာအောင်ကို နိရဉ္စရာက ဆက်သွယ် မိန်းမြန်းရေ အခါ သူက အဂုပိုင် ပြောပါရေ။

ဖြေ။ အဓိက ကတော့ခါ ၂၀၀၈ ခုနှစ်မှာ တဖက်သတ် အတည်ပြုပီးလိုက်တေ ဖွဲ့စည်း အုပ်ချုပ်ပုံ အခြီခံ ဥပဒေကို သုံးသပ် လိုက်တေအခါမှာ ယင်း ဖွဲ့စည်းပုံထဲမှာ ရခိုင်အမျိုးသားတိအတွက် ဇာအခွင့်အရေးမှ မပါဝင်ရေပိုင် တိုင်းရင်းသား လူမျိုးတိ၏ အခွင့်အရေးတိကိုလည်း လျစ်လျူယှု ပစ်ပယ် ထားစွာကို တွိ့ရရေ။ ပြီးကေ တိုင်းရင်းသားတိ၏ ရပိုင်ခွင့် တိကိုလည်း နည်းမျိုးစုံနန့် ဖိနှိပ် ချုပ်ချယ် ကန့်သတ် ထားရေ အတွက်ကြောင့် ဒေ ဖွဲ့စည်းပုံ အခြီခံဥပဒေကို ပြန်လည် သုံးသပ် ကြည့်ရေအခါ လုံးဝ လက်ခံနိုင်စရာ မဟိပါ။ အထူးသဖြင့် တိုင်းရင်းသား လူမျိုးများ၊ ပြည်နယ်တိ၊ ကိုယ်ပိုင် အုပ်ချုပ်ခွင့်ရ တိုင်း၊ ကိုယ်ပိုင် အုပ်ချုပ်ခွင့်ရ ဒေသတိနန့် ပတ်သက် လို့ ဖေါ်ပြ ထားစွာ တိမှာလည်း တိုင်းရင်းသား လူမျိုးတိ၏ ကိုယ်ကံကြမ္မာကို ကိုယ်ဖန်တီးခွင့် မရဘဲနန့် အဓိက ပြည်နယ် လွှတ်တော်၏ ၂၅ ရာခိုင်နှုန်း ကို စစ်တပ်က စိုးမိုးထားဖို့အပြင် ဒေသ အသီးသီး၏ ပြည်နယ် ၀န်ကြီးချုပ် နီရာတိကိုလည်း သမ္မတကရာ ခန့်အပ်ပီးရ ဖို့ဆိုရေ အပိုင်းတိ ပါဝင်နိန်ပြီး ပြည်သူတိ၏ ရပိုင်ခွင့်၊ တိုင်းရင်းသား လူမျိုးတိ၏ ရပိုင်ခွင့် အခွင့်အရေးတိကို ချယ်လှယ် စိုးမိုးထားရေအတွက်ကြောင့် တိုင်းရင်းသား အရေးကို ဆောင်ရွက်နိန်ရေ ALD အနီနန့် ၂၀၀၈ ဖွဲ့စည်းအုပ်ချုပ်ပုံအခြီခံ ဥပဒေကို လက်မခံနိုင်ရေပိုင် ရွီးကောက်ပွဲကိုလည်း မဝင်ဖို့ ဆုံးဖြတ် လိုက်စွာ ဖြစ်ပါရေ။ နောက်တချက်က ယင်း ဖွဲ့စည်းပုံ အခြီခံဥပဒေမှာ တိုင်းရင်းသား အခွင့် အရေး၊ ဒီမိုကရေစီ အခွင့်အရေး၊ လူ့အခွင့်အရေးတိကို ဖေါ်ဆောင်ပီးနိုင်ဖို့ အချက် အလက်တိ မပါဝင်ရေပိုင် စစ်တပ်ကသာ တဘက်သတ် အုပ်ချုပ်ဖို့ ရေးဆွဲထားရေ ဖွဲ့စည်းပုံ ဖြစ်တေ။ ယင်းကြောင့် ၂၀၀၈ ဖွဲ့စည်းပုံနန့် ကျင်းပဖို့ ၂၀၁၀ ရွီးကောက်ပွဲကို ပါဝင်ယှဉ်ပြိုင်ဖို့ မဟုတ်သလို ပါတီမှတ်ပုံ မတင်ဖို့အတွက် ဆုံးဖြတ် ရခြင်းဖြစ်ပါရေ။ ပြီးကေ ရွီးကောက်ပွဲနန့် ပတ်သက်တေီရွးကောက်ပွဲ ဥပဒေ၊ ပါတီမှတ်ပုံတင်ဖို့ ဥပဒေတိ ထွက်လာပြီးရေ နောက်ပိုင်းမှာ ရွီးကောက်ပွဲ ကော်မချိန်စွာ ရွီးကောက်ပွဲကို ကြီးကြပ်နိုင်ရုံသာမက နိုင်ငံရေး ပါတီတိကိုလည်း ကော်မချိန် အဖွဲ့၏လက်အောက်မှာ ကွပ်ကဲ လားဖို့အချက်တိ ဖေါ်ပြထားရေ အတွက်ကြောင့် ဒေချင့်က သဘာဝလည်း မကျ၊ နိုင်ငံရေး ပါတီဆိုစွာ လွတ်လွတ်လပ်လပ် နိုင်ငံတော်ကို အုပ်ချုပ်နိုင်ရေ ပါတီဖြစ်တေ အတွက်ကြောင့် ကော်မချိန်၏ ကြီးကြပ်မှု အောက်မှာ နိန်ရဖို့ဆိုစွာကတော့ခါ ဖြစ်လည်း မဖြစ်နိုင် လက်ခံနိုင်စရာ အကြောင်းရင်းလည်း မဟိပါ။ အားလုံးကို ခြုံပြီး သုံးသပ် ရဖို့ဆိုကေ ၂၀၁၀ ရွေးကောက်ပွဲစွာ နိုင်ငံရေး ပါတီများကို အမျိုးမျိုး ချုပ်ကိုင်ခြယ်လှယ်ထားပြီးကေ ဒီမိုကရေစီ အခွင့်အရေး၊ တိုင်းရင်းသား အခွင့်အရေးကို ဖေါ်ဆောင်ပီးဖို့ ရွေးကောက်ပွဲ မဟုတ်တဲ့အတွက်ကြောင့် ရခိုင်ဒီမိုကရေစီအဖွဲ့ချုပ်ဟာ ပါတီမှတ်ပုံလည်း မတင်ဘူး၊ ရွီးကောက်ပွဲကိုလည်း ဝင်ဖို့မဟုတ်လို့ ဆုံးဖြတ်လိုက်စွာ ဖြစ်ပါရေ။

မိန်း။ အဂုပိုင် ALD ပါတီ၏ ခုဆုံးဖြတ်ချက်ကို ရခိုင်ပြည်သူတိ အနီနန့် လက်ခံကြလိမ့်မယ်လို့ မျှော်လင့် ပါသလား။

ဖြေ။ အခြေအနီအားလုံးကို သပ်သုံးပနာ ပြောရကေ လက်ခံလိမ့်မယ်လို့ မျှော်လင့်ပါရေ။ နိုင်ငံရေးပါတီ တရပ်ဆိုစွာ ခေတ်ကာလ အခြေအနီ၊ နောင်ဖြစ်လာဖို့ အခြေအနီတိကို သုံးသပ် ဆုံးဖြတ်ချက်ချ လုပ်ကိုင်ရစွာ ဖြစ်ပါရေ။ ယင်းပိုင် လုပ်ခရေ လုပ်ငန်းစဉ်တိ အပေါ်မှာ ပြည်သူတိကို အယင်တုန်းကလည်း ယှင်းပြခရေ။ ခုလည်း ယှင်းလင်း တင်ပြလားဖို့ ဖြစ်ပါရေ။ ခု ယှင်းလင်း တင်ပြချက် ထွက်ပေါ်လာရေ အခါမှာလည်း ALD ရပ်တည်ချက်တိကို ပြည်သူတိ လက်ခံ ကြလိမ့်မယ်လို့ မျှော်လင့်ထားပါရေ။

မိန်း။ အခုဆိုကေ ၁၉၉၀ ရွေးကောက်ပွဲတုန်းက အနိုင်ရ ပါတီကြီး ၂ ခုဖြစ်တေ NLD ပါတီနဲ့ ALD ပါတီရို့က ရွီးကောက်ပွဲ မဝင်လို့ ဆုံးဖြတ်လိုက်တေ အတွက် မေလ ၆ ရက်နိန့် နောက်ပိုင်းမှာ ပါတီ တရပ် အနီနန့် လှုပ်ယှားကေ ဖမ်းဆီးစွာတိ နှိမ်နှင်း စွာတိ လုပ်လာနိုင်ပါရေ။ ဖိအားပီးပြီး နိုင်ငံရေး မလုပ်ဖို့ တားမြစ်ကောင်း တားဖြစ်လာနိုင်ပါရေ၊၊ ယင်းအပေါ်မှာဂါ ဇာပိုင်မြင်ပါသလဲ။

ဖြေ။ ဇာပိုင်ပင် ဖိအားပီးပီး ALD ပါတီ အနီနန့် ဖြစ်ဖြစ်၊ ရခိုင်အမျိုးသား တယောက် အနီနန့် ဖြစ်ဖြစ် လက်ခံနိုင်စရာ မဟိပါ။ ပြီးကေ နိုင်ငံသားအခွင့်အရေး၊ တိုင်းရင်းသားအခွင့်အရေးနန့် မိမိနိုင်ငံ အတွက် ဇာနိုင်ငံသားမဆို နိုင်ငံရေး လုပ်နိုင်ပါရေ။ ဇာပိုင် ဖိအားပီးမှုကို မဆို ALD အနီနန့် ရှေ့ကကဲ့သို့ ရင်ဆိုင်လားဖို့ဖြစ်ပါရေ။ ALD အနီနန့် ခုဆုံး ဖြတ်ချက်ကလည်း ကိုယ် ဝင်ချင်ကေ ဝင်ပြိုင်မယ်။ မဝင်ချင်ကေ မဝင်ရေ သဘော ဖြစ်ပါရေ။

မိန်း။ ALD ပါတီအနီနန့် ဇာပိုင်ရှေ့ဆက် ရပ်တည်လားဖို့ဆိုစွာကို စကေချေလောက်ပြောပြပီးပါ။

ဖြေ။ ALD အနီနန့်ကတောခါ့ ဆက်လက်ပြီး ဖြစ်ပေါ် လာရေ အခြေအနီ အပေါ်မှာ မူတည်ပြီးကေ တခြားသော တိုင်းရင်းသား အဖွဲ့အစည်းတိနန့် သော်လည်းကောင်း၊ ဒီမိုကရေစီ အဖွဲ့အစည်းတိနန့် သော်လည်းကောင်း အတူတကွ ဆွေးနွေး ညှိနှိုင်း ပူးပေါင်း ဆောင်ရွက် ပြီးကေ လုပ်ကိုင် ဆောင်ရွက်လားဖို့ဖြစ်ပါရေ။

(မင်းဆက်ခိုင် မေးမြန်းသည်)

နိရဉ္ဇရာ

ဆရာကြီးပါမောက္ခ ဒေါက်တာအေးကျော် မိန့်ခွန်း (၁)

2010-04-05T09:36:00.000-07:00

ဆရာကြီးပါမောက္ခ ဒေါက်တာအေးကျော် မိန့်ခွန်း (၁)
ပါမောက္ခ ဆရာကြီးဒေါက်တာအေးကျော်၏ ပထမအကြိမ် နိုင်ငံတကာ ရခိုင်အမျိုးသားအသင်း (ဥရောပ) ဋ္ဌာနခွဲ ပထမအကြိမ်ညီလာခံဖွင့်ပွဲမိန့်ခွန်း

WAO (ဥရောပ)က ကမကထလုပ်ပြီးကေ ဆောင်ရွက်တေ အေပွဲမာ ကျနော့ကိုဖိတ်တေအတွက်ကြောင့်အား လုံးသူကိုကျေးဇူးတင်ပါရေ။ နောက်ပြီးကေ ဂု အစိုင်အလာတခုဖြစ်လားအောင်အတွက် ကျနော်ရို့ National song အမျိုးသားသခြင်းကို သီဆိုပြီးဖွင့်လှစ်တေအတွက်ကြောင့် ပထမဆုံးသော ရခိုင်သမိုင်းမာ ပထမဆုံးအ ကြိမ်ဖြစ်ပါရေ။

ရခိုင်သမိုင်းမာ ပါဝင်ဆောင်ရွက်ကတ်တေ ဂုတက်ရောက်လာကတ်တေအားလုံးသူကိုလေ့ ကောင်းကောင်း ကျေးဇူးတင်ပါရေ။ ဂုဏ်လည်းယူပါရေ။ နောက်တခုကလေ့ ကျနော်ရို့မှာ ကျနော်ရို့နိုင်ငံအတွက် ကျဆုံးလားခ ကတ်တေ ဂေါင်းဆောင်တိ၊ လူငယ်တိအတွက်ကိုလေ့ အရိုအသေအလေး အမြတ်ထားပြီးကေ သတိတရနန့် ဂုဏ်ပြုအရိုအသေပီးကတ်တေအတွက်ကြောင့် ဆရာကြီးအနီနန့် အင်မတန်မှဝမ်းသာပါရေ။ ဂုဏ်လေ့ယူပါရေ။ ရခိုင်ဖြစ်ရစွာကိုလေ့ အချိန်မရွီး ဂုဏ်ယူပါရေ။

ယေတော့ခါ ကျနော်ရို့ ရခိုင်ဆိုတဲ့ဟာ(၃)မျိုးရှိရေ(နာမေအားဖြင့်)။ နံပါတ်(၁)က ရက္ခိတဆိုရေစကား။ ရက္ခိတ ဆိုတဲ့စကားဟာ ဗုဒ္ဒဘာသာကိုထိမ်းရေ၊ အမျိုးကိုထိမ်းရေ၊ ကိုယ့်ဘာသာစကား ကိုထိမ်းရေ။ ယင်းဟာကြောင့် ကိုယ့်အိမ်မာဟိရေ အသျှေတိကိုလေ့သော့ ရခိုင်စကားသင်ပီးကတ်ပါလို့ ဆရာကြီးကြုံရေအခါမှာ မိတ္တာရပ်ခံ ပါရေ။ ရခိုင်စကားလေ့တတ်တေ၊ ဗမာစကားလေ့တတ်တေ၊ မွန်စကားလေ့တတ်တေ၊ ကရင်စကားလေ့တတ် တေ၊ နော်ဝေးစကားလေ့တတ်တေ၊ အင်္ဂလိပ်စကားလေ့တတ်တေဆိုကေ အေအသျှေတိနောင်ရေးဟာ အင်မ တန်မှကျယ်ပြန့်ပါရေ။ အလင်းရောင်ကောင်းပါရေ။ ယင်းဟာက တခု။

နောက်တခုက ရခိုင်ဆိုစွာ အာရက္ခဆိုရေ စကားကလာရေအတွက်ကြောင့် အာရက္ခဆိုစွာက မိမိနိုင်ငံကို စောင့် ယှောက်တေ၊ ပတ်ဝန်းကျင်နိုင်ငံတိကိုလေ့ စောင့်ယှောက်တေလို့ အဓိပ္ပါယ်ရရေ။ ယင်းဟာကြောင့် အာရက္ခ ဆိုရေစကားကိုလေ့ ထိမ်းသိမ်းကတ်ဖို့အတွက် ကျနော်မိတ္တာရပ်ခံပါရေ။

နောက်တခုက ဘင်္ဂလားဒေ့(ချေ်)ကလူတိက ကျနော်ရို့ကို ”မော့ဂ်” လို့ခေါ်ရေ။ ”မော့(ဂ်) ”ဆိုစွာက မာဂဒ နိုင် ငံကလာရေ တိုင်းရင်းသားလို့ အဓိပ္ပါယ်ရရေ။ ယင်းမာဂဒ နိုင်ငံကလာရေ တိုင်းရင်းသားတိစွာ ဘုရားသျှင်မပွင့် ခင်လောက်ကပင် ကျနော်ရို့အင်ဒိုအာရီယန်လူမျိုးဖြစ်တေ ရခိုင်သားတိစွာ မာဂဒတိုင်းမာ နှစ်ပေါင်းများစွာ ဟိ လီကတ်ဖို့။ ယင်းဟာကြောင့် ဗုဒဘာသာကို ဘုရားသျှင်ပွင့်ပြီးပြီးချင်း ရခိုင်သားတိက ဦးစွာပဌမရရေလူမျိုးဖြစ် ပါရေ။ ယင်းဟာကိုလေ့သော့ ကျနော်ရို့အနီနန့် အများကြီးဂုဏ်ယူစရာဖြစ်ပါရေ။

နောက်တခုက အဟြိတောင်အာရှသမိုင်းမာ ဝေသာလီခေတ်ဆိုစွာဟိပါရေ။ ဝေသာလီခေတ်ဆိုစွာက နှစ်ပေါင်း(၁၀၀၀)ကျော်ကြာပါရေ။ အေဒီ (၃၃၀)လောက်ကစပြီးကေ ပုဂံခေတ် အနော်ရထာမင်း(၁၀၄၄)လောက်ထိ ရှည်လျားရေသက်တမ်းဟိရေ ဝေသာလီခေတ်ဆိုစွာ ထင်ရှားစွာဟိပါရေ။ ယင်းဟာအတွက်ကိုလည်း ပြန်လည် ဆန်းစစ်ပြီးကေ ဇာတိဇာတိ သုတေသနပြန်လုပ်သင့်ရေဆိုစွာကို လူငယ်တိကလေ့လာရပါဖို့။ ပေါ့ပေါ့တန်တန် နီလို့မဖြစ်ပါ။ ယေတော့ ယင်းကိစ္စနန့်ပတ်သက်လို့ ကျနော်တဆက်တည်းပြောချင်စွာက ရခိုင်ဆိုသည်မှာ ဇာ နိုင်ငံကိုဘဲရောက်ရောက်၊ ဇာနီရာကိုဘင်ရောက်ရောက် လူနည်းစုရာဖြစ်တေ။ ယင်းလူနည်းစုဖြစ်တေအတွက် ကြောင့် အရေးအကြီးဆုံးကဇာလဲဆိုကေ လူများထက်ပိုစည်းရုံးကတ်ရဖို့။ We have to be united more than any other peoples in the world because we are a minority, always and any kind of! ယင်းတခုမှာကြားချင်ရေ။ ရခိုင်လူမျိုးဟာ လူနည်းစုဖြစ်တေအတွက်ကြောင့် စည်းလုံးရဖို့၊ ညီညွတ်ရဖို့၊ သည်း ခံရဖို့။ ယင်းဟာတခု ဆရာကြီးမှာကြားချင်ရေ။

နောက်တခုက လူနည်းစုဖြစ်တေအတွက်ကြောင့် သူများထက်တော်အောင်လုပ်ရဖို့။ Quality peoples ဖြစ် အောင်လုပ်ရဖို့။ သူများထက်ပိုကြိုးစားကတ်ရဖို့။ ဗမာပြည်မှာသိရေအတိုင်းယာ ဗမာပြည်မာ ရခိုင်ဖြစ်တဲ့အ တွက်ကြောင့် ကျနော့်အနီနန့် တခါလေ့ပါမောက္ခဖြစ်လို့ အလားအလာမဟိ ပါ။ In Burma, I am not opportunity to be a professor, that’s exactly true but in America I can be professor and I am a professor. ယင်းကြောင့် အမေရိကန်ပိုင်နိုင်ငံတိ၊ နော်ဝေးပိုင်နိုင်ငံတိ၊ တခြားနိုင်ငံတိမှာ တန်းတူရည်တူအခွင့် အရေးပီးရေအတွက်ကြောင့် ငါရို့ရခိုင်သားချေ၊ ရခိုင်သူချေတိစွာ သူများထက်တော်အောင် Quality peoples ဖြစ်အောင်ကြိုးစားကတ်ပါ။ ဒါတခုကို ကျနော်ထပ်ပြီးကေ မှာပါရစီ။

နောက်တခုက သူများထက်တော်အောင်၊ Quality peoples အပြင် သူများထက်တော်အောင်၊ သူများထက်နာ မေကောင်းရအောင်။ ရခိုင်ပြည်မှာ သဇင်ပန်းဟာ နိုင်ငံတော်ပန်းဖြစ်တေ။ ယင်းနိုင်ငံတော်ပန်းဖြစ်တေပိုင် ငါရို့ ရခိုင်သူ၊ ရခိုင်သားတိက ဂုဏ်ယူနိုင်လောက်အောင် စန္ဒကူးနံသာပင်ဖြစ်အောင်လေ့ ကြိုးစားကတ်ပါ။ ယင်းပိုင် ယှောင် ကြိုးစားဖို့အတွက်၊ အောင်မြင်ဖို့အတွက် ကျနော်ရို့ ဗုဒ္ဓဘာသာကျမ်းဂန်မှာပါရေ ပဋ္ဌာန်းကျမ်းမာ အ ချက်(၄)ချက်ဖော်ပြထားရေ။

ယင်းအချက်(၄)ချက်က ဇာလဲဆိုလို့ရှိကေ ဆန္ဒဓိပဓိ၊ ဆန္ဒပြင်းထန်ရဖို့။ ဆန္ဒပြင်းထန်လို့ ရခိုင်တိဟာ နှစ် ပေါင်းသုံးထောင်လေးထောင်ခံနိုင်စွာ။ ကျနော်ရို့ဆန္ဒတိ ကောင်းကောင်းပြင်းထန်ရေ။ ဇာကြောင့်အေပိုင်ပြင်း ထန်လဲဆိုကေ ပင်လယ်ကမ်းမာနီရေ။ လီကလေ့ဝုန်းဝုန်းထနီရေ၊ မြစ်ရီကလေ့ တက်နီရေ။ ပင်လယ်လှိုင်းက လေ့တက်နီရေ။ တခါတခါ လီမုန်းတိုင်းကျရေ။ ယင်းကြားထဲက ရပ်တည်နိုင်ရေ နှစ်ပေါင်းသုံးထောင်လေး ထောင်ကာလဟာ အင်မတန်ကြံ့ခိုင်ရေစိတ်ဓါတ်ဟိစွာတော့ အင်မတန်ထင်ယှားရေ။ ယင်းဟာ ဆန္ဒဓိပတိပါ။ ကိုယ်ဖြစ်ချင်စွာကိုစွဲထားပါ မပျောက်စီကေ့။ ရခိုင်ပြည်လိုချင်ကေလေ့ ဆန္ဒကိုစွဲထားပါ၊ မပျောက်စီကေ့။ ပါ မောက္ခဖြစ်ချင်ကေလေ့ ဆန္ဒကိုစွဲထားပါ။ မပျောက်စီကေ့။ ယင်းဆန္ဒဓိပတိဆိုစွာက အေပဋ္ဌာန်းကျမ်းမာပါရေ ” ဆန္ဒဓိပတိ ဆန္ဒသမ္ပ ယုတ္တကာနံ ဓမ္မာနံ တံသမုဋ္ဌာနာနဉ္စ ရူပါနံ အဓိပဓိ ပစ္စယေန ပစ္စယော”။ ဆန္ဒဟာ ကောင်းအရေး ကြီးရေ။

နောက်တခုက ဇာအရေးကြီးလဲဆိုလို့ရှိဂေ ၀ီရိယာဓိပတိ။ ၀ီရိယဆိုစွာက Hard working ဖြစ်ရဖို့။ လူတ ယောက် Hard working ဖြစ်လာကေ လူတယောက်စွာ တော်လာရေ။ Hard working ဆိုစွာ ဇာလဲဆိုလို့ရှိ ဂေ ဆရာကြီးအတွိအကြုံအရ အခက်အခဲဆုံးက မှန်ကန်ရေကိစ္စ ၀ီရိယကို ထပ်ကာအလီလီ…ထပ်ကာအလီလီ မဖြစ်မချင်းလုပ်စွာဟာ ကောင်းကောင်းအခက်အခဲဖြစ်တေ။ လုပ်ကြည့်ကတ်ပါ။ ယင်းပိုင်ယှောင် ၀ီရိယာဓိပတိ ရှိရဖို့။ ဒါ နံပါတ်(၂)အချက်။

နံပါတ်(၃)အချက်က စိတ်တာဓိပတိ။ ” စိတ္တာဓိပဓိ စိတ္တသမ္ပယုတ္တကာနံ ဓမ္နာနံ တံသမုဌာနာနဉ္စ ရူပါနံ အဓိတိ ပစ္စယေန ပစ္စယော” စိတ်ဓါတ်ထက်သန်ရဖို့။ စိတ်ဓါတ်ထက်သန်ဖို့အတွက် ဘိန်း၊ ဘင်းကဇော် မသောက်ရ။ Drug မစွဲရ။ အရက်သေစာသောက်ကေလေ့ အပြင်းအထန်မသောက်ရ။ ယင်းပိုင်ယှောင်ဆိုလို့ရှိကေ စိတ်ဓါတ် ထက်သန်လို့ရရေ။

နောက်တခုက အချက်(၄)က ၀ိမံသာဓိပဓိ။ ပညာနန့် နှိုင်းယှဉ်ပြီး၊ ချင့်ချိန်ပြီးကေ လုပ်ရဖို့။ ပညာဆိုဟာက အ တန်းပညာကို ပြောဟာမဟုတ်။ အတန်းပညာဆိုစွာက သူ့အတန်းနန့်သူ တက်လာစွာ။ ၀ိမံသာဆိုရေပညာက ဘ၀အတွိအကြုံ၊ ဟြိအလားအလာ၊ ကိုယ့်ပါတ်ဝန်းကျင် အခြေအနေတိကိုအားလုံး စူးစမ်းပြီးကေ ကောင်းရေစွာ ကိုလုပ်စွာဖြစ်တေ။ ကောင်းရေကိစ္စကိုလုပ်တေဆိုစွာ ၀ိမံသာဓိပတိ။

ဆရာကြီးပြောချင်ရေအချက်က သုံးလေးငါးချက်လောက်ရာဟိရေ။ အကျဉ်းချုပ်ပြောရကေ ရခိုင်သားမည် သည်မာ တိုင်းပြည်တိုင်းမာ လူနည်းစုဖြစ်တေအတွက်ကြောင့် လူများထက်တော်အောင် ကြိုးစားကတ်ဖို့။ သူ များထက်စည်းရုံးအောင် ကြိုးစားကတ်ရဖို့။ နောက်တခုက ရခိုင်ရိုးမတောင်မာ သဇင်ပန်းတိဟာ လှိုင်လှိုင်ပွင့်နီ ရေပိုင် ဇာနိုင်ငံကိုရောက်ရောက် ရခိုင်သူ၊ ရခိုင်သားတိစွာ စန္ဒကူးနံသာပင်ဖြစ်အောင် ကြိုးစားကတ်ရဖို့။ ယင်းပိုင်ယှောင်ကြိုးစားဖို့အတွက် နံပါတ်(၁) ဆန္ဒဓိပတိကို ဦးစားပီးပါ။ နံပါတ်(၂) ၀ီရိယာဓိပဓိကို ဦးစားပီးပါ။ နံပါတ်(၃) စိတ်တာဓိပတိဖြစ်အောင် ဦးစားပီးပါ။ နံပါတ်(၄) ၀ိမံသာဓိပတိကို ဦးစားပီးပါ။ ယင်းပိုင်ယှောင်ဆိုကေ သုံးလေးငါးနှစ်အတွင်းမာ ရခိုင်ပြည်သူကိုစောင့်ယှောက်နိုင်ဖို့၊ ထိမ်းသိမ်းနိုင်ဖို့၊ အရောင်အ၀ါလေ့တောက်လာ ဖို့လို့ ဆရာကြီးအနီနန့် မိတ္တာလေ့ရပ်ခံရေ၊ ဆက်ပြီးကေလေ့ ကြိုးစားကတ်ဖို့တောင်းပန်ယင်း နိဂုံးချုပ်ပါရ စီ…… အားလုံး..၀မ်းသာပါရေ…..။

(လက်ခုပ်သံတိ xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx)

ဆရာကြီး၏ မိန့်ခွန်းကို မူရင်းအသံအတိုင်းဖြစ်အောင် ကြိုးစားရွီးထားပါရေ။ အမှားအယွင်း တခုခုပါခရေဆို ကေ ပြန်လို့ကူးယူဖော်ပြပီးရေ အကျွန်၏တာဝန်ရာဖြစ်ပါရေ။

History of Arakan

သာသနာ ၂၅၀၀ မော်ကွန်းစေတီတော် ဘုရားသမိုင်းအကျဉ်း

2010-04-01T21:45:00.000-07:00

ရခိုင်ပြည်နယ်၊ကျောက်ဖြူမြို့
သာသနာ ၂၅၀၀ မော်ကွန်းစေတီတော် ဘုရားသမိုင်းအကျဉ်း
(သသနာ(၂၅၀၀)ပြည့်နှစ်၊ ကောဇာ(၁၃၁၈) ခုနှစ်၊ ခရစ်(၁၉၅၆))

နိဒါန်း

ရခိုင်ပြည်နယ်၊ကျောက်ဖြူမြို့၏ အကျော်ဇေယျစေတီများထဲတွင် သာသနာ ၂၅၀၀ မော်ကွန်းစေတီတော်လည်းပါဝင်ပါသည်။ ကျောက်ဖြူမြို့သည် ရခိုင်ကမ်းရိုးတမ်းအနီး၊ ရမ်းဗြဲ့ကျွန်း၏ မြောက်ဖက်စွန်းတွင်တည်ဟိသော ပင်လယ်ကမ်းခြီမြို့ကြီးဖြစ်သည်။ သာသနာ ၂၅၀၀ ရာစေတီတော်သည် ကျောက်ဖြူမြို့၏အနောက်ဖက် နှစ်မိုင်ခန့်အကွာ င/ကျားမော် ပင်လယ်မော်စွန်း (Geogia Point) ပင်လယ်ကမ်းခြီအနီး၊ စေတီယျတောင် တန်း၏တောင်မော်ဦးတွင်တည်ဟိသည်။

သာသနာ ၂၅၀၀ မော်ကွန်းစေတီတော်၏ပုံသဏ္ဍာန်သည် တွိ့မြင်နီကျစေတီပုထိုးတော်၏ပုံ သဏ္ဍာန်မျိုးမဟုတ်ဘဲ မဇ္ဈိမဒေသ ဗုဒ္ဓဂါယာမှ တတိယသံဂါယနာတင် ဒါယကာ သီရိဓမ္မာသောကမင်း၏ ကုသိုလ်တော်မဟာဗောဓိစေတီတော်ပုံ သဏ္ဍာန်တော်ကိုယူ၍ တည်ထားကိုးကွယ်ထားခြင်းဖြစ်သည်။

သာသနာတော်ဝင်စေတီတော်

သာသနာ ၂၅၀၀ မော်ကွန်းစေတီတော်ကို ကောဇာသက္ကရာဇ် ၁၃၁၈-ခု၊ ကဆုန်လပြည့်နိန့်၊ ခရာစ်သက္ကရာဇ် ၁၉၆၅-ခု၊ မေလ(၂၅)ရက် ကြာသပတီးနိန့်၌ ဗုဒ္ဓသာသနာတော်နှစ် (၂၅၀၀)တိတိပြည့်မြောက်သောအထိမ်းအမှတ်၊ ရန်ကုန်မြို့ သီရိမင်္ဂလာကမ္ဘာအီးကုန်းမြီ၊ မဟာပါသာဏလှိုဏ်ဂူတော်တွင်ပြုလုပ်ကျင်းပသော ဆဌသံဂါယနာပွဲသဘင်တော်အထိမ်းအမှတ်၊ အိန္ဒိယပြည်ဗုဒ္ဓဂါယာမဟာဗောဓိ စေတီတော်အနီးတွင်ပြုလုပ်ကျင်းပသော ကမ္ဘာ့ဗုဒ္ဓဘာသာဝင်များနှင့်သာသနာတော် ကိုကြည်ညိုသူများပြုလုပ်ကျင်းပသော ဗုဒ္ဓပူဇယန္တီပွဲတော်အထိမ်းအမှတ်အဖြစ် ပန္နက်ချတည်ထားကိုးကွယ်ခကတ်လီသည်။

ဤစေတီတော်ဖြစ်မြောက်ရေးကိုကျောက်ဖြူမြို့၏ ဂုဏ်ကျက်သဆောင် လူကြီးများ ဖြစ်ကြသော ဒေါက်တာဦးထွန်းမင်း၊ ဦးသာထွန်း(ရာဖြတ်) ဦးဘိုးညွန့်(ရှေ့နီ)၊ ဦးသောကြာအောင်(မြစ်နားတန်း)၊ ဦးစံလှအောင်(ဘီလစ်)ဦးနို့ဒေါင်း(ကျောင်းဆရာ)၊ ဦးမဲအောင်(စိုက်ပျိုးရေး)၊ အစိဟိသူရို့ဦးဆောင်လျက် ကျောက်ဖြူမြို့နဂါးကျောင်းတိုက် ဆရာတော်ဘဒ္ဒ န္တနန္ဒ၊ စေတီယ(ကုမ္ပဏီစဈီး) ကျေးရွာ ကျောင်တိုက်ဆရာတော် ဘဒ္ဒန္တသာကေတရို့ကအမှူးထားလျက် သာသနာတော်၂၅၀၀ မော်ကွန်းစေတီတော်ကို တည်ထားကိုးကွယ်ခဲ့ကြသည်။

ဤစေတီတော်ကို ရမ်းဗြဲ့မြို့ လေးတောင်နယ်မှပန်းပညာသျှင် ဦးတောသာ၊ ဦးချက်ဖား ဦးဆောင်သောအဖွဲ့မှ တည်ဆောက်ခသည်။ စေတီတော်သည် မဟာဗောဓိစေတီတော် ပုံစံမျိုးဖြစ်ပြီး ပလ္လင်ခုံလေးဖက်လေးတန်တွင်ပုံတူစေတီတော်ငယ်လေးဆူသီတင်းသုံး သည်။ပင်မစေတီတော်တွင် အရှေ့၊အနောက်၊တောင်၊မြောက်၊မျက်နှာစာ၌မုခ်တမုခ်စီပါဝင် ပြီး၊ မုခ်တမုခ်စီထဲတွင်ထိုင်တော်မူ ဘူမိဖဿမုဒြာ ဗုဒ္ဓဆင်းတုတော်ငယ်အဆူ(၂၅၀၀) ကျော်သီတင်းသုံးစံပါယ်သည်။

စေတီတော်အရှေ့မုခ်ဟိဗုဒ္ဓဆင်းတုတော်မြတ်သည် အများပြည်သူကောင်းမှုဖြစ်သည်။ တောင်ဖက်မုခ်ဟိ ဗုဒ္ဓဆင်းတုတော်မြတ်သည် ကျောင်းဆရာဦးနို့ဒေါင်းမိသားစု၏ ကောင်းမှုတော်ဖြစ်သည်။ အနောက်ဖက်မုခ်ဟိ ဗုဒ္ဓဆင်းတုတော်မြတ်သည် ပညာရေးဌာန မိသားစု၏ ကောင်းမှုတော်ဖြစ်သည်။ မြောက်ဖက်မုခ်ဟိ ဗုဒ္ဓဆင်းတုတော်မြတ်သည် ကုန်သည် ဦးစိန်နက်မိသားစု၏ ကောင်းမှုတော်ဖြစ်သည်။

ဘုရားကုန်တောက်ထက်သို့ အနောက်မြောက်ဖက်မှ တက်သောအုတ်လှီကားသည် အများပြည်သူကောင်းမှုဖြစ်သည်။ အုတ်လှီကားအထက်ဟိ ဘုံပြဿဒ်ပါ နတ်လမ်းကို ကုန်သည် ဦးမောင်ဟုန်၊ ဒေါ်အလံမိသားစု၏ကောင်းမှုဖြစ်သည်။ ထိုစောင်းတန်းဟိ ရင်ကွဲဇရပ်ကို ရှေ့နီ ဦးဘိုးညွန့်မိသားစုမှလှူဒါန်းသည်။ အုတ်လှီကား ခြီရင်းဟိ အုတ်မုခ်ဝကိုဦးမောင်ခိုင်အမှူးပြုသောမြစ်နားတန်းသားများကလှူဒါန်းသည်။ ထိုမုခ်ဝမှ တောင်ဖက်သို့ကိုက်သုံးရာခန့်အကွာတွင် သစ်သားဇရပ်တဆောင်ကို ယောင်ကြီးဗွေ ဦးအေးထွန်းဦး ဦးဆောင်သောအဖွဲ့မှလှူဒါန်းသည်။ ယင်းဇရပ်အနီးတွင် ရီတွင်းတတွင်းကို အိုးဝေဆီးလိပ်ခုံမိသားစုမှကောင်းမှုပြုသည်။ ဘုရားကုန်းတော်ထက်တွင် သံဃာစင်ပါဇရပ် တဆောင်ကို မအေးမြင့်ဆီးလိပ်ခုံမိသားစုမှကောင်မှုပြုသည်။

ရီစီးတခါ ရီသာတလှည့်

ထိုစဉ်သာသနာ(၂၅၀၀)မော်ကွန်းစေတီပွဲတော်ကို နှစ်စဉ်တပေါင်းလပြည့်နိန့်တိုင်းတွင် ပြုလုပ်ကျင်းပလေ့ဟိပြီး စေတီတော်၏ဘက်စုံဝေယျာဝစ္စကိစ္စရပ်များကို ကျောက်တလုံး ဂေါပကအဖွဲ့မှတာဝန်ယူဆောင်ရွက်ခသည်။

သို့ဖြစ်တိုင်စေတီတော်စောင့်ယှောက်ရေးအတွက်ဂေါပကမျိုးဆက်သစ်မပေါ်လာခြင်း ကြောင့်လည်းကောင်း၊ ဆိုင်ကလုန်းမုန်းတိုင်းကြီး၏ဒဏ်ကိုနှစ်ကြိမ်တိုင်တိုင်ခံစားရခြင်း ကြောင့်လည်းကောင်း၊ တခြားအကြောင်းများကြောင့်လည်းကောင်း၊ စေတီတော်သည် အထိန်းအသိမ်းမဲ့စွာဖြင့်ပျက်စီးယိုယွင်းလျက် ခြုံနွယ်ပိတ်ပေါင်းများစွာလွှမ်းမိုးကြီးစိုးခြင်းကို ခံခရသည်။ မုခ်ကြီးလေးမုခ်ဟိဗုဒ္ဓဆင်းတုတော်များအပါအဝင် ဗုဒ္ဓဆင်းတုတော်များကျိုးပဲ့ ပျက်စီးပရိနိဗ္ဗာန်ပြုခရသည်။ ဇရပ်တန်ဆောင်များသည်လည်းပျက်စီးယိုယွင်းပျောက်ကွယ် ခရသည်။ ဤသို့နှစ်နှစ်သုံးဆယ်ကျော်ကျော်မျှ ဒုက္ကစရိယကျင့်ကြံနီခရသည်။

သာသနာရောင်တော်ဖွင့်

၁၉၉၂ ခု၊ ဖေဖောဝါရီ(၁၅)ရက်နိန့်တွင် ကျောက်ဖြူမြို့လူငယ်လူရွယ်များပါဝင်သောရောင် တော်ဖွင့်ဗုဒ္ဓသာသနာ့ဝေယျာဝစ္စအဖွဲ့သည် သာသနာ(၂၅၀၀)မော်ကွန်းစေတီကုန်းတော် ထက်ကိုရောက်လာပြီးခြုံနွယ်ပိတ်ပေါင်းများခွတ်ထွင်ယှင်းလင်းခြင်း၊ မြီသားပြုပျင်မြီညှိခြင်း၊ စေတီတော်အားရောင်တော်ဖွင့်ခြင်း၊ ကျိုးပဲပျက်စီးနနိန်သည်ကိုပြုပြင်မွမ်းမံခြင်း၊ ကျိုးပဲ့ပျက်စီးနိန်သော ဗုဒ္ဓဆင်းတုတော်များအားပြန်လို့မွမ်းမံခြင်း၊ ဗုဒ္ဓဆင်းတုတော်ကြီးငယ် များအသစ်တဖန်ထုဆစ်သွန်းလောင်းခြင်း၊ ရင်ပြင်တော်အားပြုပြင်မွမ်းမံခြင်း၊ အုတ်လှီကား များအားပြုပျင်မွမ်းမံခြင်း၊ မြီကာနံရံများတည်ဆောက်ခြင်း စသည်ရို့ကိုပြုလုပ်ကြသည်။

တခါ စေတီတော်မြတ်ကို ထုံးသင်္ကန်းကပ်လှူနီရာမှရွှီရောင်သင်္ကန်းကို နှစ်စဉ်ကပ်လှူပူ ဇော်ကြသည်။ စေတီတော်၏မုခ်လေးမုခ်ဟိ ဗုဒ္ဓဆင်းတုတော်များကို ပြုပျင်မွမ်းမံသောအခါ တွင်အရှေ့ဖက်မုခ်ဟိ ဗုဒ္ဓဆင်းတုတော် ဘာလမုဒြာအဖြစ်လည်းကောင်း၊ တောင်ဖက်မုခ်ဟိ ဗုဒ္ဓဆင်းတုတော်ကို ဈာနမုဒြာအဖြစ်လည်းကောင်း၊ အနောက်ဖက်မုခ် ဟိဆင်းတုတော်ကို အဘယမုဒြာအဖြစ်လည်းကောင်း၊ မြောက်ဖက်မုခ်ဟိဆင်းတုတော်ကို ဓမ္မစက္ကမုဒြာအဖြစ်အသစ်ထုလုပ်ပူဇော်ကြသည်။ အရှေ့ဖက်မုခ်ဆင်းတုတော်၏အလှူ သျှင်သည် မူလအလှူသျှင်အများပြည်သူကောင်းမှုဖြစ်သည်။ တောင်ဖက်မုခ်ဆင်းတုတော် ၏အလှူသျှင်သည် မူလအလှူသျှင် ဦးနို့ဒေါင်း(ကျောင်းဆရာ)၏မျိုးဆက်ကုန်သည် ဦးဘိုးကြိုင်၊ ဒေါ်သောင်းစိန်မိသားစုကောင်းမှုဖြစ်သည်။ အနောက်ဖက်ဆင်းတုတော်၏ အလှူသျှင်သည်မူလအလှူသျှင်ပညာရေးမိသားစုကောင်းမှုဖြစ်သည်။ မြောက်ဖက်ဆင်းတု တော်၏အလှူသျှင်သည် အလှူသျှင်သစ် ဦးကျော်မြင့်၊ ဒေါ်သန်းတင်မိသားစုကောင်းမှုဖြစ် သည်။

ဗုဒ္ဓပူဇနိယပွဲတော်

၁၃၅၄ ခု၊သီတင်းကျွတ်ပွဲတော်(၁၉၉၂-ခု၊အောက်တိုဘာလ)မှအစပြုပြီး သာသနာ(၂၅၀၀) မော်ကွန်းစေတီတော်၏ ဗုဒ္ဓပူဇနိယပွဲတော်ကို နှစ်စဉ်နှစ်တိုင်း ဝါကျွတ်ပွဲတော်၌ စည်ကားသိုက်မြိုက်စွာ ကျင်းပမြဲဖြစ်သည်။ ဗုဒ္ဓပူဇနိယပွဲတော်၌ မြို့ထက်ဟိ သီလဝန္တ၊ဂုဏဝန္တ၊ ပညာဝန္တဆရာတော်များအားပင့်ဖိတ်၍ ဗုဒ္ဓဘိသေကအနေကဇာတင်ပွဲ ကျင်းပသည်သာမက ဆွမ်းတော်ကြီးကပ်လှူပွဲ၊ ဆီးမီးတထောင်ပန်းတထောင်ပွဲ၊ မြသပိတ် ကပ်လှူပွဲ၊ ပရိတ်ပဌာန်းရွတ်ဖတ်သဇ္ဈယ်ပွဲ၊ သျှင်ဦးပဂုတ်ဖောင်တော်လှည့်လည်အပူဇော်ခံ ပွဲ၊ သျှင်ဦးပဂုတ်ဖောင်တော်ရီမျှောပွဲပူဇောပွဲများဖြင့် ကျင်းပပူဇော်ကြသည်။ တခါ ပွဲစဉ်တလျှောက်လုံးတွင် ရက္ခဝံသရခိုင်စည်တော်ဖြင့် ဓမ္မပူဇာတီးခတ်ပူးသိမ့်သည်။ ရက္ခဝံသစည်တော်အဖွဲ့သည် ရောင်တော်ဖွင့်ဗုဒ္ဓသာနာ့ဝေယျာဝစ္စအဖွဲ့၏လက်တက် တခုဖြစ်သည်။

..................................................................................
မှတ်ချက်။ ။ရောင်တော်ဖွင့်ဗုဒ္ဓသာသနာဝေယျာဝစ္စအဖွဲ့ ကျောက်ဖြူမြို့မှ သာသနာ ၂၅၄၆၊ ကောဇာ ၁၃၆၄၊ ခရစ် ၂၀၀၂ ခုနှစ်တွင် ရေးသားပူဇော်သော လက်ကမ်းစာစောင်ကိုပြန်လို့ဖော်ပြလိုက်ပါသည်။

ဦးဦးသာထွန်း အတ္ထုပ္ပတ္တိ အကျဉ်း

2010-03-31T21:12:00.000-07:00

ဆရာကြီး ဦးဦးသာထွန်းကို ရခိုင်ပြည်နယ်၊ မြောက်ဦးမြို့ ညောင်ပင်ဈီးရွာ အနီး အဖ ဦးကောင်းစံရွှီ၊ အမိ ဒေါ်အောင်ွ့ကဇံရို့မှ ၁၉၁၇ ခု၊ နိုဝင်ဘာလ ၂၃ ရက်၊ သောကြာနိန့်တွင် ဖွားမြင်ခသည်။ တဦးတည်းသောသား ဖြစ်သည်။ ငယ်စဉ်မှ စ၍ အဘိုးဖြစ်သူ ရာဇဝင် ဆရာကြီး ဦးသာထွန်းအောင်က ရခိုင် ရာဇဝင်၊ ဆီးကျမ်း၊ နက္ခတ်ကျမ်း၊ ပူရာဏ်ကျမ်းများအား နုတ်တိုက်အာဂုံ သင်ကြား ပီးခသည်။ နဝမတန်းတွင် ပညာသင် ကြားနီစဉ် ဖခင် ကွယ်လွန်သောကြောင့် ကျောင်းထွက်လိုက်ရပြီး ရဟန်း ပုဂ္ဂိုလ်ရို့ထံတွင် သက္ကဋ၊ ပါဠိ၊ သမိုင်း၊ အင်း၊ ဗေဒင်နှင့် အခြား လောကီ ပညာရပ်များကို သင်ကြား လေ့လာ ဆည်းပူးခသည်။

၁၉၅ဝ ခုနှစ်မှ ၁၉၅၅ ခုနှစ်ထိ မူလတန်း ကျောင်းဆရာ အဖြစ် ဝင်ရောက် လုပ်ကိုင်ခပြီး၊ ၁၉၅၅ ခုနှစ်မှ ၁၉၇၇ ခုနှစ်ထိ မြောက်ဦးမြို့ ရှေးဟောင်း သုတေသန ဌာနခွဲတွင် ရခိုင် မြန်မာ ပဏ္ဍိတ် အဖြစ် တာဝန် ထမ်းဆောင်ခသည်။ ယခုလက်ဟိ မြောက်ဦး ရှေးဟောင်း သုတေသန ပြတိုက်ကြီးသည် ဆရာကြီး စုဆောင်း တည်ဆောက်ခသော ပြတိုက်ကြီး ဖြစ်သည်။

၁၉၇၇ ခုနှစ် မှ ၁၉၈၃ ခုနှစ်ထိ မြောက်ဦးမြို့ ရှေးဟောင်း သုတေသန ဌာနခွဲတွင် အကြံပီး ပုဂ္ဂိုလ် အဖြစ် ဆက်လက် တာဝန် ထမ်းဆောင်ခသည်။

၁၉၈ဝ ခုနှစ်မှ ၁၉၈၃ ခုနှစ်ထိ တူးဖော်ခသော ရခိုင် ဝေသာလီမြို့ဟောင်း တူးဖော်မှု လုပ်ငန်းတွင် ကိုယ်တိုင်ကိုယ်ကျ ပါဝင် တူးဖော် ဆောင်ရွက်ခသည်။

မြောက်ဦးမြို့ ဘုရားသမိုင်း (၁၃ဝ၁ ခုနှစ် ပုံနှိပ်)၊ ဦးရာဇ် တောင် ဘုရား သမိုင်းကျမ်း ပြင်ဆင် ဖြည့်စွက်ချက် (ပုံနှိပ်) (၁၉၅၂ - ၅၃)၊ ရက္ခိုင် အမျိုးသမီး သူရဲကောင်း အတ္ထုပတ္တိ (၁၉၅၃ - ၅၄) (ပုံနှိပ်)၊ ရက္ခိုင် ရာဇဝင် သင်္ခေပကျမ်း (၁၉၅၄ - ၅၅) ပုံနှိပ်၊ ဝသဲ ဘုရားသမိုင်း (ပုံနှိပ်)၊ ရှင်သတ် ဘုရားသမိုင်း (ပုံနှိပ်) များအား ပုံနှိပ် ထုတ်ဝီခသည်။ ရက္ခိုင် ကဗျာပေါင်းချုပ်၊ ရက္ခိုင် ရာဇဝင် ဘာသာပြန်၊ ရက္ခိုင်ဒင်္ဂါးများ (ဘာသာပြန်)၊ ရက္ခိုင် ဓာတ်တော်ဘုရား စေတီများနှင့် မြောက်ဦးမြို့ တန်းခိုးကြီး ဘုရားများ၊ သမိုင်း ကျမ်းစာများကို ရေးသား ပြုစုပြီး ဘဏ္ဍာရေး ဝန်ကြီး ဆာဦးထွန်းအောင်ကျော် ထံတွင် အပ်ခသည်။

အံတော်သိမ် ဘုရားသမိုင်းကျမ်း၊ သဲထက် ဘုရားသမိုင်း၊ ထီးတော်မိုး ဘုရားသမိုင်း၊ ဘောင်းဒွတ်နတ်တောင် ဘုရားသမိုင်း၊ ဝေသာလီ ဘုရားကြီးသမိုင်း၊ သိမ်တော်ကြီး ဘုရားသမိုင်း၊ မဟာထီး ဘုရားသမိုင်း၊ ပါးတော် ဘုရားသမိုင်း၊ ဘုရားပေါ် ဘုရားသမိုင်း၊ သျှစ်သောင်း ဘုရားသမိုင်း၊ မင်္ဂလာ ဓာတ်ရွှေကူ ဘုရားသမိုင်းများကို လင်္ကာ စကားပြေ မော်ကွန်း စသည့်တို့ဖြင့် ရေးသား ထုတ်ဝေခဲ့သည်။

ဓညဝတီ မဂ္ဂင်း စာတည်း၊ အယ်ဒီတာ အဖြစ် တာဝန်ယူ ထုတ်ဝေခဲ့သည်။ ဓညဝတီ စာစောင်၊ ဓညဝတီ မဂ္ဂဇင်း၊ ရခိုင်တန်ဆောင် မဂ္ဂဇင်း၊ မန္တလေး ပြည်သူ့ဂျာနယ်၊ ရန်ကုန် မဂ္ဂဇင်း၊ စုံထောက် မဂ္ဂဇင်း၊ ယဉ်ကျေးမှု စာစောင်၊ ရခိုင် မဂ္ဂဇင်း၊ စစ်တွေ ကောလိပ် မဂ္ဂဇင်း၊ ရခိုင် ပြည်နယ် စာစောင်၊ ဝရာဇ်မြေ မဂ္ဂဇင်းများတွင် ဦးဦးသာထွန်း၊ ဦးသူရိယ အစဟိသော ကလောင် အမည်များဖြင့် ဆောင်းပါးများ ရေးသားခသည်။

မြို့စောင့်နတ် ဒေဝတာဗလီ ပူဇော်ကျမ်း၊ အဉ္ဇန နိဒါန်း ဆီးကျမ်း၊ ရခိုင်စည် ပြုလုပ်ပုံနှင့် တီးကွက်၊ တီးလုံးများ၊ ကဗျာများ စုပေါင်း စာတမ်း၊ ရခိုင် ထိမ်းမြားမင်္ဂလာ ပန်းတျား တီးလုံး၊ တီးကွက်နှင့် ပြုလုပ်ပုံ အတိုင်းအတာ စာတမ်း၊ ရခိုင် သတ်ပုံ သတ်ညွှန်းခွဲထားခြင်း အဓိပ္ပာယ်ထွက်ပုံ စာတမ်း၊ ရခိုင်ပလွီ (ပြွီ) အမျိုးမျိုး ပြုလုပ်ပုံ အတိုင်းအတာ စာတမ်း၊ သျှိုင်ဒိုင်၊ ကောက်ဦးဆွမ်းတင်၊ ပိုးဝါ၊ ဗုဒ္ဓ ပူဇနိယ ဆီမီးခွက် အက၊ တေးခြင်းကဗျာ စသည်ရို့ကို ရေးသား ပြုစုခသည်။

ဆင်ယင် ထုံးဖွဲ့မှုကျမ်း (မူကြမ်း)၊ ရခိုင် ရာဇဝင် (မူကြမ်း)၊ ရခိုင်အက္ခရာ ဆင်းသက်လာပုံကျမ်း (မူကြမ်း)၊ ရခိုင် ကျောက်စာ ပေါင်းချုပ်ကျမ်း (မူကြမ်း)၊ ရခိုင်ဘုရင် သမိုင်းကျမ်း (မူကြမ်း)၊ ရခိုင်သား ဒေါင်းမာတင် (မူကြမ်း)၊ သျှင်မြဝါကျမ်း (မူကြမ်း)၊ ရခိုင်မင်းသမီး ဧချင်း ယှင်းလင်းချက် (မူကြမ်း)၊ ဗျာလစာတမ်း (မူကြမ်း)၊ ကျောက်တော်မြို့ သေလာဂီရီ မောပဗ္ဗတ တောင်ခြီရင်းမှ တွိ့ခရသော ကျောက်ဆစ်လက်ရာများ သုတေသနပြုချက် (မူကြမ်း) စသည်ရို့ကို ရေးသား ပြုစုခသည်။

သြစတြေးလျနိုင်ငံ အမျိုးသား တက္ကသိုလ် သုတေသီ PAMELA GUTMAN ၏ ANCIENT ARAKAN ကျမ်း ပြုစုစဉ်တွင် လည်းကောင်း၊ ပြင်သစ်နိုင်ငံ၊ ပါရီမြို့မှ ပါမောက္ခ ရောဖတ်ဆာဗ်ရ် (BERNOT) အတွက် ရခိုင်ပုံပြင် လိပ်ကန်ဖာမ ဝတ္ထုနှင့် ကျီးဖြူရွာ စာတမ်းများကို လည်းကောင်း၊ ပြင်သစ်နိုင်ငံ ပါမောက္ခ ဦးလှသိန်း (ခေါ်) ဂျွန်န်အိုကဲလ်ဖို့၏ စေတီ အဆောက်အအုံနှင့် နန်း အဆောက်အအုံ စာတမ်းကို လည်းကောင်း၊ အမေရိကန်နိုင်ငံ အာယှဖောင်ဒေးယှိန်း အတွင်းရေးမှူး ဒေးဗစ်စတိမ်းဗာစ်၏ ဝေသာလီ ကျောက်ရုပ်တု ဆင်းတုများ၏ နှစ်ပေါင်း ကြာညောင်းမှုအား တိုင်းတာမှု စာတမ်းကို လည်းကောင်း၊ ဂျပန်နိုင်ငံ ပါမောက္ခ အိုနို တိုရရူနှင့် ရခိုင် စကားပြော လီယူလီသိမ်း အသံထွက်ပုံ စာတမ်းနှင့် ဘောင်းဒွတ် အရပ်တွင် ဟိသော ဒတ်ခ်ျ ကောင်ဆယ်လာ အဆောက်အအုံ ပုံစံနှင့် ကူးသန်း ရောင်းဝယ်ခပုံ စာတမ်းကို လည်းကောင်း ရေးသား ပြုစုရာတွင် ကူညီခသည်။

နိုင်ငံတော် အစိုးရ ယဉ်ကျေးမှု ဌာနနှင့် အခြား ပုဂ္ဂိုလ်ရို့ကိုလည်း ဆရာကြီးသည် ကူညီပီးခသည်။ ဦးမင်းနိုင်၏ ပြည်ထောင်စု အကပဒေသာ စာအုပ် (၁၉၅၉)၊ ရခိုင် တိုင်းရင်းသား လူမျိုး ဖြစ်စဉ်နှင့် ဓလေ့ထုံးစံများ စာအုပ်၊ တိုင်းရင်းသား ယဉ်ကျေးမှု ရိုးရာ ဓလေ့ထုံးစံများ၊ ရခိုင်ပြည်နယ် ဘဏ္ဍာတိုက်ကြီးများကျမ်း၊ ရခိုင်ရိုးရာ စည်တော်နှင့် တူရိယာ တီးကွက်များ စာတမ်း၊ မြန်မာ ဝေါဟာရ အဘိဓာန်ကျမ်း ပြုစုစဉ် ဝေါဟာရ စာလုံးများ ပြုစုပြီး ပီးပို့ခြင်း၊ ရခိုင် ဝေါဟာရ အဘိဓာန် ပြုစုစဉ် ဝေါဟာရ စာလုံးများနှင့် အဓိပ္ပါယ် ဖွင့်ဆိုချက်၊ ကျမ်း ကိုးကားချက်များ စာအုပ် ပြုစုခြင်း၊ ၁၉၇၆ - ၇၇ ခု ရခိုင်ပြည်နယ်နိန့်၊ ရခိုင်ပြည်နယ်၊ တံဆိပ်၊ ရခိုင်ရိုးရာ ကျား/မ ဝတ်စုံ စာတမ်း၊ ရခိုင်ပြည်နယ် ဖြစ်စဉ်သမိုင်း၊ မြောက်ဦးလမ်းညွှန် စသည်ရို့ကို ပါဝင် ကူညီ ရေးသား ပြုစုခသည်။

အထက်တန်း ပညာ ဦးစီးဌာန ညွှန်ချုပ် (ငြိမ်း) ပါမောက္ခ ဦးစံသာအောင် အတွက်လည်း ၁၉၇၂ ခု အဘိဓမ္မာ ကောက်နုတ်ချက် ပုရပိုက်ကို မိုက်ခရိုဖလင် ရိုက်နှိပ်ရန် အတွက် လည်းကောင်း၊ ဂ(က)ဝိကဏ္ဍ ပါသဏကျမ်း ပီမူကို မိုက်ခရိုဖလင် ရိုက်နိုင်ရန် လည်းကောင်း၊ လျှိုဝှက်ကျောက်စာ ဂဏန်းရေးနည်း ပီမူကို မိုက်ကရိုဖလင် ရိုက်ရန် လည်းကောင်း၊ အေဒီ ၆ ရာစုနှင့် ယင်းမတိုင်မီက ရခိုင်ပြည်နယ်သုံး အက္ခရာစာအုပ် ပြုစုရာတွင် လည်းကောင်း၊ အနန္ဒစန္ဒြား ၈ ရာစု ရခိုင် ဝေသာလီ စာအုပ် ပြုစုရာတွင် လည်းကောင်း၊ ရခိုင်ဒင်္ဂါးများ သမိုင်း ပြုစုရာတွင် လည်းကောင်း၊ ဗုဒ္ဓ အနုပညာ (Buddhist Art of Ancient Arakan) စာအုပ်ပြုစုရာတွင် လည်းကောင်း ပါဝင် ကူညီခသည်။

၁၉၅၉ ခုနှစ်မှာ မြန်မာ့ အသံ ရေဒီယိုမှ ရခိုင်အသံကို အစဆုံး အသံလွှင့်ခသည်။ တိမ်မြှုပ် ပျောက်ကွယ် လားခပြီး ဖြစ်သော ရခိုင်ယဉ်ကျေးမှု အမွီအနှစ်၊ ရခိုင်သမိုင်း၊ ရခိုင့်စာပီ၊ ရခိုင့်ရိုးရာ ဓလေ့ ထုံးတမ်းစဉ်လာများအား ကမ္ဘာက သိအောင် ရှာဖွီစုဆောင်း လေ့လာ ဖော်ထုတ်ခသည်။ ထိန်းသိမ်း စောင့်ချောက်ခသည်။ ရခိုင်သူ၊ ရခိုင်သားများကိုလည်း ရခိုင့်ယဉ်ကျေးမှု အမွီအနှစ်၊ ရခိုင့်သမိုင်း၊ ရခိုင့်စာပီ၊ ရခိုင့်ရိုးရာ ဓလေ့ထုံးတမ်းစဉ်လာ ဖော်ထုတ် ထိန်းသိမ်း ကာကွယ် စောင့်ရှောက်ရန်လည်း အမြဲ ဆော်သြခသည်။

ဆရာကြီး သည် ရခိုင့် ယဉ်ကျေးမှု အမွီအနှစ်၊ ရခိုင့်သမိုင်း၊ ရခိုင်စာပီ၊ ရခိုင့်ရိုးရာ ထုံးထမ်းစဉ်လာများကို ဖော်ထုတ်ခသော ဖခင်ကြီး ဖြစ်သည်။

ဆရာကြီးသည် ရခိုင် ဒီမိုကရေစီ ရဟိရေး၊ တိုင်းရင်းသားများ တန်းတူ အခွင့်အရေး ရဟိရေး အတွက်လည်း စွမ်းစွမ်းတမံ ရှေ့တန်းမှ ဦးဆောင်ဦးရွက် ဆောင်ရွက်ခသည်။ ရခိုင် ဒီမိုကရေစီ အဖွဲ့ချုပ်တွင် နာယကကြီး အဖြစ် ထမ်းဆောင်ခပြီး၊ ကျောက်တော်မြို့ မဲဆန္ဒနယ် အမှတ် (၁) တွင် ပြည်သူ့ လွှတ်တော် ကိုယ်စားလှယ်လောင်း တဦးလည်း ဖြစ်သည်။ ဆရာကြီးသည် ရခိုင် ဒီမိုကရေစီ အဖွဲ့ချုပ်၏ စည်းရုံးရေး ခရီးစဉ် အဖြစ် အနယ်နယ် အရပ်ရပ်သို့ မဲဆွယ် တရားဟော ထွက်စဉ် မင်းပြားမြို့နယ်၊ ပြားချောင်း ကျေးရွာ မဲဆွယ် တရားဟောပွဲတွင် တရားဟော နီစဉ် ဖမ်းဆီးခံရပြီး ထောင်သွင်း အကျဉ်းချ ခံခရသည်။

ဆရာကြီးအား အမျိုးသားရေး တရားဟောသည် စသည်ဖြင့် အမျိုးမျိုး စွဲချက်တင်ပြီး ဖမ်းဆီးခခြင်း ဖြစ်သည်။ နဝတ/ နအဖ စစ်အစိုးရ၏ တိုင်းပြည်အပေါ် မတရား စော်ကားမှုများကို ဆရာကြီး၏ အချက်ကျကျ ဝေဖန် ဟောပြောမှုများကြောင့် နဝတ/ နအဖ စစ်ဝါဒီများ၊ ဗမာ လူမျိုးကြီး ဝါဒီများအား အနာပေါ် ဒုတ်ကျသကဲ့သို့ ဆတ်ဆတ်ထိ မခံမရပ်နိုင် ဖြစ်ခရသည်။

ယင်းကြောင့် ဆရာကြီးအား အငြိုးထားကာ မတရား ဖမ်းဆီးခခြင်း ဖြစ်ပြီး ထောင်ဒဏ် ၃ နှစ် အပြစ်ပီးကာ စစ်တွေထောင်တွင် အကျဉ်းချ ထားခသည်။ ထောင်ကျပြီး ၅ လ အကြာ ၁၉၉ဝ သြဂုတ် ၁၄ တွင် ကွယ်လွန်ခသည်။ (ထောင်ထဲတွင် နဝတ/ နအဖ စစ်ဝါဒီများက ဆရာကြီးအား ထမင်းကျွေးရာတွင် စိန် အစ ဟိသော အဆိပ်ပါသည့် အစားအစာများအား နိန့်တိုင်းပိုင်ချောင် စကေချေ ထည့်ကျွေး လုပ်ကြံခသည်ဟု ရခိုင် အမျိုးသားများက ယုံကြည်နီကြသည်။)။ ယကေလေ့ နဝတ/ နအဖ စစ်ဝါဒီများက ဆရာကြီး သီဆုံးရခြင်းသည် ဦးဂေါင်းတွင် သွီးမတိတ်သည့် ရောဂါ (Cerebral Haemorrhage) ဖြင့် အကျဉ်းထောင် ဆီးရုံတွင် သီဆုံးခရခြင်း ဖြစ်ကြောင်း The Truth အမည်ရှိ ဆောင်းပါးများကို လုပ်ကြံ ဖန်တီး ရေးသားခသည်။

ဆရာကြီး၏ အလောင်းကို သူ၏ဇာတိ ချက်ကြွီ မြောက်ဦးမြို့သို့ ယူဆောင်လာခပြီး ဆရာကြီး အလွန် တန်ဖိုးထားခသော ရန်အောင်ဇေယျ (ခေါ် ) သျှစ်သောင်း ပုထိုးတော်ကြီး ဘုရားရိပ်တွင် မြီမြှုပ် သင်္ဂြိုဟ်ခသည်။

ရခိုင်ရာဇဝင်သစ်ကျမ်း ဒုတိယတွဲ- ရမ်းဗြဲ့တောင်ကျောင်းဆရာတော် စန္ဒမာလာလင်္ကာရ

2010-03-31T20:39:00.000-07:00

Arakan New History by Sarardaw Sandamalalankara

နအဖ ရွေးကောက်ပွဲ အပေါ် ဝါရင့် ရခိုင် နိုင်ငံရေးသမား ခိုင်ကျော်ခိုင်၏ အမြင်

2010-03-30T06:59:00.000-07:00

3/30/2010

ဦးခိုင်ကျော်ခိုင်သည် ၂၀၀၇ခုနှစ် ရွှေဝါရောင်တော်လှန်းရေးမှာ ရဟန်းဘဝနန့် စစ်တွေမှာ တက်ကြွစွာ ပါဝင်ခရေ အတွက် စစ်အာဏာပိုင်တိ၏ ဖမ်းဆီးခြင်းကို ခံခရပြီး ထောင် ၂နှစ်ခွဲ ချမှတ် ခံခရပါရေ။ ထောင်က လွတ်လာပြီးရေ နောက်ပိုင်းမှာလည်း ထောက်လှမ်းရေးတိက အနံ့ခံ လိုက်နီရေ အတွက် ပြည်တွင်းထဲမှာ မနေနိုင်ဘဲ စစ်တွေကနေပြီး ဘင်္ဂလာဒေ့ခ်ျကို ထွက်ခွာလာခရသူ တဦး ဖြစ်ပါရေ။ အဂုအခါ ခိုင်ကျော်ခိုင်စွာ ဘင်္ဂလာဒေခ်ျ့ နိုင်ငံ ဖလောင်းချိတ်မြို့မှာ နီထိုင်ပြီးကေ ကျောင်းဆရာ လုပ်နီပါရေ။ သူ့ကို ဒေနှစ်မှာ ကျင်းပ ပြုလုပ်ဖို့ ပျင်ဆင် နီရေ နအဖ ရွေးကောက်ပွဲနန့် ပတ်သက်ပြီးက ဇာပိုင်ပြောချင်ပါရေလဲလို့ နိရဉ္စရာက မိန်းကြည့်ရေအခါ သူက အဂုပိုင် စပြောပါရေ။

ဖြေ။ ကျွန်တော်ရို့ အဓိကပြောချင်စွာက မြန်မာနိုင်ငံမှာ ရခိုင် အမျိုးသားတိစွာ နအဖ စစ်အုပ်စု လက်ထက်မှာ မကြုံဖူးအောင် အထူး ဖိနှိပ်မူတိနန့် ရင်ဆိုင် ကြုံတွိ့ နီကတ်ရ ပါရေ။ စီးပွားရေး၊ ပညာရေး၊ ကျန်းမာရေးက အစ နီရာတိုင်းမှာ အခက်အခဲ အမျိုးမျိုးနန့် တွိ့ကြုံ နီကတ် ရစွာလည်း ဖြစ်ပါရေ။ အဂု ကျွန်တော်ရို့ ရခိုင်အမျိုးသားတိ အနီနန့် ဒေရွှေးကောက်ပွဲဆိုင်ရာ ဥပဒေကို မဆန့်ကျင် မကန့်ကွက်ဆိုလို့ဟိကေ ကျွန်တော်ရို့ သားစဉ်မြီးဆက် စစ်ကျွန်ဘ၀က လွှတ်မြောက်ဖို့စွာ မဟုတ်ပါ။ ယင်း ဥပဒေအတိုင်း ကျွန်တော် ရို့ ဆက်လိုက်လားဖို့ဆိုကေ ကျွန်တော်ရို့ အားလုံး စစ်ဖိနပ်အောက်က လုံးဝလွှတ်မြောက်လိမ့်မည် မဟုတ်ပါ။ ကျွန်တော်ရို့ ရခိုင်လူမျိုး တိစွာ တချိန်ခါက ကိုယ့်မင်း၊ ကိုယ့်ချင်း၊ ကိုယ့်ယဉ်ကျေးမှု၊ ကိုယ့်စာပီနန့် နီလာခရေ လူမျိုး တမျိုးပါ။ အခုအခါ နအဖ စစ်အစိုးရ လက်အောက်မှာ ကျွန်သပေါက် ဘဝကို ရောက်နီကြရစွာက ကကောင်း ဝမ်းနည်းဖို့ကောင်းပါရေ။ ယင်းအတွက်ကြောင့် ကျွန်တော်ရို့ကို ဆက်ပြီးကေ ကျွန်ပြုဖို့ ဒေရွေးကောက်ပွဲ ဥပဒေကို ဘင်္ဂလာဒေ့ခ်ျနိုင်ငံမှာရောက်နီကတ်တေ ရခိုင်ဒီမိုကရေစီ အင်အားစုတိ အနီနန့် ဆန့်ကျင် ကန့်ကွက်နီရစွာ ဖြစ်ပါရေ။ ရခိုင်ပြည်ထဲမှာ ဆိုလို့ဟိကေ ကိုယ်ပြောချင်စွာ ကိုပြောလို့မရ။ ကိုယ်လုပ်ချင်စွာကိုလည်း လုပ်လို့မရ။ တရားသဖြင့် ဆိုစွာမျိုးကိုလည်း လုပ်ကိုင်လို့ မရ။ ယင်းအတွက်ကြောင့် ပြည်ထဲမှာဟိရေ ရခိုင်ပြည်သူတိနန့် ဒီမိုကရေစီ ရဲဘော် ရဲဘက်တိ၏ ဆန္ဒ အရ ကျွန်တော်ရို့ ဒေရွေးကောက် ပွဲဆိုင်ရာ ဥပဒေကို ဆန့်ကျင်ရခြင်း ဖြစ်ပါရေ။

မိန်း။ ရခိုင်နိုင်ငံရေးသမား တချို့က အဂုအခါ ပါတီတိဖွဲ့ပြီးကေ ပါတီမှတ်ပုံတင်ဖို့နန့် လာဖို့ ရွေးကောက်ပွဲမှာ ပါဝင်ယှဉ်ပြိုင်ဖို့ ပြုလုပ်နီကတ်စွာတိကို တွိ့မြင်နီရပါရေ။ ယင်းအပေါ်မှာ ဇာပိုင်မြင်ပါရေလဲ။

ဖြေ။ ။ကျွန်တော်ရို့ကတော့ခါ နအဖ ချမှတ်ထားရေ ရွှေးကောက်ဥပဒေ၊ သူရို့ရေးဆွဲထားရေ ဖွဲ့စည်းပုံ၊ သူရို့ ပြုလုပ်ဖို့ ရွေးကောက်ပွဲ အတိုင်း ရခိုင် လူမျိုးတိ လိုက်လုပ်ကေတော့ခါ သူရို့၏ စစ်ဖိနပ်အောက်က တခါလည်း လွှတ်မြောက် နိုင်ဖို့ မဟုတ်ရေပိုင် ဆက်ပြီးကေ ကျွန်ပြုခံနီကတ်ရဖို့ ဖြစ်ပါရေ။ ယင်းအတွက်ကြောင့် ဇာရခိုင်အမျိုးသားမှ သူရို့ကျင်းပဖို့ ရွေးကောက်ပွဲမှာ မပါဝင်စီချင်ရေပိုင် ဆန့်ကျင်ပြီးကေ လုံးဝ(လုံးဝ) ကန့်ကွက်စီချင်ပါရေ။

မိန်း။ အခု ပြောနီကတ်စွာက ရွေးကောက်ပွဲကို လက်မခံကေ ရွီးချယ်စရာ တခြားလမ်းမဟိ။ ယင်းအတွက်နန့် ရွီးကောက်ပွဲကို ဝင်သင့်ရေလို့လည်း ပြောနီကတ်သူတိဟိပါရေ။ ယင်းအပေါ်မှာ ဇာပြောချင်ပါရေလဲ။

ဖြေ။ ။ကျွန်တောရို့ ရခိုင်အမျိုးသားတိအတွက်က တခုလည်းမထူးပါ။ ဒေရွေးကောက်ပွဲ ဥပဒေကို ထောက်ခံကေလည်း သူရို့ဘားမှာ ကျွန်ပါရာ။ ရွီးကောက်ပွဲ ဝင်ကေလည်း ကျွန်သပေါက် ဘဝပါရာ။ မဝင်ကေလည်း ကျွန်သပေါက် ဘဝပါရာ။ ယင်းအတွက်ကြောင့် ခု နအဖက ပြုလုပ်ဖို့ ရွှီးကောက်ပွဲကို ထောက်ခံကေ သူရို့ ကျွန်ပြုစွာကို သဘောတူရေပိုင် ဖြစ်သလားနိုင်ရေ အတွက် ကျွန်တော်ရို့ ရခိုင်အမျိုးသားတိအတွက် တကယ့်ကို နစ်နာလားစီနိုင် ပါရေ။ ကျွန်တော်ရို့၏ သဘောထားက သူရို့ကို မကြိုက်ဆိုကေ မကြိုက်။ သူရို့ ရွီးကောက်ပွဲ လုပ်လုပ် မလုပ်လုပ် မင်းရို့ဘာသာ မင်းရို့လုပ်စွာ။ ငါရို့ လူမျိုးနန့် မဆိုင်။ မတတ်သာလို့ငုံ့ခံနီရစွာ။ သူရို့လုပ်စွာကို တမျိုးသားလုံး အနီနန့် မကြိုက်ဆိုရေ သဘောထားကို ပြရဖို့။ ဆန့်ကျင်ရေ သဘောထားကို ပြရဖို့။ယင်းပိုင် လုပ်ရေ အပေါ် ကျွန်တော်ရို့ကတော့ခါ ကြေနပ်ပါရေ။ သူရို့ (နအဖ) ဘားမှာ ဒူးထောက်ပြီးကေ အညံ့ခံပြီး ရွီးကောက်ပွဲ ဝင်ဖို့ဆိုကေတောခါ့ သူရို့ သဘော အတိုင်းသာ ဖြစ်လားပါဖို့။

မိန်း။ နောက်ဆုံး အနေနဲ့ လာမယ့် နအဖ စစ်အစိုးရရဲ့ ရွေးကောက်ပွဲနဲ့ ပတ်သက်ပြီးတော့ ရခိုင်ပြည်သူလူထု အပေါ်မှာ ဘာတွေပြောချင်ပါသလဲ။

ဖြေ။ ။ရခိုင်ပြည်သူ ပြည်သား အားလုံးကို ပြောကြားချင်တာက ကျွန်တော်တို့ ရခိုင်လူမျိုးဟာ ကိုယ့်မင်း၊ ကိုယ့်ချင်း၊ ကိုယ့်စာပေ ကိုယ်ယဉ်ကျေးမှုနဲ့ နေလာခဲ့တဲ့ လူမျိုးတမျိုးဖြစ်ပါတယ်။ “ရခိုင်” ဆိုတာ အမျိုးဘာသာ သာသနာကို စောင့်ထိန်းတဲ့ လူမျိုးပါ၊ အဲဒီအတွက်ကြောင့် ကိုယ်ဟာ ဘာလဲ၊ ကိုယ်ဟာ ဘာလူမျိုးလဲဆိုတာကို ပြန်သုံးသပ်ပြီးတော့ ရခိုင် ဆိုတဲ့ အသိနဲ့ အညီ အတူတကွ လက်တွဲပြီးတော့ ညီညီညွတ်ညွတ်နဲ့ နေထိုင် လုပ်ကိုင်ကြဖို့ လိုပါလိမ့်မယ်လို့ ပြောကြားလိုပါတယ်။

( ပြီး)

ကိုမင်းဆက်ခိုင် မေးမြန်းသည်။

(Ref: Narinjara)

ရခိုင်မင်းသမီးဧချင်း

2010-03-28T05:35:00.000-07:00

Arakanese Princess AyeChun (ရခိုင်မင်းသမီးဧချင်း)